華記小食店

營業中

休息中

華記小食店是我每星期總會光顧一, 二次的車仔麵店，由於他們新年放兩星期假，所以要到上星期日才再次光顧，早上約十二時到達，嘩....................，非常多人，龍尾排到出路口，差不多排了十五分鐘，食這碗麵真不易啊！下次都係要早D喇。這次點了我的至愛蘿蔔，牛腩，豬腸，菜，貢丸及雞翼等。麵選擇蛋粗麵配：蘿蔔：一如以往，清甜可口，每次必食豬腸：入味，無騷味，最緊要乾淨，新鮮的豬腸真係不同，極力推薦菜：是介蘭苗，無渣，爽脆貢丸：須然現成來貨，但肉質彈牙，有濃濃的香菇味，一般車仔麵小有食到這樣的質感牛腩：肥瘦適中的牛腩和香噴噴的牛肉味，咬入口滲透出的肉汁，非常正斗雞翼：每次都是即叫即炸的，非常鬆脆及juicy加咖喱汁和這裡自的辣椒油(食得辣一定要加，不過加咖喱汁要加一元，辣椒油就不另加收費)結賬盛胃四十二元本來還有其它喜愛的食物，如咖喱尤魚、水餃、牛膀、咖喱魚蛋、蟹子丸、魚餅..........等等，但由於要減肥，只好下次再吃這次最特別的是發現了那個漉麵師父唔同，這個師父的技術明顯好過以前，往日經常不夠熱及麵身過硬的缺點都改善了，總括來說，食物的質和量有所提升，感覺得到食物的調

今日十月一日國慶假期，天氣又清爽， 揀食華記車仔面係最佳嘅選擇我同女朋友各自ordered了兩碗車仔面，當然一定點了我至愛嘅豬腸，華記嘅豬腸絕對唔龢，真係非吃不可!女朋友就至鍾意吃華記嘅蘿蔔同粟米餅。每次嚟幫襯啲蘿蔔又"林"又入味...好juicy，不過今日我地嚟遲咗，ordered唔到粟米餅，佢地啲炸物好受歡迎，賣完就冇，想食就要早啲我地仲點了兩款由華記王子主理嘅特式小吃：心太軟同阿修羅雞翼心太軟：一般人以為心太軟就係甜品，華記嘅心太軟係用鯪魚肉打成一個個乒乓球狀嘅鯪魚球，一啖咬落去外脆內軟，真係停唔到口！ 阿修羅雞翼：其實叫魔鬼雞翼，改這個名絕對係正確不過，主理嘅王子話魔鬼雞翼有份三等級，阿修羅只係入門級，但已經另我同女朋友舉手投降，一咬落去外層香脆非常，之後“阿修羅”嘅感覺即刻出嚟，那種麻辣嘅感覺很快報滿在舌頭上，再加上雞肉又嫩又滑，真係一隻雞翼食出咁多感覺！再配上冰凍清新嘅檸檬茶，即刻醒神哂!

因為要做職前驗身.我一早到了青衣.事前一晚我已看地圖.看一看呢間店附近有什麼建築物.由青衣城行去涌美老屋村大約15分鍾.到了也要行到最盡頭先見到呢間店.真係隱世食店.而環境也是露天的.自助點完食物.俾完錢.自己找位坐...當日我突然好建談,等食物其間.不停同店主,2母子傾計.他們透露最遠來的客人住淺水灣.我去的時候.只是下午一時..食物已賣去8成...究竟呢間店有什麼吸引?這個報導是講1個子承父業的故事.子承父業在現今社會係好難得的.呢間店的兒子是眼見父親打出名堂的車仔麵店將近失去.才決定子承父業.居住在深圳.有份工是做化妝品生意.也決定子承父業.1日做18個鍾.不停試味.期望的只係做到父親的味道.有一天..有客人同佢地講.做到了..是他們堅持的原動力.令人反思..有些人期望一生不工作..想要錢,想要潮流產品開聲就有..這是短暫的快樂人生.人始終要靠自己捱.世上千千萬萬人也同樣地捱..風雷辣椒油:我當日要去夜街.若果不是我一定買返屋企..辣味不算足夠反而香味夠.只是一至二滴.入口香濃..令碗麵生色不少..剛剛都講過..1點到現場.剩低食物已經好少...點了豬腸,牛腩..菜肉餃.加河粉!

喜歡食車仔麵既我, 專誠去涌美尋找美食~本人叫左3餸:炸墨魚 - 普普通通;豬紅 - 平平豬皮 - 好淋, 好入味最正都係個咖哩汁, 個湯幾濃, 不錯~家人都係叫左3餸:豬大腸 - 係用新鮮大腸, 好入味~蘿白 - ok好味, 無根;菜肉餃 - 普普通通;個湯落腩汁, 都不錯~天使雞翼 - 好味, 推介;唔使等位, 但食麵期間....好多蚊, 惹蚊人士要著長袖衫啊~

好多人等, 等左成20分鐘都有, 得2個人整, 佢地又慢條斯理咁諗住叫豬扒, 又冇, 叫天使雞翼, 又冇又話出名ge?出名好快賣晒??賣晒就唔整, 賣晒就算跟住米線又冇, 只好求其油麵.牛肚 牛腩 牛筋 均售$10 像是招牌名菜但食落又覺得冇乜特別, 唔知有咩咁巴閉要賣貴d, 又唔係多.荃灣佳記$8一串仲多仲正la黃金蘿蔔就挺不錯, 甜甜的, 沒渣, 4件左右, 幾好~湯亦是濃濃的幾好, 但聞說很快賣完便收舖.

從《飲食男女》看過不只一次介紹華記的車仔麵，今日終於的起心肝去試一試。如之前的食家所言，幫趁華記是要付出少少誠意的，我們今日約下午二時去到，可選的食材已不是剩下太多可揀。冇油麵、冇天使雞翼，而老闆亦看似收緊檔。食車仔麵食唔到油麵，遺憾唷。我們揀了蘿蔔、水餃、豬紅、牛肚、芝士腸、魚餅。可能係臨收舖，食物好似唔係太熱。蘿蔔真係冇起根，唔苦，好好食。其他的食物亦恰如其分，調味唔重手，食客可嘗到食材本身的味道，不是一味以死鹹超濃味來遮掩食材／廚技的不足。可幸重有新鮮出爐炸雞翼，好好味，$3@。附近冇正式地方泊車，揸車一族要有準備。間舖冇冷氣，可幸今天好風，天氣清涼。而華記又在綠樹林蔭下，單邊又空曠，都食得自在。會再去的，不過要早一些唷。

華記車仔麵,青衣友提到佢都少不免要話下當年你有時會見到啲四十幾歲嘅阿叔,話自己讀書嗰陣已經食緊佢以前係車仔檔嚟,賣車仔麵賣到入哂鋪,養起成頭家再交由第二代接手無返一定功架,點會有咁嘅成績.住咗青衣都接近三十年,最近搬咗出去久唔久都會返嚟食吓華記.唔單止因為念舊,更重要嘅係佢哋啲車仔餸第度真係食唔到推介的食物包括豬腸,牛腩,咖喱魷魚,咖喱魚蛋,牛肚,炸豬扒,炸雞翼,炸雲吞,自製水餃,菜肉餃,蘿蔔,幾乎佢賣得嘅都推介(魚皮餃,魚條,芝士腸呢啲來貨嘢就無乜特別)推介加一蚊的咖喱汁,加咗真係成碗麵唔同哂嗜濃味者可要求少湯多咖喱,甚至乎走湯食撈麵掌舵人自會幫你將麵煮淋少少,以配合撈麵食法,細心!!自從飲食男女推介之後,牛腩牛肚由6蚊漲價到10蚊事頭婆同我解釋話入一手牛腩要成千蚊喎,我鬼識呢啲嘢咩咁多年熟客,邊會同你計幾蚊吖是日牛腩10蚊魚蛋5蚊豬扒6蚊伊麵6蚊加咖喱1蚊承惠28蚊,滿足非常.最後,我不想藏私.有覺得天氣三十度食華記很熱,認為華記的牛角扇不夠涼的.問問事頭婆"蒸籠"有無開,會有意外驚喜呢!

是日另一半返工返下晝三點在青衣城，所以可以一齊食埋lunch先開工，之前睇X食X女介紹過呢檔車仔麵話好正，仲做埋專訪，我都係半信半疑，因為之前試過唔少次介紹過後個人認為唔多掂，所以今次都係抱住試完唔掂就無下次嘅心態嚟到涌美村。由於小女家住火炭，所以去涌美村到轉兩次車坐三程巴士先到﹙81K->49X->248M﹚，同埋之前根本唔知有呢條村；幸好我另一半識路。到達涌美村就行錯路行了另一邊村屋，找遍全部都唔見華記，仲以為自己記錯地方，幸好之後見到佢在村口的水牌，就沿住箭咀行到對面村最入喇。終於見到華記，第一眼就認得老闆﹙之前X食X女同佢做過專訪﹚，但今日天氣有成32度加上舖內無冷氣，所以都有D想閃人，但另一半話都係食呢間啦，咁又係，一場嚟到，熱住都要食。我要了米線+水餃+蘿蔔+豬紅+健兒可樂，另一半要了河粉+炸雲吞+咖哩尤魚+豬腸+支裝維他奶水餃好有自家feel、蘿蔔無"炸"﹙夏天蘿蔔多數有"炸"﹚同炆得好入味、豬紅一咬就知係真貨﹙好多店舖會用雞紅當豬紅﹚另一半的炸雲吞即叫即炸；所以老老闆娘唔記得收錢、咖哩尤魚好香咖哩味但又唔辣同好易咬、豬腸無臭臭兩人加埋埋單$53-真係抵食

都食左十幾年啦! 今日晏左去, 兩點去到都無乜野剩!我最鐘意食係佢0既羅白, 好甜, 無渣! 朱腸, 朱紅, 水餃都係必選! 河粉通常一點前都賣晒, 加埋佢特制0既咖喱汁就最完美!

中二中三時lunch time最喜歡來華記吃車仔面是吃過最好的車仔面多年後重遊舊地,來華記找回中學時的味道以前的華記胡SO叔叔不見了,很想念他呢,以前每次見到我都知道我要什麼面,算是個熟客仔多年後再吃,味道好像沒以前那麼好吃了,不過依然是我覺得最好吃的車仔面,豬大腸依然是我的最愛,可惜以前的招牌炸雞翼水準差了,表面的面粉太厚,肉又不入味,有點失望不過我還是很喜歡華記的車仔面

住在青衣十餘年,搬了出去十年,搬回來住剛好2個多月....本來想弄個搬家飲食系列,不過想起要整理,打字和再去逐一試食,就擱了下來.記得人生之中食過最好食的車仔麵是在涌美的小販檔.每天放學後都會拿零用錢掃街,煎鑲三寶,碗仔翅等.記得那時的車仔麵是用一隻黃色膠碟外加一張牛油紙舖面,再張所以材料放上去,另加秘製辣汁.因為那是一隻碟,所以並沒有湯,以撈麵的吃法,但出奇的好味道.現在一生似乎也只在尋找兒時的味道記憶罷了.剛搬回青衣,立即上OR尋找有讓我重新喜愛這地方的食店.才找到這間華記,這是我以前重未來過的地方.今次已是第四次來了,緊記自己要叫不要放湯,今次記得了.雖然要加一大元,但用他店的咖哩汁撈麵還是一個很好的享受.豬腸入味得很,沒有異味,沒有多餘肥膏,這真是難得得很.牛肚也入味,爽口.蘿蔔無根,不苦.豬排和雞翼雖然因為我太遲去食而冷了,但仍然難得地好食,味道鹹香,炸得不油,雞雞肉質還很嫩.在青衣,暫時能令我時時都想食的,除了這裡,還未找到其他地方.其他住青衣的食友,可有好介紹?叫我像眷戀其他所住過的地方般喜愛青衣嗎?

華記---中學時校巴司機(陳叔)極力推介的係一間要比誠意先食到ge車仔麵因為3點會閂門,星期一會休息放假瞓晏d都去唔到,唔係青衣人都幾難搵食物:麵底本人首選撈伊--冇湯唔會漲&伊麵我估每日賣一包袋,好快冇特製金錢肚--軟硬適中,有D"o趙"頭 又夠味 必食炸豬扒,雞翼--又係好掂,有次岩岩炸起,皮脆肉滑 一陣間又賣晒lu咖哩魚旦,魷魚都好正,不過另外加咖哩汁我就覺得太辣啦麵,各樣餸都賣晒就冇,保證新鮮 有次2點去冇晒牛肚,失色不少價錢都ok 大部份都係$3~4 大食GE$40有找(好記得CWB新記全部$7 貴爆 又多味精)老闆都好好人 有幾次成堆人去食都有碟菜送有時會有貓仔行過tim不過由於近山 多蚊總結:最正車仔麵!!

我真係好耐一次先會黎呢到食，老實講，佢都幾貴下。但次次都覺得好好食，因為佢d餸係分開煮，唔會所有野都係同一種味。我最like佢d curry，真係好香，而雞翼同pork chop都好好味。我覺得有機會大家可以一試，佢由街邊檔做到入鋪，總有佢既道理。

係隔離剪頭髮剪左差唔多十年上親黎都係食呢度其實呢度都ok貴但唔緊要最緊要好食就得講起上黎佢d炸豬排真係好食調味唔錯魚餅也不錯其餘既餸都收得貨佢都係做街坊生意日日都有幾多人去食總有他的道理

剛剛心血來潮，想吃一碰好的車仔麵，便下定決心往位於青衣涌美的華記小食店一試。之前已在這裡搜集好資料，其實這店只在家附近，也只有10分鐘的路程。青衣沒有甚麼好的食店，只有些連鎖食店和茶餐廳，但是質素都不高。說回這華記小食店，由於剛剛下完大雨，食客不太多。對這店環境沒有甚麼期望，但檯下也有擺放蚊香，甚有客人心意。服務也過得去，總算招呼有禮。這兒也有$20餐的，一麵三配料送汽水，但要早揚聲。配料選擇沒有甚麼特別，只是沒有魚條(老闆娘說貨源不好，不入貨了)。叫了油麵、蘿蔔、牛肚、豬腸、牛柏葉，卻自動送上價值$1的咖哩汁。這兒的咖哩汁真的令整個車仔麵生色不少，我雖不太吃得辣，但也吃得律律有味，而且咖哩汁味道不算太搶食物鮮味，不俗不俗。油麵頗有咬感，而豬腸牛肚則稍嫌不夠入味，但都算乾淨。另蘿蔔甜而無渣，柏葉配咖哩汁吃更是匹配！整體來說，街坊小店，沒有令人失望掃興，已夠了。