華記士多 (已結業)

今晚終於試了想食好耐既咖喱蛋包飯鋪頭好細 只有兩張枱好彩係平日 去到得一枱食緊上枱果下幾震撼 貌相不俗蛋蛋睇得出好滑 而食落真係好滑裏面既飯粒粒分明 用鼓油炒過所以呈啡色咖喱係日本貨 偏向甜而不辣 (個人本身中意辣啲既咖喱)仲有雞肉 份量多 可惜無甚雞味如果只係蛋包飯的話 的確出色不過雞肉卻大大減分有點失望 無想像中好食仲有 俾錢果下先知已經加左價😮40蚊(?!)不過員工都有禮貌 值得一讚😊

放假又過開海，順路去試下呢個聽左好耐既蛋包飯。兩點零到，可能過左午飯時間，唔洗等唔洗逼，一去到就有位坐。好快就叫左蛋包飯，凍檸茶。味道比我想像中無咁特別，但食得出係誠意之作，以$35包凍飲黎講，確言係平，靚，正。老闆亦有人情味，同街坊鄰居有傾有講，門口亦有少量泊車位。對於九龍或新界人士，位置有d遙遠，本人亦不會特意再去多次。

一間小士多竟然可以在 openrice 西灣河分區排名第一，莫非真的有過人之處？最奇怪是，老婆之前住喺西灣河咁多年，竟然從來未聽過、亦都未去幫襯過。究竟是否這間小士多之前一直只是賣汽水啤酒，近這一兩年轉型賣咖哩飯才聲名大噪；抑或真的是隱世多年而一直未被其他人（包括筆者老婆及她屋企人）發現，只是最近一年因為雜誌及網頁大吹大擂才石破天驚？小店位於西灣河與太古城接壤處的一條小橫街內，講真，即使經過這條橫街（太富街）街口也不會特登走入去，因為裏面真的一間特色地舖都欠奉，如果不是有 openrice 導航，要找到「華記士多」也有點困難。「華記士多」一邊面向太富街，另一邊是兩幢大廈之間的一條小橫巷。小舖位的面積不夠200平方呎，僅僅容納一個小廚房及堆放各種雜物後，剩下的室內空間只勉強可以放置一張小摺檯。如果要做生意賣熟食，首先要主力做外賣，另外也要善用空間；所以店主就在那條小橫巷擺放了一排摺檯 ⋯⋯ 令人難以置信地筆者幫襯當日竟然座無虛席。時值夏季尾段，天氣並不太熱，橫巷兩旁又被大廈遮擋了陽光的直接照射，店主又在露天橫巷加設了帳篷，現場環境勉強可以接受。如果在炎夏季節、又或者落大雨，真的很難想像可

long weekend開始喇～瞓到日上三竿先動身出街食lunch...嚟到西灣河...就不如會一會「華記士多」嘅蛋包飯！店舖有一級樓梯...好在士多老闆開咗幾張摺枱喺隔離...雖然有少少逼...但大家禮禮貌貌...要其他食客讓一讓絕對唔係難事...幾乎每一枱都叫嘅咖哩蛋包飯...侍應送到枱面已聞到好香咖哩味...汁料濃稠度亦調較得唔錯...賣相係靚嘅～份量唔少㗎！用匙羹輕輕𠝹開蛋皮就會見到滿滿嘅米飯...仲有少量雞肉～咖哩汁聞落好香...完全唔覺得辣...仲帶微微嘅甜...呀！蛋皮有驚喜...雖然被濃郁嘅咖哩汁浸蓋住...但仍食到蛋香...唔錯唔錯...蛋包飯所用嘅米係長長幼幼嘅...就算沾滿醬汁...不過口感仲好清爽...唔會過分軟淋..米飯仍然粒粒分明...食落仲有少少麻油香～一碟飯+一杯凍檸茶（無影）只需$35...好抵食呢

中學時代 不時會幫襯華記華記既裝修十年如一日 中學畢業之後就無再返黎食過原因係太安樓既食肆愈來愈多令我忘記左後兩條街既華記華記既蛋包飯出名到我d朋友會問我有無食過因為佢地知我係「前西灣河人」三番兩次之後 我終於忍唔住要黎食蛋包飯星期六下晝3點咁啱有人食完 即刻有位坐 後巷既幾張枱都坐滿食客「蛋包飯、凍奶茶」一句搞掂奶茶入口順滑 透心涼啊～外層雞蛋七八成熟 仍然滑溜入面既飯有麻油香味 加左好多雞肉咖哩汁既份量啱啱好夠食完成個飯蛋、汁、飯 三者撈埋一齊食超正D飯看似重口味 但其實一d都唔鹹撈埋咖哩汁 味道啱啱好除左「好味」我諗唔到可以點形容平時我唔會食到咁大碟飯但今次真係好味到我唔想食淨野食完飽到上心口雖然係用咖哩磚但係呢度見到佢有兩種辣度既咖哩磚相信係將兩種混合起黎$35 有咁高水準既蛋包飯仲要有野飲 夫復何求啊～ P.S. 據係仍然住西灣河既朋友所講之前華記仲未咁多人介紹過既時候佢既蛋包飯係更加出色而且由華仔親手煮既先至最好味睇黎我要黎多幾次 睇下會唔會撞啱係華仔看鋪喇今次看鋪既人相信係佢既拍檔朋友並非中學嗰陣既熟悉臉孔

咖喱是甜辣口味，辣味不明显。鸡蛋非常嫩，饭里面的鸡肉粒也不错。冻奶茶太甜。价格很便宜，性价比非常高。位置不是很好找，西湾河地铁站b出口附近，以后经过会顺路再尝尝其他菜式。

睇食評話呢間蛋包飯係世界級，心諗有無咁誇張呀，咪又係蛋包飯～今日終於可試下～食野環境好差，洗碗阿姐喺隔離勁倒污水，彈到成腳都係.....咖哩蛋包飯$35，包野飲，冷熱同價賣相好靚，完全忘記左環境衛生問題絕對有驚喜，內裡d飯用汁炒過，仲有大大舊雞肉添~咖哩甜而不辣,好好味呀！話係世界級水準絕對唔誇張，仲要係賣$35!!$35!!係$35咋！仲要包埋野飲！包野飲！真係包野飲架！(重要既野要講三次😆）店員全部都好nice，好有人情味👍🏻我一定會再黎食過架！

首先, 檯凳真係好污糟, 而且座位係屎渠隔離, 好彩無味, 但有D驚佢爆開...然後, 有洗碗姐姐係旁邊洗碗, D洗碗水係會彈曬上我身上...同埋有鳥兒係你頭上不斷飛過, 真係好驚有鳥兒的便便落在頭上所以坐室內好D, 但只限2人.(佢有2張2人台)環境批評完, 講下食物:奶茶: 好稀不過凍飲唔加錢就算啦然後!!!是重點的蛋包飯, 真係幾好味!!!咖哩明顯係一鐏個D, 炒飯明顯係用豉油,老抽加雞炒, 但都好味, 好適合香港人喔!最欣賞係個蛋! 好有水準, 半熟撈炒飯, 真係好夾!$35蛋包飯加凍飲抵食過日本貴價蛋包飯好多!!!抵食過出面任何套餐啦!!!住附近就可以成日黎啦, 理得佢環境幾差不過................佢漏左我單, 所以排完隊後重要等左好耐先有得食sad

今日係慕名而來食呢間世界級蛋包飯店入面唔洗餐牌既, 食客一坐底都應該心理有打算, 唔洗靠餐牌因為第一次黎, 唔知食咩好, 老闆話得返咖喱蛋包飯同薑容豬頸肉飯就叫左呢2個咖喱蛋包飯好大個, 女仔可能食唔曬, 蛋炒得好滑, 出面有好濃既港式咖哩汁,甜甜地, 最有驚喜係白竟然係用鼓油汁, 但係咖喱同鼓油同蛋又係出奇地夾, 好味薑容豬頸肉飯又係好特別, 燒汁金菇薑容同豬頸肉, 真係冇諗過可以一齊煮, 食既時候我同朋友都覺得好似屋企d煮家飯咁, 送頭送尾煮埋一齊, 但係有係好好味, 仲有一份好難用文字窯出黎既人情味, 因為感受到廚師好用心好有愛心煮既野食, 值得山長水遠黎食

今日同母親大人過太古行街，見宴就search下附近有咩野食食得樓上food court太多就黎味道麻痺見到好多人都推薦呢間華記蛋包飯，單睇相，口水都就黎流曬出黎就決定睇下現實同理想既差距有幾大先！黎到碟飯真係wow左下！超有食慾同埋好大碟啊！！！切開蛋皮,有驚喜！！入面唔係白飯,而係炒雞柳飯,咖喱味道再辣d就好啦！不過眾口難調，大部分人都唔係幾食得辣，呢個辣度比較大眾接受！不過咖哩汁好似有啲多,好彩飯粒炒得夠乾身，配埋一齊食簡直perfect！！！我可以連續一個月食呢個！

奶油包一向都好怕係街邊食野因為奶油包好怕熱而且好怕污JO更加怕係街邊食野見到我既天敵--曱甴但今次奶油包真係覺得冇嚟錯華記士多既咖哩蛋包飯真係聞名不如見面奶油包誠意推介咖哩好香又唔會太辣好岩奶油包呢種唔食得辣既人食而且個蛋好滑蛋包住既除左飯之外仲有大量好滑滑既雞肉一啖咖哩一啖蛋一啖飯一啖肉無敵既配搭如果華記士多可以有冷氣就好熱辣辣既天氣係街食咖哩蛋包飯有D辛苦因為D汗狂流好想快食快走ANYWAY...華記士多既咖哩蛋包飯絕對值95分下次奶油包要揀冇咁熱再嚟幫襯

慕世界級蛋包飯既名氣而來，一坐低就不加思索地叫了個蛋包飯。等冇幾耐就有得食啦，一大碟蛋包飯，雞蛋看上去極滑，上面淋左咖喱汁，扒開，下面就係雞肉炒飯底。我即刻食蛋先，蛋真係好滑，滑得黎又唔會過水，蛋黃幾多令到蛋味濃。咖喱汁並沒有甚麼特別，但下面既雞肉炒飯底就好香，有落功夫。成個飯最好食係蛋，其次飯，最後才是個汁。

星期日的下午和老公一起過海回老家，當然先去醫肚。他知道近年西灣河開了一間新的蛋包飯店，好評如潮，所以他都想試一下。這小店在橫街的轉角，不太好找，當然熟知西灣河地圖的他很快便找到。下午差不多兩點仍然坐無虛席，我們都等了一會才有位。天熱非常熱，還好小店設了兩把大風扇，令坐在小巷的我們也不至於太熱。我們在等位時看到每位食客都是點蛋包飯，我們當然也不要錯過吧。點了兩個蛋包飯 (@$35，如加芝士加$5)，還包冷熱飲。我們都點了橙汁特飲，是橙味的飲料再加兩片很薄的檸檬。檸檬味不多，但是橙汁味道不錯，最重要是非常冰凍。蛋包飯很快便送到，非常大碟，蛋皮亦鋪滿了整個碟。我看到師傅在做蛋皮時，每塊都至少用了兩隻蛋。蛋皮非常的幼滑，碟邊的蛋還是半生熟的，淋在蛋面的咖哩汁亦非常多。蛋皮包著的咖啡飯是預先炒好的，飯粒分明而且有很多雞肉。每啖配上滑蛋和咖哩汁真的非常易入口，於是很快便把整碟都吃光。家庭式小店，價錢平，有位老婆婆在幫忙招呼及執拾，人情味甚濃。即使非常怕熱的我都要支持一下。

就算我介紹左幾多次，食過幾多次，有幾多人知，依篇文的都係要打的! 因為多一個人知道，就多一個人食到!西灣河，無錯，太安樓真係好抵食，仲好多款式，掃街咩都得!但唔好唔記得附近有間平庸的士多，入面每一位客人都食住同一樣野!!! 無錯，就係蛋包飯!!!!!!厚厚的蛋包住炒過的雞肉飯! 面頭再淋上日本甜咖喱! 再加一杯凍飲或熱飲!仲要唔使加錢! 都只係$35!!!!! Expert 多次去食都質素未變! 非常推介! Expert 指數爆燈!叫咩名呢? 就係華記士多啦! (西灣河筲箕灣道48號地下3B號)

如果你係facebookk有follow開一D講野食的page~我相信你一定見過介紹西灣河的呢一間蛋包飯~其實我已經食過，但友人約我試下~著住西裝的佢都唔怕熱，我緊係要陪佢試下喇~(由於間鋪好開揚的關係，有冷氣同無，其實分別不大lol)作為一間主打蛋包飯的鋪頭，多蛋是常識吧~鋪頭有兩種咖哩～$40 一個蛋包飯，仲包埋野飲～塊檸檬好薄，刀工好好😂茶味都夠的～咖哩係日式咖哩～唔辣的～咖哩味好香～飯唔係白飯，係炒左的～粒粒都好想分明～入面仲有d肉架~蛋好滑，仲好夠蛋味tim~$40 仲包埋野飲～真係好抵食～