華苑燒味粥品小廚 (已結業)

同幾條友仔玩完電動滑板，黃昏時諗住醫肚，叫咗個燒肉油雞飯，啲燒味都算合格有餘，但係啲飯又硬又嚡，都唔知係咪用咗越南米或者平價米，可能我食開金鳳，真係頂唔住佢啲飯，但係都唔好咁難食啊！希望日後作出改善…查看更多

今日叫了個星州炒米，外觀已不吸引，食一口不單沒咖哩味，更加一點鑊氣都無，完全不似炒出來！似滾水錄出來的。以為燒爉飯會好啲？怎知飯又不熱！杯咖啡更難飲⋯⋯。中伏⋯⋯！…查看更多

我就好少俾負皮，因為我淨係食好野，可能係。但今次，我既第一個負皮出現左，寶寶話想食燒味粉麵，平時食開果間因爲轉左老闆，質素較為下降，佢話想試下新鋪頭，但係我見到個鋪面就有d不詳既預感，店內烏燈黑火，人客不多，一陣咸魚味，我以為死老鼠，原來隔離賣咸魚，仲要烏蠅通處飛。唔。。。但寶寶堅持，咁就叫左個叉燒瀨粉，平係好平，十七蚊一碗，不過完全唔掂，同我煮d麵一樣咁難食。雖然我鐘意食瘦叉，但係佢個叉燒乾到柴皮咁，d瀨粉碎濕濕，幼身，食落以為叫左米粉，個湯底無味。唔。。。下次都係唔好信寶寶對唔住，我真係覺得難食，大負皮一個…查看更多

落雨濕濕打算買個外賣就算好奈無食叉燒飯所以就隨便揀一間燒味鋪買盒飯。反到屋企打開盒飯都有D驚喜，因為盒飯裡面仲有菜！雖然吾係咩特別嘢，但反辦公室嘅人日日外賣都無咩菜食到，所以假期都想健康下。另外D叉燒吾會太肥，之前食過成塊叉燒三分二係油就真係好失望:(而我黎講呢個飯盒叉燒夠多又吾肥，仲有小小菜，所以有80分。另個個20分就係佢由十幾蚊漲到二十幾蚊所以有dd貴。…查看更多

剛從外地回港﹐好掛住港式燒臘﹐外賣自取餐牌中最平係$20叉燒飯﹐點知店員只收我$17﹐原來有外賣自取午市套餐﹐A餐正是叉燒飯﹐呢個收銀真老實。(不過我之前有個人攞燒豬﹐兩個收銀搞左一大輪都未搞掂﹐所以等候時間較長)大概個膠袋太細﹐5分鐘路程中﹐個發泡膠飯盒自動打開左兩次﹐絕對嚴重影響食物質素。平左$3又多次漏風嘅叉燒飯﹐份量及香味(以及衛生)當然有D失色﹐但叉燒本身都算不錯﹐色素不多﹐麥芽糖的味道也不錯…查看更多