華御結 (奧海城一期)

有時ot夜晚又想食簡單清淡d，華御結就係最佳之選。叫左個三文魚飯糰同埋豆乳雞丸湯，飯糰可以叫店員幫手加熱佢，雞丸湯超級熱辣辣，豆乳味好濃，有d蘿蔔同菇係入面，雞丸唔會柴。食完啱啱好夠飽。…查看更多

華御結朝早會有兩個套餐，第一個係一個飯團加六粒燒賣同埋一支茶或罐裝咖啡$28。另一個就係兩個飯團加一支茶或罐裝咖啡$34。每次食飯團都一定會揀明太子沙律，因為佢係喺華御結係最好味同埋最夠味嘅飯團，佢入邊嘅明太子有少少鹹加埋啲沙律醬就好match，我試過其他飯團都覺得入邊個餡料太少，兩邊淨係食到飯同埋紫菜。雖然燒賣都幾肥，但佢加埋啲辣油同豉油真係好好食。飲番支烏龍茶或者綠茶就可以減低個罪惡感。…查看更多

今日要返奧海做野，時間緊迫之下買再呢度既套餐食，貪佢方便得來又快手，仲可以即時加熱小食，之前已試過飯團都不錯，今次要推介個骨膠原豆乳雞湯香滑足料豆乳味香濃超好飲，如果唔要套餐仲可以散買，啱晒無啖湯水既人士👍🏼…查看更多