華康餐廳 (已結業)

以茶餐廳來講﹐呢度選擇都算幾多同多原化﹐食物質素都唔會好差﹐所以成日都排長龍。店內伙計唔多﹐但顧客就座滿,所以每個伙計都好忙(清枱﹐寫單﹐叫位)一手包辦。當本人食緊o野時﹐有位先生座底喺對面同叫人落單﹐佢叫左好內﹐d伙計唔係夫顯佢“轉頭”就當睇佢唔到﹐聽佢唔到。攪到佢自言自語再爆粗先有人理。講番食物﹐叫左魚湯勝瓜班片伊麵。魚湯勝瓜班片伊麵 – 魚湯夠熱﹐味道淡香﹐唔會太鹹。湯內有多片薑片﹐所以食唔到‘月星’味。勝瓜爽爽﹐班片肉質有少少硬﹐唯一唔好就係d伊麵既麵質唔係咁好﹐發漲兼韌韌﹐食落個感覺有d似食泥膠。撇徐麵質﹐總體質素算不錯。所以價錢比同區內類似既食店貴一些。

國際咖哩館後, 因為我仲未食飽, 老公提議去華康外賣一個奶油豬仔包俾我等車時獨食, 果然係一個十分好的提議 其實此奶油豬仔包是由舊同事J介紹, 舊同事J係識途老馬, 當然信佢啦, 果然一試難忘!!!豬仔包烘得十分香脆, 塗上奶油, 滋味無比奶油豬仔包再加杯凍奶茶, 肯定係一個好歎嘅下午茶但係獨食真係會肥架唔可以成日食

我同老公阿女隔個週末都去華康食 tea，佢地有個 set 係豬軟骨撈麵 tea set，另有一碗魚腐送，加埋杯飲品都係 30 幾蚊都算抵，魚湯好甜又唔腥，豬軟骨大大舊又『林』，阿女食到 lam lam 脷，仲有豬仔飽，同翠華嗰個差不多味道，但價錢平 d ，上次食做緊特價 $7，唔知下次去仲有冇呢？諗起都想食

yesterday食tea, 行咗去華康, 個冷氣仲未整好, 一個月前去, 有部泠氣得風,嗰次真係慘慘慘呀! 尋日好D, 但都麻麻地舒服, 個姐姐話未整呀! 唔知點解唔維修呢? 以前耐唔耐都會食吓tea, 同為佢咖啡好味, 湯粉麵湯底好味, 唔知幾時開始湯粉麵湯底巳經变晒冇味!貢丸魚蛋粉 (湯底完全冇乜味, 只有白, 係奶)咖啡 (保持好味)肉醬腸仔意粉 (普通,小咸)唔夠蕃茄味捻住加D茄汁, 出事 打開彭一聲, 仲有煙同"攞"味, 嚇死, 未試過, 以後開樽蓋要小心

早前和bf 試過紅酒牛尾煲~煲上菜時熱騰騰的, 汁和材料十分多一個大男孩也未必可以吃清光呢發現煲內有些配菜, 如紅蘿蔔, 西芹等, 是客人點菜後才加入煮的所以吃起來比較爽口和新鮮~ 可見廚師曾下過心思另外牛尾很入味, 份量多魚蛋米線清淡~ 魚湯味不濃但以茶餐廳而言, 可以造到這彈牙的魚蛋, 已經很難得

魚湯三寶米線餐 ($42連凍飲) - 配料和湯都很淡，不喜歡清淡的不要試凍啡 - 香濃，上面還有朱古力粉

一行四人午飯，我先到等位，麻煩是一定要人齊才可以入座。要了是日午餐 - 海蜇雞絲撈米線(配紫菜魚湯)、凍檸茶。海蜇彈牙、米線質地好。紫菜魚湯是白白的，卻沒有魚味。華康的食物以茶餐廳來說一向不差，這次也算不錯。

我經常在星期六日5-6點呢d最難搵野食既時間食飯, 仲要係灣仔區...................通常唔收哂工就唔好食,一次同事介紹"華康", 佢話有咩野食, 有咩特別, 我都聽唔入耳, 直至佢話呢間野同"翠華"同一集團...........我即時去食.蒸肉餅好正~用蒸水旦果d'是'油汁, 正!鮮茄旦牛飯, 個茄汁芡唔杰, 送飯一流~下午tea set---牛河, 咸左少少.

大概二年前在灣仔區返工，當時華康既海南雞飯相當出色，肉質嫩滑，而且雞味十足，係我在香港食過既海南雞飯中算數一數二的好！今晚因事路過灣仔，想起華康我的至愛海南雞就諗住去重溫舊夢。海南雞餐賣$42，有油飯一碗，海南雞一碟（伴醬料），湯...係基本配搭。菜一上已經急不及待起筷，咦，唔對路，冇味既？無錯，我面前既海南雞已經唔再係二年前既海南雞，雞肉淡淡的毫無味道，再夾第二件試試，一樣係無味...油飯呢，亦無乜油香味，再加上飯煮得太爛，冇咬口。唉...另外點左個魚湯浸荳苗，份量少亦無乜特色，本來見餐牌上油菜$12而浸菜$16，點知埋單先知浸荳苗卻要$20！當時伙計話可以選荳苗，但無同我提過荳苗要貴些啊！呢餐真係食得唔高興，仲完全破壞晒華康係我心目中係全港最top海南雞飯餐廳既印象！

這裏的早餐有很多特別的選擇，今次我吃了蕃茄司華力腸片加沙爹牛肉公仔麵，鹹了點但吃很不口渴，可以一試。另外鮑魚湯火腿通粉餐我也見到很多人吃，應該不錯，下次我會試魚柳拼南瓜薯茸多士，不過貴啲，26元。

..still a Cha Chan Ting!How could anyone post a rating on their western style food!!!!?????? This is totally mind boggling.You want Brazillian sauce/food, my gawd, go to a Brazillian restaurant...and don't ever ask the staff there what it is, do you really think they can tell you????Ok, sorry for spaming others but really, it is just numbing to read some of the ratings here.My problem with this place? Their infamous Fish Cakes have way too many tiny bones- period! That's enough said, I think.

呢度係"長輩級" 朋友介紹, 之前0黎過一次食腿蛋多, 覺得唔錯; 尋晚九點幾同朋友0黎食宵, 叫0左油多+ 熱奶茶, 朋友就要奶油豬仔包.奶油豬仔包令我嚇了一跳, 賣相好似Fat Angelo's 0個d 巨型餐包, 但仲好食, 個包烘得極鬆脆! 拍得住勝香園d 多士! 真係好得! 不過牛油同奶油都落得重手0左d.油多都唔錯, 不過再烘燶 d 的話會更好.同意之前comment 所講, 呢度真係好似翠華, 無論環境, 食物variety/味道甚至門口招牌個logo 都係@_@" 不過係好事來的, 起碼灣仔區多個選擇!下次要0黎試魚湯米線先得!

佢\啲咖啡好好味..咖哩.墨魚丸..等等..好多野都好好食..服務都好好..讚

30/3(五) 11:10am作戰前夕,趁有餘暇先到298及灣仔電腦城鑽研令我近來著魔的攝影器材,繼而果腹.閒混到此茶記門口,驟看店內格局挺光猛企理,甫入內坐於近門口的二人卡座,點了招牌菜之一-魚腐湯烏冬$23;5-6件魚腐雖則內裏軟滑,但似乎浸至過腍;魚湯儼如街邊檔的魚肉湯,味道不甚了了!手打烏冬呈半透明狀,麵粉香不重;也非煙韌,幸好質地滑溜.翻看餐牌,食物選擇的確有幾分翠華的影子:奶油豬仔包,厚多士等,看來翠華於茶界正已逐步帶領一番新潮流;翠華化的茶記將陸續湧現!

看完林海峰賣t-shirt時候都不早近會展的食肆都收得七七八八唯有返公司附近食呢間茶記都叫環境舒服出品企理係見得下人的推介晚餐巴西汁鴛鴦扒問咩係巴西汁「即係…幾款汁溝埋囉」哦..即係好似嘉年華咁熱鬧?豬加雞的組合加上甜甜地又酸酸地加燒汁的嘉年華再加上酸忌廉焗薯焗薯本身好似落左糖咁甜而且爽口配似忌廉再加巴西汁中和返好少茶餐廳可以食到如此質素的焗薯四十幾蚊包湯及飲品算好抵照燒雞扒手打烏冬煙煙韌韌真係幾有手打feel喎不過總唔覺得係好食果種喎二人卡位很窄很迫冬天粗身大細會有點麻煩當時仲未禁煙就更是辛苦不過宜家相信會有改善飯罷回想剛才那場照舊計算精確彈無虛發的表演何以近來我們如此齊心地集體回憶/朝拜/購買那個黃金年代讓這班早該收山的icon大賺特賺?是我們過份依戀那時還是眼下的世界實在太低能太攪笑真的沒有可讓人依戀的人和事?