華嫂冰室 (棉登徑) (已搬遷) 新店位置

華嫂冰室終於係尖沙咀開分店😍之前都聽聞佢係幾出色的今日晚上黎左試下～～唔使等位，地方都坐得幾闊落，我今次叫左蕃茄湯底雞翼米線，同埋招牌菠蘿包黎試下，個蕃茄湯底幾正丫，有d蕃茄蓉，飲左好多湯～～：p雞翼係鹵水的，幾入味，至於招牌菠蘿包，都幾好味，兩個人share岩岩好！見到佢仲有冬陰公湯底同皮蛋莞茜湯底都幾想試，同埋飲品方面，原來佢既冰花奶茶同埋凍檸多都好似幾出名，見到好多人都有叫，下次再黎食可以試下🤤

久仰華嫂大名，趁剛開幕未太多人知，正午短等十分鐘，試左先。裝修非常光鮮，加上很多明星的花籃，感覺更像花店。菠蘿包是招牌，加油，$14。唔算平。可能因為這鋪沒有焗麵包地方，微熱少脆。未算出色，尚可。我們是為了皮蛋芫荽湯而來，湯味濃，牛鮮但米粉略嫌粗糙。($37+8)有人貪心想試埋番茄湯，不太好番茄的我叫了番茄湯雞翼公仔麵加肉眼筋($37+8+3+9)。番茄湯濃有而渣，不太酸。雞翼正常。加$9肉眼筋成為亮點，有點像豬頸肉但肥瘦剛剛好。老實說轉湯底+8有點貴。食茶餐廳食到隔離日本拉麵咁貴。樽仔奶茶有水準，茶走略嫌失色。Overall正嘅，兩個人尖咀午餐$137，Ok喇。尤其如果鍾意某種特別湯底，$8一定要加。如果唔使等我可以日日食；但要排隊...十五分鐘之內Ok嘅；耐的話其實附近都有好多選擇。Ps. 有機會成為華嫂尖沙咀第一篇食評🤭

今日諗緊食乜早餐，look下OpenRice look到華嫂冰室係尖沙咀開左，之前聽過個名好耐，但就一直冇去食過，因為聽過其他分店都好多人排隊，而我就最怕排隊。行到去門口仲掛住個牌試業中，入到去覺得地方都幾大，冷氣充足，可能一早8:30am 唔太多人，員工都好有禮貌安排座位，我睇左Menu 見到有蕃茄湯底我以話不說就點左豬扒米粉（$37）加蕃茄湯底（+$8）同凍奶茶（+$7），個湯都算幾濃郁，豬扒醃得唔算太多味精，味道都唔錯而奶茶茶味唔算濃，但都啱我口味下次會再試埋冬陰公湯底，喇沙湯底同皮蛋芫茜湯底