菊花園

下午茶時段黎揾食，離遠見到菊花園嘅招牌咁得意，過黎睇下。嘩，好多人下喎，下午茶廿七蚊有碗麵連野飲，幾抵食，一於試下佢先。有懷舊氣味嘅紅雞餐具。牆壁都裝得好有特色。要了魚旦麵，用的是白魚旦，不是炸的那種，口感不俗，好彈牙，魚片一般，麵爽口唔重鹼水味，湯底都正常，不過鹹，但欠點香。另一樣要了鮮豬潤麵，賣相不錯，豬潤厚切，口感足，食落亦唔覺太人工，挪過總有嘞。熱柚子，無乜特別，唔算過甜。凍柚子，同樣無乜特別，係冰比較多啲啲。…查看更多

星期五晚約左朋友去一田血拼，佢要晏D先到，我又肚餓，所以去左呢度食碗雲吞撈麵加一杯凍檸茶先! 個麵無鹼水味, 雲吞都有5粒，雲吞大小同出面食既差不多, 蝦肉都夠,味道可以, 不過就無大地魚, 所以咁既價錢就貴左DD!…查看更多

因一田購物日，今晚要快快食完野，之後join朋友去行街街。連城很多間都食過了，如趕時間的話，經常第一間 唸起「菊花園」嘅雲吞麺，快靚正！以前食過幾次，都係雲吞麺！今天突然想食炸醬麵，於是叫了一人套餐~「炸醬麵+凍檸茶$36」另加 + 小食「炸雲吞」$25，全日不設加一。小食「炸雲吞」，皮好簿夠脆！蝦肉好彈牙！淡淡蝦肉！唔錯！唔錯！一個人食曬6隻，好滿足！自己也覺得好似好大食！哈「炸醬麵」碗上，因跟餐，所以不是一般正常跟碟上的。炸醬麵份量比較少，味道偏咸！麵底都可以。至於湯真係幾古寒！湯少得可憐，得半碗（小朋友碗仔見圖），湯好似係大地魚湯底，亦係偏咸。「凍檸茶」不夠甜，茶味不夠，冰多！整體來講，都係「雲吞麺」比較好食，「炸雲吞」都不錯！其他一般。Ps. 今天人多，待應不夠人手做嘢，食物出得比較耐，坐附近有男子等得激氣不耐煩，取消了走人（我食完佢都未到）。之後再相隔成5分鐘，他那碟蒸XX陳村粉才到，那男子己走咗十世了！（真的安排失當）…查看更多

還記得兒時在古舊屋村裡，嘴邊常唸著一首童謠：「氹氹轉，菊花園，炒米餅，糯米糰…阿媽叫我去睇龍船…」以前住在舊式公屋裡，或者都會有個氹氶轉，轉呀轉呀…轉到頭都暈。素來都知道連城廣場有一層為食街，在下也曾到訪過好幾次，對上一次已經是去年十月尾，今次再到訪，食店已經有所改變。來到的時候有點肚餓，也讓在下找尋一間可以食得輕盈一點食店，上了電梯很，就給這間「菊花園」的店名吸引著，頓時記起了前段所述的童謠。店裡環境不大，卻有著懷舊的感覺，牆上貼滿了像是報紙的刋物，也有昔日街景的照片，天花也掛上了吊扇，營造三四十年前的景觀。而座位也像似是冰室的卡座，也用上了椅，感覺上也更似懷舊氣氛。餐牌的封面也配合了懷舊主題，除了刋物，還有留聲機，舊式風扇和水壼都印在上面。打開餐牌，主力是粉麵和蒸飯，也有小食供應。既然是來一個輕盈的下午茶，就只是吃碗麵和小食吧！一碗雲吞麵是地道的潮州粉麵，雲吞麵上有蒽花，而每一粒雲吞都是細小的，並不太大，內裡有甜蝦和豬肉，甜蝦爽口但不大隻，而且不甚彈牙；麵幼有鹼水但不太多，雖為爽口但偏腍，湯底尚算清甜。酥炸鯪魚球一碟有六顆，為一個人來說，份量可算是大的。剛炸起的鯪魚球十分燙熱，外層炸得較脆，而內裡也算軟塾，唯獨未見彈牙，鯪魚球也可蘸上附上的腐乳醬，使口感更覺惹味。奶茶是跟雲吞麵餐的。上桌時飄來一陣奶茶的香味，喝一口茶，味也甘醇，回甘味也算足夠，淡奶夠滑，令茶有香滑程度，而且調校得得宜。整體味道都是不錯的，只是雲吞麵煮得有點腍吧，如果下一次再來的話，希望不要煮得腍呢！…查看更多

有同事介紹這裡蒸飯好食 故來食lunch點左個馬蹄蒸牛肉餅飯肉餅size 比較細 又唔算厚 味道方面 因為肉餅有牛味 有少少肉汁 其實不錯不過因為唔夠厚 影響口感 扣分飯方向 飯香不足 但粒粒分明 口感不俗豉油起蒸飯黎講係主角之一 這豉油甜咸味夾得岩岩好叫左凍檸蜜 不過蜜味不足 甜味為主 失色不少…查看更多