莱茵河餐廳 (已結業)

荃灣大壩街是食肆林立的天堂，也是荃灣人揾食的必到之地。放工後欲與朋友輕鬆小聚，便來到舒適、悠靜的西餐廳｢莱茵河」，聊聊天及享用簡樸的晚餐。餐廳以的木色為主調，褐色的沙發卡位及啡色的石磚牆互相配襯，簡約感覺突出。安坐於寬敞的卡位，我們便開始點選晚餐。晚市套餐的選擇繁多，單是意粉類也有6款以上，價錢由$68至$98不等，最後我們點了<香蒜蕃茄牛肋條意大利飯>、<香煎龍脷柳配黑松露野菌扁意粉>及<温泉蛋卡邦尼意粉>。香蒜蕃茄牛肋條意大利飯牛肋條意大利飯必定是蕃茄迷的熱門推介。粒粒意大利飯被蕃茄汁完美地包裹著，入口軟硬適中，酸酸甜甜，配上混合飯中的洋蔥及蕃茄粒粒，著實開胃。本以為牛肋條是帶骨的，但其實它是牛腩部位肋骨之間的肉，肉質軟腍之餘，也十分適合燜煮。牛肋條經爆香的蒜粒調味後，惹味迫人，配合蕃茄的酸香味，整體上蒜香滋味。唯獨蒜粒略為大顆，連意大利飯入口有點過硬的感覺。香煎龍脷柳配黑松露野菌扁意粉龍脷柳黑松露意粉也是誠意十足，2塊香煎龍脷柳成手掌般大，外皮煎至微微香脆，內裡魚肉仍然保持濕潤，的確不錯。忌廉汁帶濃郁的黑松露香氣，每口意粉也有陣陣幽

上一次食過呢到既下午茶覺得唔錯，有誠意！今次夜晚約左朋友係到再食多次上次食過呢到既忌廉汁好creamy，所以今次試下卡邦尼，覺得應該都唔會太差但可惜，有d令我失望卡邦尼唔creamy，煙肉唔夠香溫泉蛋同卡邦尼呢個配搭有唔太相襯，令整個感覺更漿口焗到熱辣辣，吞拿魚算多煙鴨胸如果煎得香口會更好黑醋汁配意大利飯好夾，酸酸地幾開胃牛肋條炆到好淋入味蕃茄酸左小小，可能太多醬汁香蒜聞同食落都唔覺好重味，但食完就發現個口有蒜味😂😂**兩款意大利飯同樣比平時出面既意大利飯濕左d，但軟硬度適中

Planned to randomly pick a restaurant in this street. Was a bit worry when compare to the crowd next door. Chosen a steak and a pineapple pork. Was expecting baking powder steak with this price. Surprise to see a quality steak coming to the table. The steak was well cooked and decent quality. The pork is even better. A good sauce and tender meat. Match perfectly with the grilled pineapple.A random pick becomes a satisfactory night

今日去左荃灣廣場行街，就順道向附近食晏，就黎左萊茵河餐廳，店員知道我同小朋友食，就窩心安排卡位比我們。我們原本點左芝士茄汁焗豬扒飯，但店員落錯單。換來一個驚喜，變左芝士茄汁焗煙鴨胸飯，店員都話同我換，不過整左無謂浪費，價錢一樣，就嘗試新野。但個汁太咸，至於個鴨胸都好有咬感，配上飯唔錯我們叫了2杯水，點知小朋友既杯漏水，店員立刻換上新一杯。同時都準備左膠碗給我們。意大利菜湯，味道麻麻，好稀冇味道。價錢唔算貴，都頗大碟。店員都友善，可以再一次品嚐。

H 餐d汁好味，唔酸，d蝦有3隻，大大隻，本人對天使麵特別喜愛，雖然沒有天使麵可選擇，呢間意粉👍🏻，蜆都好多，分量啱啱好。奶茶甜度自己調較I 餐味道👍🏻環境舒適

星期日下午茶時間，荃灣廣場四處也要排隊，唯獨rhine river不用等位，那就一試吧下午茶款式多，平均四十多元一個餐。注意下午茶套餐只有主菜和餐飲。忌廉菠菜煙肉意大利粉 $43菠菜和煙肉夠曬足料，但忌廉汁味道略嚴偏咸，意粉有咬口不會煮得過淋。坦白講以西式茶記來講，價錢不算便宜，食物質素還有改善空間。

星期六瞓耐啲先起身，是常識吧！朕一起身，就緊係要Mark住隨從去Tea一Tea啦，去到大壩街，有幾間都有做下午茶，但係得呢間唔使排長龍，隨從唔餓得，朕就緊係衝入去啦！朕叫左個吉列豬扒配薯條，飲杯即磨咖啡醒一醒，杯即磨咖啡都幾滑，咖啡味都好濃，值得一讚！跟住就食朕既吉列豬扒配薯條，一食條粗薯條，硬既，應該係翻炸過，仲好油吓，個豬扒包就仲不得了，一來塊吉列豬扒暖都唔暖下，個包咬落去感覺都係硬硬地，仲有舊吉列豬扒炸粉多過肉，仲要過氣淋淋地，無下次！－－－－－完－－－－－

原本諗住食隔離既大壹冰室但見要排隊 而隔離呢間萊茵河食既野好相似於是決定黎呢間試下結果無失望價錢亦同大壹相約叫左個蒜蓉什菜意粉我本身好鐘意食蒜蓉味 所以認為可以再濃d蒜蓉 但都已經不錯仲叫左個忌廉菠菜煙肉意粉 忌廉汁幾creamy而唔膩焗肉醬意粉原本諗住都係無乜特別既但係佢個肉醬既牛肉好香牛味 不錯不錯蛋沙律牛角包既牛角包唔夠熱見佢裝修甘西式 諗住佢既咖啡應該ok但有d失望，咖啡無咩回甘

收工去荃灣廣場買野，買完有少少餓就食埋晚飯先，一出就見呢間Rhine River Restaurant & Bar外觀唔錯，就入去試下。墨汁意大利飯:份量比較多，１個人食有點吃力，墨汁飯裡墨魚雖然唔多，但意大利飯煮到軟硬適中，墨汁味濃帶有少少咸鮮味，加埋洋蔥粒好香又多一層口感，整體好夾好好味，無一般既意大利飯咁膩，食完完全無負擔。法式田螺伴薯蓉:不是一般帶殼的田螺，好細心咁起左肉，不過田螺肉質軟淋易咬，味道一般，薯蓉似用粉開出黎，麻麻地，無咩薯味。

今晚同女朋友搵食 食到荃灣呢間西餐廳店鋪細細 招呼幾好 而且價錢都便宜 我地2個order 左一個意大利飯 一個意粉2個都加左32蚊同埋一個沙律做頭盤32蚊有湯 有餐前包 (佢地呢到用牛角飽 都幾大個) 今日個湯係大蒜薯仔湯湯味道唔錯 好濃 都幾杰身紅蝦芒果汁蜜桃沙律個蝦用香草腌過再燒成個沙律都好鮮甜好清新黑松露野菌意大利飯 聞唔出有松露味但食落口好香飯唔會好似坊間禁一pat有咬口 不過我覺得唔係好夠咸紅蝦蕃茄闊條面原來另外落左蝦仔煮 每一啖都食到鮮蝦味不過意粉都係淋身左d總括呢間餐廳又平又抵食因為d野都幾大碟會再黎食

朋友係要見0既. 難得今日出荃灣. 係朋友的推介下黎左萊茵河餐廳. 由於未黎過呢度. 就等朋友推介. 我只負責吃的.(不辣) 一早訂左位所以不用等位就能入場. 先事發揚今次很失敗無影到張單, 因為估唔到最後佢會收番(汗!)七個人, 叫左一個小食, 芝士薯條, 沒記錯價錢應該是$28. 黎到一望, 成"煲"薯條. 大家都嘩... 份量好多, 超開心, 食落去啖啖芝士, 而且新鮮炸夠晒熱.沙律 : 忘了是什麼沙律, 有點泰式的感覺. 蝦有四隻. 不但有菜, 還有不同的生果, 好像蕃茄仔, 桃, 食完超開胃.主菜叫了四個, 全部都加$48改做餐. 餐湯 : 羅宋湯(材料超多, 而且不辣. 啖啖都能夠食到疏菜. 味道不算濃, 但正合本小姐口味). 南瓜湯(沒有試><). 酥皮包好軟熟同鬆化. 咬幾口就食完XD飯 : 黑松露磨菇飯. 好強烈黑松露菌味. 亦都好creamy. 意粉 : 忌廉蟹籽煙三文魚露荀偏意粉 $78. 一眾好友最愛呢個. 三文魚有鮮味. 意粉亦煮得剛剛好. 不林不硬. 差點要encore.加拿大豬鞍扒伴薯菜$148. 沒想到他們可以煮得那麼"林"但又不失口感.

再次來到萊茵河，大班人的話訂座似乎也是必須的。午飯時間走進大壩街，大概就只是這裡要等位。事隔近兩個月，午餐餐牌仍是上一次的內容。這次沒有吃西冷牛扒，但吃的仍然是牛肉。是日餐湯這次雜菜湯雖然菜料十足，但來得有點油，味道一般的說。芝士牛肉漢堡配什菜沙律及薯條 $58不知怎地，這次的薯條好像沒上次的好吃，比麥當勞薯條還要乾身一點。不過配上黑醋汁的什菜沙律算是爽口。芝士與牛肉也同樣厚身，烘過的麵包也算香口。雖然牛肉呈現一點剛熟的微紅，可惜肉香欠奉之餘，也不見得有肉汁。汲取教訓從來是成功的不二法門，但我卻沒有汲取上一次西冷牛扒表現一般的教訓。這次糊裡糊塗再一次點了牛肉午餐，結果自然是自討沒趣。

上次食完大壹冰室好失望，今次去隔離食可能有希望。 這裡莱茵河餐廳Rhine River，唔講都知係食德國野啦！不過今次唔食咸豬手，轉食菠蘿厚切豬扒，配水果茶。我和朋友一人一個套餐，有餐湯，主菜加餐飲，餐湯有兩種口味雜菜湯和南瓜湯。我們各自選了不同口味的餐飲一起品嘗，雜菜湯味道濃郁，有經典羅宋湯味道！南瓜湯，有濃郁的南瓜味，每一口都有南瓜蓉，又香又甜！菠蘿厚切豬扒味道醬汁帶甜，切開豬扒感覺好 ，咬一口有12成熟 ，我跟服務員反應 ，他馬上幫我換過一碟， 服務態度好好！第二碟菠蘿厚切豬扒，切開豬扒咬一口有10成熟,肉質唔夠juicy，醬汁帶甜味道還可以。我叫了是日推介，熱特色水果茶正價HK$33跟餐加HK$20, 心想有多特色呢？特色水果茶有橙 、檸檬 、菠蘿和青檸，感覺好refreshing.Rhine River地址：荃灣大壩街71號德仁樓第16期地下7號舖TEL：2555 0300評分：（以5個＊為滿分）食物：＊＊＊環境：＊＊＊＊服務：＊＊＊＊衛生：＊＊＊抵食：＊＊＊

這天與同事們提早做冬 (對呢，提早了四天)，走遠一點來到荃灣廣場後面、食肆林立的大壩街。因為是星期五關係，為免要等太久而沒時間吃，我們早一天便訂了萊茵河餐廳。坐下不久便已有客人排隊，還好是訂座了呢~大概是配合餐廳名字，裝潢的仿石牆及牆上的鹿頭裝飾，也挺有歐洲雪山木屋的味道。雖然午餐數目未及萊茵河的支流般多，但24款午餐著實教人有點花多眼亂。每客午餐均配餐湯，這天的餐湯有雜菜湯及南瓜湯。平時喝得雜菜湯多，這天則選了南瓜湯。南瓜湯湯身雖然未及很滑，但南瓜蓉的口感及甜味算是不俗。惟餐湯份量似乎偏少了點，不足半碗。紐西蘭西冷牛扒配薯菜 $68可能是午餐關係，這裡的牛扒沒能選擇生熟程度，基本都是七成的說。但店員說可跟廚師說要生一點。選配的薯菜雖然不算很粗身，但比起某快餐店的薯條已來得粗一點、薯味也香了點。至於那看上去超過七成熟的西冷牛扒，雖有淡淡肉香，但軟腍的口感吃得出是經特別處理過而成的，表現一般。至於同事所點的忌廉菠菜煙肉意大利粉及意式芝士蕃茄吉列豬扒焗飯，他們則說有水準。餐茶點了熱咖啡，表現中規中矩。不過這裡的檸檬茶/水以檸角示人，不同於普通西餐廳的切片檸檬，賣相挺好。

一行三人荃灣揾食，見到呢間萊茵河價錢ok,門面同裝修都幾好feel,誤打誤撞就走左入去啦~價錢平易近人。我地剛入去時係full哂，淨反幾個bar枱位，見幾有feel，就照揀坐得無咁舒服(枱很高，椅太矮)既bar位啦！我地order左三個set dinner, 加兩件cake,先上飲品，凍熱檸檬茶，店員主動說唔夠檸檬可以再加啊！我選了南瓜湯，南瓜味很夠，每口都喝到南瓜肉忌廉蟹籽煙三文魚露荀偏意粉 $78好creamy香濃既忌廉汁，真係好正，白汁控你懂的！加上大量蟹籽同煙三文魚，好好味呀！當日負責bar枱既女店員真係好nice服務好好，又再次主動問我地要唔要芝士粉，芝士我最愛，當然要啦點知店員遞上一小碗芝士碎，好驚喜呀，仲諗住只係普通芝士粉咋！！見到呢碗芝士碎，對於芝士控來說真係會好興奮架！友人點了 法式慢煮龍脷卷伴忌廉菠菜薯蓉 $98個菠菜忌廉汁又係好好味龍脷卷用慢煮方法，滑到不得了，又唔腥，底下既薯蓉本已經好香好好味，吸埋龍脷魚既汁同忌廉汁，成件事係夾到一個點！呢個我超中意食呀！另一友人點了 香草茄茸澳洲牛肉闊條麵 $88這個我只嚐了少少，牛肉嫩滑牛味濃，一定不是普通平價牛肉，仲好似食