莎樂美餐廳

營業中

休息中

今日去荃灣行街，就去左荃灣大河道好出名既莎樂美餐廳食午餐。我們點了鐵板午餐，黑椒牛肋條 同串燒大蝦皇伴莎地亞什扒 $64。全場都係叫鐵板午餐，因為實在太抵食了。餐湯點了周打魚湯，周打魚湯好多料，有好多蔬菜超好喝，餐飽都大大個好吃。莎地亞什扒好大份好多野食，豬扒，雞扒，火腿，腸仔，蕃茄，薯角，仲有只巨蝦。好抵食。黑椒牛肋條，好有肉味，好淋，唔韌。除餐茶外(凍飲唔洗加錢)，仲有雪糕做甜品，很滿足，食飽飽。

小時候每逢節日, 都會嚷著要去扒房鋸扒慶祝。出嚟做嘢後雖然試過唔同嘅高級餐廳, 但間中都想去舊式扒房, 感受下懷舊風味! 知道莎樂美高峰時每晚門外都見排隊人龍, 難得星期日午市路過見唔洗排隊, 就入去一試! 80年代裝潢, 環境有點老化, 燈光昏暗, 但座位不算逼狹, 下層樓底較高。羅宋湯香辣惹味，配料豐富。如果餐包暖啲會更好!串燒大蝦皇伴莎地亞什扒鐵板餐 $64份量十足! 豬扒、雞扒好大塊, 配上一隻大蝦, 火腿和腸仔, 即使鐵板不連飯/意粉, 都足夠男士享用! 略嫌豬扒較乾, 多啲薯條會更好。

12月9日晚同女朋友去左呢間餐廳食晚餐，諗住試吓荃灣呢間舊式扒房，入到去啲侍應叫我哋上去，上到去無位再叫返我哋落去，算啦，坐低落單，叫左2個餐，轉左蒜蓉汁，點知一送到黎問都無問就淋左黑椒汁，自己淋錯仲要西我地面，都算啦，食落去要5成熟，點知一切落去舊肉仲生到無輪，另一份就熟晒甘濟，點解一間扒房連呢啲錯都會犯，成餐飯都感覺好差，侍應仲要乜都唔理甘，我同女朋友真係嬲到食到一半埋單走啦，埋單 400蚊，呢個價錢去金鳳個啲食會仲好，未見過甘差既餐廳，難食又無服務態度，而家疫情仲甘做生意，又污糟，唔明點解呢啲餐廳仲生存到，奉勸想去食既朋友真係要三思！！！

層層疊既雜扒，搭到咁高都唔知可以點開始食，鐵板上幾乎冇位子可以切野，叉住食下蕃茄先之後再食其他，過黎食前我唸要餓定個肚先食得哂（如果唔share的話)雖然個雪糕只係一個最普通既雲呢拿味，但見到依個非常懷舊既雪糕杯，你已經唔會再理個雪糕係咩味或者粒棉花糖會唔會淋，因為你食緊既係童年味鐵板餐其實真係好抵， 追求飽肚一定冇問題，但係太多肉，而且係煎炸嘢，食食下都有d頂唔順， 雜扒餐會好小小，多D其他味道， 冇咁寡

莎樂美餐廳既賣點就係份量好大此次於下午進餐叫左個鐵板餐食物方面，一開波有羅宋湯及餐包麵包嘅野只要熱就好食，佢係做到嘅湯方面亦非常夠味，有點辣，正！然後就到主菜，黑椒汁牛肋條比較建議叫牛肋條，原因係其他肉類都不太新鮮，無乜肉味，舊扒好似發過咁，雞牛豬都差不多，只食到汁既味，份量係好大，但真係麻麻，牛肋條算係最穩陣，因為只有牛肋條係無乜點處理過，食到肉味，但份量比起其他鐵板餐少，但其實都好多下薯角應該炸左好耐，不太脆另外我加左3蚊加碟意粉本人覺得唔錯最後甜點係朱古力雪糕環境方面，真心麻麻，冷氣出風口好多膠纸，d 杯用到花晒，餐巾穿窿，建議真係換左去服務方面，不過不失另外注意呢度會收服務費好老實講，去呢到就係想食到好飽，70幾蚊又包又湯又鐵板又意粉又雪糕，仲想點？

🎵一人有一個夢想, 兩人熱愛漸迷茫🎶懷舊既扒房，八十年代既裝潢，今日播發着黎瑞恩既「一人有一個夢想」。聽住呢首歌突然倍添傷感，我都有一個夢想，希望有日有人可以陪我呢個單身狗，一齊黎呢度割扒，事關呢度既扒真係超大份，自己一個食好罪惡。獨自享用左一份日本帶子伴美國雞扒，雞扒有一共2塊，大大塊，成隻手掌咁大，又厚身，好中意佢個白菌蒜茸汁，零舍開胃。雞扒食唔出有雪味，肉質亦唔鞋，食物質素同價錢成正比。隨餐更附送餐包和湯，有羅宋湯同周打魚湯，我簡左酸酸甜甜既羅宋湯來打開味蕾。

以前荃灣返工, 偶然會去莎樂美食LUNCH! 星期六剛好經過, 突然有d想食下肉, 所以就入去啦! 環境都係咁, 你唔會有太高要求。或者你可以當係特色 : 幽暗既環境、2樓要小心奕奕低頭行過等等。但都係食一種懷舊既感覺啦, 幾十蚊有鐵板+扒食、有野飲、有雪糕送! 抵啦~

細細個已經幫襯呢間扒房。屹立至今，80年代裝潢，環境有點老化，但頗有懷舊情調。玻璃門掛窗紗，膠枱墊卡座，分上下兩層，上層樓底偏矮，擁有著不少人的回憶。十來款鐵板餐就點了牛柳和雜扒，份量十足。先來了一碗羅宋湯和忌廉湯，湯味道對辦，酸中帶辣，惹味開胃。餐包拳頭般大，鬆軟有麥香。終於到主角出場，眼前不敢相信是一個人的份量。牛柳近兩吋厚，脂肪比例均匀分佈，煎出來帶油脂香和肉味濃郁，入口即化。雜扒餐份量十足，煎豬扒，雞全翼、牛柳、巨型雞扒等，疊至幾吋高。薯菜，番茄，蔬菜作配菜。雪糕作甜品。但炎炎夏日就點了一杯啤酒作消暑解渴。你冇聽錯，啤酒是跟餐的。

荃灣無人不知嘅莎樂美。我由細食到大。呢次係最後一次。佢嘅特色只有一個，抵食夾大件。啲牛排唔使用刀，就咁用叉加匙羹都可以了切開。佢嘅做法同金鳯一樣，大量汁，啲肉冧冧哋，有雪味，肉質粗有趙頭嘅牛排。環境黑沉沉，下層嘅吧台，污漕到無輪。服務夥記掛住自己傾計，樓上厠所，行入去都差啲跣低。餐湯今餐最好味。牛排，得個大字，快餐一樣。我一定要影佢呢度嘅賣點，厚，其實同煲湯牛肉返煎沒有兩樣啤酒係今餐最好，可以加錢餐飲轉啤酒。

半個鐘前，行過呢間餐廳，門口幾懷舊，以為咁耐歷史，質素應該有噃咁上下，點知揾笨，叫咗個黑椒羊架，來到面前，把刀任你砌，舊舊都係肥嘢，叫個四眼樓面過來，好聲好氣同佢講，叫佢留意下啫，竟然話係咁，對唔著都無句，就行開,如果唔係有朋友係度，即時要佢退貨，當時一舊都未食過，呢間餐廳，都唔係幾想做生意咁，已後都唔會去，垃圾餐廳！

黎到荃灣好肚餓！經過莎樂美，無論係門面定入面既裝潢，都好似帶左你返去幾十年前既香港咁，一於入去試下佢既鐵板餐。有唔同類型既餐牌，我地就食鐵板午餐。每個餐都係$64，加飯或意粉要加多$3。好有格調既餐紙，連紙巾都有印上餐廳名。先黎湯，叫左一白一紅。白湯有塊梳打餅，好得意！但紅湯濃味啲又辣啲，好味啲！我地嗌既 (B)餐既洋蔥豬扒加青口 加意粉 (有兩塊手掌咁大既豬扒😂😂😂 方便影相所以分開擺)(E) 餐既 串燒大蝦什扒餐 加意粉(都係有手掌咁大既豬扒同雞扒，加火腿腸仔）岩岩侍應落醬汁吱吱聲既一刻，好療癒☺️☺️☺️最後送多張鳥瞰照～仲有甜品雪糕架- 但我唔記得影低！我地再額外嗌一杯凍檸檬茶同熱咖啡☕️，計埋加一，總共$147！ 大份又抵食，味道就都係鐵板味啦！經過開又肚餓又想要個氣氛就一於試下啦！😋😋😋😋PS 什扒餐冇牛扒，如果想食，可以嗌$135既高級什扒餐(豬扒、牛扒、雞扒、雞翼、腸仔、火腿) 包野飲！

從餐廳門口就可以睇得出呢間＂莎樂美餐廳＂歷史悠久，係一間懷舊西餐廳。一踏進餐廳，立即好似進入時光隧道一樣，時光倒流到八丶九十年代。聽到播緊張學友的歌，裝修陳設全部都好有懷舊氣氛，綠白色格仔地磚，呢度有兩層，上層坐位比下層多。燈光比較昏暗。午餐餐牌的選擇唔多，只有幾款。當日點左越式札肉雞絲炒飯＄50丶串燒大蝦皇伴莎地亞雜扒＄64，兩個都係套餐，包一杯飲品丶餐湯丶仲有雪糕，非常經濟實惠。份量十足，保証一定捧腹而回。我選擇飲周打魚湯，配經典麵包。周打魚湯有一塊梳打餅，而且好多西芹。炒飯好大碟。鐵板餐亦都好大份，有雞扒丶豬扒丶串燒蝦丶薯條丶火腿⋯⋯份量驚人。甜品永遠都係一款，就係一球朱古力雪糕。

今日同7位朋友出黎食飯，睇到有間懷舊扒房，就入去試下，環境唔錯，餐牌種類都算多！見到其他客人叫嘅餐都幾大份！咁我就叫咗一份5成熟嘅西冷牛扒，配餐白湯。首先，餐湯唔錯，都算多配菜，有洋蔥，西芹，餐飽就一般般，不過不失。係份扒一黎到就有點擔心，因為份扒真係好大份，怕會食唔晒！我切開就發現牛扒有啲生，似3成熟，咗我覺得我都接受到，咁就冇叫員工幫我換！之後就開始叫餐飲，本身叫咗凍檸茶，少冰少甜，其餘有5位朋友就係凍檸茶少冰，有1位朋友叫凍檸水走甜。落單後，員工都有重複一次我地嘅order 。但最後都係黎錯咗，凍檸水變正常，凍檸茶變走甜！咁我地諗住叫其他員工換，係溝通其間，幫我地落order嘅員工行過黎話「咪走甜囉！」咁我地冇同回應佢，同咗其他員工講，由其他員工換！同其他員工溝通好後，我見到幫我地落order嘅員工同佢嘅同事講「佢地自己咁講。。。」係我嘅角度。我認為我地冇必理刁難你地，的確係黎錯飲品，其實換番我地都ok，但員工嘅態度令我覺得有點失望！落錯order唔緊要，但咁講野令到我感到失望！

今日(27-12-2019 Fri)晏晝,老公話想今晚嚟鋸扒,於是放咗工走嚟.咁啱地下有枱卡位客埋單,我哋就坐呢張.呢次應該係我第一次喺地下坐,地下嘅環境光猛啲同闊落啲.睇完menu,我決定要$150.00嘅薯蓉焗海鮮大會餐,老公要$135.00嘅鐵板雜扒餐,大家都要周打魚湯.湯同餐包到嚟喇,餐包都幾熱同軟熟,周打魚湯仍然幾杰,舀起飲,發現有好多蔬菜,真健康.等咗10分鐘,我嘅薯蓉焗海鮮大會到嚟, 燶邊薯蓉脆卜卜,好得意,而焗海鮮係有加芝士焗,材料有兩隻青口,蝦,魷魚仔;一隻帆立貝,蜆肉,幾隻蝦仁同魚柳,成個味道鹹淡適中,都好舒服,呢個我食唔晒,就算老公都有幫手食啲.而仍嘅鐵板雜扒餐好耐至到,成座山咁高,有啲驚會跌落嚟.食物有全隻雞翼,腸仔,火腿,豬扒,雞扒,牛扒同薯菜,同20年前冇乜分別.由於我太飽,根本冇能試,而老公都好好食力,佢食得晒.餐飲我哋要熱檸水同凍檸茶,我嘅熱檸水又有啲澀喇.雪糕方面,今次係朱古力味,有啲脆朱古力塊,好味.服務:明顯好咗好有禮貌.上次喺呢間食嘅食評: https://www.openrice.com/zh/hongkong/review/%E6%98%AF

叫左個5成T骨排 上到黎10成都黎緊，雖然望落好大份，但下面果塊有近乎一半都係肥膏，唔知食緊牛定係豬，肉質真係奇低！係奇低。要食情懷都吾應該黎呢間，性價比極低！！