莊園韓國料理 (已結業)

一走進去坐下的時候，看見那些manu&枱櫈都很殘舊，心裏已在懷疑到底食物會否好味呢？不過冷氣很充足，點菜後也很快上菜，味道也合本人心意，基本上清了所有食物！現在還有些回味！燒五花腩真是好像看韓劇一樣好味！燒辣魷魚也很惹味，但對於本人來說，辣了一點點，吃得辣的人一定很愛！燒牛肋骨肉都好正！這就是正宗的韓燒吧？

今日星期一打去想訂星期六晚上既台，打到去講完想訂星期六台，只收到回應一句，前一日打黎，之後cup左我線，這是什麼服務態度？戲院咁只接受三日內訂台？就算係，要cup我線嘛？

我地去到唔知點叫好，問下佢地，佢地話乜都燒得任你叫，好啊咁樣唔錯。等了一陣, 一下子14 碟前菜送到你面前, 冇錯, 係14 碟呀!! 一d 都唔孤寒喎, d 前菜都好好食呀!!! 免費o既前菜有咁好質素, 抵讚!!到韓燒料o黎喇, 賣相一般, 咁多樣, 牛最入味, 魷魚都彈牙, 雞都好味, 唔駛點汁已經夠味喇.. 而豬就一般，只係比較冇咩味，餐仲送埋湯同飯, 湯正常, 而飯就夠軟綿綿, 撈埋d 韓燒一齊食冇得頂!!呢間都算唔錯啦, 又唔係太貴, 我望到坐我地旁邊有一對韓國人, 佢地只係叫左牛肉同埋一d 生菜, 用生菜包住飯同牛肉一大啖咁食，食得好傳統啊佢地，下次等我又試下咁樣食先！可以別一番風味！！！ＫＥＫＥ另外一邊見到有人叫左石頭窩飯，好鬼香，又係想試下，不過今次我地係燒，所以無叫到，希望下次又可以食到啦！！！ 

不知是不是雨的關係，父親節當天竟然沒有人排隊。店員很熱情，也不斷幫我們加水。建議不用點太多，因為餐前十小碟的份量都蠻多。我們一家四口，點了四個菜，本來想再點一個炸醬面，但可惜太飽了，而且還吃淨一道泡菜豬肉。是次消費共$506連加一

見到OPENRICE寫呢到咁多好評，決定搵晚放工過黎試一試。平日七點幾黎到，都唔洗點等位，真係好啦。一行兩人，坐低無耐，侍應們已經為我地送上10小碟小食，種類好多，包括泡菜、甜薯、奄魚、豆腐、皇帝菜、芽菜等等，最好味既當然係薯仔同埋泡菜啦，咁多小食，淨係食佢都已經半飽架啦。食食下小食，湯就好快送上黎啦。唔洗幾耐，我地既主菜都上埋黎，首先到既係韓式炸醬麵，炸醬香味好濃，配料都算多，但係一定要趁熱吃，如果唔係會漿成一團架啦。唔洗3分鐘，下一個飯都送到啦，一心以為個韓式雜錦飯係石頭飯，點知原來唔係添，只係普通一個用不鏽鋼容器裝既飯，所以凍得好快。不過個飯加埋D辣汁幾惹味，如果可以再多一D肉就會更加好。泡菜餅夠香脆，好似中式薄撐咁，好惹味，泡菜完全融入煎餅中，外脆內軟辣味夠濃郁，好明顯是即叫即整，仲有令人一件接一件吃的衝動，一個字正，極力推介。2個人叫左3樣野，再加埋咁多小食，份量其實多左少少，下次可以叫少D。

Came here for dinner with boyfriend and 3 of his friends so there was a total of 5 of us. They wanted Korean so this place was chosen for being back to basics.Located in K-town area of Hong Kong, is this one of the original Korean restaurants that opened here. Before the Korean fried chicken craze, before the carbonara topokki, before they started adding eggs to the side of their BBQ plate or a chimney above to suck up the smoke, was this place. It served basic Korean items like stone pot rice,

點了個韓式大豆芽湯，味道淸新可口消暑，湯內有些粗粒的黑胡椒，味道帶點植物的甘香最適合下雨的季節喝。泡菜餅亦十分惹味，泡菜完全融入煎餅中，外脆內軟辣味夠濃郁，是個很開胃的啤酒伴侶。一個字正！！

原本係同朋友(total 3個女仔)去H8食韓國菜,但walk-in都要等成個幾鐘, 我地決定轉去莊園食淨係餐前小食都12-13小碟, 食晒的話一定飽左7成, 味道不錯這款泡菜煎餅真的很好食, 本身唔好泡菜的我都食了好幾件, 唔太辣海鮮湯料足味濃有脆肉瓜/金菇/墨魚/肉....韓國紫菜包飯$108 (問心個價錢就覺得唔值...又唔係用貴價料...大埔有間韓國菜的紫菜包飯只是$6x)3人埋單連加一$539其實如果每樣份量少返dd...價錢又平返dd...咁客人又可以試多dd囉

門口等候時，已經嗅到了一陣陣的燒烤肉味，香噴噴好吸引，雖然要等位，但都唔算等得太耐。店內地方細細，所以枱數不是很多，由於有燒烤，所以地方比較油。 叫完食物，已經開始上 十小碟的前菜，真的好吸引好味道有 蕃薯，豆腐，菠菜，甜花生，沙律，泡菜，芽菜，柴魚仔，韓國粉絲......... 基本上每樣都好好食。 前菜大部份都 甜甜的，所以十分易入口，辣辣的泡菜十分醒胃。正] 叫左2個燒肉 : 五花腩 及 牛肋骨肉 ，眼見五花腩肥到呢，但燒左之後 肥膏縮左水，食落又幾爽口，肉質又唔鞋。牛肋骨肉，由於已經 有醬汁，所以味道較咸，但肉質真的很嫩滑。可惜欠差生菜沒有提供。熱辣辣的石頭煱飯，是每次食韓國菜都會order 的，無失望，味道好好，飯又唔會太濕，又有些飯鍋，剛剛好。 炒年糕，有蛋，韓國魚片，餃子，很足料，年糕 煙煙韌韌，口感好，有咬口，只是不食辣的，會有少許辣。 泡菜餅，一樣足料，好似中式 薄撐咁 ，唔錯。

今晚特登同屋企人去金巴利街食下呢間人地話好正宗嘅韓國燒烤 所以真係好期待呢間餐廳有咩特別嘅地方一入到去已經有好多人，好彩我哋事前有book到,唔洗等好耐咋一坐底佢就送上十幾碟韓國小食, 真係好有特色 我最中意佢嘅泡菜,唔係太辣但係好入味另外佢嘅炒粉絲都好好味，得呢小小一碟真係好唔夠我哋叫咗燒牛肉,一望到碟牛肉真係覺得好新鮮食落雖然食落冇入囗即溶咁誇張，但係每件牛肉都肥瘦均勻，所以都食到我哋好滋味好滿足希望下次有機會試下佢嘅其他嘢食啦

I went with my friends for lunch on a Sunday dissappointed that the choices of restaurants were so limited (understandable cuz some koreans are Christians and close on Sundays). We went in and looked at the price and were hesitant. It is pretty expensive relative that of restaurants in Toronto. We order bibimnaeng myun and jajangmyun. They were both HK$100 (excluding 10% tip), which is around $13.50 Canadian. For Ja jang myun that is very expensive. Ja ja myun you would usually find as the cheap

係很久很久以前，一位好朋友帶我去一間正宗嘅韓國料理，當時間舖係天文台道，餐廳名叫莊園，喺很久很久以前，我仲係搵緊幾千蚊人工，我覺得呢間料理真係好貴，成五百幾蚊個餐，但其實好夠兩個人食，仲好好味～很久很久之後，黎到金巴利街嘅莊園，唔知係咪同一間，亦唔知係咪同一個老細，我對呢間餐廳，情有獨鐘，當然想回味一下。唔洗等位即刻入坐，梳化坐位非常之高，對於我個子咁矮黎講都覺得高，對於高嘅人應該會仲辛苦。整個餐紙設計同餐具，同我以前食果間真係無咩分別，好有歸屬感，睇下佢地個menu，價錢中等，有一個綜合燒都適合二個人食用，因為不用太貴而可以食到唔同嘅肉類。之前我都講過，泡菜係我覺得韓國菜嘅主菜，泡菜都有9碟，可以refill，但係極之失望，佢同我喺觀塘任食嘅水準不相伯仲 居然差左咁多！比隔離店清奚川差太多了，雖然清奚食得好趕，但係每樣食品，包括前泡菜，都好有驚喜，其他燒物都雖然比觀塘任食好，但已扣了很多分。其實如果係同一間，咁我相信已經轉左老闆，因為以前入到去仲有幾個韓國人招呼，但宜家都轉晒香港人，及沒有以前嘅韓國風味，其他食品雖然未試，但看見隔離枱嘅賣相，都不是太吸引，我諗會一段長嘅時間不會來了

一去到坐低之後叫完野食之後，就即刻有九款前菜送到你眼前，每一款每一款都非常好食。今次去有多個朋友，每人都鍾意食一款,岩岩好,而我最愛就當然係泡菜，依到既味道較得唔錯唔會太辣，朋友話大荳牙同埋皇帝菜都幾爽口。好快就清哂D前菜喇。朋友叫左個生牛肉。我平時只會食生牛河,韓式生牛肉我就真係未試過,不過原來都唔錯。依到既生牛肉好新鮮，聽完朋友講原來韓國人會加雪梨絲入去，咁樣會有一種唔同既清甜味，加埋生蛋之後，牛肉變得仲滑左。果然係好出色的。之後叫多左個韓式炒年糕，依到既菜都幾大份。今次叫左少辣既年糕,唔太食辣既朋友，應該岩岩好，但我自己就當然想食辣D但,所以都唔多夠喉。年糕做得唔錯,煙煙韌韌又唔會太難咬，但份料多左少少,有甘筍、洋蔥、札肉，影響左整體，但都幾好味。

本身唔係好岩韓國野，但係呢間都唔錯但係一入去好大油煙味，好大煙，坐落左又冇八小碟份量都幾多，同埋一路食燒肉，一路食都好夾個人推介燒牛肋骨肉(約160蚊)，d肉肥瘦好好，3個女仔食岩岩好佢d肉類都算大碟，2個人去叫一碟應該都夠飽跟住店員sell我地叫個牛排骨肉.好似230蚊一碟..反而覺得比較"UN" 同多筋，冇牛肋骨肉咁正囉 每人都有一碟汁，燒肉點完呢個汁，再配白飯，勁正！ 可以食晒成碗飯朋友介紹飲呢隻 叫清河唔似sake咁濃，細細杯咁黎，好正宗睇韓劇個d咁另外叫左 牛尾骨湯，膠質好多，牛奶味多～ 可惜100蚊只得一個小湯碗的size..有點不值而泡菜烤餅個人唔太喜歡，中間d餅好淋，同埋成個餅太大塊，到最後都凍晒。

every 小菜 very good要加加減減小菜冇問題!!!beef tar tar!呢個唔係間間都做very good!!!quite fresh!!!燒完D肉用菜包LOVELY!!!D肉腌得咸咗D要裝修啦!!!!toilet very small... very old...抽風系統極有問題