荷里活冰室 (順利商場)

營業中

休息中

好好難食，難食，我點咗一份咖喱豬扒，結果好難食，咖哩冇味，豬扒食起來嘴冇味，僅僅還有豬扒臊味，咁難食仲好意思要60幾蚊，不如去食大家樂仲好過，本來想搵一日開心嘅心情食咖喱㗎嘅

同屋企人行完佐敦谷公園，行到攰搵個地方hea 下行到順利村，又唔想試d 集團嘢， 一於試下當地嘅冰室地方都幾大下 坐得幾舒服牆壁上面真係掛荷裡活明星相佈置都係有心思$35 花生西多士花生醬餡都較多稍為覺得牛油佢得唔夠多最有驚喜嘅嘢係 算幾有心思 適逢新年 都有寫返新年快樂$26 奶醬多正常發揮啊 花生醬亦都擺咗唔少喺裏面個面hon 得都唔算太燶鬆脆可口最後講講佢杯奶茶叫咗多奶的確個茶味唔算太出， 同埋厭佢比較細杯整體嚟講都算唔錯

啲豬扒又乾又多骨， 成個飯啲汁一pat pat, 唔好以為落好多汁，就可以遮蓋咗啲豬扒嘅柴皮， 嚟呢間舖頭千祈唔好叫焗豬扒飯， 完全冇諗過咁差難以接受，食大x樂好過。 平時幫襯開食早餐，晚餐都冇出事，係個焗豬扒飯咁鬼難食，個師傅真係要檢討下， 有咩可能啲汁多到想搵一啖無汁嘅炒飯都食唔到😵唔明一個咁簡單嘅焗豬扒飯，都可以做得咁垃圾，唔怪得知啲人，個個都北上搵食。 如果做得唔好，不如就唔好再出焗豬扒飯，影響曬成間餐廳

難食到痴線，叫左個黑椒牛仔骨飯同銀芽炒面，炒面正常，但未到好食個牛仔骨韌到食都食唔到，有5塊，但我地只係食到兩塊，杯咖啡係酸嘅，估唔到趕時間同老母食個飯又中伏。