荷里活冰室 (兆禧苑商場)

營業中

休息中

我今日去蝴蝶灣泳灘公園遊玩.所以由九龍坐車入嚟屯門呢處，因由九龍入嚟關系，入到嚟都12點，所以在綱上找食店，無意間發現呢間餐廳，綱評十分惡劣，員工態度有問題。因為未能找到其他,心頭美食，本着好的一餐，唔好一餐，又唔係住喺附近，無所謂！一依入去試吓有幾伏！我哋兩公婆入門口，有個待應到來招呼，歡迎光臨，問幾個人! 我哋話兩個，便熱誠帶我哋入去，呢處兩張卡枱，你哋選擇坐那張，坐低先掃安心嗱！呢度有星期一至日套餐，今天是星期六，都唔知食嘜嘢好，待應熱誠介紹，龍仔蒸魷魚肉餅飯及四川回煱肉飯，我哋一唹照單去碼，還叫了熱咖啡及熱奶茶各一杯，咖啡及奶茶中規中矩，都ok! 龍仔蒸飯都可以，肉餅幾好食及魷魚都多, 四川回鍋肉辣到剛剛好,幾好味！進食期間，有人客進場啲侍應會叫大叫歡迎光臨！進餐完畢啲侍應很快上來打點,還叫多謝幫襯.慢慢坐!當我們買單的時候，先發覺呢度，只收現金，現金券不能用了，冇問題留返下次用！我哋要去洗手間，問收銀姐姐，洗手間係面處？個收銀姐姐沒有表情，好細聲說話，我都聽唔到佢講嘜，我估係大概係前面話！見到姐姐的樣子，我都沒有追問下去，為有自己去搵，真沒趣！食後食評總結..食物中上，環境都

因為早前極差嘅經驗，本來就唔想嚟依間負評茶餐廳。不過，老婆大人話想嚟就算la。正常叫兩份早餐，正常咁一路食一路叫水。點知，忽然聽到前面收銀靚女大大聲講網上有人寫負評話依到落錯單，職員態度差，啲客又死番嚟食………不斷重覆大聲講4,5次，成個場都清楚哂。收銀靚女，坐係前面我咪上次寫負評個客，宜家串到咁，咁趕客，真係服咗你哋。……都明知依間所謂冰室係好差，我好應該阻止老婆大人過嚟。係收銀靚女眼中，一切都係我哋客人嘅錯。

今日打電話落外賣叫左一個餐，點知去到取餐時個收銀職員找錢比我時，我發現唔對路，唔係果個餐，收銀職員態度惡劣，唔道歉仲話自己系電話有講幾多錢，根本就無講到，我回應話我落單時有講明係落果個餐，如果餐廳無果個餐佢應該即時同我講，佢無講仲要講大話說佢有講應收幾多錢，真係好有問題，大家唔好幫襯。激鬼氣。

住係附近，返工前總會係先食早餐先上輕鐵。碼頭附近嘅餐廳我都食過好幾間，依間荷里活嘅食物和職員態度直係持續惡化，真係唔寫低唔得 。今早叫沙嗲牛太陽蛋米，熱奶茶少奶，我例牌叫依個配搭，見阿姐好快落咗單。等一陣碗粉上枱～～ 依～啲牛肉有明顯深淺色，食落深色嘅沙嗲牛硬到差啲咬唔入～～都唔知放咗幾多日嘅沙嗲牛。個人未訓醒就無咩動力同阿姐講～～ 轉頭嚟杯奶茶，一睇就知無少奶…明顯淺色啲。咁我咪即刻同原本落單阿姐講我係要少奶。佢即黑面講比啲茶膽自己加…………咁我堅持下要換佢先攞走杯奶茶。然後唔夠 30秒，佢攞番一杯一樣嘅奶茶過嚟，張單又無改番，阿姐仲要講番聲多謝………下，我即刻已經唔夠膽飲la。好la ， 我比錢個陣同收銀講番落錯單，仲換咗杯唔知咩嘅奶茶。收銀靚姐仲大聲應咁就唔好飲唔好食la。嘩～～佢哋都幾得下。睇到嘅朋友自己想清楚去唔去依間la, 我就永不入去～～～

呢間餐廳都開咗一段時間,  午市時段路過都會見到有人排隊. 今日早餐時段見無人排,  睇門口餐牌, 早餐比起附近餐廳略貴, 未試過嘛 就入去試下叫咗:叉燒意粉+奶油多+炒蛋+熱奶茶 $37.00沙爹牛肉麵+奶油多+炒蛋+熱檸水 $36.00叉燒意粉--湯底唔係好得, 意粉略嫌林了點沙爹牛肉麵--沙爹湯比一般的辣, 牛肉夠林唔韌, 公仔麵都係略嫌過了火奶油多--似係生命麵包嘅SIZE, 相對較薄較細塊炒蛋--正常一般熱奶茶--係全個餐最好嘅埋單 $73.00

因為疫情成日都食外賣。荷里活冰室食物質素都幾好。但最近多次外賣無餐具。今次食焗豬扒飯。豬扒係刺身。面完全唔熟。當自己唔好彩。希望今日唔好痾到七彩。亦都希望你哋唔好食到豬扒刺身 🤮🤢

同朋友開頭入去，想叫個菠蘿油，個侍應呀姐話冇，咁我地就叫左兩個芝士西多，落左單之後聽到隔離枱叫兩個菠蘿油，同一個呀姐就叫廚房整比佢，出於好奇，就問下個阿姐點解開頭話冇哂，個阿姐無端端好惡同好大聲咁話，「佢地有係因為人地一早黎一早訂左呀，你地洗唔洗咁講野丫？」成間餐廳都聽到哂，好尷尬，自問好聲好氣，都唔知佢做乜態度咁差呢？另外，黎個芝士西多個芝士完全冇味，仲係凍既，塊牛油都唔溶。對呢間餐廳真係好失望。

近近哋 新開商場去試下食個早餐先， 第一次去食 早餐 廚房 出品還可以 但杯 凍奶茶 好似飲奶水 最差反而係畀錢時 個收銀好似爭佢錢咁 黑口黑面 好似欠咗佢咁， 如果佢係老細咁就希望佢間舖快啲執，如果佢係夥記 希望佢老細早日炒咗佢 唔係出品做到幾好都冇用

上篇食評先讚呢間野幾好食睇黎我要改觀及更正事實下午5點半去買38蚊特價套餐收銀阿嬸坐係度不停同侍應吹水講左3，4聲唔該先肯同我落單足足浪費我5分鐘時間……由落單到比錢，全黑面，找錢同張單就丟係張枱度有冇搞錯丫，比生意妳做 妳咁既態度？叫左個f15 火腿餐蛋飯！問收銀可唔可以要咖哩汁……點知收銀話 不嬲都跟豉油架啦好大聲講冇得轉丫……我問下者……唔洗咁惡丫返屋企打開……中伏啦……先講午餐肉 硬到可以掟死狗 再講d蛋 煮到硬哂 好似食紙皮咁火腿就最正常 因為唔洗麻煩廚師煎……結果成盒飯除左兩塊火腿食哂之外其他野都係食一兩啖算d豉油汁……算吧啦！ 淡而無味……下次再有機會食呢間……我諗都係食f6穩陣其他野唔好叫了……免得後悔……

呢間餐廳我未入過去食永遠只係食佢38蚊既套餐有湯 就萬事足咖喱汁香，唔死甜，夠辣係我鐘意食既咖喱牛腩比預期既多，有驚喜薯仔有咬口 呢個價錢仲想點？以後會多d光顧旁邊仲有好多野食，強烈推薦

早餐價錢中規中矩，味道唔差，外賣額外有折，可以再幫襯。粟米火腿通粉：唔鍾意有紋嘅通心粉，好彩佢係冇。另外要加辣椒油，因為本身個湯冇乜特別。多士煎蛋：本身佢係有練奶同牛油，不過健康d，我叫咗全走，佢有烘底都香口嘅。煎蛋有粒蛋殼係隻碟度，ok喇，食茶記又唔係食緊酒店餐廳。齋啡：都幾香，冇燶味，又係健康之選。

收銀態度勁差，好似欠左佢咁，老細如果見到呢篇野就話下佢啦， 叫咗個午餐又話唔畀加嘢飲又話要原價， 但個餐牌明明寫住加三蚊有嘢飲 ， 食隔離兩餸飯都仲好，幾好食都冇用啦。

見兆禧丸新裝修，開左個美食廣場 ，晏就去左個度試試。入面多數都係啲冇得堂食嘅小店，見呢間有得坐，就去試下啦。叫左個蠔仔泡飯，啲魚湯冇魚味，得個鹹字，食完仲要好口乾！啲蠔仔唔多兼好細粒我寧願俾貴少少，俾啲好質素啲，飽滿啲嘅蠔仔俾我囉啲飯淋到一pat野咁，一啲都唔開胃都算，啲湯暖嘅，唔係熱辣辣真係第一次食泡飯啲湯唔係現拎出黎真係頂唔順，好聲好氣同左個職員講，話個湯唔熱，搞到啲蠔仔好腥，問佢可唔可以換個碗或者拎過碗湯黎，起碼等我放得入口先但職員態度勁差，開口第一句就話：睇落仲出哂煙架喎！換過碗係冇可能架喇 失望，食到一肚氣，唔再理論，總之唔會再去，邊個想俾人做出氣袋就過去啦！

呢個小區重新裝修後，多了不少食肆，唯一呢間空間較大，坐得比較舒適，於是試一試呢間新餐廳。由於係晚市，叫了兩碟穫氣小菜，每碟平均70-80元，包一碗飯和湯，價錢合理。我吃的小菜分別是金磚豆腐和薯仔牛柳粒，豆腐炸得香脆皮薄，加上避風塘必備的炸蒜，配啤酒一流。第二碟調味幾岩我口味，黑椒味幾濃，牛柳粒軟諗，食落去唔會有渣，愈食愈惹味。可能新開店的關係，職員不太熟運作，落單後上菜時較遲。整體而已，我會再去呢間冰室，試下其他小菜。