影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
點咗老薑酒香豬潤河粉，聞到嗰陣味就已經好吸引。河粉滑，湯底清，味道有啲老薑嘅香氣，加上豬潤，真係食落去好過癮！豬潤煮得啱啱好，口感滑溜，配上湯底，真係一啖又一啖仲試咗凍檸蜜，口感好清新，唔會太甜，啱啱好解膩解熱，一流！另外，我仲叫咗炒滑蛋及丹麥方包，炒蛋做得真係好滑，味道香濃，搭配嗰件香脆嘅丹麥方包，簡直係絕配！每一口都令人感受到滿足，特別係早餐時候，食完真係心情好好。荷葉冰室嘅環境幾舒適，設計簡約又有返香港懷舊味，員工服務態度都幾親切，令我感到好放鬆。#荷葉冰室# #番工狠鮮fu系列# #香港美食推介# #香港美食日記# #香港# #hkfood# #hkfoodie# #hkfoodstagram# #hkfoodlover# #hkfoodblogger# #foodblogger# #foodporn# #foodstagram# #igfood# #igfoodies# #foodie# #hongkong# #養生# #藥膳# #薬膳食# #happiness# #hk# #hkgirl# #番工狠鮮fu系列# #番工狠鮮fu系列happi# #saludlivingstyle# #養生殿堂#
繼續閱讀
而家D餐廳收好早，夜媽媽喺粉嶺見呢間仲開緊就試下，叫咗兩個晚市套餐，首先係泰式炒粉絲，用個鍋上好有誠意，一拎上枱仲熱辣辣勁香，本身係好期待，點知食落去好失望，佢配料好豐富，香味口感係有齊，但個味道就好似唔記得落鹽咁，得D辣味，結果要自己係咁加鹽食，個三色蒸水蛋就唔錯嘅，但未到出色，入面有D皮蛋、鹹蛋、肉碎，都幾啱送飯，個湯同野飲都無乜特別，呢間可以唔洗特別試，不過可能其他餸好食嘅~💰價錢參考：- 泰式炒粉絲餐 ~$70- 三色蒸水蛋 ~$70
繼續閱讀
約咗朋友從蓮塘過關。自己早到咗，所以打算一個人指間餐廳食個早餐，等朋友。見到呢間啲食評講得唔錯，估計係線稿， 抱住冇所謂，試一試嘅心態。離開粉嶺火車站有啲遠，去到附近問一問人先知喺邊。喺餐廳門口覺得裏面光猛乾淨，裝修企理，枱與枱之間嘅距離寬敞，因而對呢間餐廳有啲好感。由於朝早七點幾冇乜人，唔使等位，侍應服務亦週到，識得親切地叫客人早晨，上餐亦好快，咁我已經覺得佢贏咗不少連鎖茶餐廳，同埋傳統茶餐廳。我叫咗沙爹牛肉麵、煎雙蛋加餐包，飲 咖啡。 我覺得個沙爹牛肉麵個湯底小小辣、牛肉新鮮，扺讚；不過即食面就比較普通。 煎雙蛋、餐包都係熱嘅，又加分。杯咖啡就輕微高過平均水準。 $38一個驚喜早餐，整體感覺非常良好。
繼續閱讀
我係一個食嘢好求其，唔係話真係太難入口，基本上我都會清晒不浪費。但係呢間嘢個椒鹽鮮魷真係太極品。首先魷魚只係得6-7嚿，得$5銀大多啲啲，最誇張嘅係裹完粉漿炸出嚟係可以成個手掌咁大舊，然之後成碟嘢極重油益味，極撚誇張，簡單啲講就係全程要拆個炸殼拎粒鮮魷黎食。我唔知係廚房定係老闆嘅問題，你收108呢個價錢做一碟咁嘅垃圾出嚟好唔好意思？我唔批評其他菜品服務員環境好唔好，我今晚只係叫咗呢碟小菜食，唔該，唔識做，冇心機做就唔好將呢個菜式放落菜單上面俾人叫，真係DLLM食到我一肚火
繼續閱讀
嚟過位於粉嶺中心嘅荷葉冰室幾次，早午晚餐都食過，都滿意！坐位也坐得舒服！今日我哋兩個人大約12:30來到食午餐，叫咗兩份set lunch - 籠仔土魷蒸肉餅飯 和 蝦醬生炒牛肉飯！每份午餐都配有例湯和飲品，今日的湯是袪濕降火的土茯苓粟米赤小豆扁豆湯，飲品我哋點咗茶走和熱檸水。兩款午飯質素都很好，味道適中，我們都很滿意。價錢也比同區的其他餐廳的午餐略便宜一點，是粉嶺區用膳的好選擇！午餐餐牌有一款素食，另外大餐牌的食物種類有很多選擇！飲品的選擇也多，有很多款特飲！期待下次來試其他食物！
繼續閱讀