荳子 (屯門市廣場1期)

營業中

休息中

呢間餐廳環境寬敞，坐得舒服，而且侍應個個都好禮貌，今次係同朋友慶祝生日而來，壽星月仲送一個迷你蛋糕✔️Margherita 🍕 ~配料唔多，主要吃佢嘅芝士味，清清地都ok。✔️開心果燒羊架~紅酒醬配開心果味道唔錯，但有一塊羊架好韌，咬唔開。✔️軟殼蟹意粉~做得好好，軟殼蟹大大隻，意粉都好好味。✔️芝士薯條～也是一個推薦菜色，除咗香脆熱辣之外，上面加咗調味粉，再配搭芝士醬真心好味。✔️羽衣甘藍沙律～登記活動送的，蔬菜都算新鮮，味道不錯。✔️凍鮮奶綠茶～簡直係一杯藝術作品，且茶味清新醇厚，口感順滑，大力推薦。✔️凍檸蜜（走甜）～原來凍檸蜜走甜就是凍檸水。🤣

下午茶時段嚟冇咩人環境幾舒適 最後都係揀咗lunch set包埋飲品 叫咗檸檬蜂蜜 凍熱都唔使加錢凍飲抵飲啲 不過叫咗少甜都係偏甜黑松露軟殼蟹意大利粉 ($89)以前食過記得好好食 而家都OK不過冇以前咁濃黑松露味同埋好似都細份左 不過擺盤靚咗😂軟殼蟹都正常 整體都OK嘅👌🏼北京燒鴨蒸包漢堡沙律 ($98)呢個另外可以配薯條 都炸得幾香脆唔係千年油 反而個漢堡就比較失望個包同埋個填鴨都非常之dry 雖然佢個醬係做到填鴨嗰個醬但係真係太dry 不推介🥲

開始放大假，撞啱閨蜜亦放假，咁梗係要約出嚟聚吓，又唔想去茶餐廳，又想飲優質咖啡，就諗起Beans。因為平日所以唔使排隊，入到去每人叫咗個唔Heavy嘅早餐，跟住就不停雞啄唔斷update最近嘅近況。因為好想食煙肉，所以我就嗌咗個煙肉酸種包加希臘乳酪雜果杯，食完自己唔會覺得咁罪疚感😂😂😂。而且我好鍾意食呢個包，好友獨特嘅味道，而且唔會太硬，加少少果醬真係好好食！天氣太熱，所以嗌咗杯美式咖啡，而且近來鍾意梳打水配襯，個人飲咗都感覺好精神😎鍾意食牛油果醬嘅你，我會強烈推介，閨蜜食得好開心熱美式

最近好enjoy 自己一個周圍行下食下嘢 呢日係屯門有嘢做，所以提早去左Beans 食早餐。10點左右嚟到已經有人排緊隊，等左兩張枱左右就到我了。記得上次食果個薄切西冷牛扒幾好食就照叫左呢個餐，包就要左酸種面包。個人覺得齋食好好食！ 飲品方面我今次係叫到咖啡，因為前一晚瞓得唔好飲左咖啡會頭痛。所以要左凍檸蜜，仲平啲添只需加$3 😬個牛扒我覺得呢個價錢嚟講算不錯，係某啲位會有啲筋要咬耐啲，但味道不錯，我口味偏淡就覺得點少少汁已經好夠。 個酸種麵包都同上次食一樣咁好食，慢慢咬下會有啲香味出嚟同埋夠飽肚。而個檸蜜普通啲，感覺偏甜。最後食完見無咩人等又有90分鐘用膳時間坐多左陣先走。

牛面頰意大利飯意大利飯個味道唔錯，不過啲飯呢就生咗少少，搞到有啲硬。牛面頰方面，就幾冧，又唔會靭，不過呢就有啲乾身。肉眼扒配薯菜，太陽蛋今次就叫咗五成熟，到嘅時候睇到比想像中有啲生，但係個扒就食落有啲韌，牛扒汁方面又唔係太多，不過佢個薯條就幾好食，粗薯條又挺身。黑松露薯條薯條方面啱啱都稱讚過㗎啦，而佢呢個黑松露醬呢就好濃黑松露味，相信鍾意黑松露嘅應該都唔會放過。佢呢隻係點醬嘅而唔係落黑松露粉，令到食落口唔會好似食緊Shake Shake薯條咁。

Beans 進駐了屯門後, 我每次經過都是排長龍的。今日經過難得地算少人, 就再次光顧。 一直對屯門分店的食物評價普通, 食物好像比其他分店差。今次點了黑松露蛋黃醬薯條、焦糖香蕉熱窩夫全日早餐、黑松露雜菌意大利飯和焦糖脆餅吉士拿破崙。黑松露蛋黃醬薯條：這道黑松露蛋黃醬薯條令人驚艷。薯條的份量十分豐盛，新鮮炸好的薯條外脆內軟，充滿著薯香味。搭配黑松露蛋黃醬，香味更加濃郁。焦糖香蕉熱窩夫全日早餐：窩夫稍微缺乏蛋香。香蕉和焦糖帶來了甜蜜的口感，讓人滿足。黑松露雜菌意大利飯：意大利飯的軟硬度適中，每一口都能品味到淡淡的黑松露味道。雜菌的加入使每一口都更加豐富。焦糖脆餅吉士拿破崙：拿破崙的三層酥皮入口脆口，中間擠滿了幼滑香甜的吉士。甜度適中，吃完後味蕾得到了充分的滿足。小總結❤️❤️❤️❤️📌環境舒適📌不用排隊可考慮

位於屯門市中心嘅Beans餐廳，係一間充滿現代感同埋溫馨氣氛嘅地方首先，黃金蟹肉意粉嘅蟹肉味道鮮美，香濃得令人難以忘懷。而芝士蕃茄pizza嘅餅底焗得香脆，滿滿嘅芝士份量更顯得店家嘅大方。黑松露薯條熱辣辣上桌，陣陣黑松露嘅香氣撲鼻而來，令人食指大動。龍蝦湯嘅味道濃郁又creamy，每一啖都令人感到滿足。不過，西柚薑汁梳打就略顯平凡，缺乏預期中嘅薑味，而且偏甜，需要加水調節。相比之下，荔枝玫瑰茶就清新怡人，飲落去感覺好舒服。儘管價錢稍高，但Beans餐廳嘅環境同服務都係頂級嘅。裝修以木材為主，燈光柔和，營造出一個放鬆嘅用餐環境。侍應員大多數都係充滿活力嘅年輕人，服務效率高，態度友善。無論係慶祝生日或者紀念日，Beans都係一個極佳嘅選擇。

究竟點解屯市beans長期都要排隊呢🤔雖然人龍無剛開業時長，但食物性價比真的好一般🤔軟殼蟹黑松露意粉的黑松露味淡，軟殼蟹又少又無咩肉。周打海鮮risotto賣點可能真係用cream soup做底？得幾隻細嘅雪藏蝦同埋好細嘅蜆，海鮮味真係感受唔到🤔點了兩杯無所事事飲品，我嗰杯鮮奶珍珠奶綠嘅珍珠又硬又淡，茶味同奶味都唔香。蛋糕可能已是最出色嘅部份。紫薯撻混了麻薯口感挺豐富，抹茶卷的抹茶味都幾香。人均二百蚊嘅lunch我會期望更高。應該又係短期唔會再visit嘅鋪頭。

今日在Beans餐廳吃了黑蒜鮑魚意粉🍝燒豬仔骨🍖和羽衣甘藍沙律🥗真係好正呀🤤黑蒜鮑魚意粉。黑蒜的深厚風味和鮑魚的鮮美結合在一起，帶出充滿層次感的意粉。意粉煮得剛好熟，麵條與醬料完美融合，鮑魚亦都很爽口鮮嫩🍖燒豬仔骨也燒得剛好，外面酥脆，內部肉質嫩滑多汁，重點是他的醬汁，酸酸甜甜帶來獨特的風味。 🥬羽衣甘藍沙律🥗清新口感，濃濃的橄欖油味，還有酸酸甜甜的果醋味，混合起來非常清新，蔬菜也很新鮮新鮮脆爽🥬 荳子餐廳一直保持水平🥰🥰

第一次認識Beans 荳子在荃灣，這幾年開了越來越多分店， 繁忙時間通常要排隊👍Beans食物好味😋份量足👍價錢又合理（人均約$150）環境舒適，難怪受歡迎👍試了車輪牛角漢堡（大啡菇Eggs Benedict）外層係香脆牛角包🥐中間係班尼迪流心蛋🐣將大啡菇沾上蛋汁好吃，而牛角包惹味又不會油膩😋羽衣甘藍沙律健康之選👍🏻羽衣甘藍加蕃茄仔🍅點醋食好美味😊焦糖蕃薯條🍟望落似薯條🥔🍟其實是蕃薯🍠，沾上焦糖醬再加鹽，又鹹又甜好惹味，食到停唔到口😋紫薯蛋糕🍠🍰外觀好靚📸仲有栗子粒🌰個餅底有啲厚身，平衡⚖️番個口感。另外， #栗子蛋糕 都好吃👍 老公說下次想試朱古力蛋糕，聽朋友推介😋臨走時加$28 買了🫶🏻 #希望 🌻向日葵種子返去種😆真種到🌱希望有🌻#openrice有優惠劵接近9折#飲食情侶🥰#MagicCherry攻美食🍒#MagicRaymond食好嘢🍽️

今日請假一天，到醫院覆診，所幸報告一切正常。即刻和家人到了「荳子」屯門店吃晚飯，順便犒賞自己一番。「荳子」門口放有幾款餐廳和另一品牌聯乘推出的消毒洗手噴霧。入座前還可以試用一番。車輪牛角酥漢堡相當特別！麵包原來是由餐廳姊妹品牌beans bakery製作，標榜每日新鮮焗製，口感酥脆。夾上了班尼迪蛋和手撕豬肉2款配料，班尼迪蛋流心，蛋漿溢出一刻十分吸引！再配上甜口的手撕豬肉和牛油果乳酪醬，味道層次豐富。意大利飯被鮮忌廉周打湯包裹着，每一口飯creamy帶少許彈牙感。海鮮包括了蝦、蜆肉、帶子，另有紅蘿蔔粒、蘑菇片這些配菜，頗為豐富。不過就稍嫌忌廉香味未夠濃郁，整體味道偏淡。由店員親手從壺中倒出，龍蝦湯質感濃稠，鮮味十足。湯內還附有蝦、蜆肉和帶子。粗薯條份量頗多，新鮮炸好熱辣辣。脆身充滿薯香味，配搭黑松露蛋黃醬好香口。雞翼單骨，進食起來夠方便。蘸上焦糖醬後，入口鹹中帶甜。雞肉嫩滑juicy，惹味味道令人食不停口。拿破崙放有一塊焦糖脆餅作點綴。3層酥皮入口crispy，中間擠上了雲呢拿吉士，吉士幼滑香甜。甜度適中，吃完後味蕾大滿足。加錢點了「我想和你無所事事」的手搖飲品，分別是鮮奶及黑糖珍珠茉

平日下午去食 人流不多也不少但比開店初期 算是少了很多坐到卡位 幾舒服❥ 北京燒鴨蒸包漢堡配沙律薯條 $𝟿𝟾❥ 烤三重芝士三文治 蕃茄濃湯 $𝟼𝟺❥ 黑松露蛋黃醬薯條 +$𝟹𝟶❥ 卷.山政小山園 +$𝟹𝟶❥ 青檸梳打❥ 熱檸檬蜂蜜🜚 可以過吓癮 淺嚐邪惡又美味的北京燒鴨卷蛋有啲驚喜！中間的ᴄʀᴇᴀᴍ抹茶味道恰到好處 好味：）反而蛋糕可以更輕盈濕潤一點薯條份量好足 個黑松露蛋黃醬唔錯而薯條同卷蛋加購價$30算抵食～⚘•⚘ // ⚘•⚘

下年茶時段諗住同老公同BB去食個tea,去到屯門市廣場間beans Cafe，間舖坐得一半客但係個男店員都要我哋出面等，詢問可唔可以坐最埋邊個張枱BB車又唔會阻到人，個男店員堅持唔得，話成間舖只有兩張枱可以放B車，個兩張都坐緊人要等佢哋走我哋先入得，依家叫佢哋買單執枱俾我哋。等咗5分鐘見佢哋完全冇行過入去叫人買單，再問個女店員係唔係執緊枱，佢話「未呀，唔知要等幾耐架」我嬲到即刻走，佢再補多句「唉呀辛苦晒」😑😑成間舖有一半吉枱都話冇位容納一架B車，真係得啖笑…🤷🏻‍♀️

呢日同朋友食生日午餐，朋友揀左食屯市既beans.可能因為平日午餐時間，直入已經有兩人枱。 之後我哋叫左黑松露軟殼蟹意粉，一份漢堡同埋一份拿破崙甜品。嘢飲我哋說叫左一杯珍珠奶茶同埋一杯凍咖啡。個意粉中等好食，黑松露醬味幾重，不過個意粉就唔太入味，有少少同個醬分離左既感覺。而個漢堡朋友就話有7分，因為份量都夠食，同埋有埋薯蓉。而個漢堡加埋包一齊食都唔會太乾，肉味都夠。 最後甜品方面，因為係佢分左幾層，有啲難一啖咬晒咁多層，同埋有啲脆脆一咬就跌晒啲碎出嚟。 味道方面就普通，不過幾鍾意食面果塊餅🤣總括嚟講，今餐俾7分，好似無之前咁好食了。

話說我地係3個大人帶住個小朋友（帶埋bb車）去食, d staff完全冇唔耐煩我地🥹🥹🥹，仲好細心 一坐低就比埋小朋友餐具我地，又會對小朋友好nice同佢say hi，連小朋友唔好心跌左啲膠餐具都會自動自覺咁比過新一set佢。一叫完野食 ，唔洗10分鐘就已經到齊曬 快到一個點！我地係叫左個8爪魚飯同冬蔭海鮮沾麵 兩碟都好高質。overall成個食飯體驗真係好好 啲員工個個都好好笑容同有禮貌，所以非常推介大家去幫襯👍🏻👍🏻👍🏻大推