荳子 (大埔超級城D區)

營業中

休息中

Cp值高既西餐廳價錢上比較抵 但食物質素唔錯 好鐘意食佢既豬手 抵食又大份 另外burger都好好味 啖啖肉 以呢個價錢黎講 絕對抵食 而且同朋友叫幾樣一齊share 真係唔錯既選擇

2018年9月25日呢間Beans 不嬲甜品既傳言都唔錯！見今日得閒就黎試下佢。完全無失望。佢兩個甜品都非常出眾。佢地唔只甜品吸引，佢地既咖啡都好吸引！我地有叫咖啡又有叫茶。我都係覺得佢個咖啡吸引啲。但佢個茶都有個優點。就係佢用茶包。個燶淡可以自己選擇。佢既甜品係需要時間整。唔會黎到好似放左好耐既咁。好明顯係即刻整。會令人更唔介意去等佢。佢個配搭非常好。食落去唔會太過甜。又唔會搶左大家既風味！而且綠茶粉有小心思。令客人一定影到名字。

哩間係大埔來講算係一間唔錯嘅西餐廳/Cafe，環境唔錯，而且睇餐牌都有唔少選擇今日就同左一班中學同學聚會，我哋幾個女仔叫咗3個主菜同小食，味道全部都唔錯，有d仲有驚喜架，等我遂一介紹啦首先係肉醬薯條，份量中等，味道一般，不過佢叫主菜就可以價錢，都幾抵食值得一提既係蜂蜜紫薯燒雞意大利飯，佢比較特別，第一次食甜既飯，不過佢好香好濃味之後仲有千島醬蟹子蟹棒帆立貝薄餅，熱辣辣好有海鮮味，加上我鍾意食千島醬，所以都好欣賞，不過如果多人食，份量就有啲少不過講到我最鍾意食嘅一定係黑松露軟殼蟹意粉，佢個軟殼蟹都幾大隻，而且黑松露味好濃，真心唔錯而我覺得最唔抵食嘅就係叫咗個燒乳豬同蘋果酥，份量好少，五個人其實唔夠分，味道都一般，有少少失望我哋仲叫咗甜品添，三個蛋糕都各有特色，鍾意食甜品嘅朋友都可以試吓㗎

5個人去食叫左豬手、全份的豬仔骨、蜂蜜蕃薯意大利飯、小食拼盤 & 牛扒！豬手不過不失，可以簡切埋隻豬手，蜜汁量少；豬仔骨叫全份得兩小碟醬（沙律 & 有蜜糖味的燒汁），肉柴到爆沒汁直情吞唔落，重點係碟汁真係好細兜，要求加汁第三次，個收銀哥哥居然話要收錢$25。牛扒叫五成熟，黎到係接近全熟！其他的都還可以，不過不會再光顧！門口的服務人員，好好服務好禮貌！

知道呢間野有生日寫字服務，就揀左佢同fd慶祝生日1點去到，等5分鐘就入得越晏就越多人。啲座位密密麻麻，有啲迫，好容易就聽到隔離位的對話內容我點左熱門食品-伯爵茶流心吐司。由於制作需時，我食住frd個all day breakfast先試左donut同煙肉。煙肉比一般食開的厚，而且無煎到乾曬。用donut夾住來食，幾好味個donut唔會整到死死實實，幾鬆軟熱門推介出場-麵包好脆，烘到好乾。個流心就有啲稀，但伯爵茶味都夠的。見佢細細個，但食一個都飽曬叫cake可以幫手寫生日祝福語，仲送上customised生日卡驚喜

去大埔超級城食lunch，試下呢間beans，之前都食過係荃灣嘅另一間分店，覺得食物質素唔錯安排我地三人坐長枱，中間有條引水道，睇見有小朋友玩石仔玩得好開心，一人叫一份餐，我叫左呢個意粉，鮮茄酸酸甜甜好開胃，配埋牛肉味道好夾，食到清碟跟餐叫左一杯熱飲薑茶，好辣飲完成個人暖曬

兩人去食午餐, 眼見有兩張無人既4人枱, 亦有一張4人枱的2位食客好似就來埋單走, 於是拎飛等位, 2個號碼就到, 門口又無其他人, 理論上可以即入, 但唔知門口個 STAFF同入面用WALKIE講咩, 又係咁望來望去入面D枱, 之後同我講話可唔可以長枱6人枱搭枱, 問佢佢話D 4人枱留番俾4人既客入.....午餐時段都過左大半(已1點幾), 門口又無其他人等緊(連我前面號碼個人都喺度), 都唔能夠知道佢留嗰幾張陀地位有咩用.......真係低佢生意比起岩岩開嗰陣差左咁多.........不過睇得出唔關D STAFF事, 係上面D人既管理既問題....我最後走左...題外話 : 我喺佢開張時食過一次, ok, 大埔區有呢D餐廳算係咁, 但睇住佢D客一日比一日少,都反映到佢係差左, 食物定係價錢定係咩我就唔知, 但呢間餐廳既裝修排場係SELL整體用膳體驗, 如果淨係SELL COFFEE/CAKE好食既, 咁用SELF-SELVE 好似STARBUCK咁就得, 學咩人攪埋午市晚市 

不斷同男友講好餓好餓，佢就不停問我食咩，咁我見到咩餐廳就指，一指就指左呢間BEANS以前都係佢呢到食過all day breakfast，我差唔多9點半先入餐廳，佢地應該就山門，waiter都冇黑口黑面，服務態度唔錯咁我就食左個梳乎厘同個花茶，整體唔錯，梳乎厘要等耐少少，但都叫值得等，因為好soft，入口即溶，梳乎里要有既口感佢都有鐘意佢隔離鱒送既甜品，好好味呀，脆脆地，配埋食又得，就咁食又得，好味道！

大埔超級城雖然食肆多， 不過人仲多， 食飯時間要搵到位真係一啲都唔容易… 可能因為位置比較偏少少，Beans 唔使等位就有喇外賣叫得多，第一次Beans堂食，裝修好靚好舒服🤗必食蜜糖單骨雞翼：食雞翼最煩就係食唔到兩條骨中間d肉😂 幫你拆埋骨，咁就食得好easy啦，而且能令隻雞翼咁入味蜆肉意粉：超多蜆，大隻多汁，味道一流👍🏻Pizza就一般喇，感覺薄餅底只係嘉頓麵包果d，太厚而且似食緊麵包咁🙈熱朱古好濃好滑，加埋個拉花，更加錦上添花👯‍♀

朋友帶埋BB出黎一齊gathering, 所以搵個舒服闊絡D既地方食個tea~今次黎左beans, 近近地, 又岩吹下水~叫左2個甜品, 為生活帶來一點甜~流心伯爵茶吐司 吐司脆既, 切開中間有暖暖既伯爵茶味溶液流出黎,伯爵茶味溶液唔會太死甜, 有D茶香~配上凍既雪糕, 冷熱交融, 有D驚喜wo~焦糖香蕉窩夫 同平時食既窩夫形狀唔同, 呢個成隻冬甩咁!但都做到外脆內較既口感, 其他配料如雪糕, 焦糖脆脆都好味, 唯一係黃色粒粒爆珠太甜, 搶左D味~餐飲叫 Latte (跟餐+$18轉)同Earl grey latte (跟餐+$18轉), Beans既咖啡一向都唔差, 呢兩杯都唔例外, 水準之上！

終於到星期六，相約朋友的時候來了！一於係附近搵一間坐得舒服的Cafe 食一個 Brunch!我地被安排坐出窗口位，2人座，職員好掂心咁搬左張小桌俾我地放袋食Brunch當然要叫一個全日早餐焦糖香蕉熱烘窩夫全日早餐 ($78)香蕉面有燒完的焦糖，脆脆的，窩夫型狀係圓形，我初初以為係格仔果隻。再加煙肉同蛋焦糖單骨雞翼 ($52) 真係有厚厚的醬不過似蜜糖多的，都好味叫在一杯雲呢嗱latte,要求了3D拉花熊仔好得意呀帆立貝pizza~($88) 好rich,有洋蔥絲在裏面

大埔荳子 平時食開第二間分店，嗰日係大埔見到有，又心思思想食。🤤 Lunch包埋野飲唔係奶茶檸茶檸水嗰啲。而係美式咖啡、薑母茶，或者蜂蜜檸檬。啲杯杯碟碟仲好靚！邪惡食物軟殻蟹 炸得好好食 如果lunch menu有卡邦尼意粉就好了。😳

今日OT到攰攰地，時間都有d晏，因為太餓嘅關係，決定係大埔食埋個晚餐先返屋企。呢間Beans 其實平日經過都想試好耐架啦，不過每次門口都排滿晒人，懶得等嘅我唯有pass。難得夜晚有個窗口位吉左，自己靜靜地食個飯都幾岩！今日叫左個黑松露什菌意大利飯($98)，賣相就認真唔錯，表面鋪滿什菌，亦睇得出黑松露落得幾重手下。意大利飯最怕就係太濕，呢個又做得幾好，食落有個種綿身口感，幾creamy滑口，黑松露味亦突出，但又唔會完全蓋過什菌香味，幾balance！餐廳環境幾寧靜，係度食個飯都幾relax，岩晒今日咁攰嘅我，好好咁叉一叉電！

佢算係在大埔中心環境不錯既餐廳，但注意⚠️一旦你決定坐低，就不可以轉枱了！食物價錢並不便宜，但質素不錯，份量可接受！今次最有驚喜的是豬柳肉漢堡包餐！份量夠飽肚、價錢可接受！下次應該會再叫！

星期一至五平日放假, 最岩就係去平時較少機會可以去既餐廳，今日就同honey 去左一間佢一直想去而又冇機會試既餐廳/cafe — 荳子。（因為荳子唔近火車站，所以唔方便我地去😝）我印象中荳子假日（六、日）同平日（一至五）既menu 係有少少唔同的，今日係星期二，menu 係呢個👇🏻 Lunch set 有12款，包一杯餐飲，可以揀 檸檬蜂蜜/黑糖薑母茶/普通裝美式咖啡。點完餐5分鐘左右，即刻送上飲品兩杯 — 「黑糖薑母茶」及「凍檸檬蜂蜜」。放假梗係要對自己好d啦！我揀左「黑松露軟殼蟹意大利粉」賣相已經好吸引，而且新鮮熱辣，仲出緊煙ga 影左2張相，就聞到好香既黑松露味，忍唔住要食喇！軟殼蟹岩岩炸起，香脆好味，份量仲好多添，真係俾夠一隻蟹既份量丫！而且是真係食到蟹肉的，唔止得d 殼🤣 食得好滿足☺️ 意粉都幾夠creamy, 味道唔算十分濃烈，菇既份量唔少，幾抵食👍🏻Honey 就揀左「 手撕豬仔骨漢堡」個Burger 入面果d 豬肉既質感，好似媽媽在家煲完豬骨湯果d 豬肉咁😆 食落好腍，仲帶有微微既甜味，應該係果d 焦糖洋蔥了😌 味道幾特別。伴碟沙律亦好開胃，沙律菜好新鮮，醋就偏酸，真係