荳子烘焙

營業中

休息中

BEANS Bakery 位於九龍灣德福廣場1期平台，主打西式、日式及港式麵包，款式多元、價格親民。每日新鮮出爐，晚市更有半價優惠，吸引唔少街坊排隊掃貨。🍏 蘋果吉士牛角酥外層酥皮香脆鬆化，輕咬即碎，牛角酥層次分明。內餡係香甜蘋果粒配上滑溜吉士醬，甜度適中，唔會太膩。蘋果帶微微果酸，同吉士醬形成平衡，食落有啲似迷你版蘋果批，啱晒鍾意果香味嘅朋友。🍫 脆皮朱古力牛角酥外層加咗朱古力脆皮，酥皮依然保持鬆脆，唔會因朱古力而變淋。內餡係濃郁朱古力醬，甜度偏高但唔會死甜，配杯黑咖啡或美式就啱晒。BEANS Bakery嘅牛角酥系列出品穩定，酥皮香脆、餡料足料，無論係果香清新定朱古力濃郁都各有捧場客。掃街或下午茶都非常適合。建議夜晚時段去掃半價麵包，更加抵食！😋#荳子烘焙 #九龍灣美食 #牛角酥控 #蘋果吉士酥 #朱古力酥皮 #德福廣場

荳子烘焙Beans Bakery 係西餐廳荳子Beans旗下的烘焙店，十年前已經係荃灣食過荳子，當時已經覺得荳子係一間好高質素又唔算貴嘅餐廳，所以我對荳子烘焙嘅出品充滿信心。今次食左期間限定同十字牌牛奶聯乘的薑汁麻薯奶酥。提提大家放工時間比較難買到，因為我連續放工去咗三日先終於比我買到。………………………………………………薑汁燉4.5特濃本地純鮮牛乳麻糬酥 ⭐️⭐️⭐️⭐️外層酥脆，層次豐富，餡料有濃郁的薑味和十字牌純牛奶的奶味，口感好幼滑，薑味同甜味都好適中，唔會太甜太辣。 餡料仲搭配了煙韌的麻糬，口感豐富。………………………………………………荳子烘焙繼承左荳子Cafe 高性價比嘅靈魂，麵包冬甩蛋撻咩都有，價錢又合理，仲不時會有聯乘或者期間限定產品，好有創新精神。雖然荳子烘焙唔稱得上最好食的麵包店，但係都一定係中上品質，性價比之選。

高性價比麻糬葡撻🥰🥰超喜歡吃各種撻類的美食，最近試了這款新鮮出爐的麻糬葡撻，很有驚喜👍🏻👍🏻一咬落去，熱辣辣的感覺瞬間充滿口腔，這款葡撻的蛋漿特別香濃，甜度剛剛好，恰到好處，讓人不會覺得過於油膩。最特別的是，它裡面的麻糬增添了多層次的口感，咀嚼時軟糯的麻糬和香濃的蛋漿相互交融，真的是一種享受。外皮的鬆脆讓整個撻的口感更加豐富，真的忍不住想要再來一個。經過店鋪時，忍不住買來品嚐，經常真係要試試！

Beans都開埋麵包店 原來都有好多分店馬鞍山、沙田、將軍澳、屯門、黃埔、荃灣都有有好多款式 方包 donut croissant bagel樣樣有齊仲要好多唔同味 又唔算好貴 大部分$10-20幾黑松露忌廉芝士比高包 ($22)黑松露愛好者嘅我一見到就即刻要買!而且勁大個勁抵食 入面餡就唔算好多不過都有黑松露味 但就嫌個cream cheese太甜個bagel口感都煙韌 好食😋另外有抹茶、提子、朱古力口味抹茶白朱古力車輪牛角酥 ($22)呢個賣相又係好吸引 凍左食都仲酥脆如果焗番熱食會更加好味外面coat左白朱古力 有點太甜入面係抹茶吉士醬 幾香抹茶味整體如果冇咁甜都唔錯👍另外有士多啤莉、朱古力、伯爵茶口味