荳子冰室 (上水中心)

營業中

休息中

上水中心成日排晒長龍嘅荳子餐廳一直好想知點解佢會咁多人排隊🤪結果有晚OT遲收😫同男朋友去到上水😳見到荳子餐廳出面得返兩丁友排隊🤣難得天賜良機🙌咁一於就要試一試佢啦😝重口味嘅男朋友率先點左個重口味嘅沙嗲鮮牛粉絲煲👿作為一個男人背後既女人，梗係要照顧返男朋友嘅健康🤣balance返多肉少菜嘅佢😇order左個濃湯班片浸勝瓜中和一下！見到佢加20蚊就有個燉湯，仲要差啲俾人換晒咁滯😳咁就梗係要試下最後僅有嘅花菇圓肉燉唐排湯啦！首先上場嘅係接近賣晒嘅燉湯😋見咁多人試🤔應該水準唔差掛😅打開蓋嘅𓊬間有少少失望 冇左燉湯開蓋爆開嘅香氣😔飲落去得好香嘅花菇味🍄不過亦係只得花菇味🤨比想像中嘅味道單薄左啲🧐燉湯都有濃烈嘅花菇味，正常花菇應該燉左好耐，應該腍晒🤔但唔知點解肉質會咁硬💪🍄接落黎係男朋友期待而久嘅沙嗲粉絲鮮牛肉煲🥘滿心歡喜以為個煲上黎既時候會熱辣辣😰點知打開個煲蓋個moment😳一啲熱氣感覺都冇...竟然裡面仲有菠蘿🍍同蕃茄🍅，哩個組合令啲沙嗲牛肉唔咸兼又甜又酸🥴味道混埋一齊真係好失望👎牛肉好大塊但係超淋！食得出鬆肉粉努力嘅味道🤕(即係冇牛肉味😐)食到一半男朋友係底到搵到金菇...腳😨但係神奇嘅係

荳子cafe幫襯得多，原來最近佢哋更踩入冰室。趁早早排隊的人不是太多，試吓有冇cafe咁好。打開餐牌，單是早餐選擇多到花多眼亂，左揀右揀，揀咗一個出爐麵包餐同歐美扒餐傳統菠蘿油，牛油成塊磚一樣又厚又大塊，用玻璃瓶盛載，下邊放了乾冰營造出霧氣效果，視覺上一流。至於菠蘿包質地夠鬆軟，夾埋塊大牛油，真係好邪惡吉列豬扒加配茄汁焗豆，雞蛋部份有煙肉蘑菇奄列或黑松露醬炒滑蛋。除此之外，還加配丹麥多士或加$5轉蜜糖叉燒餐包。這個是非一般的多士，而係丹麥多士。外皮酥鬆，包中柔軟，比一般的多士好味得多主角吉列豬扒，炸得金黃香脆，還保留到肉汁，好有水準煙肉蘑菇奄列，不是一般的半月形，煎得夠嫩滑已經好滿意熱奶茶，茶濃香滑，飲落幾好熱檸檬茶，茶濃但唔香，最敗筆是檸檬苦澀破壞了杯茶

平時我都會買佢啲包返屋企做早餐，貪,佢新鮮又幾好食，今日下午茶時段，見到都幾多人排隊買包.唉⋯⋯都照排啦！到我時，我想買幾個包同埋最後二個荳子包，點知賣包個女人即刻夾走咗，原來係俾收銀處埋完單嗰位客人，我即刻諗，俾返個包我丫⋯⋯然係我問佢，我排緊隊架喎，佢話因為個客人係收銀落埋，要左，然後我當然好嬲啦，話甘吾駛排隊啦，我排左甘耐，一句話有order ，就可以打尖，甘我仲排黎做咩，直接入去坐，然後嗌外賣好過啦⋯⋯

第二間分店開咗係上水，作為誇區居民嘅我都要遠道去試一試放假日嘅早上都要排吓隊，但半個鐘倒就有位可以入座，可接受早餐餐牌選擇大致分咗經典早餐，歐美扒餐，三文治，麵包餐諗咗一輪最後點了兩份歐美扒餐▶️薄西冷扒配 丹麥多士+茄汁焗豆+煙肉蘑菇奄列 - 薄薄一塊牛扒，生熟程度恰好，不會過韌，奄列餡料豐富，其餘焗豆同多士就正正常常▶️吉列豬扒配 丹麥多士+茄汁焗豆+煙肉蘑菇奄列 - 吉列脆漿做得好好，炸得金黃色之餘亦香脆可口▶️跟餐熱奶茶，熱檸茶 - 熱奶茶夠香滑，奶同茶嘅比例恰好。熱檸茶就相對失色，檸檬苦澀，茶底再好都被破壞咗食後感：早餐嚟講算係水準之上，價錢合理，環境還可以，服務就一般，亦可以話無咩服務可言，因為連落單都係食客各自用手機落！

前幾日同朋友食夜晚飯！都有睇荳子食評！親身體驗其差冇比！叫佢地比水冇水，落單唔落！有個男的著白色衫！我估係主管叫佢幫我落單話等等！再叫女侍應佢叫我攞手機出來話要自己落單！咩事喔！我都算我自己落！落完我諗住叫杯水飲！叫左幾次個個話等一等！最終都冇飲到杯水講返食物先叫左兩個小菜十10蚊一碗白飲中式牛柳冇牛味又肉質硬！再叫左個豆腐煲不過不失！味道淡口！服務差野食一般！最後尾食到成肚氣！出去埋單諗住試個包聽日做早餐！聽講最出名係荳子包！問收銀可唔可以計埋落張單！佢話買包去個邊！我o左嘴！到我行去包個到排隊買包！我問買包個帶眼鏡的女仔：我問佢一定要埋左單再來排隊買包嗎？？佢答我計落張單到都得！個女仔問我想要咩包！我話要荳子！跟著佢笑住同我講話我好好彩！最後一個都比我買到！有運行....我都笑左出來！丞你貴言我入裡面食飯比錢比得唔甘心！比錢買包返而開心比錢！希望能夠改善下員工素質！我來食野係求開心同服務。感謝呢位賣包的女仔最後的我有運行！我開心返。值得表揚

上水新開-荳子冰室，要在門外排隊等位，剛巧今晚人不多，便決定入去試一試龍與鳳。入到餐廳，裝修是簡單俐落的冰室風格，耳邊傳來一首一首懷舊金歌曲，令人陶醉，有種時光倒流的感覺。枱面有自助點餐QR CODE讓客人自行點餐，初次光顧，見到餐牌菜色種類不少，全部都是舊冰室名物，十分吸引。主菜隨便點了咕嚕豬頸肉，椒鹽鮮魷，黑椒牛仔骨煲。另外，加錢可以配一款甜品、飲品、菜、小食或湯，簡直花多眼亂。餐廳上菜速度都算快，食物份量都合格，3款小菜味道都很好，特別喜歡黑椒牛仔骨煲，十分滋味，下飯一流。蟲草花湯上枱仍熱騰騰，好味。上湯菜心，雖然味道好普通，但是絕對是我食飯必備品。最後來一客花奶芒果布丁，成個人完全浸透在懷舊的氣氛中。回家寫食評，見到有幾篇都提到餐廳服務差，但我今晚郤十分幸運，待應服務都算合格，可能服務水平已經得到關注和改善。因為還有很多食品想試，下次一定會再去懷舊一番。

因為沙嗲牛肉幾好食，所以員工態度差都繼續去，但真係忍無可忍，荳子西餐可以好好禮貌。唔通冰室就一定要差態度？咁唔該你哋唔好做食肆。叫妳哋比水，第一個聽完就算。第二個水比茶仲要勁西面。另外，張檯乜都冇，辣椒油其實都好基本會有嘅野，問佢拎，拎茶嗰個串到問仲有冇其他野，咁不如整個自助呀！我哋自己拎冇問題架wow 。重點嚟，2碗沙牛米，有一碗係有漂水味（懷疑過水過得唔夠）基於d人咁差就梗係唔換啦！餐廳最忌係換野。費是比人整古。個經理收野，同佢講碗米有浸味，佢就質疑態度，我話唔使換同你講聲姐，佢就對唔住都冇講，就倒咗。唔該唔好做衰荳子黃店嘅名聲。（如果有錯，請提醒。）

由新開到依加每日都大排長龍 ，今日係平日Lunch時間排左15分鐘左右就有位拉，一入到去就發現有一半吉位，但職員又唔安排客人入去坐😢叫左個常餐 ，味道一般 但環境唔錯坐得舒服。⭐️ 沙爹牛肉麵 《$48》沙爹牛肉味道一般 帶少少花生味 又唔會太濃 而 面底 偏硬身⭐️ 配 煙肉蘑菇奄列 奄列味道ok，蛋好滑，但偏油️ ⭐️ 蜜糖叉燒餐包《跟餐+$5》口感鬆軟 同 甜甜地 ， 加上 新鮮出爐 熱辣 好食👍🏻P.s雖然今次食lunch性價比唔高， 但下次再黎試早餐先😆

早餐豬潤麵的豬潤 初初開業嘅時候食過兩次都ok，雖然唔算好食。但最近兩次食真係太差 上次食已經覺得好似煮咗好耐咁，又細件。諗住可能一時失手，今次再食直情又乾又硬煲湯湯渣咁，煮到咁難食都拎畀人食實在太過份！！唔識煮就唔好賣呢樣嘢啦， 一個美味嘅早餐對一日嘅心情有好大影響！！

滿心希望入去新店荳子冰室度食，揀平日lunch 去，點知都係要排隊等入座好似成日都有人排隊咁，可能因為北區真係冇咩新餐廳啦入到去既時候，原來太多人，只獲安排坐好窄既枱，都係要用QR code 自助落單，全程冇咩服務。餐廳會播舊年代既歌，令食客容易代入懷舊感。當然餐廳既裝修都偏向懷舊feel既跟其他人一樣點左個lunch set, 焗豬扒意粉，熱檸蜜，菠蘿油。焗豬扒意粉份量ok,，比某連鎖大份，味道正常，亦都唔係等左好耐就上到枱啦！熱檸蜜蜜跟lunch set 既餐飲，唔洗加錢，不過偏甜！菠蘿油原本想點紅豆菠蘿包，點知咁早都冇。就叫左菠蘿油，牛油用乾冰上，打卡一流其他食客眼金金望住可能等遲下有機會先會再去冰室，因為太多人要等位，而且款式唔多，價錢都唔平！

假日經過有好多人排隊難得中秋正日放假就去荳子冰室試吓下午茶見到好多人叫雪糕粒粒西多士雪糕以乾冰上打卡一流但經一輪研究焦糖雞翼似乎都係佢哋一個主打小食因為全日都有得叫於是就叫左 焦糖雞翼配沙律+熱鴛鴦另外見到好多人會叫多個包於是我都唔執輸揀咗個用東洋麵粉製作嘅傳統菠蘿油首先講焦糖雞翼伴沙律焦糖雞翼表面嘅焦糖汁都幾多幾濃郁由於冷氣好大係我食完一隻之後其餘嘅雞翼焦糖已結晶沙律入面主要係罐頭菠蘿粟米水果醬汁都係偏多個人認為over左好彩個底有啲生菜撈下整體來講味道濃咗啲雖然下午茶以價錢嚟睇有少少失望但係菠蘿油好有驚喜估唔到塊牛油係用打卡用嘅乾冰碗上影相拍埋片之後塊牛油都無融菠蘿包幾大個，大過M字漢堡包一早切好放牛油嘅位唯一挑剔嘅地方係個菠蘿包唔熱但係$12個包夠大牛油夠厚又有卡打CP值滿分整體來講基本上冇服務，因為係自助落單環境同食物不過不失只係定價偏高

好彩十點零去到，排第三，等咗十分鐘以內有得入座蕃茄午餐肉粒通粉：欣賞啲蕃茄酸酸甜甜，有返啲蕃茄味。成個通粉有埋薯仔粒，紅蘿蔔粒。通粉有得揀淋定硬，個人揀咗硬身啲，而出品確實硬身，成碗通粉係唔錯嘅磨菇奄列：稍嫌有啲油，但都算滑，餡料份量啱啱好丹麥多士：鬆化好味，假如出品可以再熱啲就好熱奶茶：茶味都夠嘅，但有啲鞋口早餐份量同味道對得住36蚊裝修幾復古，連播啲歌都係八十年代嘅歌但冷氣真係有啲唔夠有機會會再食其他早餐或其他時段

未試過食個早餐食得如此屈辱，位細到擺唔到二人份食物唔再講，朝頭早同我講中央冷氣問題，熱到個個食客都出汗～咁岩我媽媽唔舒服，問多兩句想拎杯水食藥，啲侍應塊面都西到飛起⋯最過分係啲咩？病人要食藥，佢地淨係識出熱水，係滾燙既熱水，點食藥啊？跟住仲要答如果要冰既要加錢⋯坦白講野食正常過得去，但唔係特別好食，咁既然你服務差到咁咁唔歡迎客人，我以後都唔會黎！明明荳子都正正常常，估唔到開間荳子冰室出黎係咁過分既服務！

今時今日服務員態度冷淡，近乎零溝通的過程。電子方式下單，服務員傳送食物未有進一步的溝通。有發問問題，有問未必有答。甚至乎，得到嘅答案係我唔知道。只有經理級的，會有基本上的禮貌。食物方面，質素一般、唯一可以贊美的是早餐跟餐的多士，可算是精心炮製，吃得下。門口的卡位，冷氣不足，天氣熱的時候，只能說一句。請帶備紙巾抹汗，或是帶上風扇仔，以防不時之需。假如，有機會可以在餐廳稍為入的位置進食，可能冷氣情況會有改善。但是，我相信未必可以和同行者更多的閒聊，因為餐廳內播放嘅音樂頗大。

上水有新店，梗係要排下隊先，大概等咗20 分鐘就有得食。環境都唔錯，坐得都算舒服。叫咗個常餐，蕃茄午餐肉通粉，黑松露炒蛋，加$5換叉燒餐包，熱奶茶。通粉唔錯，屬於彈牙，係我鍾意嗰個質地。至於黑松露炒蛋，就比較失望，黑松露唔好食，炒蛋都唔好食。加咗$5嘅叉燒餐包，個包係軟熟，但係叉燒好大陣雪味。最後我係杯奶茶，都係屬於一般，比較鞋口。見到鋪頭門口買麵包都長期排隊，就買咗個菠蘿包同埋荳子包返屋企，兩個包都係正常，偏甜，冇話好好食。下次唔排隊可以試下常餐以外嘅選擇