草苑韓國料理 (已結業)

因為受《大長今》影響，好想食韓國菜。事前要做o下資料搜集，睇完食呢度o既食評，決定去草苑試o下。今日五點幾去到，唔係太多人，只有一「台」韓國人，走o既時候，陸續有韓國人黎。講o下食o左o羊事，叫左燒牛肉、海帶湯、蛋包蝦、石頭飯。燒牛肉好味、石頭飯、蛋包蝦唔錯、海帶湯唔係太慣佢o的味……前菜有成十碟，好味！要讚一讚佢o的服務，真係唔錯，有求必應，真係食得幾開心，埋單五百。

地道是有眼見的，星期六晚同太座七點左右來到，不單招呼的大部份為韓國人，在座的以韓國人為主，其次是日本人，本地人連埋我地都係得兩檯，如果食物沒有水準，何來這麼多鄉里幫襯？原本想吃韓烤，但入夜太座的喉嚨不大舒服，所以就叫了「非燒烤韓菜」的選擇，即石頭飯、海帶湯及牛肋骨窩，天氣凍胃口好，再加左個炸醬麵及伴蔥段。前菜一來就是十碟，例牌有泡菜、芽菜、甜薯仔、醬魚仔、辣豆腐等等，先吃泡菜，很是鮮味，辣辣的，這店做的有水準！很快吃完，同阿朱媽說泡菜有水準，要求再來一碟，她笑笑的來了一大碟，索性給我們吃過盡興！其餘醬魚仔也做得夠味，微脆，用來下酒是一流。不飲清酒，就來了兩支Hite。單吃這十個前菜也幾滿足；海帶湯用料十足，海帶真的非常多，亦有蜆肉，及不少的蒜頭在內，夠味，是韓國菜中我們最喜愛的湯。可惜胡椒粉下得不夠，如果可以重手一點就更好味；石頭飯都材料十足，特別要求阿朱媽落多點韓式辣醬，更冶味。一人一鐵碗，好在份量不太多，如果不是就一定吃不完其他菜；炆牛肋骨窩幾夠份量，汁偏稀，味道甜美，好對辦。牛肋骨肉質是一般，似是炆得過腍了一點，但就有好多在窩內，吃來吃去也有的。同煮的其他配菜如紅蘿蔔、白蘿蔔等都

豐園太多人, 新羅寶又常常無位, 配菜又少, 白飯又要加錢...到草苑試了兩次, 發覺非常滿意。第一次食烤肉, 配菜有十款, 添吃一、兩款都無須收費, 牛骨湯非常好味, 添飲又得。烤特級牛排骨, $160 真是好大份, 加多過雞肉, 醃得都幾好味, 份量都好大碟。今日再去吃棘海鮮鍋, 有魷魚, 八爪魚, 花蟹, 大、小蜆, 蝦, 豆腐和蔬菜, 兩個人食都好飽...呢到食完個身都唔會太大油煙味。

前幾日食生日飯, 主角話想食韓國野, 有咩韓國料理價錢唔太貴, 食物質素有番咁上下, 而又可以比十一個人坐得舒服兼嘈得盡興呢? 我地揀左草苑.以前幫趁過呢間餐廳, 覺得佢d野都幾好食, 食客有八成係韓國人, 應該唔差得去邊掛. 今次我地人多, 佢比左間房我地, 等我地呢班嘩鬼唔會騷擾到其他顧客. 負責落單既經理(我估係掛) 有d cool, 但係點菜既時候都幫到手.循例先黎前菜, 又循例有成十幾碟. 由於張檯好長, 侍應未擺低已經有人大嗌夾唔到...... 唔知係怕左我地咁煩, 定係佢地不嬲都有提供, 隔左一陣果然黎多一set前菜.生牛肉ok, 但同莊園一樣, 都係無乜牛肉味既.海鮮蔥餅同石頭飯(唔得閒影) 都幾好.水冷麵麻麻, 我唔鍾意佢落泡菜.八爪魚鍋同海鮮什錦鍋都要左少辣, 前者咸辣, 送飯一流; 後者部分海鮮唔新鮮, 但好鬼多料, 所以個湯同d菜都好甜.牛排骨煲, 個汁甜得有d過份, 但岩我口味, 所以我推介左比個飯桶撈飯. 牛個樣好"鞋", 但炆得好腍, 最正都係d蘿蔔.講食物佢唔算特別出色, 但勝在坐得舒服, 慢慢傾計都得, 尤其適合人多聚會.