茶.包 (已結業)

琴日我去咗尖東(茶.包)飲珍珠奶茶..嘩~~~!!!真係好多人排隊呀!!好彩唔係排好耐,到我嘅時候我ORDER咗杯TEA BREAD珍珠奶茶,我覺得佢地啲服務好好,ORDER時佢問埋我需唔需要少甜或少冰,如果未飲過可以試咗正常份量先!!雖然等咗耐咗少少,但係一飲..依依~~OK喎!!啲味道同出面啲奶茶唔同喎,之後我同佢地講話好好味喎,佢地有個大隻佬同我講:係呀我地唔用果糖沖架,所以味道唔同出面架!!啲珍珠就淋咗少少,不過都好甜,唔錯!!

有人話比我聽尖東開咗間珍珠奶茶,所以今日我走咗去尖東試吓啦~我試吓杯TEA BREAD珍珠奶茶,買嘢飲嘅時候.....嘩~~~~咁多人架,不過都好快到我,我買嘅時候我覺得啲服務幾好,同埋啲裝修設計好靚,好有日本同台灣嘅特色,不過冇mud圖樣睇吓囉!!買嘅時候個女仔會問我需唔需要少甜少冰呀,如果第一次飲可以試吓正常味道先~咁我就試咗個正常味道啦~~~依~~~啲茶味ok喎,唔太甜,唔似第二啲珍珠奶茶味,入口好新鮮,啲珍珠好好味,好彈牙!!正~~我之後同佢地講好好味喎~~佢地就同我講:係呀,我地唔用果糖沖架,我地係用紅糖沖架~~所以啲味會唔同出面架~~!!唔錯唔錯~~不過可以沖快啲啲就好lar~~

如果你趕時間千祈唔好飲呢間野...我叫左5杯飲品外買,居然要等個半鐘,有咩可能依家開到成巷成市台式飲品佢都仲好堅持咁用人手搖茶呀,旺角啲旺鋪都唔使等咁耐啦,開頭同我講45分鐘,ORDER 比較多,我可以接受呀,但我過左15分鐘再打比佢,佢居然話我知仲要等多半個鐘...你好飲到震就值得等姐..但佢麻麻囉...

上個星期終於試左哩間茶包,之前都有幾個朋友試過話OK,今日興致到就決定o黎一試!!!平時明明見好多人排隊,奇怪今日竟然無人,仲諗住好快啦,點知唔係~!見佢有成5個Staff o係度,心諗駛唔駛咁多呀?!原來佢D珍珠奶茶人手熬架,所以要咁多strong man,仲有一個負責送外賣,都幾好喎~珍珠奶茶($12@)可以揀大珠or細珠,我就揀左大珠,朋友揀左細珠,見餓餓地試埋哩間店唯一既食物就係奶油珠,就係哩個奶油珠,我額外等多左成10分鐘,明明得我地一個order,仲要整咁耐?!?!攪到D珍珠奶茶冰溶哂都未飲,卒之淡哂,唔知係佢跟本唔甜定點啦,無茶味,無甜味,唯一要讚既就係D珍珠夠多囉,但又唔係真係話好好趙,一般~~~奶油豬$10@)雖然等咁耐,但真係好正,同翠華有得揮喎,佢烘到個邊邊有少少燶,不過無燶味,仲好脆,奶油又夠料,一D都唔慳,又香,即食簡直正呀!!!!不過下次如果快手D會更加好囉嗦!!睇黎佢要改名,唔應該叫茶包,叫番奶油包啦,因為得奶油豬係好食!!!!珍珠奶茶唔會番兜,奶油豬就一定會!!!!

虾~尖東新開咗間珍珠奶茶,個名幾得意叫~茶包!! 間鋪幾靚,幾high-class咁,重有好多人等嘢飲添,我緊試一份啦!!我試咗杯芋香珍珠,真係幾好味,,不過等得耐少少啫#最衰佢賣哂D包啦,我想試埋個奶油豬仔包,見倒人哋食..好似幾正咁!!等我下次帶埋相機再嚟試過先!