茶餐廳2.0 (已結業)

今日收工過左愉景新城買野，咁梗係食埋晚飯先返去啦。諗緊食咩之際，打開個App，見有間食店個名叫「茶餐廳2.0」。咁鬼馬有趣，就一於試下先。去到門口，就見到有奶茶同雞蛋仔賣，但無理由晚餐買個雞蛋仔就算嫁，所以都入左去食。坐低之後，未開始打開本餐牌，就已經俾個石燒A4日本和牛片既外加餐牌吸引左。於是就叫左依個，升級埋野飲做雪糕紅豆冰，再加多個素菜炸物拼盤。黎得最快既當我係飲品啦，紅豆冰個雲呢拿雪糕好香，紅豆都好大粒好甜，唔錯。石燒A4日本和牛片上枱果下好豪華，兩層既和牛片好吸睛，好多人望住囉。和牛片燒完好香好嫩，唯一缺點係快石都凍得幾快，要一次過燒哂先，唔可以慢慢咁食一塊燒一塊。素菜炸物拼盤有南瓜餅，咖哩角同春卷各二。南瓜餅唔錯，咖哩角同春卷就普普通通喇。

今日响荃景圍見完客，行返落去愉景新城搵食，妹子又過埋嚟一齊食，因為佢話想食雞蛋仔雪糕。餐廳位置好易搵，就响大家樂對面。响門口已經見到雞蛋仔機，就知無去錯地方。店內光猛明亮，寬敞又乾淨，壁畫都畫咗雞蛋仔，睇嚟餐廳都好有自信喎。甜品梗係最後先食啦。香煎厚切豬扒蒜蓉汁/燒汁可選配白飯/意粉/薯菜，我揀選意粉。呢個係石燒系列，所以用石板上菜，豬扒確實係好厚，有一塊厚蕃茄片，一件翠綠西蘭花，將蒜蓉汁淋上去，久違了嘅喳喳聲，即時香氣四溢。一口咬下去，肉質鬆化帶爽又有肉汁，配上蒜蓉汁，惹味又好食。有驚喜！石燒A4日本和牛片套餐賣相非常吸晴，一個三層金色架，兩層放滿和牛片，用椰菜絲墊响底，最下一層係粟米粒、慢煮雞蛋。白飯放响石板上，下面墊咗洋蔥絲。放啲牛肉响石板上面燒，牛肉生熟度由自己掌握，即刻諗起Pepper Lunch。趁個石板仲熱嘅時候，快快趣趣放晒落去燒，然後先至開始食。和牛肉質嫩滑，牛味香濃，將雞蛋、粟米粒、白飯撈勻食，好滋味。雪糕鮮果雞蛋仔即製雞蛋仔熱辣辣香噴噴，上面鋪滿忌廉同新鮮水果，睇見已經好開心。水果係最愛嘅士多啤梨同藍莓，趁熱食，又凍又熱衝擊口感，淡忌廉加埋新鮮水果，確實係好好味，

大概係星期五嘅晚上8：40，我同男友睇到呢間餐廳，見到都人流都唔少，諗住應該唔差，入去試下我同男朋友各自揀左兩個石鍋套餐，一個係卡邦尼溫泉蛋烏冬，另一個係肉醬意粉。點了凍華田和凍檸水。呢餐發生左啲小插曲：套餐係包餐湯嘅，我最後講湯兩個都要羅宋湯，個侍應先同我地講湯無哂，然後佢就一支箭走左去先，叫都叫唔住。我地覺得好無奈，因為你無哂嘅話應該一早揚聲，如果我唔特別話湯要咩野，我諗佢唔打算同我講無哂湯；我即刻再揮手叫侍應黎，另一邊廂佢地已經好快入好單，擺係我地枱面。我問多次confirm係咪無哂湯，亦confirm個餐係包湯同野飲，而非二選一，佢竟然答我“易家有野飲”。於是我叫佢cancel張單，我地想再揀過，佢幫我地㩒電腦取消左，亦收返張單。但佢地出野飲好快，轉頭就上左野飲。無奈接受了（心想即便再叫另一個餐我都係叫呢啲野飲，唔緊要喇）好快，有另一個侍應拎住張舊單行埋黎，問呢張單係咪我地，係咪仲要；我解釋左，話要再點過，我問仲有無其他野可以叫以取替湯，佢想說服我地，話無餐湯，但仲有野飲。搞左一大輪都係得個吉，於是我地都無奈接受，話咁繼續點呢個啦。後來等左15分鐘都未餐，再催；有另一個侍應跟進

◾Extraordinary Cha Chaan Teng 🤪◾.▪A4 Japanese Wagyu Sliced Beef on a Sizzling Plate 🐮▪HK$168Never thought I could order this fancy looking wagyu beef set in a cha chaan teng! It tastes so much better than expected!The A4 wagyu sliced beef was killing the whole meal set. Extremely greasy and soft in texture, perfect mouthful of satisfaction!! .▪New Zealand Sirloin Steak 🥩▪HK$98This sirloin steak was one of a great choice when visiting this cha chaan teng. I ordered the steak to medium level and I

今日行過愉景新城，經過lee間餐廳門口就已經聞到好香嘅雞蛋仔味。就諗住入去食晚飯再食埋雞蛋仔😛 見到佢有個石燒A4日本和牛片餐, 除左和牛片,個餐包左慢煮雞蛋, 甜粟米粒, 椰菜絲, 白飯, 仲以港囡最愛嘅tea set三層架上, 然後自己係鐡板炒, 既好玩又好食😂 一於試下, 不過係有少少貴, 雖然和牛係幾好食。另外, 仲叫多左石燒焗芝士肉醬意粉, 好好味, 夠芝士而意粉又吾會太淋😂 本人最鐘意石燒的東東, 因為夠哂熱😂跟餐都係一碗紅湯，一碗中湯, 再upgrade叫左杯黑牛😂最後太飽，食吾落雞蛋仔了, 下次再食😛

今日約咗friend喺荃灣度食飯，佢住喺愉景新城附近，其實喺愉景新城有好多間都食到厭，見到茶餐廳2.0，咦!未試過喎!咁就同朋友入去食啦。我哋叫咗卡邦尼烏冬配日式溫泉蛋同澳洲t骨扒。羅宋湯都好多菜!個卡邦尼烏冬咋咋聲熱辣辣咁送到嚟， 非常之熱， 一食落口係非常之creamy， 溫泉蛋撈埋個烏冬簡直就係perfect。到過T骨扒， 真係超大塊。🤣出面餐廳 如果你 order 一塊t骨扒， 你要十吋佢哋都未必畀咁大塊你， 呢度真係唔同， 目測好似真係超過十吋。 一倒蒜蓉汁喺鐵板到， 啲汁咋咋聲熱辣辣咁， 令人食指大動。 當你再鋸埋快七成熟嘅扒， 嘩! 超級juicy呀!食到咁上下， 叫咗杯青檸梳打解解渴。係完美嘅一餐! 最衰今次個雞蛋仔買曬， 下次要早啲嚟order! 呢間一定要翻兜。

雙層魚柳包唔錯，起碼好食過連鎖快餐店，薯條都幾好食。牛扒太un，太熟，無乜肉汁，口感幾鞋，塊扒本身都唔係咁靚，雞蛋仔都算好食但係係食主菜前就黎左先。-Crispy fries with tasty fish burger-over cooked steakDon’t forget to order the egg puffs for dessert as well. It is delicious. 

今日同男朋友去荃灣揾野食，去到愉景新城嘅茶餐廳2.0餐廳裝修光猛，有部分位置好有懷舊茶餐廳裝潢特餐：日式石鍋雞扒湯烏冬+迷你雞蛋仔雪糕 $58湯烏冬嘅湯底係豬骨湯，配上大量芝麻同大大塊嘅雞扒，雞皮本身已經煎得好香脆。雞蛋仔粉醬比例好好，外脆內軟，雪糕係普通雲呢拿味雪糕石燒A4日本和牛片 （100g) 推廣價$168和牛片的份量頗多，第一層的和牛片雪花紋路很均勻，第二層的和牛片較肥，但相對油脂較多及味道較香。本身我想逐片逐片燒黎食，但燒了兩三片後害怕石板不夠熱維持到最後，所以決定一次過燒晒所有和牛片才開始食。和牛的味道當然比平日出街食到嘅肥牛好味好多。另外配的粟米很甜，慢煮蛋很滑，可惜份量不多，唔夠喉😅素菜炸物拼盤（包括南瓜餅x2，春卷x3，咖哩角x3） $58南瓜餅：好甜、份量充足，整個餡料都是南瓜蓉，炸醬好薄好香脆春卷：是素餡料，但味道清而不單調咖喱角：味道普通，但炸得好香脆，唔會過火茶餐廳最常見嘅雪糕紅豆冰，蜜餞紅豆大大粒好入味，份量好足，配埋雲呢拿雪糕，勁夾另一杯餐飲點了柚子蜜， 柚子蜜本身同其他鋪頭的分別不大，但加了檸檬味道清新不少

行IKEA行到攰諗唔到食咩, 睇水牌見到呢間餐廳個名幾特別, 上網見評價又唔錯於是決定喺度食見到推廣緊石燒A4和牛片, 先生話好特別好想試一試, 而我就叫咗石燒澳洲T骨扒首先上枱嘅係我嘅T骨扒😋叫咗五成熟, 除咗上枱嘅時候表面有少少血水之外, 整體都非常唔錯, 雖然唔算好厚, 但肉汁都幾豐富👍🏻然後係佢嘅A4和牛片, 一上枱有種令人嘩然嘅感覺, 個賣相的確係唔錯, 有種好精品嘅感覺, 真係想像唔到茶餐廳居然都有咁靚嘅牛肉食, 鐵板已經熱好, 比客人自己將和牛片放上去烤嚟食, 感覺好特別👍🏻和牛片肉質軟滑, 牛味濃郁, 推薦!

今日嚟到愉景新城呢邊睇傢俬，睇完之後就係呢個商場解決晚餐。不過呢個商場普遍都係比較貴嘅食物，見到呢一間茶餐廳，價錢平民，一於就試吓啦。我就叫咗一個鐵板餐要在西冷牛扒9成熟。上邊仲有啲薯條同埋蕃茄，再配埋蒜蓉汁。至於我朋友就要左咖喱慢煮牛腩飯。我個餐加$10可以叫埋餐湯，係羅宋湯。飲品方面，因為我嘅咳仲未好返，所以要飲熱飲，就飲咗熱檸水。我朋友就要凍檸茶。見到佢呢度有即整嘅雞蛋仔做甜品，好少何啲茶餐廳有呢一個選擇，所以一於試吓佢要左個金寶蘋果雞蛋仔，原來上面仲有陪一球雪糕嘅，都幾好味。

同朋友去荃灣食dinner，今次喺愉景新城嗰邊搵到一間幾抵食既餐廳，呢間餐廳嘅嘢食乜都有，西餐、茶餐、甚至街邊小食雞蛋仔珍珠奶茶都有晚市人流都算多，但係唔算等好耐，入邊嘅位空間好闊落，同朋友兩個人坐一個可以坐6個人既卡位，周圍仲揾人畫左啲關於香港既牆畫，環境乾淨舒服最後叫咗一份澳洲T bone跟餐加$10有湯同野飲，而朋友叫咗個煙三文魚白酒忌廉意大利粉Tbone唔算厚但100蚊左右尼講算幾大塊幾抵食，叫咗五成熟岩岩好，唔會過哂龍好難切，而野飲就加左錢叫左杯雙層朱古力，即係有埋朱古力雪糕喺頂，可以一試三文魚意粉就不過不失，都喺個個味道，但60幾蚊晚市來講價錢都算平，餐牌仲有超多唔同嘅選擇，石鍋、燒味、咖喱等等，好適合一大班人尼食最後叫多咗個雪糕朱古力心太軟，因為呢度比較特別，除咗正餐之外佢哋門口都有一個專做小食既檔口，所以順便試下d甜品，朱古力心太軟搭埋個雪糕真係起好味，入面既流心源源不絕，下次如果再嚟會試埋雪糕雞蛋仔個幾款！

逛過IKEA後，來了愉景新城吃晚餐。這餐廳名為茶餐廳「2.0」，先看餐牌，果然是跟一般茶餐廳內點的食物有些不同，款式都較為新穎，有慢煮的，也有素食的，更有甜品供應！還未吃已經有點小期待(⁎⁍̴̛ᴗ⁍̴̛⁎)最後點了紐西蘭西冷牛扒、芝士蕃茄烤大啡菇配雜菜沙律、煙三文魚白酒忌廉意大利粉。紐西蘭西冷牛扒牛扒以鐵板形式送上，有8安士重，好大份！點了7成熟，切開中心部份呈粉紅色，烹調時間掌握得不錯(◐‿◑)。芝士蕃茄烤大啡菇配雜菜沙律沙律份量挺大份的，大啡菇跟蕃茄沒有加上很多油去烹調，感覺就是很輕盈的一碟菜～煙三文魚白酒忌廉意大利粉比起厚實的鐵板牛扒，朋友更喜歡這碟意粉，醬汁做得出色（稀稠度適中，使醬粉能掛在意粉上；調味也剛好，帶微微的酒香），意粉亦不會煮得過軟/硬整頓晚餐真的有驚喜喔！

位於愉景新城嘅茶餐廳2.0，名副其實係新派嘅茶餐廳。食物選擇非常之多，好多款式都有驚喜，仲有不一樣雞蛋仔甜品添。卡邦里你烏冬配日式溫泉蛋 $68熱騰騰嘅石鍋子盛載着卡邦里你烏冬整個鍋子裏都是creamy 嘅忌廉，還有日式溫泉蛋，一起搞拌。味道香濃但不會覺流，烏冬彈牙，配合忌廉非常matchy matchy 美國安格斯肉眼扒 $148鐵板肉眼扒選了洋蔥汁及薯菜整個鐵板餐非常有誠意。肉眼扒有口感，肉汁美味，熟度恰好另外薯菜是粗粗的薯條，新鮮可口雪糕鮮果雞蛋仔$58即叫即整嘅雞蛋仔，上面鋪左士多啤梨，藍莓， 忌廉同雪糕感覺好似食緊雪糕窩夫一樣，但更要口感嘅係因為可以咀嚼到一粒一粒嘅雞蛋仔。香脆可口，推介這甜品Cp值很高的一家餐廳

今日約咗男朋友出嚟行街，我哋行去愉景新城，行到差唔多嘅時候就去搵嘢食。行行工就見到呢間茶餐廳2.0，個名都幾得意，跟住望吓個環境，都好光猛又乾淨，又坐幾滿下，我地就決定試吓呢間啦。睇完Menu之後，我哋就揀咗一個石鍋泡菜牛肉飯同埋一個鐵板西冷，五成熟，黑椒汁配意粉。咁有一個餐就包湯包嘢飲，另一個就要加錢先有。我哋叫咗一個中湯，一個西湯，個中湯都飲得出好足料，西湯唔使飲，一望就已經覺得好足料啦！咁等多一陣，個石鍋牛肉飯就上先，睇得出好新鮮熱辣，上面仲有d菜裝飾，而個份量好大好夠食。啲牛肉幾好食，好香口，真係唔錯。個鐵板扒都好厚肉下，啲汁好夠，個鐵板都好熱下，跟住仲有意粉，好好食，塊扒好大件下。嗰餐仲跟咗兩杯嘢飲，我哋就叫咗凍嘅柚子蜜，都係加$3嘅啫。飲得出有柚子味，仲有多片檸檬起個杯嘢飲入邊添。食飽之後我地叫左個甜品，原本想叫一個雪糕鮮果雞蛋仔，但因為佢太好賣啦啲鮮果，最後得雪糕雞蛋仔。個雞蛋仔係即叫即整嘅，食落好脆好香口，個雪糕同cream可以拎握點雞蛋仔食。咁樣埋單一人都係百幾蚊，我覺得食咗咁多嘢，都值得去試吓㗎！

近年愉景新城人流確實多了，全因除了引入一些較潮嘅商店內，以及適合一家大細的寬敞休閒嘅親子遊戲區， 最重要還是這裏的食店確實多了些有質素和有份量的。今日約了朋友去這間茶餐廳2.0食Lunch,2.0的意思相信是 進階了的茶餐廳，開揚而整潔的格局，座位寬敞，完全沒有一般茶餐廳的擠迫感覺，確實比普通的茶餐廳來得高級。價錢大眾化、味道好又提昇了CP值，幾十片一個餐，看看這碟紐西蘭肉眼扒就知， 超大塊又肉質嫩，配上跟餐之咖哩汁，佐飯特別正， 連埋嘢飲都係HK$93元,低食。煙三文魚白汁忌廉意粉，味道香滑，意粉又是大大碟， 煙韌彈牙， 不錯。值得一提這裏的凍杯又係大大杯，而且杯具特別，果然係2.0風格，下次來愉景新城肯定會再食這間。