茶飯叁少

營業中

休息中

態度好差。個大陸侍應串77無啦啦同我講你咁肥 唔好嗌依個餐啦 ；轉出前一丁又大大聲話要加錢㗎喎 我宜家唔識睇餐牌同埋冇錢俾咩出餐又耐，樓面人手唔夠關啲客咩事，點解要咁樣對啲客？

有個坐喺門口收銀嘅女職員態度非常惡劣，水牌寫住可以坐90分鐘，但係坐唔夠90分鐘已經被佢趕走，*仲要係個態度非常非常非常之惡劣*，經理走出嚟道歉，但係佢做咗縮頭烏龜，入咗去廚房，我鄭重提醒各位顧客，小心呢間舖啲職員態度，貼錢買難受

叫咗香鍋6種配料，驚喜！田雞腿新鮮及不會乾，香鍋好少控制得咁好 真心讚！香鍋好大盤感覺好抵食。好驚喜第一次叫呢間質素好唔錯！😋麻辣魚魚片新鮮好滑，驚喜！有豆腐❤️👍👍👍 讚

這家店開了一段日子，每次晚飯時段經過，門口總是一大堆人排隊，早前小朋友說想試吃辣， 所以午飯時段來光顧。星期日大約十二時正來到，取了籌號等一張檯，但未看菜單已叫飛，原來入面有位，只是未有職員安排入座。午餐選擇很多，有18個餐，我們每人點了一個。小朋友：擔擔麵，辣（$50），加炸雞排（$18），凍無糖豆漿（$5）。問店員可否小辣，店員說可以，在點餐紙上寫了「小辣」。 媽媽：滷肉飯（$48），加小食醉雞（$22），熱烏龍茶。爸爸：漢蜀四寶飯（蔥油雞，牛肚，蒜泥白肉，豬耳）小辣（$72）,凍四季春（$3）另加了小食燙青菜。小朋友評價： 小辣擔擔麵開始吃的時候不太辣，但越吃越辣，最後把豆漿都喝光了要問侍應取杯水來解辣，而且吃完已經說下次要再來。 平日不吃肥肉的小朋友，看見媽媽的滷肉飯，竟然垂涎三尺，夾了很多件來吃，當然肥肉和皮都沒有吃啦。 小朋友點的炸雞排很晚才上菜，雞排很大塊，切開了四件，但因為已經吃得半飽， 雖然很好吃也吃不完，最後要爸爸出口幫助。媽媽： 看見魯肉飯的價錢，和擔擔麵差不多，以為好像台式滷肉飯是小碗，只有肉碎所以加了醉雞，結果點得太多吃不完， 小朋友幫忙吃了滷肉，爸爸幫忙吃了

見呢間新開冇耐既類似川菜舖但又有台式甜品, 裝修得又唔錯, 就決定去試一試, 真係一試難忘🤗 蒜香小排骨 $88雖然都知道圖片只供參考, 但呢碟嚴重不符😩排骨似炸完又炸乾到一個極點, 而且真係得骨, D肉可憐得一層薄肉👈🏻份量亦小得可憐。 炸饅頭 呢碟唔記得幾錢, 但饅頭係迷你size🤨一口一件好方便進食。上菜時亦熱辣辣, 味道都唔會有機會有問題。 老壇酸菜魚片鍋 $178唔可以話佢係好食既酸菜魚, 但味道亦唔差, 係全餐飯加分既一碟菜🥹配料方面都幾多, 金菇、豆腐、蓮藕同大量既薯粉。 青瓜薄荷蘇打 $28正常發揮既一杯飲品🥒青瓜薄荷都濃。

來過幾次食飯，以後唔會再嚟食。第一次試業食，野食得擔擔面，加錢塊雞扒消失，食完單都無，想對單都對唔到。一有麵無雞扒，即問職員仲話係我無落第二次下午4-5點，想搵個人落單都難，坐低成15分鐘，舉極手都當見唔到。今次仲勁，5:30坐入去，全程無人理，嬲到走左都無人問津。唔係無人望到我架和，一個話放飯搵第二個第二個set枱，望完反應都無，第三傳菜，見到都直行。分工無問題丫，但就係得個二個職員咁搵邊個落單丫，呢間真心輸前枱，廚房野食好都無用。未食都嬲到飽

平時餐廳嘅門口好多人，今晚夜左出去食晚餐，所以只係等咗一陣就有位入去坐。兩人食咗個蕃茄湯魚片鍋，湯底帶濃郁蕃茄味，魚片仲非常之滑同完全無骨！加杯飲品，再來個飯後甜品，大滿足！下次會再嚟幫襯💖

職員態度非常差，要求提供黑醋解辣，作為提供烤魚以及做川菜的餐廳，竟然摸大眼講大話，欺騙顧客話：餐廳冇？！ 我同第一個啊嬸職員講完，佢完全冇理我哋，亦冇俾我哋回應，於是我同另外一個職員講，個啊嬸竟然教第二個職員繼續呃我哋話：呢間餐廳冇醋ga! 你作為一間餐廳連醋都冇，餐牌上有提供黑醋骨都敢呃顧客話冇醋。我哋吃幾百蚊一餐要碟醋都極之困難，收到極不尊重嘅待遇，最後無奈只能和經理反應。好在當值經理reasonable 好多，最後成功提供到醋。不過想要啲醋都咁困難，用餐體驗真係好差。食物方面普通，未去到驚艷，整個用餐體驗已經讓人以後都不想再來。

星期六，下午十二點半左右，一位，唔駛等位。有午市套餐餐飲加$5嘅豆漿加冰，都幾匪夷所思，問過職員，佢話係［正常］，唔想要冰下次叫走冰。我第一次來，鬼知咩，同埋我諗大家心目中嘅正常豆漿都係唔加冰。而且，佢係冇熱豆漿嘅選項（正餐牌我冇睇埋，但感覺唔會有）。老乾媽醉香魚塊，上菜時已冇煙，咬落唔熱嘅，夾最底果件終於熱熱地，不過，鹹到呢…醉呢？香呢？成個餐最好食係個菜脯。我四周圍嘅食客大半係食米線，可以俾多次機會佢。今次可惜唔合格了。

食物尚可以，價錢大眾化。但其中一名女職員態度極差，坐低唔夠5分鐘，朋友未到就趕叫你落單，話多人排隊要盡快叫，我話坐低只是一陣使唔使趨得咁急，即刻黑面行開同其他員工細語。

將軍澳嘅早餐已經食到好悶啦 最近開左新野 平日見佢係食酸菜魚為主的 點知原來都做埋港式早餐 新開梗係幫襯下 一試究竟啦！我揀左最隱陣的沙嗲牛肉米佢配埋一份炒蛋同多士 多士加$3可以轉做丹麥多士 老公極力推介我叫 佢話丹麥多真係好食好多 於是轉左 牛肉份量唔少呀 而且都幾厚身 沙嗲味都夠 唔錯 米粉好驚喜 係我鍾意嘅米粉質感呀 🖖🏻 好味🤤老公叫左呢個雞扒餐有得自選兩樣配菜 佢揀左薯餅同炒蛋 粟米同丹麥多就係跟餐的😊雞扒唔錯，唔乾身，薯餅同炒滑蛋都係正常水準啦🤗值得一讚嘅係丹麥多士真係好好食 我見到隔籬枱嘅普通多士好薄身 如果叫一定要加$3丹麥多士抵食好多🤤下次放假食早餐 可以多個選擇了🖖🏻

坑口記茶餐廳基本上都食過晒，見到有新開就入去試一次。裝修都幾靚，座位都算舒服叫左個雞扒米粉，炒蛋，轉左丹麥多士（冇影到相）個雞扒係香茅味，泰式咁，夠大件唔乾好juicy 但係反而加$3 轉左丹麥多士，略嫌件丹麥多士有啲普通。其實佢都整得幾香口，但係牛油味唔重（本人鍾意食牛油味香)對於有食評話上錯食物，食物好遲先有，咁啱就冇發生係我身上。不過店員唔細心，我都覺得有尼方面問題，例如收錯payment 想用八達通，點知撳咗現金客人局住要俾現金。

今次係第二次喺香港食烤魚，呢間比上次嗰真係好味太多。由於餐廳係新開，客人亦好多，運作有啲亂，剩係個個烤魚都等咗四十五分鐘，田雞等咗五十分鐘，但並唔係新鮮劏，另外餐牌亦有唔清晰情況，最後職員亦好爽快解決。因為我哋都成九點三先入座所以無點好多配菜，原本以為唔夠食，原來有好多配菜墊底，好開心，而且味道真係好，所以我都仲想再嚟食多次。香甜鮮濃蕃茄湯-青江魚(走辣)魚好好味，而且好多配料。美國認證三角牛小排，牛肉唔錯。秘製鹵水肥腸。本地製魚蛋。新鮮田雞，雖然叫新鮮田雞，不過唔係新鮮，係冰鮮。米線。跳跳蝦，呢個就係小插曲，未計加一$52一隻急凍蝦，餐牌又無寫清楚係一隻，見到嗰陣呆咗，隔離嘅食客提意退，最後都退咗。

早餐外賣自取 落單時叫B11 蕃茄通店員亦重覆確認最後單上面變了A11 多士兩個完全不同的東西詢問店員時又說不能換 但明明店員做錯 此為一疑惑 另外 當店員得知時 語氣像若無其事亦沒有作出類似「不好意思」「抱歉」等的意思麻煩餐廳審視一下員工的質素食物質素與普通餐廳大同小異之後不會再幫襯 亦不推薦：）

都知間野新開 都好多唔穩定既因素Order左⬇️⬇️⬇️⬇️［2-3人份酸菜魚（小辣）］$178-份量係多既，但少少酸又唔辣，個湯我狂飲都無話好頸渴.［肉碎蠔仔蒸水蛋］$78-正常發揮既，算多蠔仔夠滑，好送飯，但可惜唔重蛋味.［窈窕淑女大紅袍］（凍）$38-水果茶黎但就好甜，不過我係正常甜，建議返少甜😂.［蜜香蘋果冰茶］（凍）$38-嗯嗯嗯～好飲啲既係 大大杯..不過重點啲野等左好耐好耐，又肚餓，隔離枱都吹左好幾次話等左8個字 ，點知到我地都等左9個字先黎酸菜魚，野飲等到差唔多食曬野又吹左好幾次先有，到我地食完～隔隔離枱仲等緊 仲話last order 有無野未黎🙃我見到都覺得慘 得返半個鐘頭食🙃呢個經歷都唔想再有，好在啲員工態度唔差.總共$363要有耐性有時間先好去食🙈