茶軒 (菲林明道)

營業中

休息中

台灣文青小食店香港人不嬲都鐘意食台灣野，飲台式飲品同朋友路經呢間台灣店 見舖面好簡潔 價錢相宜決定試下椒麻雞扒飯 $78呢個set成個便當🍱會面一個滷肉飯同肉丸湯個雞食落好麻，食得好過癮，雞肉嫩滑，食落好驚喜無諗過小店都會有咁高水準仲有三款小食，未食見到個便當心情都靚d😍飲品叫左一款茶同香芋珍珠奶茶🧋，兩杯都好好飲，味道濃郁，唔會一味死甜。同埋好大杯，最啱同朋友一路飲、一路慢慢傾。係灣仔區黎講 價錢算係咁，可以叫做打工仔平民飯堂！

今天約了保險經紀在灣仔菲林明道的茶軒講解投資，各自叫了午餐。我要了北方大滷麵（$68）配飲品黑珍珠鮮奶（+ $8）。果然是北方做法，湯成糊狀令麵質更入味，配合娃娃菜、冬菇、瘦肉和大蝦，清甜美味。平時飲慣奶茶，今次見有熱的珍珠鮮奶很特別，奶味濃郁不用加糖，飲後對我等老人家的胃很舒服！經紀食的原湯牛肉麵（$78），濃湯加爽滑麵質再配合牛肉和紅蘿白，充滿臺灣味道！這餐廳用的牛肉脂肪少但牛味重。兩個麵餐都有酸菜和木耳贈送，加在麵上一齊食更覺一流，又有軟綿綿的糯米糍做甜品。經紀話飲完洛神花茶，喉嚨舒暢，餐廳大玻璃光猛舒適，可以向我慢慢解釋！

行經灣仔, 被一個好大的落地玻璃窗吸引, 驟眼看間餐廳設計已經令人好舒服, 於是入內試下. 樓底有成兩層樓高, 好有空間感, 難得係咁擠逼的鬧市可以有個咁CHILL的落腳地, 未食淨坐已經大讚🤩🤩🤩餐廳係食台灣野, 見到有一人一鍋, 包埋飲品都唔駛$100, 好抵食好吸引😋😋😋於是同老公每人叫左一鍋。有4款湯底, 我叫原味牛肉湯加冬粉, 老公叫沙茶湯加麵。火鍋好足料, 主要食材有豬肉糕, 丸子, 高麗菜, 蛋, 豆腐, 大豆皮, 金針菇, 蟹棒, 肉片, 同蝦。除左蝦稍為唔夠新鮮外, 其他食材都好正好好味, 特別係牛肉湯鍋既牛腩, 好鮮嫩又有口感, 湯底好夠味, 如果唔食得辣又鍾意濃味的話, 牛肉鍋係必選。老公個沙茶湯鍋相對較淡, 無牛腩但有多D 豬肉片。餐飲我地叫左洛神花茶同埋高山翠綠, 淨係個樽已經好吸引😍，好夠茶味也可消滯, 正👍🏻👍🏻👍🏻

服務態度和食物選擇都不太好的一間餐廳，剛開業時已多次幫襯，食物質量還可以。但昨日午餐時段再次幫襯，想下單牛肉面轉幼面，問第一名員工說沒問題，再正式下單時，第二名員工說不可以，加上態度很差，感覺是我錯了，食物不應該轉，令人感覺難受😭😭加上我之前幫襯時，我和我太太都有問過其他員工，他們都是說可以轉幼面的，現在因為一個員工強硬地說不可以。我相信是該員工的問題，但已令我不會再幫襯這食店😭😭一次令人不愉快的體驗😭

介紹返💁🏻‍♀️。。🇹🇼 台灣嘢 在灣仔 🇹🇼。茶軒。大同大廈地下1&2號舖。全日套餐台瘋椒麻雞飯。是日台灣小吃。飲品。是日甜品。HKD78一人火鍋沙茶湯。飲品豬肉片。豬血糕。貢丸。鮮蝦。高麗菜。蛋。豆腐。大豆皮。金針菇。蟹棒配主食 - 麵 / 粉絲 / 飯。HKD98麥香烏龍。HKD28。跟餐 唔使加錢黒糖珍珠鮮奶。HKD25 @ Hot。HKD28 @ Cold。跟餐 加HKD8🤫 又係朋友係要見架～系列..我要嚴正聲明我唔係一個重色輕友嘅朋友🤭..所以係時候約下朋友仔出嚟見面食餐飯吹吓水..咁朋友仔喺金鐘同灣仔中間返工嘅..我哋一於喺呢一帶搵間嘢嚟試吓..然後比我喺社交平台碌到一間睇落環境幾舒適嘅台式餐廳..一於就揀佢啦🤫 講緊嘅就係位於灣仔方向大同大廈嘅茶軒..咁因為我哋約咗六點半開餐..咁早就梗係大把位任坐..我哋揀咗一個喺窗邊落地玻璃嘅四人卡位坐..然後就一齊研究吓個Menu..發現原來茶軒夜晚黑嘅Menu比較簡單..主要係四個台式套餐同三種唔同嘅一人邊爐..朋友仔就揀咗睇相好似好豐富嘅台瘋椒麻雞飯套餐..而我就一於試吓呢度嘅沙茶湯底一人一鍋🤫 先嚟講下朋友仔個台式Set先.

平時食米線有得揀嘅話一定要加麻花椒嗰種麻真係好刺激如果你諗法同我一樣就一定要試吓台瘋椒麻雞麻木感十足 超瘋超刺激保證做到十級麻度條脷冇反應 仲要只係有麻冇辣 食唔得辣嘅人都可以挑戰唔單只個味 個雞扒本身都炸得好香脆仲要零肥膩 雞肉有保持嫩滑多汁一個Set($78) 食到瘋椒麻雞重有香氣四溢嘅滷肉飯 滷味十足唔覺heavy配飽滿香軟白米 味勝易牙個set仲有貢丸湯、兩款前菜和甜品原湯牛肉麵($78)都唔講得少配多片香濃有肉味的牛肉片爽口彈牙拉麵 辣香豐盈湯底試試珍珠奶茶 可凍可熱奶味茶味平均 慷慨份量珍珠

仲係去唔到台灣好彩香港有好多台灣嘢食近排比我發現咗公司附近有一間平靚正CP Value超高嘅台式料理 #茶軒叫咗好吃雞肉飯同埋滷水鴨肉飯有湯有前菜有甜品前菜有麻醬雲耳另外一個類似酥炸小排骨一熱一凍 兩個都好食兩個主菜個飯都係滷肉飯本身冇乜Expectation 點知有驚喜喎滷肉有肥有瘦 食落去feel到有膠質嗰種冇汁都調得好味講吓主菜先好味雞 偏清淡 雞肉超滑 份量超多鴨肉濃味啲 我啲啲重口味人覺得鴨肉好食啲滷水做得幾好另外個湯係貢丸湯 粒貢丸冇揸流攤 好彈牙最後甜品係炸紫薯波波 同埋朱古力花生糯米糍 兩樣都係台灣嚟啱啱每啖一個 兩啖食晒🙈嘢飲因為減肥唔飲珍珠奶茶所以叫咗洛神花茶，同埋綠茶佢cold brew 的 正正子 個樽其實好靚仲有個濾嘴隔住晒啲茶葉唔會係你飲嘅時候茶葉入晒你個口超貼心我見到夜晚仲有打邊爐小資朋友可以去食

唔係同事同我講都唔知原來好耐以前已經有茶軒既存在，味道都幾正宗，只不過之前已經汁哂。見到而家係灣仔又開番就同同事去食lunch啦~睇下係咪真係咁高質。呢到既lunch set以便當形式供應，我地兩個分別叫左超營養雞扒滷肉飯($78)同綜合滷味拼盤珍珠飯($88)。便當非常豐富，除左主食之外，仲有前菜、貢丸湯同甜點。所有野食味道都幾唔錯，而家份量非常慷慨，尤其係個雞排滷肉飯，雞排多到食唔哂d。超營養雞扒滷肉飯原來一d都唔營養，超營養雞扒其實係台灣炸雞扒滷肉飯，雞扒外皮炸至金黃色，食落唔會油淋淋，不過始終都係炸物，食完都係好有罪惡感。另外個綜合滷味拼盤set入邊有雞翼、豬大腸同牛腱，整體黎講d滷味幾入味。另外個set仲包左杯野飲，我地揀左茉香珍珠奶茶同洛神花茶。兩款飲品茶味都非常濃郁，如果個珍珠煮得再淋d就更好啦~

近著灣仔站新開一間台灣餐廳，店內裝修以簡約的木材為主，環境寬敞且樓底高，吸引了附近的上班一族，午市有數款精選飯和麵，配是日台灣小吃、是日甜品和台灣冷泡茶系列，晚市則會有一人火鍋提供。 原湯牛肉麵 - $78 清燉的牛肉原湯濃醇且無浮油，散發濃濃的牛肉芬芳，一片片厚切牛肉略帶粉嫩，肉質偏瘦但軟腍，牛肉味頗濃郁，煙韌的寬條麵好有彈性，掛滿湯汁，還有數塊紅蘿蔔，以及薑、蔥、蒜和紅辣椒等香料。 台瘋椒麻雞飯配餐湯 - $78 份量頗多的嫩滑雞腿肉，去骨啖啖肉，炸得金黃酥香不油膩，雪白的雞肉軟嫩多汁，有著鹹香酸甜的醬汁，配肥瘦兼備的滷肉飯。 黑糖珍珠奶茶 +$8 香滑的台式奶茶充滿濃厚的奶香，煙韌彈牙的珍珠吸飽香甜的黑糖，還有少少幼滑的奶泡。 茉香珍珠奶茶 +$8 這款則帶有淡淡的茉莉花香，口感較清新清爽。

灣仔要搵間好食嘅台灣嘢都唔多，呢間真係好唔錯。入邊應該裝修左冇耐，好新，好光猛，坐得好舒服。最平$68一個午餐，加$8仲有杯珍珠奶茶🧋，真係好抵食。我叫咗一個超營養雞排 配滷肉飯，嚟到先知原來係一個set仲有啲小食。有黑木耳、兩粒湯圓仲有個湯同埋貢丸。首先講個滷肉飯，非常正宗台灣口味，肥肉唔算多，滷肉汁亦非常好味。之後試吓塊雞扒，炸到脆卜卜，個皮好似食薯片咁脆，雞肉仲有少少肉汁。但最有驚喜，係嗰兩粒湯圓，有花生餡，煙煙韌韌。午餐呢個價錢仲有咁多小食，真係好抵食！跟住講下個胚芽珍珠奶茶，珍珠Standard大細，杯面加咗好多肧芽，飲落唔太甜啱啱好，仲要大大杯最後都飲唔晒！其實街舖應該租唔平，呢個價錢有呢個質素真係物超所值，而家買杯珍珠奶茶都40幾蚊，加少少錢仲有成set午餐，去邊度搵呀！

上星期在社交平台，看到名為“茶軒回歸灣仔”的視頻，剛好到灣仔開會，特別提早出門，先到茶軒吃早餐。我已養成１個習慣，未去過的餐廳，會先看 Open Rice備課，今次也不例外，但計劃趕不上變化，所有港式早餐全部下架(店員說上個月已經沒有了)，現在只供應台式早餐。就試試台式早餐：#招牌烤吐司：炸豬扒、煎蛋、芝士、厚多士的組合，最喜歡雙層芝士，可以拉絲；豬扒外脆内嫩；煎蛋無功無過；厚多士軟綿綿，好吃！#即磨咖啡：夠濃，喜歡！招牌烤吐司早餐定價38元，只比意樂餐蛋治早餐貴５元，但味道好好多！p.s. 機器故障，目前只收現金，記得帶錢。

秋風起又係打邊爐嘅時候💨 收工經過灣仔見到好多人係呢間新開台式餐廳一人一鍋 我哋都入咗去烚吓烚吓🍲一人火鍋有四款湯底選擇 包括原味牛肉湯 沙茶湯 鮮雞湯 麻辣湯 配一款主食 (麵/飯/冬粉) 送台灣冷泡茶系列 或者可以加錢轉台式特飲🧋唔同湯底有各自嘅主打食材 我哋叫咗原味牛肉湯鮮甜有牛腩🐮 沙茶湯香濃惹味 有豬肉片做主打🐷 其他standard 配料好豐富 有齊豬血糕 貢丸 鮮蝦 豆腐 金針菇 蟹棒 肉片 豆皮 粟米 菜 包你一定飽🤣 特別推介冬粉 吸滿湯底精華🥢黑糖珍珠鮮奶好細心咁另上黑糖漿 可以自行調節甜度🖤 茉香珍珠奶茶奶泡都打得好厚 珍珠彈牙⚫️除咗火鍋 餐廳都有提供其他台式飯麵 樓底高光猛企理 侍應仲好有禮貌添👏🏻

午餐.主食有包埋冷泡茶 可以加錢轉珍珠奶茶食物都幾大份 平均每人唔洗$100 價錢可接受.1) 好吃雞肉滷肉飯雞係凍食嘅 好似海南雞咗少骨多肉 肉質都幾滑 而且份量夠多滷肉飯味道不過不失另外仲配啲小食 仲有貢丸湯個蕃薯球唔錯 甜甜地.2) 原湯牛肉麵牛肉比較似牛𦟌 唔多肥膏我鍾意麵條嘅煙韌度.3) 胚芽珍珠奶茶4) 芋香珍珠奶唔記得問可唔可以少甜 兩杯有珍珠嘅飲品都比較甜胚芽珍珠奶茶好味 如果多啲胚芽會更開心芋香珍珠奶係無茶嘅 有香濃嘅芋香.餐廳裝修都幾靚 有落地玻璃 所以好光猛 又有空間感 唔會令人感覺好焗促

約咗舊同事食lunch，熟路嘅佢帶我嚟咗茶軒食，近馬路嘅地鋪有勁大嘅落地玻璃，入面係水泥牆同有啲植物裝飾，係我鍾意嘅無印風😍😍😍12點3左右去到仲有好多位，可以坐近玻璃窗隔離嘅梳化位，兩個人坐好舒適，光線充足，望真啲樓底好高，格局好大都好多位，水泥牆有啲英文字句，好文青風，不過之後都陸續有人嚟，所以都係早少少嚟好啲叫咗一人一個set lunch, 我就要牛肉麵，朋友就要椒麻雞扒飯，店舖經理推介我地飲冷泡茶，咁我地就一於試下冷泡茶用樽裝，上面印有特別字句🤣麥香烏龍飲落都真係都好濃茶味，感覺清新，雖然底部好多茶葉，但佢貼心咁將個樽口淨個茶隔，唔怕飲到茶葉，細微之處好窩心台式牛肉麵，仲有前菜同酸菜，牛肉食落好淋，一啲都唔韌，有好新鮮嘅牛味，唔係得個死咸味，湯底夠味但唔過咸，成碗麵食昺都唔會有食咗好多味精嘅口渴感朋友個椒麻雞好大份，仲要配滷肉飯好吸引，聽佢講個雞好滑，想再重啲椒麻味就點多啲汁，咁個辣味再出啲，滷肉飯亦好油香好正套餐配埋前菜同甜品，想特別推介個甜品，係糯米糍，外皮係黑糖味，入面係芝麻饀，甜甜地好香好好味，少少地兩粒做甜品，食完會想再食，如果佢加入main menu我諗我都會特別叫

之前黎過幾次貪佢地方新又舒服今日黎佢轉左新餐牌，真係食到一肚火新餐牌得4個選擇，其他就係一人火鍋試個一人火鍋，沙茶豬肉火鍋（$98）點知食食下發現無大豆片同雞蛋一問之下，個侍應回覆話：今日無大豆片下！無咩材料點解唔一早講！？咁點解我仲要俾一樣價錢？$98？仲要個火鍋本身已經唔多野，得幾片豬肉，2粒丸，2條蟹（仲要係最平果隻），一舊粟米，2舊豆腐，一隻蝦，冬粉，其他全部係菜，真係完全不能接受真係好嬲