茶記一加一 (已結業)

走進沙田愉翠苑街市，有一間餐廳叫「一加一餐廳」，以前在附近讀書經常幫襯這間餐廳。今次重遊舊地來吃下午茶，應該是疫情緣故，見到每張枱上都有一包家庭裝濕紙巾，供客人食飯前抹手。朋友叫了一個即叫即炒干炒豬扒烏冬 $41，份量比一個飯碗多少少，豬扒件數唔係好多，只有兩件，另有少許洋蔥、韮黃、芽菜；至於生炸雞髀+厚薯條 $34，雞髀都幾大隻及厚肉，外皮熱辣辣脆卜卜，雞肉剛剛好熟，而且非常嫩滑，薯條也是熱辣辣脆卜卜，都係即叫即炸的，至於朱古力一睇就知道足料，朱古力味道香濃。…查看更多

放假找朋友食午飯，專程去到他家附近吃，他介紹家樓下有個街市裡面有幾間餐室可以吃的蠻方便啊！份量非常之足料而且快靚正。常餐1 —— 鮮茄濃湯麵配鮮牛肉 ，火腿奄列及脆脆油豬 ，熱利賓納。蕃茄濃湯很鮮味一啲都唔假，應該是用新鮮蕃茄熬製，牛肉鮮嫩足料而脆脆油豬真的很鬆脆沒有花假。常餐7 —— 台式肉燥撈米線餐跟豬頸肉 ，配火腿奄列及脆脆油豬 ，熱奶茶。平常台式肉燥都是配飯吃的，今次試吓撈米線真的另一番風味，醬汁掛滿住米線非常惹味，豬頸肉煎得脆口，另外熱奶茶茶底夠濃而幼滑。…查看更多

到沙田威爾斯親王醫院探病，離開醫院後找地方食晚飯，經過愉翠苑街市熟食檔，見到呢間有即炒小菜套餐，價錢只係$55, 於是試下。我哋3個人叫了3份即炒小菜套餐：西蘭花牛肉，西芹腰果雞柳，涼瓜火腩煲；套餐包例湯或餐飲及白飯一碗。例湯係花生雞脚湯，微鹹但都幾好飲；3個餸都係熱辣辣上的，只可惜都係普普通通，似快餐店嘅質素，我覺得西蘭花牛肉嘅牛肉唔好食，西芹腰果雞柳嘅雞柳醃味太重，涼瓜火腩煲ok; 跟餐白飯好大碗，伙記招呼亦唔錯。…查看更多

Lunch hour黎一加一，每次都坐滿人咁滯，好彩呢啲街市大排檔地方啲客黎得快又去得快，所以唔洗等位。雖然話係大排檔，坐得又唔係舒服，又唔係特別乾淨，但佢啲價錢絕對唔特別平。🧐今日個沙薑雞同菜脯蛋飯係幾好食，份量又夠。啲雞件幾多，雞肉嫩滑、雞皮又唔係話痴住好多雞皮脂肪。菜脯蛋做得好正，個蛋冇煎得太燶，蛋味又濃，唔洗落甜豉油都夠好食。飯嘅份量係超多，見隔離位啲中年阿叔都話夠飽😂😂😂😂 唯一係咁嘅地方、環境，$50起跳嘅lunch+野飲好似有啲啲貴。…查看更多

今日係公司太忙無時間出去食飯，所以就求其塭左間餐廳叫外賣喇，最後幫襯左「茶記一加一」。雖然見有食家對佢地既評價唔多好，食物味道欠奉，而且員工態度又差，不過唔緊要等我都放膽試一試。😆 😆叫左時菜牛腩飯加凍飲盛惠 $52 蚊，公司同餐廳都有一段距離，不過等左一陣就好快送到喇。打開飯盒一睇，餸同飯既份量都幾多，賣相都唔錯。不過可惜得個樣，牛腩唔知點解一啲味都無，個汁又係無味既，成盒飯最有味既係啲菜芯，食得出係新鮮既，起碼唔會比啲又霉又爛既你。總括黎講呢間餐廳係我有生之年一定唔會再幫襯。😂 😂…查看更多

今天因為下雨關係所以叫外賣，先不要說服務態度，先講食物質數,叫了一盒咸蛋土魷肉餅飯加熱檸檬水，本以為要等很久，但是都很快送來，整個飯是完全沒有味道，要自己加豉油才有味道。其次 ，當叫完外賣才知道沒有零錢付款，但是當外賣送到才知道沒有零錢找犢，但是最令人生氣的是要客人自己想辦法到外面買東西打散來付款，究竟現在客人叫外賣竟然仲可以撞到這種情況，就是職員不需要預備多一些零錢找犢給客人，果然利害。而且還要客人落單前先說一聱帶錢過來找錢。…查看更多

附近會送外賣嘅食物選擇唔多，呢間營業時間短，下午六點就收工，唔做晚市，所以今日下午茶揀咗呢間，轉下口味。叫左一個下午茶餐同一個常餐（唔知叫一個餐送唔送外賣）。魚香茄子炆米份量都唔少，但係茄子比例比較少，米粉佔咗大部份，夠飽肚，唔係好夠餸咁。味道就一般啦，較為濃味，相信有唔少味精。常餐配有脆脆油豬，其實今日係為咗食脆脆油豬先至叫呢間，加一蚊可以加煉奶。全部嘢食之中呢個最好食，但因為太好食，未影相就比我食晒😝原粒蕃茄分量足夠，煮熟嘅蕃茄有茄紅素，健康之選。其實食茶餐廳都唔預佢有啲乜嘢服務可言，接線員工態度差劣係預期之內啦。😌…查看更多

估唔到呢間茶餐廳同隔離既米線專門店係同一間咁我就入左米線專門店食而張單都係茶餐廳出講番正題今日午餐我選了4. 秘制豬軟骨菜飯飲品選熱豆漿上菜時菜飯幾乎與白飯無異直至我吃完都只有極少量的菜整碟豬軟骨都頗為油膩而且豬肉很硬不過碟中有很多肉汁可以撈飯總好過吃淡而無味的白飯味道與平時吃的豬軟骨分別不大只是份量比想像中多一點飲品方面我以為有熱豆漿最後只有凍豆漿早知我選熱飲因為兩種飲品都不用加錢反而其他凍飲需加錢食完8成飽埋單時付37元算抵食…查看更多

今日叫外賣,等左一個鐘都未到,打電話去追,問佢寫左邊個號碼,點知係佢地寫錯電話號碼,仲話係我地唔啱,員工態度極度惡劣,之前曾經叫過外賣,問佢早餐有咩事,佢用很差既態度叫我自己睇仲cut我線…查看更多

以後唔會再幫襯一加一。態度差！差！差！就算厨師喺背後幾努力都好，已經被樓面嘅態度否定曬。我對茶餐廳嘅印象一向都係粗聲粗氣，但也未至於會鬧客。尤其係聽外賣電話果個亞姐。…查看更多

經過愉翠苑街市食返個早餐先， 見呢間有位就坐低啦， 叫左個雞扒公仔麵 加腸仔煎蛋 、牛油方包同凍奶茶，個公仔麵超難食， 煮到超級淋，個湯又完全冇味，落啲辣椒油先好啲， 塊雞扒煎到超黑又好乾以為食灰， 腸仔油炸到好黑好咸，好在隻蛋都還可以半生熟太陽蛋， 杯凍奶茶啲冰仲多過茶， 無茶味 啲奶有太多， 下次唔會再嚟食…查看更多

大前日(15-6-2016 Wed)再去醫院接受治療,今次同大嫂食飯,原本佢話o係威爾斯醫院飯堂食,但我覺得悶,於是行出去搵o野食,河畔花園有好多選擇,但遠o左啲;第一城,連鎖店居多,唔啦.隔離呢個屋苑呢?應該有商場,於是行o黎,點知啲食肆原來全部o係地下街市o個層,我o地行到最入都費事再諗,就o黎呢間,重有二人位.坐低後我o地睇,亞姐就企定定o係o度,我o地話諗諗先,仍行開一陣,但好快又行返o黎,話有連餐飲o既午餐.我就要$38.00o既午餐,要梅菜肉餅蒸茄子飯,例湯節瓜鱆魚,飲凍檸水.大嫂要$37.00o既特餐,係咖哩吉列豬扒撈麵配火腿庵列,牛油脆豬,飲凍檸茶.落完單,亞姐話例湯可以o係出面自己舀. 咁都得?為免麻煩大嫂,唔舀啦.冇耐,兩杯o野飲到o黎,飲啖先,唔甜,似少甜,而冰雖然多,但都唔多夠凍.然後大嫂o既火腿庵列牛油脆豬到o黎,之後咖哩吉列豬扒撈麵,最後到我o既梅菜肉餅蒸茄子飯.食吓先,肉餅鬆軟亦唔乾,但薑味多,梅菜唔多亦冇乜味,茄子得三片,一樣冇乜味.白飯就軟硬適中,我食唔晒.味道: 1分大嫂就俾啲豬扒的食,我覺得冇乜味.牛油脆豬佢都俾半件我食,唔脆,牛油就夠o既.牛油脆豬味道: 2分之後我問返大嫂,咖哩吉列豬扒係點?佢答咖哩汁只有椰子味,鹽都冇落. 攪咩?我以為私食時冇撈到咖哩汁,原來唔係,咁只係黃色o既汁就叫做咖哩汁?味道: 0.5分服務:開頭幫我o地搵位好好,之後叫餐就好快,但我o地食完,叫人俾兩杯水就扮睇唔到我,然後叫另一個亞姐至俾.…查看更多

朝早其實好少落街食早餐，因為我覺得選擇唔多。 但今朝趕時間，就去左街市間一加一。叫左個一加一套餐。雞翼+時菜order 左好快就到。 d 雞翼係凍既。好明顯係煮定到時你要乜餸就夾落去。我都明白茶餐廳運作，而且味道ok所以浸一陣先食啦. 但我真係頂唔順d 時菜。 除左一條生菜我覺得係正常番d 之外，其他菜都係生菜芯入面又黃又短果d.喂大佬你個餐係一加一，第2個選擇我唔要火腿唔要餐肉唔要煎旦，我都係想要d 菜， 你唔好搞錯係搭單逢湯面都夾兩條落去送果d 碟邊菜先得架！ 我覺得果d 碟邊菜都好過我呢d 時菜！呢下嬲左飲埋杯檸水，15 mins 搞掂下次都係唔好甘懶，自己煮好過…查看更多

lunch 時間 一個人經過愉翠苑街市，行入去睇下有d咩野食先，見到呢間茶記一加一有位就坐低睇下有D咩嘢食先， 叫左個午餐豉油皇豬扒炒麵加杯凍奶茶小奶， 呢個炒麵就差D得4件超細豬扒，個麵炒得好乾同 完全食唔到有時豉油皇味，不過杯凍奶茶就幾好，茶味同奶味剛剛好…查看更多

今早去一加一食早餐，叫了一份花生醬原多士同齋啡，因為無乜人，都算快攞給我。花生多士不夠醬，但係面包都可以，但係焗得不夠，口感都味一般般。齋啡有些改善，味道恰當。之前飲既時候，係全黑色，好似墨汁，超苦澀，要自己倒少半杯，再加水！我又食肉丁公仔面餐，肉丁很少，面既質地麻麻！湯又無乜味道！服務態度係負數(-)！！無笑容！任意將食物放在枱邊！！！豬仔包係我最鍾意食既，但係每次在這餐廳食都極失望 :( 。…查看更多