茶舍 (淘大商場2期)

營業中

休息中

食物質素一般餐廳中有客人開音樂廣播 令人感到煩擾請求餐廳職員請其降低聲量 被拒絕態度惡劣 說不能控制其播歌自由 但他也令其他客人失去安靜的進食環境職員處理手法極差 令人憤怒

呢間茶餐廳都喺九龍灣開咗一段時間，一直都未有機會試，就係平日嘅午餐老師一試係咪真係咁好食，平時真係好多人排隊！🍴 菠蘿鮮茄三層焗豬扒飯 $58 (7/10)個豬扒飯份量都幾多，豬扒一塊，肉質都鬆軟冇乸嘅味道，個飯有炒過底，有新鮮蕃茄個醬汁都係酸酸地幾開胃，芝士都幾夠，呢個價錢都算唔錯！🍴 蒲燒鰻魚滑蛋包飯 $62 (7.5/10)份量都幾多，個蛋非常大包得晒個飯，鰻魚有半條，甜甜地肉質都比較厚肉唔會有骨，個蛋都算嫩滑，味道都幾唔錯！☕️奶茶 (7.5/10)大杯，茶味都幾濃，叫咗多奶口感係幾滑嘅，奶味同埋茶味平衡得幾好。推薦指數: 7.5/10

茶舍 (淘大商場2期) (九龍灣)晨早流流去九龍灣247 做gym見到有一間網上都覺得幾出名又大件既早餐咁就去試下外圍同內部環境都好優雅坐得都舒服☺️上到黎個份量都真係幾大～有機會食唔晒咁濟🤣叫左份火腿仿鮑米粉加$6 轉左牛角包！同埋熱奶茶食物全部都超大份量😎味道又唔太重口味呢個價位黎講高質！熱奶茶茶底夠晒誠意～ 茶味濃值得再去！一試難忘☺️地點：九龍灣牛頭角道77號淘大商場2期地下G242-245號舖

餐牌有意粉pizza等西式選擇，亦有常餐、焗飯等，定價合理，係淘大商場快靚正之選其中一個吸引之處係有芝士蛋糕、中式糖水可以做飯後甜品🍰夠晒滿足🎈忌廉野菌皇烤雞扁意粉 $60 🍝烤雞肉質軟嫩，扁意粉質感爽口彈牙，配幾款野菌，材料豐富最正係忌廉汁夠多，令意粉好掛汁，味道香濃🎈咖哩牛腩焗飯 🎈咖喱雞焗飯 原個錫紙兜裝住，隔咗半個鐘食依然好夠熱打開嘅一刻好有驚喜，裝得滿滿仲有拉絲芝士，會唔會太吸引🤩咖哩汁係傳統港式做法帶點蒜香嘅口味，有啲似咖哩魚蛋嗰款醬汁，香濃微辣，加咗芝士🧀香氣更提昇，好啱送飯雞扒大塊厚肉而且肉質滑嫩，加上薯仔同芝士做配料好豐富牛腩份量十足，炆得軟腍入味，同咖哩汁當然係絕配，飯係炒飯底，六十幾蚊跟埋飲品性價比極

估唔到$138有咁大塊扒仲跟沙律、飯/薯條、龍蝦湯同烤蔬菜，就算男仔都未必食得哂，而且蔬菜量多營養豐富，其實好想試下個薯條不過驚熱氣都係揀左飯。個扒可以揀幾成熟，我揀左5成，即使係外賣到屋企佢都真係仲係5成熟，配上黑椒汁，不過個汁入面有少少青椒，如果唔中意青椒既人可以揀蒜蓉汁既佢地有幾個焗飯既選擇，我揀左呢個出面比較少見既咖哩牛腩焗飯，咖哩汁係平時食開茶記果隻好香濃少少辣既港式咖哩，牛腩好淋，仲有薯仔同芝士，比起普通既咖哩牛腩飯更加邪惡，不過如果怕膩可以揀番普通牛腩飯。外賣包裝做得好貼心，黑椒汁分開上，飲品有個托唔會漏到成袋都係。佢地堂食個環境茶記黎講都幾唔錯，好過淘大附近幾間舊啲既茶記，啲阿姐服務態度都幾好，之前黎過食早餐佢地唔知點解仲比多左隻蛋，早餐味道都唔錯，大家都可以試下

店舖装潢光亮開掦，簡約整潔，坐位闊落。店員服務勤快有禮，餐牌類別精簡，大約分為早、午、下午茶、晚餐及小食等，每個類別大約有八到十幾款的選擇，最適合好似我呢類有選擇困難症的人🤣。白汁魚柳焗飯 $58芝士焗到金黃色，味道香濃，魚柳口感軟滑多汁，炒飯底帶陣陣蛋香味，加埋creamy的白汁一齊，味道一流🥰。黑松露野菌蠔仔意大利飯 $62一打開蓋已經有陣陣的黑松露香味，飯粒比較顯潤鹹度適中，黑松露味濃郁。蠔仔份量多，新鮮嫩滑juicy。香濃茄汁鮮蝦蜆扁意粉 $66大蝦肉爽口彈牙😍，蜆肉份量多，細細粒但肉身飽滿又清甜。意紛軟硬度啱啱好，掛上香濃的茄汁後，口感柔韌又香甜😋。跟熱奶茶奶茶香濃幼滑，紅茶足又唔澀。

門口宣傳單張寫加入會員有迎新優惠，下載Apps，見Apps內的優惠券的有效日期包括今日，以為可以使用，點知問經理同員工先話農曆新年期間唔可以用優惠券，為求利益不惜取巧，已列入黑名單

屋企冇飯開，於是黎試下呢間茶記，雖然住喺附近但一路都冇試過，成日食黎食去都係果幾間，今次要試下啲新野🤣黑椒汁美國安格斯講真呢個價錢其實都唔expect有好出色嘅牛可以食到，但呢度嘅牛比問我想像中嫩😳 同埋呢度嘅份量都幾多下，牛又大塊薯條又勁多👍🏻 而朋友表示覺得佢個黑椒汁幾令人驚喜幾好食，同平時普通茶記嘅黑椒汁唔同，不過我自己覺得如果再辣啲就更加好~蒜蓉汁雞扒滑蛋包飯蛋包飯一樣份量好出色，大大塊雞扒而且飯又多，好彩朋友係大胃王，如果唔係可能會食唔晒😂😂同埋佢係真係滑蛋黎，唔係平時果啲炒到勁老嘅蛋🫢👍🏻我同朋友仲分別追加咗薯條同埋蒜香雞翼，後者真係好誇張，一咬佢仲標緊煙！飲品就正常發揮~

第一次黎呢間餐廳食飯，叫左個魚籽三文魚蛋炒飯。 等左大約15分鐘，上菜有少少慢但可以接受。 魚籽令到整碟飯好有嚼頭，三文魚冇骨，加左少少冬菇好香。份量多，食完好飽。 下次會再光顧，試其他野食。

在九龍灣行街行到好肚餓，剛好下午茶時間，見到這裡好多人排隊，原來是等下午茶位，多人的地方一定是好野✌，我地又排埋一份。一路排隊一路睇餐牌，好多野都想食，於是兩個人打算食三個下午茶，試多D款。一坐低即刻掃碼店餐，首先黑松露炒蛋牛角包必食，加兩隻柚子炸雞翼，非常好食，炒蛋好香滑，黑松露味濃郁，牛角包鬆軟，雞翼炸得外脆內多汁，柚子味酸酸甜甜，食到手指都損埋。😂😂炸大雞腿沙律，雞腿炸得脆卜卜，皮都食得，配少少沙律，無甘肥膩，再加配火腿炒蛋丹麥包，原味的炒蛋好香，丹麥包超正。第三份是鮮茄午餐肉通粉，真是有新鮮番茄🍅，午餐肉大大舊，通粉索曬番茄湯的味道，好好食。👍👍這裡的服務很好，效率超高，落單後一陣就有得食，價錢💰好平好超值，性價比最高，難怪全場滿座，外面仲有人排隊😅。

近來走訪不同商場，去看各處的聖誕佈置，這晚去到九龍灣，也順道吃過晚飯才回家。這天晚上選擇了淘大商場的茶舍。掃描餐桌上的二維碼即可落單，方便快捷。先嚐軟殼蟹白酒蒜香天使麵。軟殼蟹香脆，配合鮮甜的蜆肉，以及草菇等等配菜，味道非常豐富。天使麵質感可口，份量充足。原條魚柳包賣相吸引，魚柳外脆內軟，而且夠大份，充分滿足口感。麵包方面，選取了脆豬，加倍香脆。配搭薯條，持續了香脆的主題。餐飲是熱華田，特別選擇了多奶，入口更見細滑。另外一杯是熱檸茶。以甜品意大利栗子法式布朗尼，完結這晚的一餐。

今日約朋友上佢屋企玩，順道行下淘大商場。逛完街，朋友話先買個飯，然後返去煲劇😁，於是帶我去。店舖門面光亮，玻璃外牆設計，令視覺上更明亮開揚。室內裝修同樣光亮整潔，坐位闊落，更感舒服。晚市餐牌有套餐、單點、小食等。價錢親民，店員服務態度好好👍。香濃茄汁鮮蝦蜆扁意粉 $68.-茄汁味香濃，蝦肉爽口彈牙😍，蜆肉份量多，細細粒但肉身飽滿又清甜。意紛軟硬度啱啱好，掛上茄汁後，口感柔韌又香甜😋。跟熱好立克，落足料，味道香濃又甜度適中。蒲燒鰻魚炒珍珠飯 $68.-鰻魚切細後混入飯一齊炒，飯粒炒至粒粒分明，每粒飯的色澤及味道都均勻地吸收咗鰻魚汁，味道甜甜香香又軟熟😍。鰻魚粒軟腍香甜，有啖啖肉的口感。跟熱奶茶紅茶味香濃又唔澀，口感順滑。白汁魚柳焗飯 $60.-面層芝士好香濃，下面鋪滿魚柳，肉質軟滑多汁，炒飯底蛋味香零舍好食，混埋creamy又充滿芝士香味的白汁一齊，好好味🥰。

今晚想同大家分享下我喺街坊嘅小店食嘅經歷。嚟到呢間無招牌嘅茶餐廳，老板揮汗如雨咁炒緊餐，真係夠曬勁！我叫咗份叉燒蛋包飯，先講下叉燒啦，火候控制得宜，外皮蜜汁焦香，內裡肉質腍身，仲有嗰種嚼勁，啖啖肉咁慶幸住。將箸一插落滑蛋入面，蛋皮即刻瀉出啲金黃色蛋汁，濕潤咗啲白飯，咬落去有咗蛋香返力。😚店仔邊度都係擠滿咗人，呢度啲人都唔係嚟打卡嘅，佢哋純粹就係嚟填肚。嗰碟點心，我睇咗下叫做鹹水角，幾得意嘅就係，皮脆肉嫩，啖啖都有驚喜，啲餡料鹹香得嚟唔膩口，真係食一啖記住三日。🥟最後，喺點心仔旁邊，仲有杯絲襪奶茶，茶香濃咖咁送上，啱晒啲飲茶習慣。話晒，飲杯熱茶咪正啱沖走下飯後嗰點點油膩感。絲襪奶茶唔使太多形容，你哋知香港嘅奶茶點啦，就係咁啱啱好，一啖暖哂心。🍵真係不妨帶埋親朋好友來呢度嚟個簡單而温暖嘅飯局，度過一個愉快晚上。這家味道、氣氛、服務都算是老字號水準，希望你哋都可以嚟試下。

呢間茶舍見過有其他分店，但食都真係第1次，估吾到真係又平又抵食，食物種類又多，全部都係即叫即整，真心好食，又平，又不用加一，超，抵，今日去買外賣，點左個黑松露野菌蠔仔意大利飯，先64元咋，晚市嚟講，真正，份量好多，黑松露好香，而且蠔仔都好多，飯軟硬適中，又creamy好正，好味，超底食呀。又嗌左咖哩牛腩焗飯，都係64元。好開心，又係咁平又抵食。牛腩有好多件，焗嘅關係令牛很入味，咖啡味濃，喜歡佢咖哩辣辣，最後嗌多碟雞翼，好像4隻3十多元左右，超好食丫，佢全部都即叫即做，雖然要等下，不過都值得嘅，咁真心又平又好食，難怪都好好生意啊😊😄。

香港美食離不開茶餐廳，因為選擇多元化，價格相宜大份，所以深受大家歡迎😎。這次去了家新式的茶餐廳，位於淘大花園的店，環境裝修時尚，還有聖誕節裝飾。下午茶價格便宜點，而且有港式美食西多士🤭，還有芝士蛋糕🙈。-▪︎茶走｜熱杏霜 HKD$0下午茶餐是有熱飲附送的，個人挺喜歡飲熱的，因為味道濃郁點。茶走色澤會深色一點，茶味甘香濃郁口感順滑。杏霜可選擇多奶，感覺味道香滑，這個味道挺特別。-▪︎煉奶一口西多士 HKD$32金黃色的賣相挺吸引，一份五件有西多士。堆砌成小山丘的造型，灑下糖霜挺有冬日感😆。熱辣辣吃的口感酥脆，質感鬆軟香甜。個人挺喜歡配煉奶吃，感覺較香口惹味。-▪︎Hi Tea 百搭自選 HKD$42這個是粉麵配小吃的茶餐，粉麵也有數款選擇的。點了迷你鮮茄湯通粉配吉列豬扒，鮮茄湯酸酸的挺開，味道挺濃郁的。吉列豬扒外脆內軟，配沙律細吃較惹味。-▪︎特價常餐 HKD$42常餐的選擇也有幾個配搭的，選擇了沙嗲牛肉公仔麵，另加了$2轉多士及太陽蛋。沙嗲牛肉味道濃郁，肉質鮮嫰大件。喜歡多士選烘底，因為口感香脆一些☺️。-▪︎原味芝士蛋糕｜柚子芝士蛋糕 HKD$21茶餐廳也有芝士蛋糕，所以決定一試欵。原味芝士味道