茶聊

營業中

休息中

入到門口感覺環境都唔錯❤️食野既款式唔算多 但擺盤就好靚 好適合鍾意影相打卡既人😂食佐佢個龍蝦包 個面包皮 都幾脆 個醬都幾香 佢既炸薯條都好食 嗌佐杯水果茶 茶味唔濃 啲水果好似無味咁😂

平日下晝，朋友仔話之前食過呢間唔錯，咁我哋今次1齊walkin食。下午2點左右，舖頭都有幾檯客，我哋齊人後入座，點知店員提醒我哋90分鐘用餐，坦白講平日非繁忙時間都限時，cafe嚟講有少少失望。我哋叫咗一個漢堡包薯條、一個西班牙海鮮飯、一個北海道帶子飯，另外叫咗三杯嘢飲。漢堡包肉汁Juicy，薯條熱辣辣，唔錯。西班牙海鮮飯就較鹹；北海道帶子飯就較甜🥲完全唔推介大家. 不過驚喜喺有桃膠嘢飲，我叫咗杯木瓜桃膠，幾好飲。整體嚟講就覺得一般般，人均消費大約$130-

呢度嘅環境好大，好舒適！ 咁啱我哋lunch早到咗,，所以可以坐梳化位🥰 非常闊落！ 呢度落單同埋斟水都係自助嘅， 好放便髒髒黑糖珍珠鮮奶凍 （小甜）賣相吸引，非常特別🥰上面一層朱古力苦苦地唔會太甜， 加埋鮮奶嘅味道就變得剛剛好， 黑糖珍珠有好多粒， 煙煙靭靭，  所以珍珠都好甜好有黑糖味！ 鳳梨香茅檸檬茶凍（糖另上）味道酸酸甜甜， 好解渴！  菠蘿味好juicy新鮮， 又有香茅味好特別喎！ 香煎北海道帶子配濃厚椰奶意大利飯椰汁味好濃郁香滑而且好甜，有瓜粒，車厘茄及三粒帶子，帶子熟嘅程度剛剛好而且非常大粒👍🏻 個汁非常creamy， 飯嘅煙韌程度適中，粒粒分明而且還有椰絲係面！ 啱曬鍾意椰香嘅人😋 沙嗲雞串配自家製泰式醬汁意大利粉泰式醬汁酸酸甜甜， 食唔到有辣味！ 意粉質地堅韌不會過淋👍🏻👍🏻👍🏻   雞肉串燒有三串！  有炭燒沙嗲味， 肉質都算幾嫩滑！

呢間Risotto🍲真系好好食 我最中意佢勁重椰奶🥥味😋😋香煎北海道帶子🍴意大利🇮🇹飯 lunch仲去到1700 late lunch 都無問題 仲有🧊佢杯芝芝桃桃🍑半杯果肉😌😌系咩事㗎勁足料仲有厚厚奶蓋🤍🤍我嘅late lunch餐廳🍴之選同朱🐷去打下卡chill下👩‍👧😗呢到系self Service㗎不過店員見到我帶住小朋友都好好主動過嚟幫我落order方便返我哋家長😊😊😊

🌎茶聊 (旺角)餐廳門口好多仙人掌🌵盆栽 好有格調 入到去環境光猛 仲有好舒服既梳化坐低食野 食物質素唔錯 ▫️沙嗲雞串配自家製泰式麵意大利麵$88（推介）用左大粒粒翠玉瓜做配搭 分量又爽口又有口感 味道酸酸甜甜 好開胃 有一陣濃濃嘅蕃茄味 好香好好食 而且意粉好鬼彈牙 ▫香煎北海道帶子配濃厚椰奶意大利飯$98煎香左既帶子散發陣陣香味，食落亦鮮甜有彈性十分新鮮，意大利飯煮得質感較軟身左，食落欠缺煙韌感覺 不過好有椰奶味 好正▫️骽髒黑糖珍珠鮮奶$44外貌特別係必點打卡之選！鮮奶混合朱古力粉飲落有種豬奶嘅感覺，唔會太甜，珍珠食落吾會太硬質感岩岩好！💵人均消費：120✨環境及衛生：7.6/10🙋🏻‍♀️推介指數：7.7/10📍旺角砵蘭街189號1樓

見呢間餐廳有lunch set 好似幾吸引所以同朋友過嚟聚會傾吓計✨泰式BBQ汁海鮮漢堡呢個餐簡直係一次過滿足晒想食炸魚柳同埋大蝦嘅願望！漢堡包有用牛油又輕輕地煎過！脆脆地幾好食！薯條都夠晒熱好正，食得出係自家製嘅薯條🤪🤪✨泰式雞串佩自家製泰式醬汁意大利麵呢啲fusion 菜式唔係個個地方都有得食，酸酸甜嘅意大利麵都係第一次食😂😂😂感覺都幾有趣🤗泰式雞串燒會有三條，都幾辣！雞肉都唔算乾😊✨ 髒髒紫薯鮮奶真係好正，超級多紫薯肉而且一啲渣都冇，好香同埋滑，完全滿足左我呢個紫薯控！✨百香果大吉嶺紅茶超大杯而且好多果味！夠晒酸而且唔係太甜😋😋

同事們一個一個離開公司了，共事數年，難得約齊腳飯聚。因為大家由四面八方放工出嚟，所以選了旺角就大家既放便。見食評，同d食物相都幾靚，所以決定試吓。食物本身係好既！雖然好似貴左dd和份量都少左dd之外😅我地7:30到，食至一半左右，我個神犬拉西鼻又發作，聞到餐廳充斥住煙味😢無錯，係有人食煙既煙味⋯⋯^_^對一個唔食煙嘅人黎講，真係好影響，尤其我好似坐喺風吹正既位，食到正一正！d野有排都未食完，又走唔到，好慘。原本想食埋甜品的，但都係嗱嗱臨食完走人轉場。

茶聊似乎係飲品出名，order左超級水果茶同紫薯髒髒鮮奶，兩杯飲品都可以走甜非常好，水果茶裏面有好多生果飲完仲可以開蓋食埋d生果，紫薯鮮奶飲落好濃厚紫薯味仲食到粒粒紫薯，就算走甜都好接受到因為奶有少少甜味㗎嘛，呢隻紫色望落都好靚!! 泰式BBQ汁海鮮漢堡幾豐富喎又有沙律菜又有薯條，，麵包鬆脆魚柳幾大塊，仲有大蝦同蕃茄生菜，配上辣辣地嘅泰式汁，漢堡太大個要逐層食，所以我當炸魚薯條咁樣食!! 😅泰式九層塔蒜香辣椒蜆肉意粉意粉彈牙，呢個意粉只要有足夠多嘅蒜香味就會好食，蜆肉份量都唔少!!

之前來食過覺得唔錯今日又來幫襯下！發現原來多咗個靚靚打卡位！有齊而家最興嘅花牆同埋Vintage嘅電話亭！簡直少女心爆發！🥦沙嗲雞串配自家製泰式醬汁意大利麵👉🏻呢款fusion菜又幾有特色喎！估唔到泰式的醬汁同意大利粉好夾呀，少少酸辣勁醒胃！而且雞肉好嫩嫩，有少少花生沙爹香味，好食😋！🍔泰式BBQ汁海鮮漢堡配薯條👉🏻漢堡有誠意，面頭塊包有烘過，邊位少少多士脆口感，i like it!中間係炸到勁香脆嘅魚塊同大仔海蝦，加埋蕃茄同埋甜酸辣醬好惹味！呢度叫茶聊,嘆番杯靚茶是常識吧😂最後我們揀咗蜜桃茶同檸檬茶，檸檬茶勁Super lemon feel，超級提神消暑！我就好鍾意蜜桃茶裏面嘅真果肉，除咗勁香桃味之外，甜甜地都幾好飲呀！📍茶聊地址: 旺角砵蘭街189號1樓

去完朗豪坊買嘢見肚餓就search下附近有咩好嘢食，見到呢間cafe好多人推介先上去食。髒髒黑糖珍珠鮮奶 $44好邪惡但超級好飲，鮮奶濃郁，黑糖珍珠大粒煮得剛好，煙煙韌韌咁，好有咬口，因為珍珠用黑糖煮過，杯嘢飲就唔再加糖，鮮奶同珍珠一齊飲就岩岩好，唔會過甜。滿杯桃桃 $48好多桃肉，桃味香噴噴，大大杯，中意佢味道清新。沙嗲雞串配自家製泰式醬汁意大利麵 $88雞串啖啖肉，燒到好香口。意大利麵軟硬適中，有少少咬口，自家製泰式醬汁好特別，酸酸甜甜辣辣地咁，好開胃。泰式bbq海鮮漢堡配薯條 $148沙律新鮮爽口，薯條炸到好脆口，泰式bbq海鮮漢堡有炸魚柳，大大塊，外脆內軟，仲有虎蝦肉，爽口彈牙。

約朋友係旺角食lunch而家戴口罩唔太方便係街飲手搖飲品Search到呢間店既飲品好靚髒髒紫薯鮮奶(沙冰)面有粒粒紫薯，夠甜同淋，有口感飲品紫薯味濃，加上鮮奶滑的口感，好好味超級水果茶茶有好香的百香果味，配上粒粒水果有西瓜，菠蘿，哈密瓜等等我地叫左2個lunch set忌廉粟濃湯檸檬牛油北海道帶子忌廉意大利飯帶子略煎了表面，保持帶子嫩滑有水份的口感意大利飯creamy，有翠玉瓜粒，食落無咁膩沙嗲雞串配自家製泰式醬汁意粉泰式醬汁微微酸辣夠開胃Cafe空間寬落，適合打卡

🥢沙嗲雞串配自家制泰式醬意粉 $88鐘意食串燒同酸酸甜甜既汁可以試下呢個🍝望落以為係蕃茄汁咁但原本食落去有少少辣甜甜地又酸酸地咁好開胃😋串燒雞亦好Juicy有3串咁多😉-🥢泰式BBQ汁海鮮漢堡 $148聽講呢個Burger係必試！海鮮包左幾隻大蝦🦐蝦肉彈牙又甜另外仲有一塊炸魚🐟加埋Buger咁食口感豐富值得一試😉另外仲有薯條🍟炸到卜卜脆😋-🥤紫薯髒髒鮮奶 $44紫薯控必試因為平時都比較少紫薯特飲🤔仲要茶聊個味好夠啖啖都有紫薯香味🥛-🧋布蕾黑糖珍珠 $44呢個不得了！成個焦糖布丁放左係杯黑糖珍珠上面每攪一啖都飲到焦糖布丁🍮😋

打卡首選樓上Cafe-🍴泰式九層塔蒜香辣椒蜆肉意粉🍝🌶 $98雖然九層塔味唔係太出🤣但係意粉好惹味👍🏼因為食到唔同層次嘅辣味😋不得不讚嘅係蜆肉出奇地Juicy😝而且都算大隻-🍴 泰式BBQ汁海鮮漢堡配薯條🍔🍟 $148漢堡超級驚喜❗️世界級正98.94分🤣首先漢堡好多材料（炸魚柳🐟+大蝦🍤）先講炸魚柳😝外脆裡面仲係好濕潤👍🏼唔會炸到過咗火🤙🏼而且起碼有五隻蝦❗️食得出唔係冰鮮蝦💕另外BBQ汁味道適中唔會太濃而遮蓋左海鮮嘅味道💕而小編最愛嘅薯條都有少量調味粉🥰唔使點茄汁已經好好味❗️- 🍲 蘑菇湯（餐湯）另外跟餐仲附送蘑菇湯😚用多款蘑菇絞碎而成😍味道濃郁-🥤髒髒黑糖珍珠鮮奶 （+$14）打卡一流😂珍珠好煙韌 又有少少黑糖味-🥤 超級水果茶（+ $15）水果茶好fresh啱晒解膩🤣

開心之約會和組女食個晚餐，去咗間bookmark 好耐嘅cafe，食物有質素，飲左杯好飲嘅😋喜歡牛油果唔可以錯過！！！要叫～～人均：$133.檸檬牛油北海道帶子會忌廉芝士意大利飯帶子好好食！煎得岩岩好，醬汁搭配意大飯好夾，加了翠肉瓜，增加口感！.軟殼蟹漢堡配薯條 好大個包，軟殻蟹配牛油果千島醬，fresh而清新，薯條好似穩穩有啲調味粉，幾好食。.牛油果桃膠鮮奶哩杯推介呀！！！跟餐加$16，健康又補身，桃膠份量幾多，飲到尾仲飲到佢，牛油果同桃膠原來咁夾，仲好飽肚。.布蕾黑糖珍珠跟餐加$14，飲品面有層層焦糖布甸，黑色珍珠唔算太甜，就算叫左少冰甜度都適中。.@tearapy_tearapy

現在café真係開到成行成巿，但其實唔係間間都咁好坐咁好食，尋晚去了距離朗豪坊好近既茶聊，間店都非常唔錯，枱同枱之間都闊落！侍應既服務都好好！我地order了軟殼蟹牛油果包、海鮮意粉、最出名的髒髒紫薯鮮奶沙冰同蜜瓜青提苿莉沙冰。 軟殼蟹牛油果包，配上明太子醬，都唔錯既，軟殼蟹炸到好鬆脆，但如果醬汁可以加多一點會更好。海鮮意粉，配上龍蝦汁，個意粉質地值得一讚，最怕煮到淋淋地既意粉，但呢間真係煮到剛剛好，有少少硬，好啱我口味，正！海鮮方面都大大隻蝦，大大隻帶子，質素唔差。髒髒紫薯鮮奶沙冰，杯飲品好靚，味道也很不錯，紫薯味道很濃郁。蜜瓜青提子苿莉沙冰，很清新，亦都唔太甜，非常good。總括來說，係值得幫襯的一間樓上café，絕對會下次再光臨。