影片
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
26-7-2025（Sat）朝，同老公食早餐，不如去飲茶，唔落荃灣喇，就呢喥啦。嚟到，部長問幾位？我答咗後佢就話房啦，任你揀。我哋坐低後就剔嘢食喇，要咗2set早晨自由孖寶（早優）同其他。1. 孖寶裡面嘅皮蛋瘦肉粥好快嚟到，撩起睇，唔多料同比較稀，而瘦肉有99%係肉碎，我哋食喇，味道係對版嘅，但食到有少少味精。3分2. 孖寶裡面嘅雞蛋蔥花炸兩腸一碟六件，油炸鬼脆，雞蛋蔥花腸口感嚡，應該係熟透嘅雞蛋累事。2.8分3. 孖寶裡面嘅懷舊素翅餃個皮有啲黐，味道都係對版嘅。3分4. 孖寶裡面嘅潮州粉粿一食就食到辣味，應該係五香粉重手咗，都好似食到沙葛。3分5. $13.80嘅桂花白糖糕一客三件，食落，同普通白糖糕冇乜分別，冇乜桂花味。3分6. $16.80嘅高湯灼唐生菜正常冇問題。5分環境：揀嗰張枱啱啱冷氣夠，唔錯。服務：部長唔錯，而上完皮蛋瘦肉粥後，其他嘅都一次過上晒。價錢：要睇清楚，同一樣嘢喺唔同點心紙上係唔同價錢，同埋都係冇大中小點，茶位價錢表，我就當茶位$10.00一個，計加一計好晒係$130.02，到去埋單，收$134.00，我問收銀攞單睇，茶位係$12.00一個。2.8分上次食評係2025年4月27日提交嘅呢篇：https://www.openrice.com/zh/hongkong/review/%E5%A1%9E%E7%88%86%E7%9B%92-e6017421。
繼續閱讀
今天要去圓玄學園拜神，拜神前便首先往石圍角邨的茶皇殿先食個午餐。這裡的飯市非常多客人，我們一行5人都吃了非常多的套餐，燒味方面我們點了叉燒及豉油雞，特別喜歡叉燒，口感鬆軟，而且很香叉燒味，而雞也非常入味。而點心方面燒賣，鮮竹卷及xo醬炒蘿蔔糕都是不錯的，我自己特別愛叉燒包，家人就喜歡炒蘿蔔糕，說是非常惹味。小菜方面點了生炒骨，金銀蛋菜心及肉絲炒麵，份量都是非常的大碟，而且有鑊氣，炒麵麵炸得香香的，我們都非常滿意去拜神了。
繼續閱讀
未試過去一間酒樓，以為好多優惠，睇完餐牌都唔明係有乜嘢平。又話出名係燒鵝食落好似食燒鴨咁？叫咗碟蒸鱔，細細粒肉有薄肉隻碟又好大，真係好大碟囉？又話係王牌炒飯，未試過啲炒飯咁差囉！非常十分之失望，唔會再去幫襯🤬
繼續閱讀
已經係第二次黎幫襯啦，第一次因為啲買單唔比我碌卡，然後食物要乜冇乜，搞到我唔過200，差幾蚊，所以唔比，但係都係自己問題啦，冇得講，但係今日係我叔想試吓，所以一齊去左，今次仲垃圾過第一次啦，冇得唔爆粗，落完嘢食，都係好多話冇，究竟係真係冇，定係唔想做？隔離檯都係到爆粗，因為都係要乜冇乜，然後樓面完全搵唔到人，叫左加水，都冇人理，後邊又加左單，等左至少半個鐘都冇上，然後要張出單紙睇吓，見到依家先幫我落單，激到死，買單時候係到話廚房出單機有問題，但係點解唔同我講聲？要我自己出聲先講？咁樣邊有服務？仲要收服務費？垃圾酒樓，不如上家，轉人啦
繼續閱讀
天文台剛好掛八號，大家相約晚飯，友人提議屋村商場試新店，反正免費泊車，都算方便⋯⋯朋友見街市有平價海鮮，本想來貨加工，於是5點幾致電食店，店員語氣不耐煩，話價錢已貼在門口，自己過嚟睇，電話唔方便講⋯⋯親身攞得海鮮過來，就唔使睇啦！難道嚟到門口睇完先去買海鮮之後朋友又叫筆者問問關於是否收開瓶費，第一句店員話唔收，之後又改話要收$50，最後我們都決定唔帶酒來，反正正直將會打風大家飯聚後還有節目⋯⋯蜜汁柚子骨$98~份量少，其實可以用細一點的碟就冇咁著眼，由於解凍未夠全面，有點失色。蓮子八寶冬瓜盅$168~店員落力推廣冬瓜盅，夏日炎炎都是一個好選擇。豉油皇炒麵$88~未見乾身，濕濕油油，還有進步空間。順徳煎焗魚雲$118~煎得過火，深深色，新開店舖，油的質素有待改善⋯⋯香辣 孜然牛肉$88~孜然粉蓋過一切。乳鴿$198($68/隻)-友人喜吃乳鴿，於是點了兩隻，炸得過火有點柴，最後都有吃淨。海鮮孖寶$198(美國桶𧐢配小炒王)先來講韮菜，每啖都咬落有渣，豐富纖維⋯⋯美國桶𧐢，中規中矩南乳炆齋煲$98~淡淡的，南乳味未夠突出整體來說作為屋村酒家，而且還是新開店，給食客感覺未算吸引，平均每人$230,這個價位及質素，同區有更多更好的選擇。
繼續閱讀