茶泰 (荃新天地2)

營業中

休息中

這道泰式大蝦炒金邊粉色香味俱全，炒得乾身不油膩，充滿鑊氣。每啖都食到彈牙蝦肉、蛋香與炒香的芽菜，微辣惹味，配上灑上的白芝麻，口感更添層次，蝦都是大大隻的，有蝦味。金邊粉軟中帶韌，不會過淋或黏成一團，是一碟誠意十足的主食。餐廳位於2樓，靠窗位置可遠望街景與樹影，環境清靜舒適，配上音樂，極具放鬆感。配上一杯可冰少甜的凍檸水，慢慢享受美食與午後時光，是一種平靜的都市小確幸。無論是獨食還是朋友閒談，都值得一試。

今日同朋友行過見餐廳環境幾好又想食泰菜就去試下，點知叫完野食之後侍應上菜態度欠佳，呯一聲放低碟野，諗住咁岩姐算啦，點知再連上3個菜都係呯呯呯咁放低啲碟，乜都無講，我唔係expect 你叫我請慢用但係面口同擺低既力度都可以改善下😅到上齊菜無碗碟，咁就問佢啦，佢就好悔氣咁話碗碟係自助區自己拎😅大佬第一次黎唔知呀麻😅重頭戲黎啦…叫左個青咖喱牛肉，本身都好地地食緊，食到尾諗住飽飽地食埋呢舊牛肉收手，點知見佢舊牛肉咁大舊就分開2啖，一咬開入面竟然係生肉…嚇到我手震埋😓當然呢碟佢無收我錢啦但係食完兩個鐘後同朋友行緊街我突然好肚痛，朋友都有啲抽住痛，係商場已經去左次洗手間，結果我地各自各返屋企屙左2次😓😓怕怕啦唔會再黎😵‍💫😵‍💫

這間餐廳的入座安排好有問題，首先佢地門口係冇人指示要排隊，而排隊個牌係一二邊係好難睇到，個個客人入到去個餐廳個短頭髮女人經理就會好冇禮貌咁叫人要排隊，仲我排隊其間都見到有好多客人因為唔滿意佢既態度走左，仲要佢同每個客人講要公平所以要排隊，但係我係有推住bb車，佢已經好差態度咁話因為你有bb車會阻住我地做野，個樣係好歧視咁同我地講你要等下先，咁我覺得都係食野姐冇所謂啦，跟住佢話等到我有位岩放bb車你先可以入座，第一張枱佢比左排我地後面既客人入座，跟住我地又等多十分鐘佢又比我地後面既客人入座，跟住我問佢究竟係點安排，佢就答我你有bb車係咁架啦，如果你地餐廳係唔歡迎bb車，可以寫明，我地就唔會入黎，唔洗我地好似公仔咁比呢個餐廳經理玩，這間餐廳的短頭髮女人經理服務態度超級差，不但對客人，對住服務員都係呼呼喝喝，太差的體驗

放假約朋友午餐再逛街，荃新天地這裏食肆超多選擇，我們選了泰國菜茶泰。湯粉麵、炒粉麵飯等泰式套餐及小食都有，總能滿足不同口味。加配的小食泰式酸辣鳳爪$34，酸辣味道非常適中會太難辣，爽口開胃，稍嫌鳳爪份量太少，吃不夠癮。很多洋蔥墊底，連洋蔥都吃光。泰式雜錦船粉$69，喜歡有炸豬皮，浸在湯裏再吃，吸收湯味，咬下煙韌有嚼勁；這裏的船粉，是河粉加粉絲，又吃出不同風味，因為河粉和粉絲都很能吸收湯的精華，非常入味。配料還有通菜、芽菜、牛丸、豬肉丸、扎肉，都是爽口的，豬肉丸細細粒，Q彈又有豬肉香，好吃！飛天通菜$66，喜歡有蒜子一粒粒的，吃著非常香，醬汁清而濃味，通菜鮮嫩無渣，非常爽口好吃。泰式金不換炒金邊粉$68，醬汁比較多不夠乾身，但味道酸酸甜甜，還是很開胃。有幾隻鮮蝦裝飾得漂亮，而且裏面配料豐富，最喜歡有炒蛋碎香口，金邊粉煙韌口感不錯。泰式特飲芒芒椰椰，跟餐加$8，味道非常好，拌勻杯底的芒果，椰汁味道香甜，又有果肉吃。跟餐熱奶茶不用加錢，味道是正宗港式茶餐廳的，雖然這裡是泰菜，但也有港式味道呢！迷你芒果糯米飯$22，椰汁拌糯米飯絕對香甜，煙韌好口感，價錢來說是值得一試，美中不足就是芒果不夠甜。

因為太早食lunch, 好快就肚餓!去荃灣附近搵一間下午茶，見到荃新天地茶泰有yes set! Let’s try!佢有輕量，份量細啲，唔會太飽幾好喎！嗌咗輕量牛肉船粉 $42湯底好濃郁，牛肉嫩滑，不過較少有粉絲同麵條兩款。配菜有通菜，小小蔥。面頭有啲炸香咗嘅豬皮，如果有芽菜更好！另外加$12就可以有特飲啦，嗌咗個芒果椰西米唔記得咗影🥲呢個麻麻哋，椰奶太多,好重奶味 感覺好肥芒果相對較少，唔balance ，淨係飲到好重椰奶味飲到好少芒果

下午茶時間經過茶泰 見到有下午茶Menu入面有香葉肉碎生菜包，fit 晒唔想食精製澱粉嘅我，於是就入咗去.點咗以下兩樣👇🏻🐷香葉肉碎生菜包 $68🥬香濃魚湯娃娃菜 $12免加一服務費Menu 話個肉碎要等20分鐘，但好彩好快就上枱啦～ 賣相份量係合格嘅～ 肉碎上面仲有啲炸乾蔥碎，生菜份量都有1/4，但係個肉碎調味好酸同好甜😂😂😂 係有辣椒但我食唔出香辣，佢酸到我覺得佢叫🍋檸檬肉碎好啲😂.雖然佢話自己係少糖少鹽食店🤡但我亦都唔排除可能係我因為低碳嘅緣故味覺特別敏感掛👀為咗唔想酸親我棚牙，見到可加$12要碟魚湯娃娃菜，上到嚟得一開二份量嘅娃娃菜，笑左出嚟，味道正常地冇咩特別～呢間舖嘅優點係夠寬闊開揚同埋有自然光，坐得舒服嘅，唔洗加一應該都係優點掛～下次會爭札下嚟唔嚟先！

今天下雨，所以在屋企附近的商場搵食，就呢一間啦，好多午市套餐選擇：包括水門雞、泰式金不換炒金邊粉、冬陰功炒金邊粉、泰式豬頸肉炒河、香葉肉碎煎蛋飯、泰式蠔仔煎蛋飯，泰式烤豬肉溫泉蛋鍋飯、泰式燒肉拼魚肉春卷喇沙慘慘、泰式雜錦船粉、豬扒冬蔭湯河、花甲拼大蝦喇沙慘慘、蔥香香茅雞扒、香茅豬扒飯、泰式黑胡椒汁焗蝦飯、焗豬扒飯、泰皇汁豬扒焗飯、青咖喱雞飯、青咖喱素菜飯、冬陰功魚片湯飯、蕃茄魚片湯飯、蕃茄雞湯飯⋯⋯真係好多款，價錢由$63至$72不等，包飲品。其實水準一般，勝在多款式選擇，免收加一。

因為阿仔對呢間餐廳冇乜興趣，今天趁阿仔唔同我哋食午餐，於是再前來試試。這餐廳平日有很多款色的午市套餐，包括炒金邊粉、焗飯、船麵、石頭鍋飯等等，今天我們叫了：🌼 泰式金不換炒金邊粉味道就一般般，蝦有三隻，都彈牙，金邊粉炒得未夠均勻🌼 泰式烤豬肉溫泉蛋石鍋飯除了幾塊烤豬肉外，石鍋飯鋪滿配菜：白蘿蔔粒、紅蘿蔔粒、蔥花、生芽菜、炸豬皮，都算豐富；醬料有兩款，一款是帶甜的洋蔥豉油、另一款是帶辣的青辣汁，兩者都好開胃，可惜所有配菜包括豬肉都是冷冷的，或微暖，石頭鍋可以再熱啲，飯只是暖暖，送到來時已沒有發出應有的‘痴痴’聲了，溫泉蛋更是熟蛋😑難怪阿仔唔鍾意同我哋嚟依間食啦！

見到商場有泰菜，不然想食就入咗嚟，然後先知原來係冇檸檬檸檬茶集團，結果真係名不虛傳，劣食。鮮蝦冬陰功湯河：只有五隻蝦芽菜同河粉，其他乜嘢配料都冇嘅冬陰功，元素周期表嘅橙色，呢個價錢妄想有冬陰功係我錯水門雞配雞油香飯：唔知係咪預製飯，雞油係撈唔勻嘅，飯爛。啲雞太少唔記得影，佢話有¼隻就一定唔係。冇檸檬嘅檸檬茶咁伏梗係唔飲啦，唯一可取嘅係呢度有茶走啡走鴛走揀只怪自己冇睇清楚就入咗嚟，返去要背熟呢個集團嘅餐廳名！

‼️整體用餐體驗好一般 完全有待改善‼️（方便容易理解 我將餐廳分ABC區）4大1小入座時店員示意C區唔開只坐A B區（店員個態度已經比人感覺唔想接客咁）下午茶時段人少餐廳無開晒全場我理解下一秒有客入 店員就安排去坐C區🙂OK FINE!!!😤因有小朋友 所以想要個碗仔店員上完菜 我隨即講「唔該我想要個碗仔唔該」 佢秒變面比個碗我嘅時候 黑住面好似發脾氣咁大力放係枱因有小朋友在場 我都禮貌咁講咗聲唔該其實如果要我自己去攞碗嘅話可以話聲我聽要我自己攞係無問題嘅而唔係用啲咁嘅態度表現出黎😀 食物質素真心唔得😄༯ 輕量水門雞 雞油香飯配碗仔翅 $𝟒𝟑成個下午茶餐比較滿意係個水門雞雞肉確係嫩滑有雞香但份量少好似求其夾幾件儲夠數就上枱配碗仔翅幾特別 料同味唔太差但唔熱༯ 菠蘿椰子特飲 +$𝟖見到都唔想飲 同張圖差咁遠菠蘿蓉少味淡 椰子味有但飲落似溝咗水叫少甜少冰唔知少咗去邊༯ 椒鹽炸豬皮 +$𝟏𝟐係幾大舊 感覺份量不少的唔會太油但零椒鹽味又無醬汁好似乾啃咁 最後偷咗屋企人個茄汁點🤪◡̈ 以上食評乃個人意見僅供參考 ◡̈ 價錢僅供參考一切以餐廳為準

茶泰 (荃新天地2)，位於荃灣楊屋道18號荃新天地2 UG樓UG81號舖。 上次食過新都會廣場分店，價錢合理。 下午茶 ～輕量水門雞雞油香飯配碗仔翅$43， 泰式煎餅拼椰子雪糕$34， 爆珠鳳梨柳橙梔子花茶$8、 草莓乳酸梳打$8。 ▪️輕量水門雞雞油香飯配碗仔翅 ～ 荃新天地分店的份量不及新都會多， 味道正常發揮。   ▪️泰式煎餅拼椰子雪糕 ～ 煎餅熱辣辣，香脆椰子雪糕香濃甜美。 ▪️爆珠鳳梨柳橙梔子花茶 ～ 味道偏甜， 茶味唔算出。 ▪️草莓乳酸梳打 ～ 草莓乳酸清爽， 梳打解渴。 整體價錢合理，食物質素中等。 🏷️溫馨提示～ 整個用餐體驗均屬個人分享意見， 只作參考😊。

話說今日去食飯，我叫左個「泰式燒肉餅拼魚肉春卷摻摻」。佢比左三塊燒肉我，我自己就唔中意食燒肉嘅。見佢係「肉餅」我先嗌。好啦，諗住揾個店員問：係咪比錯咗我？點知佢哋態度好差，又九唔搭八咁。佢哋話：我哋係咁出架，係燒肉加魚肉春卷。我話：咁你哋又寫燒肉餅？肉餅呢？佢話：咪燒肉囉，我哋係咁出架啦！我抝曬頭，你哋寫燒肉餅，又唔係肉餅，係燒肉？如果係燒肉我唔會叫啦，欺騙消費者。我見同佢哋講唔通，都廢事再拗，嗱嗱臨食完走。究竟係我理解有問題定咩？燒肉餅唔係應該係肉餅咩？定泰式肉餅係唔同啲？我真係唔識。貼上嚟比大家望下果3塊「燒肉餅」

去荃新天地行街街順便食lunch，嚟咗呢間門口有好多泰國食品賣嘅泰國餐廳😎海南雞配船河 ⭐️⭐️⭐️⭐️Lunch set 好多選擇，最後我揀咗海南雞配船河，簡直係一個set滿足晒2個願望❣️海南雞份量都幾足，配埋泰式青汁辣辣地好好味！船河大大碗，湯底濃郁清甜，河粉滑溜，建議加啲泰國炸豬皮就更加分啦👍🏻香葉肉碎飯 ⭐️⭐️⭐️⭐️呢個飯等咗好耐，碗河粉食咗一半都未到😳 我一直都好鍾意食香葉肉碎飯，呢個飯肉碎好多，上面加咗少少豬肉鬆，配埋一隻完美煎蛋，整體真係唔錯，如果可以再辣啲就更好🤭

食物一般 有些甚至不知道是甚麼味道 所以不敢全部進食 預約領取的時間也不準 因為需要時間回荃灣取 所以打一小時後 結果很快便出了 問店員 他假裝看不到聽不見我 難怪那麼多人說在香港消費受罪 要回大陸去

港式泰菜輕食,淺嚐即止,份量少,價格有平有貴,服務好壞參半,一嗒沙糖一嗒屎,成熟店長有禮,可後生仔店員晦氣！最差還算將軍澳分店,勝在食閒雅裝修？！值嗎？！-荃灣 茶泰門面派場氣勢有睇頭,外面零售泰式零食即食飲品猶如小型便利店,裏面洋溢現代閒雅舒適.都唔係第一次係呢個集團旗下其他分店掃極掃唔到二維碼下單,要企係到才掃到,有次火滾就離開了！掃了5分鐘終於掃到,可是沒有泰式紅,黃咖哩？只有泰式青咖哩雞飯$68唯有點了+$8就有椰奶芒芒,再加$23酥油餅都幾貴？！可是當上菜時見到只係一兜嘢賣相欠佳,搵嚟搵去見唔到有雞😬？只有大量茄子薯仔,也唔見泰式香料？幾乎誤以為上錯素咖喱？🤔然後才發現細細雞柳🥴只有幾嚿？！感覺得似港式多啲,曾經在將軍澳分店也吃過只有幾條雞絲只有手指尾咁濶的泰式水門雞飯,原來間間都係得咁小.？！再上$23酥油餅只得3小塊？！我平時超市賣開急凍自己煎$23都有7,8大圓塊🤨啦！但擺碟也有心思好似飛碟和煎得幾酥香甘脆無燶😋沾上幽幽回甘清香微辣青咖哩醬汁帶點椰香幼滑也很滋味😋$8椰奶芒芒都幾幼滑椰子味就是太多冰搵極搵唔到芒芒？？🤣🥭只得小小椰果凍勝在食閒雅裝修？！值嗎⚖️？！-荃灣