茶木‧台式休閒餐廳 (已搬遷) 新店位置

好多時經過都好奇點解晚晚咁多人排隊, 今晚又行過時發覺唔算太多人, 好奇心令我排隊試下, 唔洗15分鐘就入得.其實入面鋪面積唔算大, 如果無時限真係要等好耐.睇睇餐牌, 牛肉麵類好似絃吸引, 濕濕地無咁乾口.睇多一頁, 原來仲有其他麵類, 所以最後要左豬軟骨麵.麵身係粗身, 食落煙煙韌韌, 浸左一輪湯都無淋. 而豬軟骨有三大舊, 炆得幾淋幾入味, 豬軟骨條骨都食到, 入口幾軟滑. 而湯底味夠濃, 唔太咸, 仲有少量雪菜, 莞茜做配料, 帶出湯既香味.總括黎講味道幾好, 價錢唔算太貴, 最唔好應該就係要經常等位吧.

聖誕節正日, 瞓到自然醒之後, 去咗茶木度食個LATE LUNCH佢哋冇套餐, 散叫咗一客糖心蛋(4邊),  一客香橙鴨胸意粉糖心蛋不嬲都係我呢個雞蛋控嘅至愛, 有陣時遇到啲煮得太老嘅, 就會好失望今次呢隻剛剛好, 半熟奬態, 蛋白係實嘅, 蛋黃就半熔岩狀態, 想流出嚟與唔流之間食落口, 滑滑哋, 外實內溶, Yum Yum呢個香橙鴨胸意粉係第一次叫嚟試吓, 有驚喜到扒哂成碟最好食係佢個汁, 白汁底, 有橙嘅香味吊起其他味, 又有啲菇味鴨胸都恰到好處, 淋淋哋, 最怕嗰啲煮得太多耐,老到韌 

為了吐司企左大半個鐘，大約8點半入去，最後每人$150結帳，我寧願去尖沙咀食更好。Teawood 香辣牛肉面（加辣）$68：依舊好味道，加左辣更香更辣，牛肉煮得好淋又有肉味。金黃鹽酥雞$58：份量多，但細睇有不少係雞皮，都炸得香口同肉嫩。洛神鳳梨綠茶$34：冇鳳梨味和綠茶味，似係一杯洛神花茶。榛子咖啡$32：意外好飲，咖啡和榛子味有加上忌廉更滑。草莓香草磚塊蜜糖吐司$72：好失望，最後食左一半冇食，除左個雪糕。吐司夠蜜糖都甜甜的，但一點都吾脆，包括出面包邊，成個淋既，連燶少少既色水都冇。

早2個月前喺Yahoo團購，用$48 買了張茶木藍莓蜜糖磚塊券；筆者睇到 open rice話茶木經常大排長龍，果然利害 ，張票 show出嚟要等 20 個人，每枱限時 1 個半鐘，唔使諗啦即閃；跟著等第二個星期再嚟，今回以為早上11:30 嚟到包冇洩底啦，點知都喺一樣要等 ... 等 ... 等 ...唯有再閃下次再嚟。終於皇天不負有心人，終於等到啦，只需企半個鐘，入面位一般的多，出菜一般的快。 筆者點了台式滷水拼盤，墨汁奶油花枝手作麵及 Yahoo團購的藍莓蜜糖磚塊。滷水拼盤有隻滷蛋(糖心) ，牛展 (帶點咸) ，五花腩(肥瘦適中), 雞翼(冇肉) 及有幾粒花生墊底，整體都可以 。墨汁奶油花枝手作麵，用上墨魚汁整嘅麵條，麵條還有數塊煎香的花枝及少許茶樹菇，再加上那個香香的奶油嚟撈麵，好好味  不過會食到滿咀黑麻麻 戲肉出場，就喺Yahoo 團購的藍莓蜜糖磚塊 , 筆者覺得那3層的麵包冇乜特別好食 ，如果那麵包換上喺丹麥麵包就已經唔同晒 ，整體都喺那雪糕最好食 ，最特別最有心思就在雪糕插上一塊好精致嘅 Yahoo 及 Tea Wood 的牌仔 。 溫馨提示

呢排心郁郁好想試下茶木的吐司,見好多朋友都食過都話唔錯, 就同朋友尼試下, 一去到店面環境好吸引,給人好relax 感覺^^ ,等左一陣就有位, 我地點選左"藍莓香草磚塊蜜糖吐司" , 其實份量都幾多, 一個人食好似多得制....食落d吐司真係好脆口, 有甜甜既密糖, 配埋雪糕, 又冷又暖的感覺唔錯, 整體賣相味道都算ok ,朋友就試左個"提拉米蘇丹麥吐司" , 外層係滲滿半溶化的「Tiramisu雪糕」和「白朱古力醬」, 味道一搬,又不會太漏,  d食物店員服務都唔錯....搵日又再試下 .........

聽朋友講茶木好食，所以咪黎試下lo....我黎到唔洗等位直入，不過都多人的， 我叫左古早香腸肉燥飯，其實肉燥味道間間差唔多，就連依間茶木都係1樣lo..隻滷味蛋係完全無滷味lo...d雪菜味有d缩，香腸真係無乜味，同比較硬,通常台灣香腸味比較甜，而依到d香腸係淡而無味，口感1個字……硬，真係好硬，唉……講完

茶木的台灣牛肉麵，在不同店都食過幾次，各店保持到水準，值得一讚。唯一此次，廚師早早煮好麵放定碗內，上檯時麵條結為一起，應該要放回湯內重煮過河一下 ，要改善，牛展軟硬適中。鹽酥雞，沒有太油，不太厚，本人就覺得很好，推薦我們加錢飲特色冰咖啡，兩杯咖啡都沒有失望 ，咖啡味濃，入口甜度剛好另外，坐位環境裝修，都是此連鎖店勝人的地方，真是十分舒適

一想起食，減肥什麼的都通通忘記了早前買了張團購磚塊，上完堂就來tea tea。這是另外點的。$60一客，份量很少，每一粒都只有指甲般大小，數了數也不過20小粒左右。醬汁酸酸甜甜，似咕嚕肉的醬，但帶點小辣。雞塊的炸粉都多，吃了數粒都是只有炸粉。沙拉醬的份量也不多。但味道是不錯的。等了差不多廿分鐘，磚塊上場啦。其實前兩年有試過一次茶木的磚塊，但當時覺得很難食。但因為團購優惠，就再來試。但這次就感覺很好味！！磚塊很脆口，吉士醬也不太甜，雪糕很重藍莓味。水果也是甜的。小小一塊，小小一塊，時間過得很快呢。不錯的一餐。有機會會再來

同fd去TST食lunch,唔知食咩好,不如去成日都人山人海的茶木博下多唔多人,點知一去到唔洗等就有位了,限時1.5小時。設計上以簡單自然為主,擺放了不少植物,有種清新的感覺,入面的枱椅比較密集,只可以說是善用空間呀。本身想食出名的吐司,但因為未食正餐又好飽,於是只揀了牛肉麵。熱情果花茶,$37,用透明玻璃茶壺泡的水果茶,色彩繽紛,透明底座點著蠟燭作保溫之用。入面好多水果,有青檸、檸檬及草莓等。好香熱情果,甜甜地,不俗。紅燒牛肉麵,$58,好大碗牛肉麵呀。湯底濃味,粗身的闊麵都幾煙靭,有三件牛肉,是牛腩來的,好大件,口感鬆化爽軟,牛肉味濃,好味呀有三舊蘿蔔甜甜地不俗。食得好飽,味道的確有水準,下次要試個甜品了。

星期六, 5:00pm, 時間比較早, 所以好快等到位. 先去拎飛仔 (分1-2人, 3-4以上).其實有呢d飛仔真係超級方便, 可以scan QR 上網睇下叫到幾多號. 一邊行街一邊等.今次用左團購 $48 (藍莓蜜糖磚塊). 另外叫左小食同飲品.店員服務幾好, 落order同上菜都好快.玄米抹茶香蕉拿鐵 ($29) :上次銅鑼灣分店已經飲過, 雖然味道唔係好濃郁, 但抹茶味同香蕉味都平衡到, 飲時有抹茶味, 留係口既係香蕉味.d cream令杯飲品飲落更香滑.咖啡巧克力(凍) ($32) :友人飲既, 味道都唔錯, 而裝飾吸引.黃金鹽酥雞 ($56) :比之前旺角分店食既, 分量多左, 不過唔係炸得好脆個d. 係香口惹味, 咸味岩岩好.d雞肉仲有肉汁, 唔過乾/鞋. 肉質易咬軟身.藍莓蜜糖磚塊 ($48) :團購既甜品黎啦. 係D字頭 既藍莓味雪糕. 好大量, 有3層厚多士.頭2層都有整成粒粒蜜糖磚塊, 最底係一整塊蜜糖厚多士. 全部都整到脆卜卜, 又甜甜地.配埋藍莓醬同cream食, 完美. 生果有strawberry, cherry, blueberry.食完呢個好飽. 2人食

總覺得QR Code是很偉大的發明，雖然普及程度遠遠不及日本，但近年在港的應用開始越來越普遍。我沒什麼耐性，不喜歡爭，不喜歡浪費時間排隊。晚飯時間，男友建議去茶木，拿了票，發現要等40個號碼，第一個反應是想走，但望望號碼牌上有個QR Code，好奇一掃，原來茶木利用手機程式實時顯示叫號情況，而且同步更新，客人只需掃一次，不用掃完又掃，非常方便。我們可以利用等耐的空檔做其他事情，到差不多很接近時才回來，既不用浪費時間，亦不會錯過叫號，非常欣賞!眼前同樣的水果茶，已經再無驚喜。冷的只有酸梅的酸味，失去該有的茶香。熱的味道很淡，斟茶時壺咀常常被壺內的藍莓堵塞，要強行夾走才成。雞排肉燥飯並沒有很突出，似乎只有紅燒牛肉麵能保持一貫的味道。21:45 last order前做了個瘋狂的決定，我們點了芒果磚塊蜜糖吐司，一座盛惠$70。其實價錢還是其次，而是這座甜品山真的是大得驚人，兩個人明顯食力不足，有點浪費。這個謀殺菲林的甜品，要解構起來其實並不難，先是三塊厚多士，塗上蜜糖後，中間挑空，切成六小件，再砌回多士裡頭。如是者交錯的疊了三層，頂層放了一堆忌廉，最頂壓了一大球芒果味雪糕，最後放上細小的綿花

綠楊坊這間茶木開業已一段時間，但每逢星期六日假期總是擠滿輪候的食客，所以身為荃灣友的娜娜一直未有機會一試！今日男友專程取了半日假陪娜娜，接過男友收工我倆便到荃灣醫肚，見等候的人不多，便決定試試「新野」。男友愛，便選了這個香煎沙朗肉燥飯。三片牛肉雖不能算多，但Size 勉強可說是大塊；值得欣賞的是牛的味道醃得不錯，很對娜娜胃口而且又不會韌/硬。肉燥很適合送飯，份量足夠又不會太油娜娜就比較喜歡食濕濕地/有湯的食物，便選了個香辣牛肉麵。牛肉有三大舊，已令無肉不歡的娜娜十分滿意而且也是夠曬「林」，不錯喔！驟眼看以為麵的份量少，但原來吃著吃著都頗為飽肚。另外還有兩舊紅蘿蔔及一舊白蘿蔔作配料。最後，為食的娜娜點了一個感覺上台灣「必食」的鹽酥雞。鹽酥雞的味道沒有令娜娜失望，相比起豪XX雞排二十多元便有一袋，份量亦算不少，還可以啦！整體來說食物的質素不錯，我倆這次沒有點飲品，所以埋單時覺得價錢還可以。但如果加上每人多點一杯三、四十元的飲料，以及加一服務費，以Lunch 來說便略嫌有點貴了！

以前食過尖咀間茶木, 已經對豬軟骨面一食難忘, 有日知道荃灣綠陽坊開, 其待再食.不過每次經過門口例牌幾十人等位, 次次無奈放棄. 有日放工又碰運氣, 好彩等3張台, 5MIN入得.晚市時間有餐叫, 但餐係無豬軟骨面, 所以散叫. 等左一陣面好快黎, D湯同第1次飲一樣, 好好味, 真係想成碗飲晒, D面質好有咬口, 唔會一PAT野, 不過分量少D, 男士一定唔夠飽. 豬軟骨夠晒入味, 好正!!食完碗面唔係好夠, 即時叫多個心太軟. 不過唔知漏單定真係要咁耐, 足足等左30MIN. D Waiter猛話唔好意思好快得, 其實係我唔好意思無野食坐響度, 因為門口幾十人等緊位.終於心太軟黎到, 熱辣辣, 一界開D朱古力流出黎, 好好味.如果唔計等心太軟, 整體非常好, 好好味. 下次又趁少人排隊再食過.

台灣美食茶木在香港一向非常受歡迎，每次到訪都必定大排長龍，排隊時間更以一小時起跳。沒想到這一次它開在荃灣區，受歡迎程度不減，基本上晚上七時左右便已經派票完畢，所以想吃的朋友要早點來到喔。餐廳位置方便，鄰近地鐵站，但店面不大，裝修仍然以木取勝，周圍亦放滿盆栽，給客人一種放鬆和悠閒的感覺。雖然進食時間只有九十分鐘，不過上菜速度很快，不算吃得太急。平時喜愛飲奶類飲品的我，最近想吃得比較健康一點，所以特意選取這款水果茶，口味比較清新自然，而且茶味非常濃郁，有解渴消暑之作用。水果味雖然不算太濃，但有陣陣的烏梅味，酸酸的亦可以開胃，值得一試。紅燒牛肉麵一如其他分店一樣，牛肉麵質素不俗。牛肉新鮮，肉質鮮嫩彈牙，不會太肥，我個人而言是蠻喜歡的。牛肉湯不算過份油膩，配上軟硬度適中的闊麵，也算是健康之選。而茶木亦推出了台灣套餐，加$30元可加配飯，蛋糕及飲品，亦非常划算。台灣套餐中的這一道沙茶牛肉，乍看來有點油膩，但咬下去肉汁非常豐富，不會太硬，配飯一流。另外一道為鹽水鴨，鴨肉比較乾但適合怕肥膩者，而且份量充足，咸道適中，不錯。套餐中可加配小蛋糕一份，這個黑加崙子芝士蛋糕，味道濃郁，質感很CREAMY，黑

由未開業..等到開業，依日終於等第4次先食得到。之前3次都係星期日去，次次都人多到爆，拎飛都有排等..最終放棄寧願搵日閒日先食，雖然都要等..但起碼無咁誇張耐囉依日同另一半行完街過去食TEA，都等左20分鐘先有檯。食店環境簡約舒服，服務有禮貌，點食物後都有交代等候時間反正係休閒餐廳..要以休閒心態去等，唔覺唔覺..食物好快送上另一半點個"酥炸炸雞排麵"($62)炸雞酥脆香口，雞扒好薄..炸粉層較厚，味道夠鹹脆..好味麵條軟滑..軟硬度適中，湯底濃郁，整體味道唔錯"黑糖紅豆綠茶冰淇淋層層疊"($70)墳相好靚，多士層層疊仲有其他配料生果(士多啤梨,藍莓)上層放上綠茶雪糕及紅豆蓉，多士有牛油味帶香脆綠茶與紅豆係絕配，但綠茶雪糕奶味比較重..綠茶味唔夠出紅豆蓉好香甜，份量要2個人先食得晒整體食物有heart好味+用心製造，只係等候時間太長。