茶木‧台式休閒餐廳 (MegaBox) (已結業)

平時好少食茶木， 因為價錢都不平，早前睇過食評先知megabox分店有早餐食，而且價錢都好平民，$31-$40 左右，份量以早餐來講都ok, 但冇得加配其他食物，選擇唔多，但款式特別，質素都唔錯，配埋輕鬆寬敞既環境，真係非常之值得一試！飲品有咖啡 ， 紅茶豆漿，紅豆豆漿 ，黑糖珍珠奶茶可選擇~豆漿就冇乜豆味，而且偏甜，記得要叫少甜！咖啡好香，有奶味，唔太酸，亦唔苦，總之整體味道都比較平均~

Megabox呢間茶木前身係麥當勞地方比德福果間大又舒適下午茶去食唔洗排隊，入去即有位坐因為地方大，可以坐耐啲慢慢嘆同朋友聊天一個好地方有輕食/有小食/有主食/有甜品可以揀推介！

今早興致勃勃去mega box食早餐，之後諗住行埋IKEA😉見到開左幾個月嘅茶木，八卦行埋去睇睇，原來呢間分店有做埋早餐，見個餐牌啲餐幾岩食，就入去試下！環境好大，舒服，又少人！不過侍應得個兩三個人，如果大家趕時間嘅話就⋯⋯😓食物方面，味道幾好啊！我特別喜歡個肉鬆厚多士～～值得回味😋😋另我叫嘅沙茶牛肉通粉，味道不算太濃，微微辣，份量亦👌🏻，我食唒成個餐都覺得好飽😄😄飲品方面，我今日叫咖啡，不過不失，不過跟餐可選擇豆漿，下次有機會可以試試！

食過兩次感覺都係一般，今次喺MEGA BOX因為揾唔到有咩好食，就算見到要排隊都唯有等一等，好彩十分鐘就有位，坐位間都舒適，雖然爆場但上餐時間都非常快，叫左幾樣嚠，其中炸雞排肉燥飯好味，最後叫咗芒果芋圓外賣拎返屋企食，返到去仲有沙冰喺底未溶超冰凍又好味，芋圓大粒好味，不過餐廳冷氣過大好凍。

原來茶木已經開咗三十幾間，俾我感覺間間都好迫而且限時90分鐘。Megabox 分店在商場地下，由於不太近港鐵站所以人流較少。 這店面積很大而且裝潢走型格路線，燈光柔和，座位亦較舒適。朋友推介光顧吃早餐享受一吓這寧靜嘅環境😍早餐有好幾款，因被肉鬆多士吸引，所以點A3. 肉鬆多士先到，但原來肉鬆份量只有餐牌1/2有啲失望，味道係唔錯嘅，烘得金黃脆口，牛油味頗重。同時叫兩份，另一份就白雪雪，有啲求其。當然亦無咁脆口😑 這點餐廳要注意。通粉只係好普通同埋加芽菜唔係咁夾。餐飲凍黑糖珍珠奶茶 - 好味，珍珠亦夠煙靭。早餐供應至11:15，都係一個唔錯嘅選擇。

去茶木食晚餐就多，但係冇諗過佢有早餐食，有朋友話我知Megabox呢間新開嘅茶木有提供早餐，供應時間:7:30-11:15am，今個星期日就過嚟試下，呢一間茶木嘅裝修同其他分店好唔同，好西化，樓底相當高，加上有一扇落地玻璃，令成間餐廳好光猛，跟溫暖嘅黃燈互相輝映。除咗坐低食，呢度仲有麵包，樽裝茶和西餅外賣，款色唔多，但睇落都好吸引。順帶一提，早餐都有加一服務費。我叫咗個沙爹牛肉通粉+肉鬆多士+凍珍珠奶茶(無須加錢👍🏻👍🏻)

茶木原來有抵食午餐，大大碟，有齊小食，飲品，一碗麵或者飯，再加碟餸。七十蚊一個連加一，好抵食。估唔到中秋假期都有。男仔食，叫碗飯就岩岩好。叫左一個肉排，一個牛腩。不過d肉就鹹左d，要係咁飲水。牛腩可能肥，舖頭又大冷氣，所以d肥膏走曬岀黎，要浸反d熱湯先食得入口。飲品揀左黑糖冬瓜茶，係好鬼甜，加左好多好多水先無咁甜。另一杯叫紅豆薏米水，都好甜，不過落左紅豆，就預左。服務幾好，始終午市人少，服務生經過見到無水會自動自覺倒，唔錯。

諗住今日中秋節食個好啲嘅早餐，點知遇到個超無禮物嘅店員（仲要好似係經理），其實無位唔緊要，但唔好夾硬嚟要人坐入去啦，安排得唔好又要無禮貌！其實嘢食係無問題，其他分店忙佢十倍都唔會燥到好似佢咁，呢個人再係度一日都唔會再去！

蚵嗲肉碎泡飯相中是一半的份量，我吃了差不多一半才記得拍照，本來的份量也算幾多。飯和湯的比例是一半一半，湯底十分鮮甜又不過咸，一口一口喝湯也不會覺得口渴，相信真的是用蚵嗲熬出來的湯底。配料方面有大量的蚵嗲，每粒都很嫩滑新鮮。我愛這個飯的原因是因為它並不像粥一樣看不見飯粒，它是一碗湯飯，但飯卻依舊保留粒粒分明的口感有嚼口，十分好吃。櫻花蝦培根芥末奶油手作麵茶木的手作麵一向是我的至愛，它是闊條麵，形狀並不一，但卻非常有咬口，每一口都需嚼很久，我愛這種麵條的咬勁。濃濃的奶油汁十分掛麵，配搭櫻花蝦和培根十分香，可是我有點吃不出芥末的味道，雖然在碟底可以看見芥末籽但用量不多，相信如能調高芥末籽的比例可以令這個麵更好吃更有特色。

心血來潮想試下茶木d飲品，希望越大失望越大！烏龍歐蕾叫左少甜，甜度比起出面其他d台式飲品都係偏甜。走冰變左暖。最令人失望嘅係芋圓，請問你地點會以為糖水嘅芋圓係適合飲品。咁大個芋圓，請問點用飲管吸到d芋圓？好心你地唔識整就唔好學人地飲品加芋圓啦，整爛台式飲品中芋圓嘅招牌

溜完冰有啲餓，於是去左樓下的茶木食tea ~一共叫左一個芒果拿破崙同一杯熱mocha。芒果有啲酸，但係拿破崙嘅餅皮夠香脆，所以都ok。mocha 就不過不失啦，可以再熱少少，無好似其他分店咁有餅仔送有啲失望。不過服務態度就真係唔多得，店員超級無禮貌！我自己有個裝住溜冰鞋嘅行李箱，箱身收埋左係檯底，為左提自己拎返走特登無收起把手，但係把手係貼實檯邊完全無阻到人嘅。點知有個店員行過，竟然問都無問我就郁我個箱，拖去我張雙人檯對面位！我已經覺得佢地私自郁我也好無禮貌，點知落單果時仲過份，果位經理竟然擅自搞我把手，又係無問過我，無話我知，好似當左個箱係自己嘅就係度搞。仲要唔係為左收好佢，係推到唔上唔落咁，都唔知係咪手痕！呢位經理跟著對我隔離檯二人客仲過份！果兩位太太係佢自己帶位過黎嘅，點知人地左低唔夠五分鐘，個經理就走埋黎指住佢地話「你地坐過果邊啦！有人四個人要坐呢度。」(原話)無唔該無咨詢意見，就咁呼喝個客坐第二度！果兩位太太都呆左，不過好好人，默默轉左檯。講真，自己安排差已經衰，仲將啲客同啲客嘅私人物品亂咁舞，毫無基本尊重真係劣評。

剛係九龍灣MegaBox分店，等位時我排首位，我要兩位的，我亦見有枱，我後面有四人等位，但佢地的同事唔放我進店而先安排我後面的四人先進內，之後又唔係即時有人理我，要我問才有人帶我進店內！當我剛才坐下，有個著牛仔衫的人又叫我坐隔離另一張，我就問佢有乜事，佢好差的口吻跟我說：叫你坐呢邊有sofa呀！想問侍應的服務態度是咁嗎？

今日收工同朋友去食飯，已經好耐冇見佢啦！商量左陣就決定揀茶木（因為比較近啊！）排左一陣隊就入去，侍應好主動好快手咁遞左杯水過黎！like！！我地各自揀左個送，然後加$30就系一個餐。配埋一杯野飲，一個salad或者甜品。但因為今日冇曬甜品，我地揀左一個salad同一杯雪糕。我地揀左一個三杯雞同沙茶醬牛仔排骨。野飲就揀左一杯玫瑰紅茶同黑糖茶（忘記了）。兩杯都係熱飲。我個杯嘅玫瑰味都幾重下！！好香啊！而三杯雞嘅雞就較少，但都幾入味！而且上菜時有個火系下面keep住燒，唔驚凍左！而牛仔排骨都好香，但比較油！但因為比較軟身，比較入味，所以我覺得好好味啊！（本人極愛吃牛肉！）沙律就不過不失啦！另外個雪糕系芒果味，覺得有少少甜，但有芒果粒系入面，唔會覺得系雀巢嘅雪糕嘅haha！整體都幾好唔錯！可以再黎！

八月十九日，同老婆🐷係影藝睇完出貓特工隊之後就去megabox 食茶木，其實早兩日先食完，不過因為真係實在老婆🐷覺得太好味，所以即刻encore 多次😘😘老婆🐷鐘意，我就鐘意😘😘。當然唔少得既係老婆🐷最鐘意食既牛肉麵啦，同埋要比較下唔同既茶木分店，味道會唔會唔同。不過好好，都仲係咁好味😍😍。湯底香，牛肉林，羅蔔甜。不過今次仲試多左個鹽蘇雞，呢個我就覺得好似好味過台灣，不過牛婆🐷就覺得d 粉太厚，同埋冇乜雞味。當然唔少得就係試下台灣出名既肉燥飯啦，老婆🐷食過之後讚不絕口，食完之後完全唔覺得口渴，睇黎應該係冇咩味精，大家可以一試。飲埋杯野之後我同老婆🐷去揀床lu😘組織愛巢🤤希望可以快d 同老婆🐷再黎食唔同既野😍

假日同朋友出黎睇下戲聚下舊，朋友未到，我地又無諗到食咩，見到地下有間“茶木“，無咩人排隊，所以我就提議去食呢間！以前返學成日幫襯尖沙咀嗰間分店，但就冇試過其他分店！呢度裝修都幾靚，簡約風格，又帶點新潮！因為朋友唔鍾意食蕃茄醬嘅食物，佢就揀左呢個"松露野菌奶油培根手作麵"，手作麵質感烟韌，有別於一般意粉。 松露味道香濃，菇類和煙肉份量都幾多，咸咸地，配埋奶油又唔會好滯！而且唔會好乾，最怕食到太杰的醬，漿住個口！另一位Fd就揀左“台式滷味拼盤“同“照燒醬大雞排“！“台式滷味拼盤“ 有幾樣野！腩肉，雞腎（定鴨腎）， 牛展，雞翼同鹵蛋！鹵水味咸香帶少少甜，唔會死咸，都唔錯，肉都唔算好咸同韌！仲有啲花生鋪底！“照燒醬大雞排“ 真係好大塊！！ 上面鋪滿炸過嘅九層塔作為點綴！照燒醬十分惹味！雞排香脆熱辣辣！外脆內軟！而我就揀左甜品！因為我自己好鍾意食啲咬落烟烟韌韌嘅野，同埋啲咩多士呀黃金磚果啲都試過啦，所以揀左芋圓食！“黑糖芒果芋圓仙草“：自己覺得個糖水甜左啲啲，有好多種料，口感好豐富，有薏米，紅豆，珍珠，芋圓，仙草凍，芒果肉....好冰涼，好消暑呀！！！食完呢餐就去睇戲，朋友想買野入去飲，見到門口