茶木‧台式休閒餐廳 (德福廣場1期)

營業中

休息中

同屋企人去德福睇戲前係茶木食個晚餐。餐廳裝修簡潔以木係作主調,感覺開揚舒服。我哋點咗三個小食、二個主食。主食升級為套餐,以優惠價$13點咗杯熱黑糖珍珠奶茶,另外多叫了杯凍嘅。两杯飲品都好香黑糖味,黑珍珠煙韌彈牙。🔸金黃鹽酥雞新鮮炸起,酥脆可口。🔸黑麻油雞翅表皮够色,肉質軟嫩,比鹵水雞翅多一份麻油香。🔸櫻花蝦花枝餅外面金黃爽口彈牙嘅花枝餅,有櫻花蝦微香,酸甜醬汁可解油膩。🔸紅蔥地瓜燉無骨牛腩小蠟燭熱住個餸,加分。相比薯仔,地瓜口感細軟粉甜,牛腩肉質腍入味無骨,呢個配搭幾新鮮。🔸烏魚子元貝手作麵手作麵煙韌滑劣劣,除咗兩粒厚肉元貝外,仲加入毛豆、鴻禧菇、車厘茄同烏魚子等配料,好有口感。🔸黑朱古力杏仁可頌窩夫最後跟餐上埋個酥軟富有牛油香嘅黑朱古力杏仁窩夫,超滿足！

今日同朋友喺徳福行完街，突然想食台灣野，見到原來有間茶木，環境新裝修得唔錯，座位闊落，夠哂開揚，十分舒適，都好適合朋友聚會。我哋要咗二人餐，非常抵食，叫咗台灣街頭小食拼盤鹽酥雞扒、台灣腸同炸貢丸，一次過滿足晒去夜市嘅感覺。仲要左紅油抄手同麻辣豬耳，味道惹味。煮食叫咗一個招牌台灣紅燒牛肉麵，牛肉採取牛腩部位，炆得好淋，夠入味，肉質腍軟，份量都好多仲配埋蘿蔔，果然係招牌菜。另一款要咗三文魚茶漬湯飯，呢款用上高湯，食嘅時候倒啲湯再加一啲脆嘅米通同櫻花蝦，好好味嘅湯飯飽肚感一流。既然去食台式料理，點少得點一啲台式特飲，要咗個佛手柑水果茶，茶木嘅選擇都非常多，可以選唔同嘅茶湯底，要左金宣烏龍，酸酸甜甜，又帶有茶嘅甘香，岩哂消滯解膩！另一款要咗鐵觀音奶茶配寒天，值得一試！最期待就係我哋試咗佢嘅抹茶鮮果流心歐軟，其實係台式雪糕吐司，入面係有煙韌麻糬配上抹茶奶蓋，任作為飯後甜品岩哂！

今日同朋友去到九龍灣德福廣場行街，見到茶木裝修後唔同曬，以前茶木係木枱木凳，宜家係梳化，格局更加開場寬敞，最重要係有d文青感覺，可以比人係度打卡📷重點係連Menu都唔同埋，可以試下新嘢😍😍餐廳宜家改左用QR code落單，方便快捷！我同朋友今日大約七點左右入座，成間茶木接近Full曬😆我地今次就order左👇金黃鹽酥雞 $48新鮮炸起好香又好脆，細細粒，一口size👍好好味！310溏心蛋 $38有4隻半邊溏心蛋，蛋黃顏色好鮮豔好靚，令人好有食慾，配上甜醬油，簡直必食👍🥰黑醋味醂豬軟骨配白飯 $82份量好足！有成五至六件豬軟骨，配菜有紅蘿蔔、白蘿蔔、洋蔥，全部都係好稔，好入味，配白飯一流😍茶香三文魚湯漬飯 $98一大塊三文魚，魚肉十分滑嫩，配上茶漬、蝦仔、木魚同脆脆，撈埋一齊好有口感😆抹茶鮮果流心歐軟 $88賣相好掂📷📷，有好多水果，例如有士多啤梨🍓、藍莓🫐、芒果🥭、奇異果🥝、無花果，旁邊重有一球好大嘅抹茶雪糕🍦吐司入面係流心抹茶，重有塊麻糬，煙煙韌韌，好有口感😆有機臺灣高山巨峰烏龍茶 $46好有驚喜！飲落真係有巨峰提子味，而且佢一直有熱住，保持茶嘅溫度👍脆脆黑糖珍珠奶茶🧋$46 +寒天

與好朋友相聚總想找一處舒適的地方，終於都找到了一間既能提供優質料理又舒適安坐的地方［茶木］，而且不知不覺間茶木已在各處開了分店。這次特意挑選德福分店因為具有特色茶飲及設置了萃茶示範。⭐茶香三文魚湯漬飯店家以鳥龍茶及玄米茶製作茶湯，還附上脆米通、櫻花蝦及木魚絲作為配料；三文魚柳煎得外脆內嫩，份量十足。⭐紅燒牛肉麵台式經典茶色之一，牛肉燉得軟淋，入口即溶，加上口感軟硬適中的麵條，還有濃郁香甜的湯頭，實屬不錯。⭐️自家製台式烤香腸$22一片片切得厚薄適中的原味台式香腸，烤得外脆內嫩，亦能鎖住肉汁。⭐️黑麻油雞翅(半份)雞翅醃得相當入味，雞肉嫩滑啖啖散發出黑麻油香氣。⭐️櫻花蝦魚湯浸娃娃菜(半份)$20清甜軟淋的娃娃菜盡吸了鮮甜魚湯的精華，營養十足。⭐️白朱古力抹茶可頌窩夫實為牛角包窩夫，散發出陣陣牛油香，口感酥脆，加上白朱古力及抹茶，甜而不膩。⭐草莓香草蜜糖磚塊歐軟店舖特色經典甜品之一，由3塊厚多士層層疊疊而成，並加上新鮮草莓、棉花糖、草莓雪糕、果醬及cream等，蜜糖多士整齊地切成大小適中的骰子形狀，熱辣辣的甜蜜多士再沾滿冰凍雪糕，交織成冰火二重奏的爽快感覺。⭐️Teawood鳳梨酥(2件)個人認為

最近想食台灣菜 約左朋友係九龍灣食野 茶木係德福都有分店 夠曬就腳🤣 餐廳環境都幾舒適 又有卡位 用QR code自主落單 都幾方便 😊懶人關係叫左一個二人餐 小食（兩份另可加配）櫻花蝦魚湯浸娃娃菜(半份）娃娃菜健康清甜 伴上櫻花蝦幾有咬口🍤301塘心蛋色澤鮮艷 亦都有流心效果 吸睛✨黃金鹽酥雞（半份）雞肉經炸後都仍然嫩滑有汁 頗為香口 鹽酥的味道亦唔會過濃路邊灘小食(+$16)小食拼盤中最欣賞台灣甜紅腸 花枝丸都彈牙有口感 主食：烏魚子元貝手作麵 🍜烏魚子係台灣名物 未有得返家鄉可以慰藉一下心靈 手作麵清香有口感 賣相精美 ✨茶香三文魚湯漬飯🍣🍛香煎三文魚份量十足 魚肉滑嫩 配上茶漬湯入口濕潤 飯粒軟糯 算係推介之選✅飲品🥤☕️：水蜜桃花果茶花果茶想果香味更濃 所以走左蜜糖 更加飲到茶香的味道四季青萱鮮果茶凍飲亦都為左飲到原汁原味 所以調較為少冰少甜甜品🍮：冰淇淋拼雜莓吉士可頌窩夫🧇甜品營造冷熱交融的效果 窩夫脆口易切 分享冇難度 雜莓味清香 精緻吸引😊

2022.10.27 lunch因要出啲時間買嘢，於是乎又出咗街食午餐，又嚟咗呢度😁 不過午餐組合已經唔同咗 lu，唔係四款茶揀，變番以前嘅有凍紅豆薏米、冬瓜茶等等，好彩都仲有個精選純茶揀，都係跟珍珠😋今次我試台式滷水小拼盤配肉燥飯，可以配新竹米粉，飲品我要紅豆薏米水😁 好鐘意總係有兩、三小碟前菜仔，唔會攪到太飽又幾好味。 個肉燥飯算好味，滷水拼盤就有豆腐、豬腩肉、牛，花生，同埋我唔食嘅豬耳。 所有滷水食物我都覺得咸咗少少，最好味係花生🤣 因為我至愛😁女友就我上次嘅田園糖心蛋藜麥飯，飲品要精選純茶。 呢個今次冇影相lu. 雖然lunch set有所變動，但依然會繼續來😁😁

11月都打8號風球，真係好難得，又有大半日假就落街食咗個晚餐，我們睇了一下德福商場仲有開嘅餐廳，茶木係其中一間，一於今晚食台灣嘢，打風嘅日子都唔係間間舖頭都開餐廳環境好靚，光線充足，有裝修餐廳有好多唔同野食，多到有選擇困難總體他們的食物不單好食，仲好好睇，岩哂打卡😆😆我們邊飲住巨峰烏龍茶，邊等食物食物好快上到枱先上的是鳳梨鮮果甜酸肉，我們加左$10轉肉燥飯。味道偏甜。香辣牛肉麵，雖然辣但係唔係麻辣嘅辣，有少少似湖南嘅辣。牛肉好林，正櫻花蝦魚湯浸娃娃菜，飲落唔似味精湯，又有櫻花蝦嘅香味嘢飲方面就叫咗脆脆黑糖鮮奶，凍飲，轉左少冰珍珠，飲品好有特色，賣相同味道都是十分👍🏻👍🏻其實仲可以揀紅豆仙草，但我就揀咗珍珠今餐甜品就是草莓香草蜜糖磚塊，正到連個老人家都讚不絕口，麵包脆得黎唔濃有個雪糕在頂，同以前食過既一樣，水準保持，是來茶木食的經典必點甜品啦😚😚

和新認識的朋友心有靈犀的互約了討論吃什麼也可以快到不敢相信我們互相禮讓了離各自較近的分店最後因為加班選擇了佢那邊就餐😂不過這次選擇真的很好忙碌的工商區入夜後人流稀疏了餐廳坐了為數不多的客人入座後用手機點單就好之後便開始東聊西談食物也很快就上齊-蒜香麻辣豬耳朵比較偏台灣口味辣味不算太突出口感軟糯-紅豆薏仁水-芋圓仙草豆花-TeaWood 香辣牛肉米粉米粉吸足湯汁一口吃下去就像泡在牛肉湯裏惹味十足-松露塔塔醬雞絲配麻辣鴨血/素鴨/自家製椒麻拌麵塔塔醬拌雞絲 神仙搭配味道有點像沙拉醬清爽的青瓜絲不會過老的雞絲拌在一起 真的可以一口接一口-自家製台式烤香腸吃肉不吃蒜 香味少一半🤣做為肉食一族梗係要加點啦😎

表弟仔終於考完試可以鬆口氣, 今晚就帶佢出街食餐飯relax下。去咗九龍灣德福茶木食台灣菜。平日晚五點多, 正值放工時間, 可以順利安排入座, 設多張卡位, 坐得舒服。自行scan QR code落單, 揀咗個晚嚐二人餐, 相當抵食, 每人可自選小食、主食、飲品。小食: 金黃鹽酥雞(半份): 鹽酥雞炸皮酥脆, 毫不油膩, 肉質唔會太乾。紅油抄手(半份): 皮滑算係幾薄, 鮮肉餡料有肉香, 配上辣醬料, 辣辣地好惹味。湯底味道濃得黎唔會太膩、太重口味, 就算飲咗d湯都唔覺口渴。兩款湯麵都選用了闊麵, QQ彈牙,TeaWood紅燒牛肉麵: 包括了三大件紅燒牛肉, 肉質腍身, 肉味很重; 還搭配了紅蘿蔔同白蘿蔔, 清甜夠林。紅蔥醬燒豬軟骨麵: 豬軟骨連帶些少肉, 肉林得可以一絲絲撕開, 軟骨帶微微爽脆, 稍用少少力就可以咬開。套餐跟兩杯免費餐飲, 而我地偏向想試其他特飲, 就額外加錢升級升級: 鐵觀音奶茶 – 味道清香, 唔會太濃升級: 脆脆奶茶 – 杯邊附上了脆脆朱古力脆脆, 底部有少少黑糖同埋熟透嘅珍珠, 奶茶奶味較出, 從杯邊直接入口, 奶茶經creamy奶蓋同埋沾上了脆脆同時入口,

記得中學同大學時期，每次想食台灣菜，都會朋友選擇茶木，分店多而且價錢合理。今日同朋友黎九龍灣德福廣場，發現茶木既裝潢跟以往的不同，木系柔和色調，予人文青清新感覺，亦有種簡約美。 至於食物質素，咁多年來都保持水準，值得一讚。-⭐️套餐🔶主菜|小食|飲品｜飲品🔸鳳梨鮮果甜酸肉配白飯 賣相相當精美用心！肉塊炸粉薄身，肉質彈牙，甜酸醬汁份外開胃，下飯一流。 所用的水果亦有驚喜。厚切爆汁的鮮甜鳳梨🍍、火龍果、草莓🍓、荔枝肉，中和油膩感，賣相及口感令人滿足！！-🔸小食 額外加$42，可自選兩款台式特色小食❤️自家製台式烤香腸(一條）❤️金黃鹽酥雞香腸有著蜜糖及蒜香，味道不錯而鹽酥雞炸得粒粒香脆酥化-🔸甜品黑朱古力杏仁可頌窩夫跟餐還附上甜品！這個窩夫超乎想像的美味！本身不抱期望，以為會很硬很實！但一口咬下，卻是很鬆化，帶點牛油香。 配上黑朱古力醬及杏仁，很完美的配搭➖➖➖➖➖⭐️烏魚子元貝手作麵 $98我們還散點了這個台洋風味的手作麵。用上台灣直送風味獨特烏魚子提升鮮香、爽彈厚身的帆立貝、鮮甜的香菇及椰菜苗、彈牙的手作麵，混上creamy 濃郁的醬汁，每樣食材的獨特性環環相扣，做就了這道特色fusion 菜

今日去九龍灣接朋友放工，順便喺附近搵嘢食，見到德福呢間茶木換咗新裝修，好文青嘅感覺，座位都比以前闊落左，所以諗住試吓啲食物係咪同以前一樣。裝修過後嘅茶木比以前先進左，改咗用QR code落單。我同朋友兩個人叫咗一份溏心蛋、路邊攤小食拼盤、台式麻辣半筋半牛拌麵、酥炸排骨肉燥飯、仲有最後必食嘅飯後甜品 : 草莓香草蜜糖磚塊歐軟！路邊攤小食都幾抵食，只係需要$68就已經有齊香腸，丸同鹽酥雞👍🏻另外，半筋半牛拌麵不嬲食茶木都有叫開，都係一如既往地好食，啲拌麵好彈牙，建議未食過嘅人都可以試一試，食完真係返唔到轉頭😋至於溏心蛋同埋排骨肉燥飯都有正常發揮，啲排骨炸得幾酥脆。最後由於叫得太多炸物同重口味嘅食物，所以我哋都叫咗杯水果茶嚟解渴，水果茶嘅果味香濃，甜度剛好❗️

今日放假，同老公兩個拍拖嚟德福「茶木」食個 late lunch。2:30pm 入座，唔洗等位，但估唔到只係坐咗一陣就已經全店滿座，真係超級旺場。無嚟一排，原來餐牌加入了不少新菜式，我哋點咗茶湯漬飯同手作麵，另外再加咗份台式烤香腸。茶香三文魚湯漬飯 ($98)，三文魚飯以木托盤呈上，配料有炸米通、木魚碎和櫻花蝦，另外仲有一壺以烏龍茶及玄米茶製作嘅茶湯。將茶湯注入飯內，三文魚輕輕炙燒過，肉質嫩滑不嚡，茶湯回甘順喉，帶獨特嘅烘炒米香，配埋脆卜卜嘅米通同鹹香嘅櫻花蝦一起品嚐，入口茶香撲鼻，清新又唔油膩！烏魚子元貝手作麵 ($98)  香煎元貝大大粒，肉質飽滿，結實鮮甜。麵條自家製，煙韌度適中，加上每條都掛滿了烏魚子醬，食落甘甜香口又不死鹹，非常滋味。加點嘅自家製台式烤香腸 ($48)，味道同質感亦很不錯，表皮煎得好香脆，夾埋蒜片一齊食，香甜辛辣，簡直係 Perfect Match。四季青萱鮮果茶 ($46)  呢款果茶嘅用料好豐富，內有火龍果、檸檬、香橙、青檸、紅莓同菠蘿等，配上馥郁花香嘅茶湯，入口酸酸甜甜，清新宜人。另外呢杯黑糖紅豆奶茶 ($38) 味道亦唔輸蝕，入口帶濃厚嘅黑糖甜味，加上

行過德福又突然想食台灣野 見到茶木呢到環境唔錯就入去試吓 晚餐都有唔少選擇 叫咗個三杯雞 都幾香麻油同醬油味雞肉都幾嫩滑 超好送飯 不過份量就唔算好多 值得一讚佢咁樣上菜食到最尾個三杯雞都仲保持到溫度👍🏻👍🏻朋友叫咗個元貝手作麵 估唔到又幾唔錯喎👍🏻 啲麵條好有咬口 好掛汁好creamy~ 粒帶子都好好味 大大粒又嫩😆跟餐加咗個豬耳做小食 辣度唔算好勁 有啲青瓜仔幾清新~朋友就加咗個鹽酥雞 細細粒係一口size~ 新鮮炸起又唔會乾爭爭 我比10分！ 甜品時間～叫咗個抹茶吐司首先個賣相非常得呀 面頭都有唔少生果 個吐司入面係啲流心既抹茶 啲吐司點啲醬同埋雪糕黎食超級match🤤🤤🤤 裡面仲有塊麻糬 煙煙韌韌既👍🏻👍🏻完全係為呢餐畫上完美既句號~

記得第一次食茶木嘅時候已經係大約十年前，當時佢嘅吐司紅極一時，排咗兩個鐘頭先食到。 後來有好多唔同新興嘅甜品出現，又有唔同嘅甜品過江龍，令人們對佢嘅熱度減退，但時候至今日，我依然覺得佢既好食又好抵食。我每次大多數都淨係黎食甜品，發現都未試過佢嘅晚餐，今日一於一試。平日晚上七點嚟到都接近滿座 ，餐廳裝修風格係木系簡約風 ，雖然裝修簡約，但都坐得舒服。烏魚子元貝手作麵($98) 佢嘅幾款自家製手作麵都好吸引，好糾結好難選擇。見到呢個係廚師推薦就揀佢喇 ，手作麵材料包括兩粒大大既元貝， 表面煎到金黃色，仲配有蔬菜、雜菌、蕃茄仔、紅腰豆等等。 醬汁有啲似忌廉汁又有啲似明太子醬，總之就好入味好惹味，係我鍾意既味道，自家製手作麵嘅麵身好彈牙，好有咬口。Teawood 香辣牛肉麵($88)朋友好鍾意食辣，所以就揀咗呢款。湯底香辣， 而紅蘿蔔就清甜，辣中帶點甜。牛肉嘅份量都算多，而且都幾稔身。溏心蛋($38)有四件半邊嘅溏心蛋。我真係好鍾意食溏心蛋 ，見到橙黃色嘅蛋黃已經流曬口水， 蛋黃顏色好鮮豔，令人好有食慾 ，配上甜甜嘅醬油 ，簡直一流金黃鹽酥雞 ($48)黎台式餐廳點可以唔叫鹽酥雞呢 ，鹽酥

烏魚子元貝手作麵($98)，麵質粗幼適中，煙韌有咬口，醬汁係芝士奶油，非常香濃而且炒得均勻，每條麵都掛滿芝士奶油既香味，元貝表面煎至帶點焦香，結合埋烏魚子一粒粒既口感。櫻花蝦花枝餅($58)，外觀金黃色已經好吸睛，墨魚肉好彈牙，加上放入左櫻花蝦既鹹香鮮味作點綴，令味覺更豐富。台式麻辣半筋半肉手工拌麵($82)，先講辣度，我覺得幾適合香港人口味，雖然係有d辣，但絕對唔係辣到入唔到口，而且仲幾惹味，牛筋重骨膠原，有黏住黏住d牙既感覺，牛肉亦煮得好“林”。金黃鹽酥雞(半份)、紅油抄手(半份)，升級套餐後再追加兩款食物總共$42，雖然兩款食物只有半份份量，但以這個價錢可以食到兩款口味，絕對超值，鹽酥雞外層炸得酥脆，內裏雞肉仲充滿肉汁，如果能配搭埋醬汁，例如沙律醬之類，咁就更加完美，紅油抄手既麻辣幾香幾辣，size亦唔算太大粒，可以整粒放入口，唔怕咬開一半時，餃子既餡料或湯汁會流走。金萱鮮芒果奶蓋冰(套餐升級$18)，清甜解渴，仲有至愛既奶蓋，奶蓋好滑，頂層既開邊芒果不會太甜，食一口芒果再飲一啖飲品，兩者可以有助中和。巧克力曲奇蜜糖歐軟磚塊($78)，三片厚吐司，中間都係經過處理成一粒粒狀，方便