茶啡檔

營業中

休息中

適逢佛誕，我地週末參學前黎到聯和墟先吃brunch，呢間cafe有all day breakfast，港式茶餐廳碟頭飯，焗意粉，印度咖哩，小炒，仼君選擇。最特別係餐飲款式好多，有普通同特調嘅茶記飲品，我地要咗阿華田恐龍同紅豆冰。紅豆冰有三款揀，椰汁、朱古力、阿華田。啲紅豆好綿，正！煙三文魚all day好食，係配炒蘑菇同牛油粟米（唔是茄汁焗豆），真係難得！值得嘉許！蛋可以太陽蛋或者熟煎蛋，沙律可以揀黑醋汁或者芝麻醬，佐有煙肉碎、麵包粒、車厘茄。煙三文魚同腸腸都好食，一碟有紐倫堡腸；一碟有司華力腸。烤蕃茄多汁又煎得靚。牛角包大大隻熱上，表面酥香，入面軟熟，可以用嚟蘸個蛋黃～

去到舊區小區食lunch，店員熱情招待，同客人有講有笑，係連鎖店比唔到既感覺🥹💙印度咖喱牛腩飯咖喱微辣～ 牛腩肉質軟淋，仲有少少軟筋位，好食！飯旁邊配左一塊脆片，熱辣辣新鮮炸起，點埋咖喱一齊食好惹味😍😍💙焗芝士肉醬意粉芝士焗到微燶狀態，芝士同肉碎既份量都唔少，每一啖意粉都食到滿滿既料，誠意十足！💙華田紅豆冰第一次飲華田紅豆冰，又幾夾，紅豆蓉好足，差唔多有半杯，好足料😆 成杯飲曬，飽到上心口😂😂

喺聯和墟MCL睇完早場，行過見到呢間都幾多街坊幫襯，就梗係入去試吓佢啦，入邊中西合璧裝修都幾好，都幾適合食早餐同朋友傾吓偈。見到隔籬枱叫咗個all day breakfast 好似幾豐富就跟住佢叫. 煙三文魚all day Breakfast有煙肉🥓粒沙律菜、蕃茄、牛油粟米、太陽蛋、火腿、蘑菇、煙三文魚份量都唔小。望落好似唔多，但原來食食吓已經超級飽。牛角包都有驚喜，都幾大同鬆脆。鹽焗雞湯米線($44)Menu有好多唔同米線簡，第一下就俾鹽焗雞吸引咗，米線份量啱啱好，雞有67舊多肉，上面有蔥油，味道不錯，我仲加咗$8，要多咗個脆油豬，脆卜卜好食😋食完唔夠喉凍檸茶凍華田凍飲唔洗加錢

座位寬敞舒適乾淨 雅致 光猛一入去就有姨姨好親切同我打招呼問我想飲中湯定西湯是日中餐餐湯：南瓜湯兩碗熱辣辣嘅南瓜湯好快就上枱好味 係老火湯嘅味道飲完係無口渴嘅感覺飲完湯兩個小菜就到啦今日叫左枝竹牛腩煲+南乳粗齋兩個餸都大大份 夠晒2個人食每個餸都有一碗白飯（1）枝竹牛腩煲熱辣辣 好香 啲汁好濃牛腩炆得啱啱好唔會太腍都唔會太硬枝竹超級入味索晒牛腩煲嘅精華送飯一流！！（2） 南乳粗齋滿滿嘅南乳香味足料 有枝竹 菜心 椰菜花 娃娃菜 魚腐 粉絲 每一樣都好入味但唔太腍

放工近近地食個家常便飯，仲有足料老火湯飲🥣🌟西洋菜湯🌟🌟羅宋湯🌟每碗湯都有料，證明落足材料淆製🔹️西洋菜湯有雞腳同紅蘿蔔🔹️羅宋湯有雞肉、紅蘿蔔同蕃茄🌟椒鹽豬扒🌟豬扒都唔算肥，炸得夠乾身，唔算肥膩🌟木耳炒椰菜花🌟食番碟齋菜清清地🌟凍奶茶🌟🌟凍好立克🌟套餐仲配有餐飲天氣開始熱，可以飲凍野了😃，不過叫番走甜就健康啲🤭➡️餐廳裝修新淨企理📝平日黎食都幾旺場，都坐滿咁濟呀～

茶啡檔如果大家入到粉嶺推介大家食「茶啡檔」，呢間「茶啡檔」主要做街坊生意，人氣爆燈，價錢較親民，店員態度好好，餐廳門口有一級，店員都會主動幫忙，果晚我八點半去到，餐廳九點鐘關門，所有湯都無哂，好彩仲有菜心炒牛肉同沙爹金菇肥牛煲，時令小菜二人餐真係好抵食，仲包埋兩碗白飯添，性價比真係好高！時令小菜$761.菜心炒牛肉+凍即磨咖啡（跟餐加$8）（8.5/10）菜心同牛肉份量都多，菜心夠爽，牛肉炒得好軟淋唔韌，牛肉大約有十片！凍即磨咖啡：略為酸咗少少，咖啡味香濃！2.沙爹金菇肥牛煲+凍咸檸七（跟餐加$13）（9/10）呢個沙嗲金菇肥牛煲份量好足，沙嗲香濃，金菇同粉絲吸哂肥牛煲嘅精華，粉絲夠淋掛哂汁，肥牛都有大約十片，有牛味唔韌！凍咸檸七：正常味道，有三片檸檬！2人總共價錢$97個人口味總評分：8.75/10地址：粉嶺聯和墟聯安街47-49號寶昌大樓地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#茶啡檔 #香港美食 #粉嶺美食 #粉嶺好去處 #hkig #hkboy

我今早去粉嶺探好友，順道約同好友去位於粉嶺聯和墟聯安街47-49號寶昌大樓地舖的茶啡檔食早餐。環境開揚簡約，有高凳及卡座，相當舒適。我點左個煙三文魚All Day Breakfast +牛角包＋芝麻醬$55，餐飲係熱即磨咖啡＋$3（跟餐）；好友點左個煙三文魚All Day Breakfast +多士＋芝麻醬$55，餐飲係熱奶茶。All Day Breakfast 除左煙三文魚外，還有沙律菜、牛油粟米、白菌菇、紐倫布腸、扒蕃茄及太陽蛋，材料豐富，好味又好食。牛角包和多士都好味，即磨咖啡香濃好飲。

(下午茶時段)其實落單時已經感覺佢地混亂，當侍應幫客人落單時，疑似老闆娘不斷問有關機既問題，搞到4個餐重覆5次先落到單。出菜超亂，之後坐底幾枱客都已上菜，有2枱仲埋單走人，都未有野食。每追一次先上一樣，到第三次真係想取消單，疑似老闆娘態度惡劣，話已經幫忙追3次，廚房多單，好似係我地有問題。如果某些菜式要等30分鐘，理應同客人講，唔係每次都話跟緊。佢地縮細後都無幫襯過，估唔到差咗咁多，經過今次之後永遠bad list。

係聯和墟亦有不少文青打卡好地方，而粉嶺聯和墟更有不少掃街美食選擇，假日想往郊外走走，可以到聯和墟走走😄聯和墟搵食，屹立多年嘅T-CAFE.茶啡檔,中西式茶餐廳。主要做街坊生意，環境設計特別，中西合璧，一則有吧台設計，新派的設計。今日一早己經係聯和墟行走，中午見這間餐廳於是進內覓食，餐廳已經有好多街坊幫襯,同餐廳職員有講有笑非常友善融洽。見Lunch Meno 就叫咗：✅時菜鹹蛋肉片米線（可以更改飯）✅煙三文魚All Day 餐飲：叫咗即磨咖啡，只需+$3😃T Cafe 選擇多樣化中西合璧👍👍下次再到聯和墟一定唔會再嚟幫襯😃

今日入北區拍野，搞掂都12點，所以想買外賣返屋企食…唔太熟呢頭，但個fd話呢到嘅焗飯又正，佢同我講係茶啡檔🥲但我完美miss咗個鋪位，原來外面招牌係T cafe😳中文名係入面😲好靚🥰好香港feel呀！食物白汁海鮮焗飯人哋介紹焗飯，咁梗係嗌焗飯系列啦🥳本身諗住嗌肉醬意粉🍝但見到人哋食白汁海鮮飯，好好味咁😝我就嗌呢個啦嗰啲芝士味好香！重點係冇諗到佢嘅海鮮係咁豐富😱 $65有3個青口、魷魚片、魚柳…炒飯底仲要係好香口，好多雞蛋，啲白汁份量都夠撈飯食到好飽😂😂😂一路會以為外賣焗飯份量/餸份量會少啲，但呢個真心抵🥰咖喱牛腩飯我個仔鍾意食咖喱飯，可以完全唔使諗😂就嗌咖哩🍛我見佢推介係喱腩，就嗌呢個，原來仲送印度烤餅🫓頂😂😂😂個烤餅超好食！勁脆加少少咸！啲牛腩好冧，仲有勁多舊😌哥哥仔都食到！仲讚呢個係佢鐘意嘅咖哩黎！熱奶茶因為要搭巴士返屋企，唔想啲凍飲變熱飲，所以直接嗌兩杯熱奶茶！完全係港式奶茶嘅味道🥳茶味濃，又有奶嘅滑，正！另一杯雪黎做凍奶茶😝其他呢到嘅姨姨都好有禮貌，我落外賣，佢話焗飯要等陣喎，叫我坐住先，不過我想去對面商場萬寧買野，所以行過去再返轉頭都已經差唔多拎得！另外一個姨姨雖然講嘢大大聲

Lunch 跟同事出去食T cafe聽同事說焗飯份量大又好吃便試試鮮茄焗豬扒飯飯有炒底，粒粒分明，很不錯茄汁也很好，沒有太甜有鮮茄味豬扒兩塊，份量的確有點驚喜！想不到的是這裡不只有西式午餐中式款式也不少的同事的芙蓉蛋飯，看似也不錯比較有趣的是附有蔬菜帶蔬菜的芙蓉蛋很balance 吧！午餐有餐茶奶茶對胃！比不少茶餐廳好大概六十元的午餐算是不錯了吧Qr code下單，上菜快，感覺良好👍📍茶啡檔粉嶺聯和墟聯安街47-49號寶昌大樓地舖

前幾日朋友聚會講到帶飯返工呢個習慣原來都幾多人唔出街食因為附近冇啖好食好彩聯和墟真心係多嘢食T cafe都算係我飯堂之一我諗住呢邊嘅街坊就唔陌生喇午市中西食物都有價位正常唔特別貴或平（五十幾lunch差不多吧？）份量特大，例如佢啲焗嘢個兜比其他餐廳大一大截🤣味道都幾好，白汁芝士焗三文魚長通粉多芝士，啖啖都好香三文魚都幾多長通粉口感唔錯，冇淋曬All day breakfast勁有誠意蛋，胡麻沙律菜，炒磨菇，雞肉腸蕃茄有煎過的個牛角包冇諗過咁大個微暖，仲好酥脆添！咖啡係即磨，所以要加錢好多餐廳都係，都理解嘅係好飲嘅，冇伏抵佢坐滿人！性價比唔錯！

收工聯和墟搵食，屹立多年既T-CAFÉ裝修後未有機會幫襯，今晚一於試下先!餐廳裝修後，座位之間好闊落，感覺比之前舒服&光猛，多了一番摩登感覺!!⭐Dinner Set ⭐-羅宋湯湯料非常豐富 味道既甜帶酸，加入肉類加以烹調，十分濃郁!-法式羊扒(12OZ)配薯菜賣相好有睇頭 羊扒整得剛剛好，外皮微微焦香，肉質鮮嫩多汁，羊味酥香味濃，入口即化，伴碟既椰菜用蒜容炒香左，好食!薯角非常香脆，撈入左少少味粉，增加風味!⭐招牌炒飯 簡單既炒飯係最考廚師功架! 呢個招牌炒飯認真吾錯! 飯粒金黃又夠乾身，粒粒分明好好食! 份量都吾少! ⭐餐飲熱菜蜜/凍檸茶餐廳整體吾錯! 平日夜晚都好多人等位等外賣，其間好多舊顧客幫襯，多數都係叫家常小菜套餐，我見隔離枱既蒸魚幾靚! 大大條好新鮮，下次過來試下先!

身為粉嶺街坊，成日食 T cafe，最中意食佢嘅咖哩🥘～今日嗌［咖喱牛腩飯配印度煎餅］，咖喱飯份量很大份，4-5件大牛腩，2-3舊薯仔🥔。牛腩炆得好淋，好入味，肉質唔會好乾好柴，薯仔好淋，入口溶化，咖喱味道濃郁香辣🌶️，不重椰汁味，少少辣，好惹味又開胃😋。咖喱汁配上白飯簡直絕配！配印度煎餅都正，煎得香脆，唔會好油膩，點咖喱汁食好味，可惜得半塊。如果套餐可以白飯轉印度薄餅就非常好，因為唔多茶餐廳可以食到薄餅。

分享一個在家附近的茶記！地點真的好方便，晚餐時段好多食客需要搭枱。我們點了牛扒和羊架餐。牛扒7成熟烤得恰到好處，每一口都充滿了肉的美味。而羊架7成也是烤得香噴噴，入口鮮嫩多汁，肉質鮮美。餐可以配黑椒汁跟意粉，這個黑椒汁濃郁香辣，完美地搭配著細緻的意粉，而且份量也很大，吃得飽飽的😌還有他們可選中湯和西湯，中湯冬瓜豬骨清爽鮮美；而西湯羅宋湯則濃郁滑順！環境不錯有點中西合璧的感覺～一側有吧枱設計好特別