茜廊餐廳 (已結業)

這曰我倆再於這場地找吃，幾番挑選，就於這店室外位置坐下了。叫一客咖喱牛腩飯、沙嗲牛肉雞肉各一客，細青島一支。沙嗲：雞肉唔得，SIZE大極都無用，啖味亦嚡口。牛肉亦都不堭多讓！那碟汁更不必費字！唯獨咖喱牛腩飯是可以接受，腩炆得淋軟而有咬ロ，咖喱汁也甜香滑，室外環境清爽，坐得寫意。

已經3年無on過open rice寫食評了,今天落葵芳見廠家,諗住傾完野食好dd,咁就揀左新都會廣場啦,去到樓下,ant one無卡位,見到4/f 有間西餐廳,咪去試下,點知side walk食完個lunch,真是有感而發,服務態度差,門口人影都無,呆等先有人派飛,再等,入去坐低張檯都未執好,濕笠笠既,又無menu,無水飲,無刀叉,我們4個人,叫了多個侍應都話等等,叫了黑西裝的唔知經理定部長,又是一樣,menu,刀叉,水,食物,埋單,總之樣樣等,唉~ 隔鄰檯三男一女仲搞笑,問我地係咪第一次來,呢度不嬲都係咁 最好book定檯,一坐低叫定野食,未食完叫定埋單,唔係返到公司實過鐘.. 下,乜依家d食店真係得個""等""字架咩 食物又係唔熱既,叫杯餐茶又係等.. 埋單時,等張單又十分鐘,比左張咭去碌,十幾分鐘都未返轉頭,追左幾次先可以走人.. bad bad bad!!!!!

公司有外國同事來自遠方, 雖然身為small photato, 但還是出來soso下由於外國同事喜吃肉,決定搭車到葵芳吃, 來到茜廊很快就有位, 八個人就坐在近窗的長桌, 不知是什麽原因, 四周好嘈吵, 連和對面的人說話都要大聲說才聽到, 很辛苦.之後便到點餐時間, 我選了意式餐牌上午餐 鴨胸芒果意粉, 包湯包飲品 盛惠 $66身邊的同事叫了商業午餐鮮茄寛條麵 $42和鮮菌蛽肉天使麵 $78(高層在所以不敢拍照) 先吃飽, 是拱底的芝麻豬仔包配牛油. 由於包熱騰騰, 牛油很香, 所以很好吃湯我選了牛尾湯, 味道似羅宋湯, 但不知何解會有薏米在, 尚可很快意粉來, 份量ok, 味道普通, 不濃, 鴨胸肥膩但濡身,菇類不錯, 芒果香甜, 意粉算彈牙, 總體ok 但身邊同事的就麻麻地鮮菌蛽肉天使麵味精多, 天使麵太軟身, 蛽肉細只, 不好吃鮮茄寛條麵 麵身沒特色, pizza hut 的較好味. 服務方面更為不濟, 侍應生常常上錯食物, 和他說沒有點, 他卻堅持我們有點, 弄得我們都冏 (枱面都有八個餐, 難道我們八個人要食九個餐嗎?)覺得這間店好混亂, 希望能多多改善啦

上次食過茜廊個小食超好食"><...'薯容焗田螺'=]..超yummy...食過其他個D都冇依間正得咁好味"=)...於是我為左食個田螺先再去"=]...點知....一黎個'羅宋湯'同上次飲個個已經5同左味..之後黎左個扒"好多油...不過好味過上次個個....心諗以為換左個廚...(其代個田螺應該5差)之後到田螺"個賣相超正!!...個樣5同左但係比起上次個個就多左好多油....一食好似食緊油咁樣...個度D'waiter'話不嬲都係咁....諗住算la...但係真係油到好似食油咁(而且仲要道道都好多油)..

都食唔到﹐鬼知好唔好食啊﹗落單時﹐我地有6個FRIEND﹐落完一個FRIEND﹐個WAITER就走左﹗問都唔問下其他人﹗勁奇怪﹗檯有5個人﹐只係落一個人單﹖﹖﹗好啦﹐我地叫另外WAITER落單。以為OK。上菜時﹐只來了我第一個FRIEND GE 野。心想﹐都合理﹐第一個當然來先啦。但係過左二十分鐘其他的都沒有﹗叫人跟一跟﹐又等了二十分鐘先來另外一份。叫MANAGER 跟﹐再等二十分鐘先來第三份﹗﹗﹗還有2份,我地問MANAGER記時黎。MANAGER話CHECK CHECK。又等十分鐘先話唔記得落單﹗﹗解釋同SORRY都沒就走左﹗上級係GUM唔怪得其他WAITER都一樣﹗買單時﹐還要被10%服務費﹗有服務嗎﹖﹖﹖﹖﹖﹖﹖﹖﹖﹖P。S 當時只有大約有8檯。一D都唔忙

陪朋友等偶像結果"被迫"到餐廳用膳才可坐露台位置每位最低消費$80元餐廳只許叫他們特別為露台客人而設的set lunch餐牌上的東西則不可點除非選擇不坐露台令人大感奇怪我們不是都肯付錢買為什麼不可多點餐牌上的東西?更令人覺得奇怪的是有個別「部長」或「經理」的待客態度我們明白餐廳想多做點生意但也不是不斷的加枱吧加得連走廊都塞滿於是朋友上前問他「是否還會再加枱」怎料他兩度不禮貌的回應: 「你地宜家係咪唔要呢張枱?」完全沒有回答我們的提問這是什麼態度?我們不是乞求要入內只是希望有一般的服務都要受這樣的對待這間餐廳的那個哥仔真奇怪!!

啱啱行完山想食下扒知道呢間開咗唔算好耐就和朋友一齊去試吓.........雖然未算好差個價錢又唔算好貴但冇乜必要都應該唔會再去試

個日星期六同個fd去新都會度食lunch本身唔係去呢間度食但係我就比佢個裝修吸引左入去個陣大約2點9我同個fd係門口度問有冇下午茶餐個waitress話3點會有，問我地係咪食咁我地都學ok咪入去囉個waitress拎左本下午餐既menu比我地睇tim我地order個陣都ok點知等左10分鐘有個經理行埋黎問我地係咪叫左下午餐佢地話未到3點,點解我地會叫下午餐，話幫我地3點先落單聽到咁我都算啦，點知個經理同其他staff講話下午餐係3點半先開始我聽到之後覺得好奇怪我同我個fd等到3點4我個餐都仲未到終於見到個餐黎啦，點知個waitress拎d野食去到我前面張臺度話好似拎左之後就拎個餐返番廚房啦我叫個waitress黎問下野都搞到好耐最後要個經理過黎搞一輪先有個食到比$$個陣仲難譜又係叫比$$叫到成5分鐘個waitress先聽到個waitress明明企係我地附近都可以聽唔到我地叫佢找$$個陣都未拎返d$$佢地就相收埋d coins預我會比tips囉最搞笑既係我同我個fd見到坐係出面露天有個人要自己行入黎間餐廳度叫d waitress出去幫佢地寫野終於就唔會再幫襯呢間咁既野又唔係好食喎，又要咁

本來諗住試一下依個Sidewalk..點知一試就出事..火滾!!2個人嗌左2個茶餐+2杯凍飲..等左2個字黎左2杯熱飲..落錯單..不過okay,佢即刻換返凍既俾我地!再等多2個字,即total 4個字都仲未有野食,本來唔趕時間都變趕啦..仲要成場都係得7台客..最少有一半已經食緊野..即係仲有3-4台等緊野食..斷估咁大個廚房唔會因為3-4張台既order"林當"掛??我即刻黑晒口面問佢足足等左4個人,仲要等幾耐..再隔多幾分鐘, 終於有野食..點知有一個餐都係錯....!!!!!!!!!!再嘈多幾句..唔洗2分鐘..換左個"焗飯"出黎..係咪好奇怪點解"2分鐘"可以整到"焗飯"呢??因為佢根本冇焗過....就咁用"火槍燒2下就當係"..搞錯嗌4樣野..結果落錯3樣野既單...點可以唔寫過"服"字俾你..我仲要係講餐no. (即係a/b/c/d餐) + 凍飲 最少2-3次..都可以錯......西利!!!!!!!雖然下午茶係平..但唔洗俾d咁既服務同食物質素我呀??我去食吉野家又平又好食..服務仲好過你啦!!!依 間 野 冇 下 次，請 我 都 唔 會 再 去… 不 知 所 謂 !!

第一次寫食評, 因為真係好嬲, d野實在太太太難食啦!大除夕的lunch, 成個新都會都滿晒人, 只有呢間餐廳係有位節日既餐單仲要特別貴, 最平都要$78不過度度都冇位, 就是但食啦叫左個白湯, d湯係用粉漿溝出來既, 未飲已經覺得核突銀龍比個咁既湯我, 我都由佢丫, 成$100個lunch, 比d咁既湯黎...好難飲呀之後到沙律, 好地地既生菜沙律, 都唔明點解真係會難食係講唔出口....總之係令你唔想再食落去都唔知係d汁定係d菜定係咩總之就好難食主菜係鴨胸鵝肝雜菌意粉成碟野水溜溜..賣相已經唔吸引雜菌竟然係冬菇同秀珍菇....好彩都仲有舊鵝肝點知一食, 又係難食, 真係第一次覺得鵝肝竟然都會難食食左1/3都冇飲埋餐茶, 差唔多埋單, 我叫waitress我話, 埋單丫唔該佢話"下?!"埋單都要"下?!"咩事先而家, 埋單都唔比呀?總括而言, 呢間野野d野比茶餐廳還要差但收緊係隔離葵青劇院樓下既意大利餐廳qui既價錢3個人埋單要$312.4

食過呢間兩次一次食牛丸拼肉醬意粉另一次食普通肉醬意粉首先佢個價錢都唔平 40幾蚊到啦個湯都唔錯至少唔係金寶先到個粉 佢個肉醬意粉比起太興同pizzahut仲好食如果喜歡肉醬意粉的人 可以一試 唔錯當然如果算埋價錢在內 我覺得淘大某一間店既肉醬意粉更平 味道又係差唔多

　　　　第二次光顧茜廊，因為第一次的印象很好。　　除了食物美味、環境舒適外，今天更力發現到員工的細心親切態度。　　事件發生在鄰桌的三口子身上。我完完全全是以旁觀者身份留意到這些細節的發生。　　鄰桌的父親、母親，和大約五歲左右的兒子。點菜的時候，待應小姐留意到父親說兒子的病還未好，還有點咳。待應小姐便在不同的時間提出不同的意見：　　「羅宋湯有點辣，也許可以考慮一下小朋友點忌廉湯。」　　「蒜蓉包有點熱氣，需要轉為提子包嗎？」　　「小朋友的鐵板餐，我先把汁淋上去先上枱吧？以免整親小朋友。」　　以上只是我最深刻記憶的例子。對我而言，短短一小時的一頓晚餐，不斷有人作出細心的招待，實在很窩心。　　

第一次走進這間餐廳, 適逢萬聖節, 氣氛幾特別, 侍應款待我們到露天茶座燭光用膳, 黑夜之中帶點浪漫...... 可惜坐下不久却發現桌子不穩, 可能地面用粗石影響令桌子出現高低腳, 唯有吩咐侍應待為處理並ORDER 了兩份鐵板餐, 不久餐前例湯很快送到...... 陸陸續續四周客人也相繼入席...... 時間過得真快, 眨眼間又過了幾個字, 開始發現正餐還未到達, 好不容易才喚來一位侍應幫忙跟進, 又過了片刻....... 開始發現後來食客也開始進食正餐了，我倆還停留在"等待" 這個詞語內...... 頭頂開始著煙了, 天氣也變得份外熱, 幾經辛苦找到一位高級職員幫忙跟進..... 歡樂時光過得特別快, 又過了片刻還未見正餐上場, 差D 要報警登尋"餐"啟示...... 最後找來侍應再一次打聽一下正餐下落, 得來答覆是" 已跟進並發現系統沒有資料, 能否重新再落一次ORDER 嗎？" ....... 呢鋪真係火雲邪神上身喇, 速找來高級職員理論，他很有禮貌地陪過不是並希望盡快為事件跟進, 可惜本人已沒有耐性再等, 因為實在太過份了 唯有拂抽拉隊離場！

今天和曦到了葵芳茜廊並晉晚餐。這晚雖然品嚐味道OK的味道，每個晚餐$109元（未含tips），兩個餐款不同的是羊髀薯蓉和田螺意粉，而凱撒沙律也做得相當精緻。不過最遺憾的是全個飲食過程的服務非常差：首先上菜的速度極之慢，良久也等不到他們端上菜來；其次是侍應上菜的態度跟大牌檔沒有兩樣，因此他們「拍」一聲便放下東西，絲毫沒有半點溫文儒雅的模樣；另外，他們只有經理級的員工才做事比較認真誠懇，之下級的員工是沒有服務可言的。以他們價錢中上檔次的食肆，卻提供大牌檔式的服務，相信你們有足夠的智慧判斷值得幫襯了！

只此光顧過一次，叫了一份普通的下午茶餐------乾炒牛河一個份量很普通、味道很普通的乾炒牛河，包埋餐飲，竟然要二十六元，凍飲仲要加多兩塊呀~吃過碟乾炒牛河，完全唔覺得飽 好唔抵食！