英記油渣麵 (已搬遷) 新店位置

frankly, it's really dirty & unhealthy! don't encourage U to try......

機緣巧合下由旺角行到黎呢度食夜宵,自始耐不耐都會黎整番碗..我相信認路比較差既人都幾難記得點樣可以行黎呢度~以往食過既都係一d 比較求其既製品:唔好既湯底配上亂黎既上海麵再加上炸到乾爭爭既豬油渣,所以對油渣麵都有若干既偏見..不過英記既油渣麵絕對係認真既一群..記得睇過雜誌報導佢地既麵條係靚貨(或係自家製),食一啖果真同市面既不同,滑溜溜的,果然係唔錯..碗內既豬油渣並唔係全肥同乾既,有一d 似燒肉既肥肉,食味係幾好喎..家上冬菜等,雖則味道好難話好特別,不過英記就係我食過最好既油渣麵..結帳後望望牆上既價錢紙,嘩..原來如果要一碗剩渣係貴好多架(唔記得係$35定$50),如果大家係喜愛食油渣又唔怕肥既話,下次幫襯時可以要求多油渣,不另收費架~

地方就真係嘛嘛,但佢碗麵真係好正,包你再三回味,據知最新既營業時間係晚上7:00至第日下午3:00, 我上星期去過,早上價錢係$13,夜晚$14一碗,全店淨係賣豬油渣麵同埋罐裝汽水,係食家一定要一試.

來過兩次，都係朋友車來，見佢左轉右轉至來到，所以到而家都唔識自己來，淨係知在大角咀果頭。豬油渣切成絲狀，配合冬菜、冬菇、油麵，混混濁濁的一大碗，夠份量。加埋自家製的辣椒油，食到一頭汗。炸過的油渣好香，但其實單憑油渣唔會夠味，所以湯底和配菜應有味精，但問題不大。呢味野講真一定唔健康，但個人覺得唔會差得過食兩塊港式pizza，話到尾油渣麵都有本地特色，不過如果連東坡肉都怕食咁可以忘記呢度。營業時間係九點半至三點，不過係夜晚開始，要食就唔好咁早來。