英王麵包店 (已結業)

長方形,外層有糖霜,杏仁粒,圍邊係一d好似鮮奶球果d邊的甜脆(如果係新鮮的話係脆的,好可惜我食果個唔係)-呢個係有香蕉味的.個包我唔會用包形容,因為佢似danish多d,但係又無danish咁多層,似a1的蘋果菠蘿包的texture.入面個filling 係朱古力漿同埋有香蕉片.唔會勁甜.味道啱啱好

一個好似鮮奶球的物體,但係有5種豆o係外層:紅豆,黑豆,白豆,青豆,黃豆(係佢地的顏色,但係就唔係佢地個正名).唔新鮮的感覺,所以麻麻,少少偏甜!

日式芝士牛蒡包-圓圓扁扁的,上面有一片烘乾了的葉子.一咬,有芝士溶溶的感覺,有牛蒡絲同甘荀絲,有少少脆口的!但到食完成個包,那些芝士味已不見了蕃薯包-以為表面是可可粉,原來唔係,for decoration而已.蕃薯唔係特別甜,但都ok淋,個包少少實

1-楓糖xx($10)-一個圓柱體-外層全是楓糖,不過比想像中無咁甜.入面有提子粒.2.蕃薯歌x($10)-同以前果個包外體差唔多,個係佢係danish皮,加少少蕃薯,入面都有蕃薯.清清地.3.blueberry begal($7)-唔係脆脆外層,反而有d 'un'.但係又真係有d blueberry味喎!!

好一個樹頭麵包, 好好食!!佢外面薄薄的一層焗得脆, 好有樹皮的質感, 唔錯!!內裡是濕軟的, 好香甜的vanilla味道~~面頭有薄薄的糖霜裝飾著, 都幾靚~~ ^^第二次試A-1 bakery的出品, 都唔錯, 會再試其他包品的~~ ^^

一條長條包,有幾間斜間,表面有d一粒粒黑色的,初初以為係提子粒,原來係朱古力.佢同苺同一時間o係個包度,其實唔係好match

淡淡地,有幾塊kiwi fruit.個texture有少少似scone.但係無咁牛油同乾.

沙田店的結業令人十分傷心從小就喜歡到A-1買麵包芝麻包..蕃薯包..都曾經陪伴著上學喜歡那裡有一個大大的餅房總會聞到濃郁的牛油香麵包香現在就會因為便利的關係到尖沙咀店買麵包了**Dark Rye Bread** ($9 for 1/2)很喜歡吃這個麵包$9已有大大的半個材料只有: Dark Rye,Yeast,Salt簡單得很..喜歡那微酸的味道沒有butter..sugar..egg是很輕盈的感覺但質感卻還是很鬆軟也很飽肚吃兩三片加一盒牛奶就是美味的早餐了

原來麻米署不能嗝夜食的...會很韌...很難吃!!>< 所以每次不能買多..

那天本來想吃提子合桃麥包當早餐,可惜還沒出爐, 便選了法包,提子包各一.很失望...法包韌得不得了...雙手沾滿油....此時便想:"法包不應該有油的,不對嗎..?!"..應該是嗝夜貨..><提子包尚算軟孰,提子乾分量亦不小..但是... 這個很油的法包真是令我百思不得其解...

同爸媽行SOGO, 經過尖東站A1時被呢件士多啤梨卷o既造型吸引, 但係見只得一件, 個樣唔太新鮮, 心大心細; 詢問店員, 佢地話新一批貨未到, 但呢件都係新鮮朝早到. 信佢, 就掏出$16買左佢. 行到大家樂買左杯咖啡送蛋糕. 第一啖咬落去...噢! 乾o既! 個女仔呃我! 雖然蛋糕唔鬆軟, 但係忌廉就幾滑幾香, 質素幾好. 由於唔老實, 俾個喊樣佢!

puff無beard papa咁脆身,但好香牛油味,裡面o既芝麻雪糕淡口左d. 不過$10有2個, 價錢比beard papa好多.

星期六下午，o係尖沙咀地鐵站轉搭東鐵時，見開左好多舖頭，就行個round八卦下。依家o係地鐵站買西餅，除左美心外，都有好多選擇如龍島、Mrs Fields'同A1 Bakery。作為港島人出身﹝依家係離島人﹞，好少會遇倒A1，所以決定入去睇睇有D咩賣。除玻璃櫥窗可見o既迷你蛋糕/批外，呢度重有賣各類麵包、手指三文治、樽庄鮮果汁、甚至日式紅/綠豆雪條。由於當日只係食過一個簡單o既brunch，見都四點幾，就決定買個下午小點食下。望左一陣，覺得「米麻」薯波波個樣幾吸引，外形有D似Panash果隻一口芝士波，但比較大粒，相信同屬口感煙韌o既類別，就決定試下。「米麻」薯波波有朱古力同日式﹝芝麻﹞兩種口味，十蚊四粒。兩款口味各買左兩粒，再加一樽石榴汁，係一個幾豐富o既下午茶了。如我所料，「米麻」薯波波食落好煙韌，朱古力味果款係有一粒粒朱古力碎o既，唔會太甜，又有咬口，幾得！日式原味有好多芝麻粒，味道有D似日式煎餅，好香芝麻味，比朱古力味更好食。石榴汁飲落都幾清甜，配煙韌o既「米麻」薯波波係剛剛好，相得益彰。下次有機會都會試下佢o既蛋糕仔，一pack有四款口味，外形都唔錯的。