苑記粉麵茶餐廳

營業中

休息中

北菇雞煲仔飯，飯煲得夠乾身、有飯燋又香口，好好味 ﹗雞件骨多過肉，全部都係背脊同雞翼雞翼尖，無肉食，好可憐。甜豉油好味道，但食完頸渴足一整晚 ﹗仲係嚴重嗰隻呀 ﹗ 嘩，好多配菜喎，又菜芯又白菜又北菇，都好鮮嫩多汁。 豉椒排骨煲仔飯，飯乾爽有飯燋，都香噴噴，配埋甜豉油好好味 ﹗但食完好頸渴呢 ﹗排骨真係得骨無肉囉，斬得太細粒無咩口感，味道還可以，白菜都好食。淨牛腩走蔥，有三四棵芥蘭墊底呢，爽甜多汁，連腩汁同吃好好食喎。眼睇已見牛腩真係好靚，食落炆得入味，牛味濃郁，肉質又棉又滑，真係比起當年有超水準表現，勁好食 ﹗

近來好似上左癮咁，成日都掛住食苑記牛腩，食埋今次要休息吓先得呀 ﹗腐乳通菜，突然想食通菜呀 ﹗最近去苑記啦 ﹗烚得夠熱又爽口多汁，好食噃。牛腩河，牛腩真係好好味，機乎每次都係食牛腩。滷水牛腩炆得好入味，質感軟棉無渣，湯底濃郁配上滑溜河粉，正呀 ﹗牛腩撈粗走蔥，牛腩炆得入味又夠晒腍，真係進步不少，好好味 ﹗不過對我黎講肥膏太多了。粗麵烚得彈牙又滑溜，滿意。

好多年無黎幫襯喇 ﹗四眼仔仲係度做喎，真長情。剛去完韓國速閃旅行返黎，諗住一落機就飛的返屋企瞓覺，明日晨早起身返工。最後返到屋企放低行李，都係忍唔住要走落街食碗熱辣辣既潮州湯麵，係韓國真係無啖好食 ﹗ 牛腩麵走蔥，牛腩炆得入味，口感軟棉鬆化，食左多年，今次最好味，比超以前又乾又硬又有渣既牛腩進步不少呢 ﹗湯底香甜濃郁，要飲多幾啖先得。

行山後出大埔食tea, 是是旦旦的來了這裡奶醬多, +2 飲紅豆冰奶醬多是『鍊奶及花生醬也不多』, 薄到喊 紅豆冰是紅豆加奶... 支飲管不是粗的, 吸不到紅豆上來, 更加不想喝...情願貴d... 如果交足貨的話, 難得來大埔就吃了這餐...兩樣都唔得.... 朋友的西多好好多 (至少正常質素)

差不多每個星期六都來苑記吃下午茶, 之前是吃他們的牛雜粉, 魚蛋河等, 但後來發覺他們的午餐都幾底亦有很多選擇. 凍0茶同凍央都ok.雖然他們標榜粉麵, 但他們的粉麵其實好一般(食過他們的魚旦, 牛筋及牛雜, 不過不失), 如果不是他們外邊有時可以暫時停車, 都未必會到佢地間鋪吃. 但他們的午餐, 只需要$23就有齊牛肉湯麵或湯意, 加鷄蛋腸仔或火腿加方包. 應該算好底囉! 起碼平過他們的粉麵不過味道亦是一般囉, 沒啥特別!

本來是街坊食店之一.......自裝修後都未得閒去食.........所以前星期......去幫趁一吓.................點知同裝修前....實在太大分別........一d都唔好食o既!!d粉面個湯無味.......大拿拿比咗正價.....叫杯凍OT....完全飲唔到檸味......好明顯又係O個D通脹後...又偷工減料咗啦.............真失望.......都係O個句..............以後都唔駛食.............!!

晚上接完祖安放工後, 就送佢回家. 不過大家都覺得有少少肚餓, 所以就決定去<苑記>食返碗粉麵. 其實係苑記裝修之後, 無論環境, 服務及食物質素都提升了喎. 因此裝修後, 未食過的朋友, 都可以去再試下!!! 1. 牛肚河($20) ~ 賣相都唔錯, 牛肚都幾爽, 河粉就普通啦, 不過個湯都幾清, 唔錯!!! 2. 牛腩河($20) ~ 裝修後, 牛腩都裝修埋, 因為牛腩0既肥膏都少0左好多, 所以賣相都唔同曬, 牛腩都算"淋".P.s. 不過食過華姐清湯腩, 苑記就會比下去了.整體評價: 裝修後, 有進步, 可一試!!!

上次同老公食食下粉..有個女仔o係度叫..又望唔到有野...之後又再叫...再望..原來有隻大強o係牆度ar...收銀位哥哥叫個女仔唔好咁大聲叫...因有衛生邦o係出面...克人憎..最頂癮係d 伙記係無意識去打死大強...係有人叫佢打死先o係枱拎起本menu 拍死大強...之後佢仲無洗手就咁o係個大桶度"畢"糖落個糖罌度呀...有無攪錯呀..攪到我同老公即刻無胃口食...賣單走...以後唔會再去..其實之前都有時去食牛什河..生滾粥同煲仔飯...講真..又幾好味...但坐埋去最入時...成日有小強o係枱度行黎行去...真係好好好好好dirty...但o係大埔昌運附近好難食到呢d野先至去咋..我老公次次都話一入到去已經聞到好大陣味..(小強屎咁既臭味)...但我無理...因為太想食佢d野呀...但..."驚"此一役...咪喇....仲有最差一樣野係d伙記同煮野食果d人成日講粗口...上次食一碗粥...就講足咁耐...都唔係路既.....有客人就咪講粗口啦...不知所謂....

10時許和女友適逢肚餓，於是決定到此一試。叫了一碗滑雞粥、一隻咸肉糉，不久便送到。這裡聲稱所有粥是生滾粥，但我吃了一口粥便知沒有這回事。因為我完全感覺不到粥裡有任何雞味，而雞肉又有點"鞋"口。明顯地，廚師只不過把一些熟雞放進白粥裡而已。算吧!我想香港也沒有多少店是真的做生滾粥了，而這滑雞粥也不算難入口，不用那麼挑剔了。至於那咸肉糉，吃了也沒留下什麼印象，應是不過不失。但在我們吃完整個咸肉糉後，忽然想到我沒吃到那咸肉，於是問女友有沒有吃到，她說沒有。想不到我們的咸肉糉被走了咸肉......

和同學踩單車, 到大埔時剛好午飯時間, 住在附近的同學便帶我們到這裡來, 因為這裡有地方可以泊十多輛單車。隨便的點了個粉麵餐, 要了魚蛋粉配凍檸水, 魚蛋沒味道, 也不彈牙, 粉則尚可接受。在這種地方, 也沒什麼好要永, 隨便的填飽肚子便繼續上路。

前晚吃完晚飯，行返新屋時，姐突然來電說好想食粥，叫我是佰搵間有生滾o既餐廳坐下等她。湊巧跟男友正經過苑記門口，見有幾個女仔食緊粥，斷估都應該有粥食，便入去坐低等姐到來。等了約5分鐘，發覺呢間餐廳o既衛生情況都幾差，我等咁耐還未點食物，都不時有三數隻蚊滋飛來飛去。姐來到後要了皮蛋滑雞粥，我那個薯條癡男友也要了一碟炸薯條。等了約7、8分鐘，粥先到，淨望個粥底都應該幾綿滑，但唔夠杰，姐說吃不下整碗，(手畢)了一碗仔給我，果然跟我想的一樣，粥底頗稀，用得太少米，但好鮮美，皮蛋唔錯，好有蛋香(雞就唔知，因姐沒有給我)，碗粥上檯後約3、4分鐘，薯條上檯，新鮮即炸的波浪紋薯條，本來已很飽的我也禁不住吃了五六條，好觤口，但有些薯條炸得未夠透，有點爽口口感。進食期間，蚊滋數目明顥增多，我已跟夥計說了，希望會有所改善。