影片
以上資料只供參考, 請與餐廳確認詳情
招牌菜
一家三口嚟食粉麵下午茶, 叫牛雜河, 而家都無乜邊度食到無異味嘅牛雜, 呢度啲牛雜洗得乾淨無異味; 另叫坑腩河, 好食, 小朋友叫下午茶炸雞翼薯條紅豆冰, 正常味度, 員工友善有耐性等小朋友揀叫乜食完唔口乾, 係唔落味精嘅良心小店, 會再去,見做街坊生意, 隔離枱都係返工食晏人士學生, 如果好似之前的食評咁差, 應該都做唔到街坊生意好緊要係唔播CCTVB, 俾着其他茶餐廳我不定唔係去, 因為我會反胃而家各良心小店經營困難, 希望大家多支持, 否則買少見少, 大家再食唔到牛雜 (要keep住鍋牛雜牛腩全日你估咁容易 ?)
繼續閱讀
-食評關於大埔記餐廳的欺詐行為**我希望向貴節目反映一宗關於大埔苑記餐廳的欺詐事件，並請求幫助。近日，我在大埔記餐廳用餐，但卻發生了一件令我非常不滿的事情。我沒有點過的食物卻送到我的桌上，餐廳卻要求我支付這些食物的費用。他們強硬要求我付款，令我感到非常困惑和不安。在我質疑之後，餐廳的工作人員告訴我，他們已經將這個訂單轉給了另一間分店，並重新為我下單。最終，他們聲稱問題已經解決，但我卻發現自己同時付了兩邊的錢，感到非常不公平。這樣的服務態度和處理方式令人無法接受，我相信不只是我一個人會遇到類似的情況。我希望貴節目能夠關注這個問題，幫助我們這些受到影響的顧客。
繼續閱讀
天氣轉涼，鄰居話要出去大埔食煲仔飯，就叫我去搵位先，啱啱坐落就爆咗場。三個人嗌咗三個煲仔飯，一個窩蛋牛肉，一個黃鱔滑牛加潤腸，另外一個臘腸排骨。基本上成個場着咗九成人嘅話都係食煲仔飯，因為煮都要需要時間，所以就幫鄰居落定單先。上一轉感覺焦香味勁重。都見佢多單，就出去提一提佢，點知都真係漏咗條潤腸，要後上。咁鄰居就食先，試咗鄰居個飯，飯水都幾多唔乾身，啲排骨冇醃過，臘腸正常發揮。跟住就到我個黃鱔滑牛，唔知係咪我諗住等埋個潤腸影相，焗耐咗少少，我嗰個乾飯水有冇咁多，好好彩起到飯焦又唔會有燶嘅情況，不過啲黃鱔同滑牛都係冇味，好彩有條潤腸同埋甜豉油，如果唔係個煲飯都唔知點食。此食評只限於該此用餐體驗。
繼續閱讀
宵夜時段試咗呢一間粉麵店，麻麻哋，最失敗係牛筋炆得唔夠淋。$39嘅牛筋米嘅牛筋唔淋兼唔係好入味，失望。牛筋牛腩粗麵就好彩啲牛腩好食，否則就白費了$47。淨雲吞唔錯，比想像中大碗，雲吞入面嘅蝦又新鮮又大粒，$35都真係幾抵食。芥蘭全走好新鮮好好味。
繼續閱讀
嚟到呢間食肆，首畀是單畀嘅炸雞魚餅驚喜到我，平平無奇嘅外表下，竟然藏有咁嘅彈牙爽口。啲外皮炸到金黃色，啲魚肉入面鮮嫩多汁，啖啖肉感，酥香嘅感覺氹我停唔到口🤤。再講番啲蜜糖豬手，塊塊豬手肉質滑溜，紮實又唔肥膩，伴隔雜蜜糖嘅香甜，真係夠晒回甘！攞起碗嚟嘅炒牛河，條條河粉滑溜得嚟唔失咁滋潤，牛肉咬落去微微嘅焦香令人滿足。喺這裡食嘢，唔只係填填肚子咁簡單，感覺上好似嚟咗一場味覺嘅樂園，每道菜都帶嚟唔同層次嘅美味。仲有，我超鍾意佢哋嗰啲椰汁紅豆冰，糖度啱啱好，加上冰冰涼，解渣又消暑，真係食完飯後嘅完美Ending！🍨食嚟食去，係呢間食肆可以話係物超所值，無論係想搵番童年記憶，定係想試下新鮮口味，佢哋總有方法滿足到你。之後再過嚟，我都會記得叫嗰碟切仔面，想念佢哋口感強勁、鬼馬創意嘅滋味。这家店嘅小食同主飯一樣出彩，你話，點可以唔心動？😋
繼續閱讀
您可能會有興趣的...