影片
以上資料只供參考, 請與餐廳確認詳情
3500 瀏覽
前些子往中山旅遊，刻意找尋懷舊風味的老店打咭！喜出望外，周日閒逛銅鑼灣加路連山道，走到盡頭角落，竟然發現一間洋溢着40-50年代上海懷舊風味的糖水店，佈置非常細緻，一磚一木、花朵窗形，圓枱木凳的佈置，看得出心思。茅台朱古力布甸 $58 一眼看中茅台布甸，面頭的蘇三茅台朱古力招牌是自製的，設計特色成功吸晴。布甸味道濃郁，質感非常濃密，適宜兩人分享；以茅台酒入饌合拍，據店主說，注入了的茅台份量不算少，只不過被濃郁朱古力蓋過，所以不妨大啖入口，細意品嚐便能嚐到。楊枝甘露布甸 $48 蘇三的布甸口感與別不同，介乎豆花與布甸之間嘅口感，楊枝甘露噱頭不及茅台，但清甜可口，更合我心意。足料椰香鮮牛乳紅棗燉花膠 $98 亮點絕對是花膠非常嫩滑，而且厚切大塊，口感黏調，骨膠原豐富，感覺越食越漂亮；湯頭順滑，椰子清香透出，粒粒有嚼口，適量的甜度，心水推介！蜜柑桂花酒釀冰蘇 $118招牌甜點，造型吸引，材料豐富，值得－試。新鮮蜜柑藏在圓柱形的桂花酒釀冰蘇內、額外配備西米、脆米及金橘醬；吃法是取內膠片，冰蘇如火山熔岩緩慢流出，此時隨口味加進適量的西米、脆米及金橘醬提味。冰蘇粉末本身酸酸地，添上配料，既甜蜜亦脆卜卜，涼快可口，份量十足，二人分享亦可以。古法石磨芝麻糊 $42 濃郁味香，順滑十足，刻意調至健康微甜度，如果喜歡更加甜，可以要求另加糖水備用。熱綠姸茶 $38最後飲杯熱嘅綠姸茶，優休閒閒過一個下午。外賣包裝漂亮企理，買多盒椰香鮮牛乳燉花膠 屋俾媽咪吃。
繼續閱讀
呢一間fusion甜品店網上見好出名🌟，同朋友食完晚飯就決定嚟試下，試咗兩款招牌甜品，又幾有驚喜🥳蘇三茅台朱古力布丁一上枱就聞到陣陣酒香😎，而且茅台個牌好特別！朱古力布丁質地超濃郁，入口即化😄，茅台嘅香氣慢慢滲出嚟，唔會太搶但又有存在感👍，凍凍地配暖暖嘅布丁，冷熱交替好過癮！酒味同朱古力出奇地夾😌黑芝麻芒果冰蘇夏天必食😙！黑芝麻雪花冰超綿密，芝麻味香濃得嚟唔會苦🤪。配料超豐富：煙韌嘅小丸子、脆脆嘅糖富、仲有新鮮芒果蓉😝，一啖冰一啖配料，口感層次多到數唔晒🤩！最正係個芒果蓉，甜度啱啱好，完美中和芝麻嘅濃郁💯
繼續閱讀
銅鑼灣呢間新開嘅懷舊港式fusion甜品「蘇三甜蜜」 環境走懷舊港風，裝修以深綠色磚為主；甜品以港式為主，有糖水、冰蘇及布丁，好多款式😝🥭黑芝麻芒果冰蘇 $128: 夏日炎炎好啱食冰蘇😆 冰蘇口感軟綿🍧 面層有雪糕及新鮮芒果粒、中間有忌廉及濃郁黑芝麻醬，配料有小丸子、糖蔥及芒果醬🥭 份量超多，可以3個人分享💕🍮 茅台拿鐵朱古力布丁 $58: 茅台拿鐵好重酒香，好突出😆 配朱古力布丁及朱古力醬🍫 中和酒精味道，喜歡酒嘅朋友可以一試！🍮 鴦走布丁 $48: 布丁以咖啡、奶茶、煉奶為主味，配大量餅乾碎及原塊Lotus焦糖餅乾，甜度比上一款低👍🏼
繼續閱讀
隔離刨冰收咗檔，見到呢間仲10點後仲有營業就去咗試，估唔到價錢幾貴，食物嘅味道都係一般，真係冇下次呀！🍴大三元 $52紅豆蓮子芋圓仙草椰汁雪冰，全部都係正常，芋圓係煙韌嘅，雪冰係有椰子味，成碗嘢係正正常常合格囉，話好食佢又唔係。🍴楊枝甘露布丁 $48大癲呢個勁難食，個布甸係落咗好多魚膠粉，一啲牛奶味都冇，楊枝甘露係一Pat好甜嘅汁加啲酸嘅芒果。推薦指數: 3/10完全唔好食，好似做好多宣傳去掬起個生意咁😂😅裝修係幾靚嘅11點收舖，10點半就開勁大聲音樂想趕大家走？坐咗入去食10分鐘就走。
繼續閱讀
蘇三 23/2 -2喺銅鑼灣行街行到攰攰地，搵個地方坐低食吓嘢，你生活最鍾意食甜品，喺銅鑼灣怡和街圓形天橋行過少少，附近發現一間新開嘅甜品店，裝修得好靚，好有特色，非常精緻，而且充滿70年代嘅懷舊風味。睇吓餐牌，發現餐廳提供嘅甜品非常特色，冷熱都有，而且賣相非常特色，好適合打卡。今次我哋兩個人，總共叫咗三個甜品share嚟食。首先嚟一碗「華田火山布丁」，華田味道非常香濃，另外仲有牛奶嘅香味，下面係非常香滑嘅布丁。食完凍嘢，接住嚟一碗熱嘅「椰香鮮牛乳紅棗燉桃膠」，椰香味同埋牛奶味都非常之香濃，非常突出，配合用料十足嘅紅棗、蓮子同埋桃膠，非常滋補養顏。最後係「黑芝麻芒果冰蘇」，上枱嘅時候有膠紙圍住，造型好似一個生日蛋糕，店員教我哋慢慢拉開膠邊，記住開定相機鏡頭，拉開膠邊後，隨即雪糕同埋芒果肉好似雪山倒塌一樣，傾瀉落嚟，一定要要拍片做過紀錄，賣相好掂，非常出片，而且好足料，好多芒果果肉，非常鮮甜。入面嘅刨冰好綿、好滑，食落口冰凍又解渴。
繼續閱讀