芽籠

營業中

休息中

第一次寫食評，七點去到餐廳拎位，見到有兩至三組客人加五至六個外賣哥哥等緊，問waitress大約要等幾多個，佢答好快，d四人枱一走就可以一次過入，點知見到入面d位一路埋單，但一路都唔放客人入去，等左四十分鐘之後，見到入面既入座率淨返只有60%，忍唔住問個waitress 點解唔放人入去坐，點知個waitress 答: “我地廚房做唔切，我放你地入黎坐，你地都只係會催我地單！”原來廚房做唔切就要罰客人三十幾度係餐廳門口企，咁一開始就唔應該話好快有位

灣仔道近天樂里嗰邊食肆都多選擇，咁啱睇到間裝修光鮮市正，而且價錢非常大眾化嘅星馬菜舖頭，諗都無諗就入左去，重點全日免加一🤭🥕芽籠喇沙摻摻摻摻即係粗麵同米粉嘅合體，做到有不同嘅口感。喇沙味道好濃郁， 忍唔住飲左半碗湯，D 湯又掛曬落麵到，又有少少辣，又有椰汁香，係食星馬菜必點嘅main course🥕海南雞飯拼肉骨茶雞嘅份量好多，而且肉質好滑無骨，加埋沙薑蓉油飯超香唔膩，一黎就齋食左半碗😂肉骨茶好多料，味道好濃，仲有少少白胡椒嘅辣味🥕鹹蛋黃魚皮呢塊炸魚片價錢好抵， 出面食閒閒地都50~60 蚊。魚皮好大塊，炸到非常脆口，而且咸蛋黃又多又均勻，仲要唔油膩，下次去都一定會再叫🥕玫瑰荔枝沙冰夏天飲真係一流，好消暑，同埋食完魚皮再飲呢杯係可以減熱氣感。玫瑰味好香，荔枝味唔會過甜同無人造味，非常解渴

灣仔新開嘅新加坡菜餐廳!餐牌嘅選擇都幾多 而且仲有啲少見嘅菜式叫左佢地嘅招牌喇沙摻摻同海南雞都幾高質座位都好寬敞 價錢又唔貴 性價比很可以🤟🏿______________________________〰️ 芽籠喇沙掺摻上枱已經聞到好香椰香 個湯底係好濃郁帶少少辣度 食落好惹味又香摻摻麵底即係油麵配米粉 米粉嘅比例會高啲完全係吸盡湯底嘅精華 每啖都好重味🫢配料就有螄蚶 魚丸 魚片 豆卜 大蝦第一次食螄蚶 但我發覺自己唔太鍾意佢個口感〰️ 海南燒雞 (半隻)其實餐牌有好幾款SET 會配埋雞油香飯同紫菜魚丸湯有幾款仲係雙併 有齊喇沙同海南雞飯不過因為想試多啲菜式同小食 就揀左淨雞想講個海南雞真係勁有驚喜 雞肉好嫩滑即使係雞胸嘅位置都唔會好鞋 而且調味得好好平時食海南雞一定會瘋狂點甜豉油但呢個就咁食已經好正 而且雞味更出🤟🏿〰️ 森巴雞肉串燒呢款有2/4串選擇 岩哂2個人一人一條不過食完就有少少後悔 後悔無叫多兩串😂雞肉燒到外層金黃帶焦香 但雞肉唔會乾仲好淋本身調味已經好足 唔點醬都已經好夠🤟🏿______________________________特別推介上面呢三款 真心有驚喜要推介下!仲有

灣仔開左間新既新加坡菜，門口裝修都幾靚架，放工約埋朋友仔去食飯芽籠喇沙摻摻($68)相當正宗！摻摻入面有油麵同米粉，配料有蝦，魚片，豆卜，魚蛋，半熟蛋，仲有少見既獅蚶，獅蚶味道鮮甜，喇沙湯底有少少辣，幾好味薄荷班蘭冰($26)初初仲擔心會好薄荷，黎到係椰汁班蘭味，好好飲喇沙慢煮無骨豬手飯($62)豬手好林，配埋喇沙醬，可以一次食到兩個味道。仲配有一塊大蝦片，上檯見到都幾開心班蘭葉雞翼($39)用班蘭葉卷住雞翼黎炸，味道有 d似香茅雞翼，都幾好食既。

原本今日中午諗住試新開的日本嘢，但等唔到位🥺，唯有 second choose 就是這間芽籠，不過都要等15分鐘，心諗，只剩下半小時，又未入得，想走之際，就到我們，好在一早已諗定食乜嘢，一入去未坐低便即刻叫，上菜非常之快， 5分鐘已有得食👍🏻，我們叫了1) 芽籠喇沙摻摻 - 以我來講中度辣👍🏻，好香嘅椰子味👍🏻，都算足料，但蝦是開邊的，變成薄片😅2) 白胡椒肉骨茶配米飯 - 胡椒味濃郁，少少辣，勁 like 👍🏻。米飯，真的是米飯，一粒粒的，可能預咗撈湯，所以較硬生3) 咖也多士配溫泉蛋 - 一搬，無咖也味，食落似奶油多，點落啲蛋漿(加了醬油)度，只覺得滑嘟嘟，熱熱地加凍凍地嘅感覺4) 參巴雞肉串燒 - 還可以，不算嚡，少少辣👌5) 凍吉仔話梅水 - 正👍🏻

近期多了不少星馬菜館在香港開業，今天便來到其中一間。新加坡白胡椒肉骨茶配米粉$72，肉骨茶內有一整個蒜頭，用料十足。肉骨茶沒有太大的藥材味，反而白胡椒的味道十足，兩條大大的肉排，肉質不會太淋，肉味十足。米粉吸收了湯底仍保持爽口彈牙。油炸鬼可以吸收湯底，這個是星馬的食法。海南雞飯拼喇沙$80，雞肉鮮嫩可口，可以點三種不同的醬汁，其中以黑醬油最為美味可口。值得一提的是雞肉連青瓜一起吃，口感清新。油飯粒粒分明，口感豐富。喇沙的湯底味道濃郁，米粉和油麵混在一起，口感更加豐富。鹹蛋黃單骨雞翼$38，香脆可口，稍嫌蛋黃的味道不算太濃郁，如果再濃烈一些更好。

落住大雨想搵間餐廳食個晚飯，一眼望去呢間餐廳門面好光，就好似漆黑中的螢火蟲咁，而且夜晚都唔少人幫襯，一於試試😜—————餐廳主打新加坡菜，價錢都幾親民，見menu都有幾多特色食物，好奇心重嘅港🐷點會唔試下🤣芽籠喇沙摻摻 ( $68 )摻摻有齊米粉同油麵，湯底微辣，有椰香味，配料都幾多，除咗有常見嘅蝦、青瓜、魚片、魚蛋之外，仲有香港一般餐廳比較少見嘅螄蚶😬-芽籠螄蚶 ( $66 )香港比較少見，店員話係先焯一焯，再用唔同調味料醃製，食落幾鮮甜，口感好得意，軟腍但又有啲咬口，有啲似食緊生蠔嘅味道同感覺🤣-傳統烏打 ( $38 )之前睇旅遊節目都見有介紹過，係將魚肉同各式調味料混合，再用葉包住去烘，冇得去旅行都可以試到地道食物😌-鹹蛋黃魚皮 ( $38 )鹹蛋黃魚皮好多地方都有得食，但真係抗拒唔到佢嘅魅力🤤 魚皮勁脆，加埋鹹蛋黃嘅香，幾肥都要食🤣-咖吔多士配溫泉蛋 ( $28 )烘過嘅多士夾住咖吔醬同牛油，味道唔錯，最特別嘅係附上溫泉蛋、甜豉油同胡椒粉🤔 問下Google大神先知原來呢種係新加坡傳統早餐嘅食法，溫泉蛋會加入少少甜豉油同胡椒粉，再配埋多士一齊食🧐本身覺得好似怪怪地，但食落出奇地

|惹味星加坡菜✨❤️‍🔥| 《灣仔正宗菜》📌 芽籠📍 灣仔 Wan Chai自從上次喺中環街市食完新加坡菜之後一直念念不忘🤣 今日就嚟到灣仔嘅芽籠食個晚飯🤰🏻 佢哋夜晚啲套餐都超級化算, 同埋飲品食完之後勁飽肚非常滿足🫧😍 環境裝修乾淨🤍-(👑爲推薦) 海南雞 配 雞油香飯 及 紫菜魚丸湯 $68海南雞飯拼喇沙 $80咖吧多士配溫泉蛋 $28鮮椰青 $28-❥ ❥ 海南雞 配 雞油香飯 及 紫菜魚丸湯海南雞非常鮮嫩可口😋 肉質唔會乾柴😍沾醬料食超級美味💛 配埋撈埋雞油嘅飯簡直一流💕紫菜魚丸湯味道清淡健康✨❥ ❥ 海南雞飯拼喇沙雞肉份量爆多🤣 上面配紫菜魚丸湯 今次呢個就係喇沙🧡細細碗超吸引❤️‍🔥 濃味得黎唔會太膩😋❥ ❥ 咖吧多士配溫泉蛋濃香幼滑的咖央醬💚 食落甜甜地配埋中間博博一片牛油, 層次更加豐富❤️‍🔥麵包烘得非常脆!! 沾一沾半熟蛋嘅蛋液整體非常好食😋❥ ❥ 鮮椰青 鮮甜多汁!!! 大大個🤣超想食埋啲椰青肉😍-▫️味道：8.5/10▪️賣相：8/10▫️環境：7/10▪️價錢：9/10▫️服務：8/10▪️Overall：8.3/10-🔍#CY新加坡菜 #CY喇沙 #CY馬來餐廳 #CY灣仔

呢間主打新加坡菜嘅食店俾到我驚喜!😍只係路過想食個晏... 無特別期望之下走入去呢間食店! 喺灣仔區... 呢間食店望落光潔企理... 店內裝潢亦見雅緻... 座位間格算係幾闊落... 有卡位... 坐得舒適!一般新加坡食店提供嘅多數係海南雞飯... 比較少有埋燒雞飯嘅選擇... 而呢度有齊2款... 我就叫咗雙併... 一次過滿足哂兩個願望!🤭✅海南雞燒雞 配雞油香飯及紫菜魚丸湯 $78海南雞完全係皮嫩肉滑... 蘸點薑蓉、辣椒醬、黑醬油味道更出色!燒雞同樣好味... 皮脆肉質juicy... 唔駛點醬都已經好夠味!可以一個餐食到兩款口感嘅雞肉... 正呀!👍紫菜魚丸湯清清地... 都幾好飲㗎!✅葱餅配咖喱汁 $38葱餅薄薄地... 煎得好香脆... 蘸埋香濃帶微辣嘅咖喱汁... 好惹味... 即使食哂成碟都仲好回味!😛✅班蘭葉雞翼 $39呢個價錢有四隻雞中翼... 仲要係大大隻好肥美... 認真抵食!呢客小食充滿東南亞風情... 食落好惹味... 雞翼炸得香脆... 肉質保留嫩滑... 非常唔錯!😋✅玫瑰荔枝沙冰 $26 / 菠蘿椰汁冰 $22兩杯飲品都好清甜、涼透心!前者有份荔

🔖 芽籠 | 𝑾𝒂𝒏 𝑪𝒉𝒂𝒊近排見到呢間新開嘅新加坡菜幾多人討論，所以就去試試佢～位置比較近銅鑼灣地鐵站，係時代廣場出會比較方便。餐廳環境比想像中細，坐得比較迫，叫多個小食張枱都未必放得曬。可能因為新開，同位置有啲遠，所以Weekend下午茶時間去人流都唔算多。😆.講番食物，今次叫咗招牌嘅芽籠喇沙摻摻、新加坡白胡椒肉骨茶同芽籠獅蚶。喇沙湯底濃郁，椰味夠重，而配料有蝦、獅蚶、魚蛋等等都好足料。白胡椒肉骨茶第一次試，胡椒湯底好養生，清清地唔會太漏，冬天食應該會好暖身👅。大力推薦芽籠獅蚶，一碟份量唔少，而且個汁酸酸甜甜好開胃。最緊要每隻都好新鮮，亦清洗得乾淨，可以安心食用。🙌🏻.飲品叫左薄荷班蘭冰同班蘭薏米水，個人覺得薄荷班蘭冰好甜，都冇咩薄荷味，飲咗一半就飲唔到落去了。反而班蘭薏米水就比較淡，可能其他飲品會更出色😂。整體黎講性價比幾高，仲有下午茶Menu四十幾蚊包飲品，不過得三款菜式選擇，想散叫都唔會太貴。* 芽籠喇沙摻摻 $68* 新加坡白胡椒肉骨茶 $72* 芽籠獅蚶 $66* 薄荷班蘭冰 $26* 班蘭薏米水 $22

👍🏻蟹粉蟹件喇沙摻摻 $78喇沙湯味道好濃，比想像中辣，好惹味😛質地濃稠，creamy得嚟奶味又唔會過重麵底係摻摻，米粉比油麵多，所以比較易吸湯，要食快啲不過兩款麵口感可以再彈牙多少少配料特別嘅係竟然有香港少食到嘅獅鉗口感介乎於生蠔同蜆肉之間，味道就偏向生蠔多啲有少少類似生蠔個種腥味，接唔接受到就人人唔同啦蟹粉鹹鹹地幾好食，不過建議唔好溝埋落湯度，直接夾落啲麵度食會好啲🤣魚片同魚丸味道正常唔腥，但兩款都略嫌偏腍，唔夠彈牙配料仲有大量芽菜同青瓜絲，略略中和一下湯底嘅膩度整體嚟講配料味道正常，但喇沙湯底真係唔錯😜味道：7/10性價比：7/10-👍🏻美祿哥斯拉 $22味道就正正常常，但可以再濃郁啲面頭鋪滿美祿脆脆，幾鍾意佢用冰墊起咗啲脆脆，冇咁容易浸腍味道：7/10性價比：7/10-📍#芽籠灣仔灣仔道221A號天樂大廈地舖#hkfoodie #foodiehk #hkfood #香港美食 #香港美食推介 #平食 #窮遊 #香港打卡 #情侶好去處 #拍拖好去處 #週末好去處 #灣仔 #灣仔美食 #灣仔美食推介 #灣仔好去處 #灣仔新加坡菜 #銅鑼灣 #銅鑼灣美食 #銅鑼灣美食推介 #銅鑼灣好去

今日早收工，返屋企之前醫飽個肚先。海南雞絲湯米粉開頭我都唔敢抱咁大期望，但食落都幾好味。啲米粉好爽，幼身好啱我食。個湯底唔鹹，配雞絲係幾好嘅，再加埋啲青瓜成碗野到大點清新嘅味道。望落以為個溫泉蛋一般，但係食落好食。整體來講好好。咖央多士配溫泉蛋一般來講通常識解㗎我未試過會配其他嘢，但今次溫泉蛋要仙樂一啲豉油，再沾咖央嚟食，咸同甜感覺混埋一齊係好有趣。傳統烏打呢樣係我成晚覺得最好食嘅嘢！用荷葉包住墨魚肉整嘅烏打，味道夾落冬陰功，食落有少少辣，但係整個感覺超級好味。加上唔知係咪我錯覺，呢日落住雨，食落超有feel，好似去咗東南亞地區咁。白咖啡一貫馬拉咖啡嘅味道，雖然甜但甜得有道理。滑溜係必定嘅！這次經歷好好，職員又好耐心咁解釋俾我知點樣整，環境設計又靚又乾淨，整體感覺好好。

咖吔多士就食得多 但係呢一度係用咗最正宗嘅新加坡食法🇸🇬多士脆卜卜 中間再夾住香甜嘅咖吔醬同牛油🧈旁邊仲配咗溫泉蛋、甜豉油同胡椒粉 撈埋一齊配個多士食 出奇地好夾！

灣仔新店正宗新加坡餐廳 好耐冇去新加坡旅行 個人幾鐘意食重口味粉麵 特別係喇沙湯 而且環境裝修好新淨 整體唔錯 如果下午茶黎食$50有找連飲品 外賣自取有九折 值得記錄一下.⭐️蟹粉蟹件喇沙摻摻$78表面配料有半隻蟹 有金黃色嘅蟹粉 魚蛋 魚片 豆卜 糖心蛋 螄蚶👍🏻湯底香料味濃郁 椰香突出 唔會太油👍🏻摻摻即係 米粉同油麵 比較之下米粉入味好多👌🏻油麵就比較粗身 湯底重口味 所以都掛汁配料有螄蚶 喺香港比較罕見 仲可以獨立點小食口感好特別 係生蠔同赤貝嘅合體味道鮮甜 而且唔腥 鍾意生蠔朋友可以一試😋最後豆卜 相當吸汁 會想食多兩件.⭐️參巴雞肉串燒（4串）$48🔥超高質嘅串燒 一定要趁熱食 好入味😋參巴醬口味似沙嗲醬加蝦醬feel👍🏻火候啱啱好 雞肉厚身 肉質唔乾 甚至有小汁.⭐️蟹粉蟹肉酥盒$62外層酥盒酥脆度ok 賣相精緻 高手工含量.⭐️蔥餅配咖哩汁$382邊都煎到金黃色 似台灣蔥油餅 咖喱汁相當多 .飲品特飲都值得叫 幾大杯⭐️菠蘿椰汁冰👌🏻⭐️玫瑰荔枝沙👌🏻⭐️美祿哥斯拉 新加坡 馬來西亞獨有飲品 夠地道⭐️冰薄荷班蘭冰 椰汁底 斑蘭味清香 薄荷味唔重表面有塊薄荷葉 可以試吓整碎佢 重薄荷

餐廳雖然唔算好大，但係感覺好舒服，裝修亦都光猛簡約，最吸精係佢個特色吊燈，好有旅行FEEL😂打開餐牌野食選擇好多，而且相片賣相張張都咁吸引，就即管睇下野食上枱會唔會同相片有出入先😏😏芽籠喇沙摻摻顏色鮮艷，陣陣喇沙香氣。而且材料份量充足，摻掺麵底比例適中，正因為喇沙湯底濃郁，材料自然索曬湯既味道，食到勁滿足，平時食喇沙好怕食到淡口喇沙，今次呢間唔係講笑，啲喇沙係掂架推介仁當牛肉配 斑蘭椰漿飯牛肉火候到家， 非常入味而肉質又恰到好處地爽口又有咬勁，佢唔係炆到淋哂嗰種，牛肉完全唔會有攝牙既問題😂班蘭椰醬飯顏色十分討好，唔係得個樣，係真係有斑蘭椰醬味架🤤，原來嗰塊伴碟大蝦片都好味的，唔係油膱味淋betbet嗰隻娘惹生魚皮本身我幻想係滑嘟嘟既魚皮，點知原來呢款係食落爽脆彈牙既質感，配埋芫茜薑絲花生入口梗加惹味總括黎講價錢合理，好味又大大碗，係值得推介😎😎而且有樣野好緊要，員工都好有禮貌👏👏👏