芽籠

營業中

休息中

餐廳：芽籠地點：灣仔道菜式：新加坡菜餐牌：下午茶餐由兩點做到六點，8款主食選擇，包飲品三選一，無加一。魚丸魚條喇沙摻摻 $48魚丸魚條喇沙摻摻下午茶餐份量黎講都好大碗。個喇沙湯又香又滑，梛汁又夠，辣度剛好。配料有炸魚蛋8條幼條同炸魚蛋兩粒，雖然炸魚蛋細細粒，不過食落都唔差。豆卜4件，吸汁之選。糖心蛋半隻，個心好滑。仲有爽口芽菜，青瓜絲同脆脆加添口感。麵底係黃色粗麵加幼身粉絲，前者有咬口後者幼滑吸汁，加埋係好正嘅口感。雞絲魚丸蝦湯麵 $48原本仲擔心呢個雞絲魚丸蝦湯麵會太淡味，點知個蝦湯味道真係好濃蝦味，超好飲，唔會太淡味。中間有唔少瘦雞絲，都好嫩口，伴有兩粒魚丸，糖心蛋半隻同兩件豆卜，仲有芽菜，青瓜絲，脆脆，蝦米同蔥花。個麵原來都係黃色粗麵加幼身粉絲，好味。白胡椒肉骨茶配油飯或米粉 $58一上枱就聞到好香白胡椒肉骨茶味。個湯入面有兩大件連骨豬筋骨，好淋，一咬即化，味道都唔差。個湯都有三片五花腩豬肉，塊皮好彈牙，仲有兩件冬菇，腐竹同一大隻原隻蒜頭。個湯胡椒味適中，唔會太辣，都幾清。另配三色醬汁，包括豉油，蒜蓉同辣椒。仲有三件油條，少少脆脆地。我地叫左米粉，好大兜，係熱辣辣既。咖哩烤雞肉串

蟹粉蟹件喇沙滲滲個湯有濃郁，好多配菜。先講講佢既主菜 - 蟹。蟹粉己經融入湯中，所以湯底保留左一定既鮮味，加埋螄蚶，夠晒新鮮。而蟹件都有半隻蟹左右，入面有蟹膏，味道好鮮。配菜有溫泉蛋、魚片頭，豆腐等等，好豐富芽籠喇沙摻摻其實湯或同上面一樣，不過以蝦為主打，配料都係螄蚶、魚片、魚蛋、豆卜等等。喇沙湯底微辣，好夾大蝦。好惹味 😋！咖吔多士 +多士表面脆卜卜，入面有牛油同埋斑蘭醬，配埋溫泉蛋， 侍應話可以點溫泉蛋同埋豉油，呢個傳統新加坡食法真係好特別蒜蓉辣椒焗蜆呢個蜆都幾辣，但係好惹味，用錫紙包住蜆，啲蒜蓉辣椒汁就唔會流到周圍都係，完全滲入蜆入面玫瑰荔枝汁有少少似沙冰嘅口感，但係玫瑰荔枝非常之夾，尤其是荔枝，仲有幾粒新鮮嘅荔枝喺度！

海南雞飯嘅米飯綿軟，同埋帶有微甜嘅味道。雞肉煮得嫩滑，同埋帶有濃郁嘅雞肉味道，但係唔會太油膩。最後，醬汁係清淡嘅，但都配合到飯同埋雞肉嘅味道, 我覺得都整體都算係好味 至於叻莎嘅味道豐富，湯底都唔錯，湯汁唔算太濃稠，但都有足夠嘅味道。而配料方面有蝦、蛋、芽菜等等，每一種配料都有唔同嘅口感同埋層次感 至於餐廳嘅人流，我去嘅時候大約係晚餐時間，人流較多。始終都係新開張，環境整潔，至於餐廳嘅服務態度，我覺得一般，服務員嘅態度唔算太主動，甚至有位男店員有啲傲慢，如果換左態度麻麻嘅店員都會再去

呢間餐廳已經回頭左兩次😋係時代廣場附近，環境好舒服，價錢黎講唔算好貴，仲好多款選擇🤪 🍚海南雞燒雞配雞油飯 海南雞配燒雞真係一次過滿足晒兩個願望😂雞肉好嫩滑，個餐仲有個紫菜魚丸湯食完超飽！！🍖喇沙面慢煮無骨豬手飯 豬手份量好多仲要去埋骨，入口即融😋🍢參巴雞肉串雞肉串燒好滑唔會乾真真，配埋醬汁🤙🏻🌮蔥餅配咖哩汁 好耐無係餐廳見到蔥餅配咖哩汁！即刻叫左黎食😋蔥餅有4-5塊，好脆同好香蔥味🤙🏻咖哩汁有少少辣味好開胃😆🍗鹹蛋黃單骨雞翼 超邪惡既鹹蛋黃味🤤食到個陣沙沙地既口感😋忍唔住食完再食hehe

平時返工都會叫埋啲同事一齊搵好嘢食😋，今次我哋去咗一間新開無耐嘅新加坡菜餐廳🇸🇬，試吓好唔好食！因為餐廳都比較新，內用座位都坐得幾舒服。餐廳仲有啲一人座位比獨食人士，好貼心🤣！-🍴芽籠喇沙摻摻🍜($68) - 食物完全同餐牌上嘅相一模一樣，完全冇照騙👍🏻！配料都幾多，有大蝦🦐、螄蚶、魚片、魚蛋、豆卜等等。麵款有2️⃣款，就係摻摻必備嘅米粉同油麵。喇沙湯底好濃，帶有輕微嘅辣度🌶️，好惹味！而且湯底偏向杰身，令到啲麵更加掛汁，好好食😋！#也米食誌 #新加波 #香港 #美食 #新加坡美食 #香港美食 #喇沙 #叻沙 #灣仔 #灣仔美食

星期日行經灣仔這間新開的芽龍，標榜地道新加坡風味，門口棟個牌出嚟 做緊喇沙一人鍋 衹$88， 相片好吸引，好似好豐富，於是就被廣告吸引了入去。喇沙一人鍋 好豐富: 有油麵、 美國牛板健、 花雕雞， 還有，雜菇 蕃茄 生菜 豆卜等配料，花雕雞好滑，有雞味，牛板健係優質嗰隻。下次真係要試下芽龍的海南雞。朋友要了芽龍蝦麵 $68，一樣足料好正，蝦湯香濃 ，配料有豬腩片 青瓜 豆卜 流心蛋 蔥油酥。雖然係小店形式，但員工招呼殷勤，店面乾淨整潔，而且全店免加一，真係抵食兼好食。

塞翁失馬焉知非福。遲了午飯，卻意外地發現一間新加坡餐廳，在下午茶時段性價比相當高。👍🏾《芽籠》，門面裝潢不錯，吸引了我的眼球，加上門前就有圖文並茂的餐單，令我駐足看了看，很快便決定光顧。為何？因為相片拍得不錯，而且下午茶餐有飯、有麵更包飲料才四十多元。幸運的是，上菜時沒有驚嚇到我，食物賣相與圖片相符。第一道：「海南雞配雞油香飯 及紫菜魚丸湯」海南雞，內外如一，吃起來和看起來一樣的嫩滑。味道清淡，要沾三色醬才會惹味，問題不大，是海南雞的正常發揮。雞油飯值得給予手指公，香氣撲鼻，吃得人很想再來一碗。第二道：「魚丸魚條喇沙摻摻」驚喜了我的竟是不起眼的魚丸魚條，彈牙味濃。麵條方面，很地道，混合使用了粗麵及粉絲兩種，口感層次分明，不是間間新加坡餐廳都會遵循這地道的做法的。湯底酸辣度適中，嗜辣者需要事先提出。第三道：「喇沙慢煮無骨豬手飯」豬手特別軟，筷子🥢稍微用力一點也能夾散豬手肉，難怪入口那麼滑嫩。第四道：「咖吔多士」每次吃新加坡菜我都一定會點的菜式。我很簡單，好不好吃全看餐廳下的咖吔醬多不多。這次，👌🏽。

環境唔算大，但係坐落好舒適已經好肚餓🥹🥹🥹🥹💁🏻‍♀️ 芽籠蝦麵蝦麵嘅靈魂係湯底 蝦殼熬出來的蝦湯鮮味十足配料有豆卜、鮮蝦、豬腩片、半熟雞蛋 濃郁鮮香 非常美味真係湯都飲埋見埋碗底💁🏻‍♀️ 芽籠螄蚶好耐冇食過螄蚶😆飽吸汁液的螄蚶肉肥美多汁味道極佳 一粒接一粒再佐以辣醬 鮮甜嫩滑味美如果份量可以再多啲就好☺️我問老公如果我自己整敢唔敢食😗佢：「…」💁🏻‍♀️娘惹生魚皮呢個生魚皮，我會比200分🤣🤣🤣可以話係我食過咁多間生魚皮之中最好食嘅一款！！！魚皮晶瑩剔透 拌埋些薑葱紅椒絲同特製醬汁撈埋一齊 又爽又滑勁惹味 🤤🤤 真係食多兩碟都仲得🤣💁🏻‍♀️凍美綠哥斯拉呢杯嘢真係救咗我一命🤣嗰日血糖低，本身已經想食甜嘢一嚟到食左面頭啲脆脆因為驚擺得來會浸林晒😆飲完已經好似差咗電咁最緊要唔會太甜✨✨✨🥹

<芽籠>芽籠 (灣仔)灣仔灣仔道221A號天樂大廈地舖味道: ⭐️⭐️⭐️⭐️⭐️價錢: 💰💰抵食指數: ⭐️⭐️⭐️⭐️⭐️(午市)海南雞飯拼白胡椒肉骨茶 $86✨超值之選✨呢個套餐去到張枱嘅時候真係哇左出聲‼️因為冇諗過午市套餐個海南雞可以有咁多份量🤭比例牌多多一半份量。但其實份量都係其次，但係質素同味道都非常之好👍🏻，每件雞都好滑嫩🍗，而且佢嘅雞肉仲用酒煮過，食得出有濃濃嘅酒味道。而且佢個白胡椒肉骨茶都食得出真材實料，仲要有唔同嘅湯料可以食，包保大家個肚脹到爆炸💥另外，佢個油飯唔係外面一般冇味道嘅油飯，佢係真係食得出啖啖油香味，真係比個like👍🏻👍🏻(午市)原隻慢煮無骨豬手 $118 👍🏻❤️個人推薦❤️識得我既人都知我勁中意豬手豬腳🤤🤤，無論淋定脆，咸定甜都咁中意。呢一個就係入口即溶豬手，味道出色，撈埋啲醬汁一齊食就完全帶出返個味道，而且豬手下面用酸菜作伴，可以中和食得太多豬手而產生既油膩感🫶🏻🫶🏻值得返轉頭再食‼️‼️(下午茶)咖吔多士 + 香茅紅茶 $28多士兩邊都烘過所以脆卜卜，而且多士充滿滿滿嘅牛油🧈同埋斑蘭醬，一啖入口除咗滿滿嘅罪惡感🤯，同埋甜甜嘅幸福🤭香茅紅茶就真係放支香茅係到

灣仔呢間餐廳，門口擺放著懷舊車仔檔店舖唔算好大，但座位充足裝潢舒適又乾淨原來係主打新加坡菜式今次唔食海南雞．一於試下泡飯✨蟹粉海鮮喇沙泡飯面層放上大量蟹粉伴隨濃郁惹味嘅湯底，融入每粒米飯之中配上唔同種類嘅海鮮有蜆肉．蝦．仲有索哂湯底精華嘅豆腐卜加入爽口彈牙嘅魚丸，相當出色✨參巴雞肉串燒雞肉串燒本身已經好入味再加少少旁邊嘅醬汁更加正見到下午茶餐好抵食，仲跟埋飲品堂食仲唔收加一服務費下次一定要試下晚市一人火鍋

😚性價比高新加坡餐廳 《芽籠》Lunch Time 😚經過見到呢間星加坡餐廳，特登入嚟試下😋叫左🍴🐔🍚海南雞燒雞飯好少海南雞有燒雞食，雞肉嫩滑，配上雞油香飯， 再加《辣椒醬、薑蓉、黑醬油膏》，好好味丫😋😋🐔🍚🍜海南雞飯+喇沙最鍾意呢個組合， 兩樣鍾意食既嘢都有晒，喇沙1D都唔辣，麵同米粉都好平均，滿足🥰☕️手工奶茶可以揀甜度，我哋揀咗半糖，唔會太甜， 又有茶香味🙂價錢一啲都唔貴，食物攞設靚又好食🤤

新加坡嘅（芽籠）終於係香港都開左店啦～ 必食嘅有： 喇沙，海南雞，肉骨茶，都叫多款揀，不過味道就普普通通，當然冇係新加坡食咁好味啦，但都可以試下嘅，叫做有多個選擇嘅新加坡菜😂😂啫係好過冇

樓面服務態度欠佳，食物不過不失。環境新淨，座位舒適，但服務質素卻不及茶記。樓面人手不足，落單速度慢，不願招呼顧客。由落單，上菜至結帳都未聽過員工把聲。出品食物尚算可以，但沒有再去的理由。

依條街都幾多平價餐廳今日就同同事嚟食喇沙lunchtime 12點20左右嚟到 唔使等位 但之後好快就full house lu無lunch set 只有單點 價錢都係幾十蚊 但就無嘢飲海南雞飯拼喇沙 $80一次過滿足晒兩個願望雞肉嘅份量都幾多 但肉質有啲鞋甜醬油配雞定撈飯食 都一流喇沙都幾多配料 魚皮、豆卜、雞蛋等等湯底望落好濃郁 但就無乜味芽籠喇沙摻摻 $68$68仲要唔使加一 份量同配料都幾豐盛味道就就都不能期望太多🤫對得住價錢啦~

好鍾意食新加坡菜所以成日周圍去試下而經過灣仔見到呢間芽籠裝修帶東南亞風格又幾寬敞 坐得幾舒服👍🏻而餐廳選擇都算多 味道都唔錯!🌟海南雞絲湯米粉湯底好清甜 仲好豐富 有手撕海南雞,青瓜絲,溏心蛋同豆卜 配埋米粉 真係好唔錯💯🌟蟹粉蟹肉酥盒酥皮整得好酥脆配上鮮甜既蟹肉同蟹粉口感好豐富👍🏻🌟 雞絲魚丸蝦湯麵湯底好香濃帶點微辣好惹味魚蛋好彈牙 仲有雞絲同溏心蛋🌟咖吔多士多士烘得夠脆 半溶牛油加帶斑蘭香同椰香味既咖央醬夠哂滋味🙌🏻🌟鹹蛋黃單骨雞翼雞翼炸得好脆加好濃既鹹蛋黃味