花開家傳

營業中

休息中

叫左個獅子頭小菜連飯，78蚊。獅子頭得3細舊，旁邊有幾條菜心，如果係男士真係完全唔會飽，女士都好勉強。最後要硬叫多一個小食。本身叫左菜飯，結果出到黎得碗白飯。叫嘅時候侍應唔知已經冇菜飯，望住啲餸同飯，都真係嬲左一下。喺嗰條街呢個質素同份量嘅餐廳，其實50蚊左右都揾到。係佢個環境叫坐得舒服啲，不過真係唔扺食囉啲餸。總而言之以小菜而言，佢既水平就好一般，唔會再去食小菜，見啲人都係叫小食多，大家去食既時候要考慮清楚叫咩好。

呢間鋪我地之前食左好多年，最鐘意食佢啲雲吞面，啲雲吞彈牙爽口，係第二到食唔到，有時買一打半打番去自己煮，前排見佢落晒閘，以為又一間老店做唔住啦… 好彩原來係第二代接手，攪埋裝修門面靚左好多，仲有埋小菜，難得疫情穩定啲一家人出黎食飯，抱住試下既心態，估唔到又食到一份老店既住家菜感覺！店舖裝修有啲中國風，走懷舊老線，但又不覺得老土，可能同第二代接手有關。而家除左牛腩，雲吞面外，仲有多款小菜選擇。店員親切有禮，向我們推介了幾道小菜美食，上菜速道都好快，又問我地好唔好食，幾好傾，一家人食得好開心總的來說，食物價錢公道，食材新鮮，賣相吸引，下次可以再黎試下其他菜式！

同老婆夜晚放工周圍搵嘢食，行過見到呢間舖頭新裝修，環境幾別緻乾淨，就入去試試。除左環境好，樓面阿姐都細心，見到我地有興趣入來，即刻幫我地推住道門，仲介紹埋有咩好食。因為得兩公婆，食唔到太多嘢，只係試左南乳香酥雞球 同 涼瓜開洋蛋。涼瓜開洋蛋的涼瓜煮得軟硬口感非常恰到好處，有涼瓜味又不會太苦。雞球都煮到外脆內軟多汁，師傅火候控制得好好。老婆對食物環境都幾滿意，下次想食小菜會再來。疫情之下，生意艱難，咁有heart的街坊小店要多D幫襯，支持一下。如果唔係，又要日日捱美心大家樂。