花見山下日式料理

營業中

休息中

中環價錢非常之貴，叫咗明太子玉子燒，旦好似甜品咁甜，太甜嘅蛋和非常鹹嘅明太子，效果非常難食，嘗試食曬但都要cancel張單，叫咗鰻魚飯，太多太多太多太多sauce, 最後要叫多一碗白飯淨食鰻魚，我係一個出名唔浪費食物嘅人，最後食淨鰻魚合所有啲飯。 the price is Central pricing, I would say it's way too expensive for this area, I ordered the hand rolled egg which they have added wayyyyyyyyyyy too much sugar. it is like eating a dessert. hand rolled egg can be a tiny sweet but not dessert sweet. I also ordered unagi eel rice and once again wayyyyyyyyyyy too much Sause. I had to order a bowl of plain rice in order to f

CP 值勁高好到忍唔住要寫個好評我平時都唔會寫review 😂- 服務態度: 所有員工都好友善 態度好好- 食物質素： 壽司質素有omakase level 好新鮮，其他所有熟食全部都好好味- 價錢: 以有咁食物level 嚟講 價錢算抵食性價比滿分- 其他： 仲有得玩遊戲 玩完仲有甜品送 本身以為啲甜品係求其一粒糯米糍點知原來係一個炸香蕉綠茶雪糕 落重料炸香蕉裏面仲有溶咗嘅朱古力好好味 重要係好有heart ❤️❤️❤️整體： 滿分 推介！！

西營盤新開嘅日式料理餐廳預先訂咗枱佢有lunch menu 另外可以散叫小食 其他烏冬 丼飯 刺身飯 卷物 鍋燒選擇超級多 佢啲卷物其實都好吸引😍仲有halloween special menuLunch set好抵食 有湯 兩款前菜同甜品湯係麵豉湯 味道啱啱好前菜係中華沙律同螺肉 食落好惹味😋▶️壽司定食 ($98)又想食壽司又想食烏冬 呢個餐啱晒賣相超啱打卡 望落亦好精緻豐富🍜烏冬口感超煙韌彈牙 湯底好清 同時又好有日式風味💗🍣壽司有六件 分別係: 吞拿魚 油金魚 三文魚 北寄貝 甜蝦 蟹肉蟹籽壽司🐟吞拿魚唔腥 仲好嫩添🐠油金魚厚身啲 自己平日比較少食 所以唔識平價 不過都ok嘅 比吞拿魚就韌少少三文魚肉質都好嫩 好有omega 3魚油味北寄貝食落鮮甜！好好食🦐甜蝦口感好得意 有啲黏黏地咁 都係好鮮甜🦀蟹肉蟹籽壽司就好特別 蟹肉係真材實料 非蟹柳 所以食落有海水味 加埋紫菜好perfect😋件件壽司都好出色最緊要係佢個壽司飯都好有心思 佢係啡色嘅 因為已經落咗啲豉油同醋 所以唔需要點太多豉油已經有味🍚飯質好好 好黏口又有口感 同時唔會好大舊飯 同刺身成正比甜品係芝士蛋糕🍰細細舊但係已

雖然我住美孚 但係西營盤嘅呢間日式餐廳🍴員工服務態度好 食物又高質👍🏻絕對值得回訪💛.📌炸蝦卷 $48/一份嗌咗兩份所以變咗做圈圈形⭕擺得好靚 好高級嘅感覺️😎壽司飯口感幾爽口🤤炸蝦好脆 完全唔會有油膩感🍤面頭加埋蟹籽同埋沙律醬 酸酸甜甜唔錯😚.📌牛油果軟殼蟹卷 $88呢款同上面差唔多 不過就轉咗做牛油果同埋軟殼蟹內餡🤪出奇地好鮮甜 都係炸得好脆😍牛油果唔算好多 但係豐富左個口感🥑所以蟹味好濃好出😝.📌火炙鰻魚手握壽司 $18/1鰻魚好肥美超厚肉🤩帶少少火炙嘅味 好香🤤鍾意佢個鰻魚多過飯 食落大滿足❤️.📌豬軟骨飯 $78𝗟𝘂𝗻𝗰𝗵 𝘀𝗲𝘁包兩款前菜,湯同甜品🥳前菜係中華沙律同泡菜 甜品應該係厥餅 好𝗾彈🍮湯係麵豉湯 好香麵豉味😛飯底係珍珠米 不過淋咗少少🤏🏻面頭仲有啲紫菜,大蔥同青蔥喺面 撈埋食好香口😍豬軟骨好軟淋 肥瘦適中 好入味😎.📌日本霜降一口牛飯 $98呢款前菜就將泡菜變咗做章魚🦑牛肉粒份量好多 口感好嫩滑 有啲好正入口即融 好𝗷𝘂𝗶𝗰𝘆牛味又濃🐮面頭仲有啲炸蒜,青蔥, 大蔥, 紫菜 有啲牛角嘅感覺🤣.📌芝士年糕 $28/2超級正 外皮比較薄 好多芝士喺入面🧀外脆內軟 流心芝士軟

西營盤站一出3分鐘就到，好方便前菜有中華沙律，味道正常，隔離嗰個前菜，我都唔係好知係乜嘢，餐牌冇寫，應該係一舊類似螺嘅物體，味道口感OK嘅😜😂麵豉湯幾好飲，唔係好鹹😌蟹籽三文魚丼，豉油飯底，比起白壽司飯特別，三文魚有幾多片，唔會有腥味，食落都幾滑☺️午餐壽司盛都幾高質，魚生新鮮，帶子好甜，呢間餐廳係用豉油飯，少啲見，淡淡的細細件，唔會好飽😉烏冬爽滑，粗幼適中，湯底普通，整體都好食😋泡芙凍凍地，係雲呢拿忌廉餡，忌廉好滑，不過有啲甜，個皮稔稔地環境都幾靚，價錢合理，有加一

🌸#girlsfoodies日本菜#girlsfoodies西營盤#girlsfoodies西環 🌸【 💛 #GF_List 】🉑：外賣自取 ⭐評分: 8/10———————————————喺西營盤嘅街坊小店，入到去勁多家庭客，好有舖仔嘅warm feelings🥺熟食炸物壽司都有，大人細路都有嘢啱食——————————————————
▪️花見十貫 $238▪️鰻魚玉子燒 $68▪️豆腐雜菜鍋 $88▪️明太子雞翼 $48/2隻 去到選擇困難，店員推薦玉子燒、鍋物同壽司拼盤。諗住呢啲街坊舖仔，壽司質素都係爭鮮咁，點知完全over my expectation 😭 壽司飯已經有塗上豉油，唔洗再額外點，拖羅好厚肉好甘香，海膽好鮮甜！金線鯛第一次食，肉質幾彈牙，仲有油甘魚專登配上柚子醬，夾埋唔怪之餘仲吊出魚嘅鮮味。係真係無諗過咁高質嘅～明太子雞翼都係正嘢，勁飽滿塞到爆嘅雞翼，外皮好脆而入面熱辣辣，好想encore！！反而鍋物同玉子燒有啲失望，鍋物嘅豆腐有炙燒過幾有心機，但湯底無乜特別但玉子燒比較老，似煎蛋多啲，鰻魚亦有唔少細骨，唔會翻兜之選。✨ 花見山下 ✨📍 西環順泰大廈地下1號舖⏰ 1130

星期日同屋企人去完孫中山紀念館打卡諗唔到食咩好行去西營盤見到呢間新開既日本餐廳一年四季都想食日本野既我當然say yes啦我地叫左三個午市套餐午市套餐包括一款主食、兩款前菜、一個湯品同一款指定甜品今日既前菜係味付八爪魚同中華沙律兩款前菜都好高質海膽北海丼 $148魚生方面有帆立貝、海膽、吞拿魚、三文魚、油甘魚同三文魚子壽司飯加左少少紫菜夾埋魚生一齊食好好味一人份量就剛剛好日本霜降一口牛飯 $98一口牛燒到五成熟唔會好韌入口即溶既牛肉粒好好食牛肉烏冬 $68牛肉烏冬都幾大碗烏冬好彈牙湯底又好清甜餐廳除左有午市套餐，仲有玉子燒系列、壽司定食同刺身下次要再encore試埋其他先

這間鋪應該開了一段時間，都係最近在網上廣告先至發現到佢因為在路面走過時這間舖頭真的不是10分起眼之後這間店的午市同晚市我都有去食過整體來講食物質素OK價錢方面亦算合理午市亦有很多選擇有壽司拼盤，鰻魚飯，壽司平烏冬等等。壽司的size比較細件一口一件剛剛好壽司亦算新鮮，反而這點最喜出望外的是那個卷蛋點了蟹肉同明太子兩個口味，感覺明太子好吃一點值得推介到晚市點了個壽司拼盤，溫泉蛋牛肉鍋，蟹子沙律。整體來說食物質素OK地方寬敞冷氣充足播住日文音樂在這兒食飯聊天亦不錯另外嘢飲方面亦有七折八折優惠

到西營盤開OpenRice search日本菜時找到呢間新開嘅小店，下午2點嚟到，全場滿座，不過等咗一陣就有位，大家都食完午飯再開工啦😁😁😁午市套餐價位親民，魚生丼、烏冬、吉豬丼等$70至80蚊左右；叫咗一客特盛壽司(十件)🍣，套餐跟兩款前菜、麵豉湯、甜品，壽司OK，壽司飯新鮮唔會乾爭爭，出品質素及份量都對得住價錢。地方乾淨企理，座椅唔會好逼；員工態度非常friendly，勤快有禮👍🏻下次嚟試吓食晚餐先💛

💛💛💛有日行經西營盤 發現呢間餐廳個名好特別😳叫花下山見🤭 就係咁先留意到呢間新開嘅日式餐廳😄仲要係黃店黎 💛 所以就入左去試吓餐牌上邊都提供咗好多選擇除咗普通壽司同刺身之外，仲有丼同鍋物等等而且價錢都算幾平🤔好多壽司兩件都係十零蚊🤭Lunch套餐仲包麵豉湯、前菜同埋泡芙甜品😛另外值得一讚嘅係餐廳嘅服務質素好好🥰店員都好有禮貌🤗日本一口牛丼飯 $98平時小編都係鍾意食一口牛多過一塊塊切開嘅牛肉 因為覺得口感好啲喱到嘅一口牛好淋身 食落都好Juice好香👍🏻唔錯壽司六件連烏冬 $78三文魚、蟹子、蟹樓、蝦、鰻魚、魷魚🥰 Total 六件壽司再加烏冬超抵食嘅lunch set😳👍🏻

️街坊價錢但用料極高質！每道菜都極用心設計同鋪排！-追女仔有好多方法，而老闆娘絕對係高手，作為超新手嘅田中，真係學到唔少嘢。而田中想講嘅係，從極簡短嘅交流，田中竟然有以上體會，大家就知道小店幾咁好客熱情，人情味十足，同埋值得黎拜師。-🍣花見十貫 ($238)1️⃣厚肉肥美拖羅、油甘魚𠝹開，Omakase級嘅處理方法，入口油脂溶入口腔，靚料又抵食。2️⃣款款都足料搶眼，以原條海鰻為例，有成隻碟嘅長度，樣樣足料，以呢個價錢係冇得挑剔。🦐牡丹蝦 ($38)原隻連蝦頭上，蝦頭蝦膏香而甘甜，蝦味極為濃郁鮮甜，靚料。🧈明太子玉子燒 ($68)玉子自家製，嫩滑香甜，包住流心明太子，味道極為濃郁，重口味而又鮮味十足。🥗蟹籽沙律 ($68)係田中食過最高質蟹籽沙律之一，鋪滿極多蟹籽蟹柳，沙律醬汁豐富，每一啖都係精華。🍥鮮味茶碗蒸 ($28)非一般嘅嘅茶碗蒸，啖啖鮮甜，入口極滑溜，絕對令人想叫多個。

本來諗住求其搵間餐廳食個午餐啦！點知搵左間食日本野的餐廳，但呢間餐廳未食過，唔知好唔好食，膽粗粗試下，食完就覺得呢間餐廳的食物質素不錯同服務態度良好！刺身新鮮，店員好細心咁推薦生蠔，話好新鮮，結果一黎到賣相就已經覺得好新鮮，點知食落，真係又新鮮又肥美！好好食！生蠔都算大隻，唔係bb蠔！食到咁好味嘢，當然要叫酒飲啦！就算叫埋酒，價錢都超級合理！因為整體水平好滿意，而且好近地鐵站，所以一定會再去幫親！

係西營盤地鐵站附近新開左一間日式餐廳，午市既時候去左試一試, 一行兩人嗌左10件壽司set, 6件壽司+udon set, 明太子玉子燒同埋牛肉鵝肝小食。兩個set各自跟前菜、茶碗蒸同埋甜品，10件壽司set會跟埋麵鼓湯。6件壽司+ udon set: $7810件壽司set: 98各食物味道算中規中矩，但性價比幾高👍🏻個人覺得雞軟骨串小食幾出色😙餐廳職員態度好好，瘋狂加茶🤣(冇記錯係靜岡煎茶～) 有機會去開西營盤可以試下✌🏻壽司師傅都幾靚仔🤣🙈

西營盤一帶嘅餐廳主要都係coffee shop為主，住喺呢邊又好鍾意食日本嘢嘅我，真係好難搵到日本菜餐廳，而且仲要性價比高嘅真係買少見少！點知前日行去地鐵站附近，見到呢一間新開嘅日本餐廳，餐廳環境坐得好舒服，裝潢都非常有心思，就連佢嘅Menu都設計得好有日本風格！就算唔係食午市套餐，佢其他主餐牌上嘅食物都唔貴，雖然係平民價錢，但係食物嘅質素一啲都唔差，反而有驚喜添！佢哋而家新開張，每人仲有一碗茶碗蒸送，茶碗蒸入面嘅材料即使唔多，但係炒粉蒸嘅味道真係令到我食唔停口，蛋蒸得好滑身。值得一提嘅係，呢間餐廳用嘅器皿全部都好靚，呢個價錢食落去真係影得又食得😆我自己就嗌左佢嘅特盛壽司套餐，唔使$100有成10件壽司，仲有前菜、湯同埋甜品，喺呢個地段來講真係抵到爛！壽司飯醋味唔錯，飯粒煮得軟硬適中，除咗有三文魚、帶子之外，亦都有平時少見嘅貝類刺身。而佢亦都有玉子燒系列，我就嗌左佢嘅明太子玉子燒啦！玉子燒有成六七舊咁多，好有厚度，明太子分布得啱啱好，每一舊玉子燒都食到明太子嘅味道，玉子燒嘅甜配埋明太子嘅咸味，味道真係唔錯，好夾！而佢呢一個和牛鵝肝，上面嘅炸蒜配搭得非常出色，牛肉肥瘦適中，鵝肝嘅味好香，