花果山小食店

營業中

休息中

回港後，如常的先送BB出大埔，下班後再從大埔接BB回家。可是，領匯突然把廣福邨停車場的全日任泊優惠取消了。幸好我們亦發現了大埔中心的停車場，而且比起廣福更平更方便，所以我們更加之開心。是日，我比太太更加之早回到大埔，等她，打發時間，而且又開始餓了，小食就是最好的頂肚良物。說好在大埔廣場等，我亦就地選了這晚晚都有人排隊的花果山，買野食。沒打算多吃，因為外母已為我們準備了便當，邊排隊時邊想，想到了牛肉，三個山竹牛肉球，份量剛剛好夠我消除胃子的不適。店內一大籠蒸的是魚肉燒賣，而其山竹牛肉就是一個個籠仔單獨三粒三粒咁蒸，像酒樓的一樣。此店給予牛肉球淋上的是喼汁，不是一般的用豉油撈，我食得出有比較鮮味的牛肉香。肉既比份重是可以食得出的，只可惜是沒有山竹。香口，可口，重肉味，雖未有酒樓的水準，但這街邊牛肉球，已經比起好多街邊檔，好好多好多。

每個假日在大埔行街回程時都會去這一間小食店因呢間睇落比起附近其他食店都乾淨得多 雖然食物不太出色 魚旦牛丸都無乜味 不過果度既辣椒油溝燒賣黎食十分香口 而價錢也不太貴 可以一戰

七月二日 (星期五)又是Happy Friday,老公仔陪我回大埔我忽然有點肚餓,於是帶着老公仔到小食店吃點東東分別點了一串魚蛋,一串牛丸和一碗碗仔翅魚蛋和牛丸尚可,肉質爽口彈牙至於老公仔的碗仔翅則令人失望材料不太足,而且頗稀以街頭碗仔翅來說,味道略嫌不夠濃味道不在話,行到半路才發覺他們沒有付上匙,要返轉頭取!!!總算填飽肚,開開心心回家

同學話這裏的燒賣「超級無敵好食」，就要了燒賣、魚蛋、腸粉分享作午餐，合共也只是十五元，即每人五元，非常經濟。燒賣較外面的實在與大顆，是魚肉多粉較少的原因吧；魚蛋也同樣地大大粒實實淨，有咬口不會太散。沙茶醬幾香口，但咖哩汁沒甚味道。腸粉只是一般貨色，應該都是外購而非自製的了吧。整體是不錯的，幾惹味，十五蚊大大包經濟又實惠，但不算超級無敵地好。又或者只是個人口味作崇？

行到o黎呢頭, 都唔太知去左邊...見好多人幫襯, 又好香... 叫返串先~一咬...魚蛋浸到好淋...咖哩唔夠入味唔夠辣雖只4蚊串, 可以更好呢.

奇怪居然無人寫佢既牛肉...最出名係山竹牛肉三粒大大粒六蚊定七蚊咁上下一粒兩蚊左右啦但係都幾大粒本身唔偏好牛肉但係依度既牛肉無果種牛肉既躁味偏稔平時係酒樓食既山竹牛肉總係有種臭青味…依間就無加少少辣油同唊汁就非常好都係人地推介先去試依家食左幾年都係果個味道

唱完K食d小食為大埔行作結，突然想食腸粉gei時候行過呢度，馬上買左兩樣野了。腸粉＋燒賣$9腸粉好軟好滑，５蚊有４條幾抵，燒賣中規中矩。生菜魚肉湯$12$12比市區有貴無平，佢值$12 gei原因係佢大件夾抵食，一個外賣碗居然d魚肉係本末底的，食極都有。魚肉尚可，但有d大條，唔得細滑。

１０－５－２００８這已是上個月的事，行街中途買左一杯細芒果汁，平時食開這兒的魚蛋燒賣，不知果汁又如何？店員從盒中拿出一片片芒果，加些糖水，糖，倒落攪拌機，不消一會兒就整好了飲一啖，芒果味香濃但不會太甜，糖同糖水分量分配得不錯，涷冰冰，最岩夏天用來消暑不過一杯份量較細，有點兒不夠喉呢！最緊要係解榨同埋用料新鮮是令我買的原因，不像旺角那些非即榨芒果汁，我想我閒時會再來幫襯！