花斑茶社 (和富道) (已結業)

約左朋友食晚飯，等朋友期間好肚餓就去左呢個商場買個野飲，點知好有驚喜🤤佢入面有個連儂牆俾大家掛上自己既願望，非常有良心既一間小店👍🏼講返佢啲野飲，飲品種類唔算好多，但都令我揀左好耐😂最後我揀左黑糖珍珠可可鮮奶🤤其實好少見有舖賣朱古力奶加珍珠呢個組合，聽落實在太甜😂但呢間舖既朱古力奶係非常真材實料，坊間既朱古力奶既味有時會好假，但呢度係非常濃郁又唔會死甜既味道👍🏼👍🏼加埋黑糖珍珠新奇得黎又唔會好突兀，我諗我會鍾意呢個組合多過黑糖珍珠鮮奶（本人係朱古力控）😂呢度既服務態度都好好，店員會主動問要唔要調整糖量同冰量👍🏼一定會有下次既良心小店！

今晚同朋友係北角行街，附近有個和富商場，係G層直入少許，有間面積大既店舖，又乾淨又光猛，仲好有舒適感覺，可以容納好多人，店內有許願牆壁，仲有2位好nice既店員😘。店內仲有會員優惠架，真係好貼心呀。我選擇咗杯萄葡柚冰茶（綠茶）$24，好香甜既萄葡柚味道，我要少冰少甜，飲既時候好似置身於萄葡柚果園內既感覺。而朋友就選擇咗杯宇治抹茶🍵紅豆鮮奶 $34，好香濃及好滑既抹茶鮮奶，軟綿綿既紅豆，好似飲/食緊抹茶紅豆沙既感覺。

和富中心最近開做很多新店，其中一間係花斑茶社。週末喺附近食完晚飯，去和富中心行一陣，見到呢間茶飲店新開張，就同囡囡買番兩杯飲品，返屋企慢慢歎。囡囡就揀咗佢鍾意嘅黑糖珍珠厚鮮奶，用上新鮮嘅鮮奶製作，配上黑糖漿同黑糖珍珠，味道平衡，而且鮮奶幼滑，不會過甜。另一杯我叫咗未試過嘅芒果冰茶，芒果味中透出四季茶嘅香氣，我仲加三蚊，加咗蜂蜜珍珠，珍珠彈牙配茶飲真係美味。值得一讚，呢度嘅店員好友善，店內仲有許願牆畀人寫上新年願望🎉👍

今日同個住和富既friend行行下街 佢話個商場開咗間野飲鋪 問我睇唔睇下～.跟住就黎到呢間花斑茶社 .佢地話黑糖係招牌 咁岩我又中意飲抹茶我就叫咗杯黑糖鮮奶抹茶佢個珍珠幾煙韌 黑糖都幾入味 同埋如果係黑糖珍珠厚鮮奶就成個都係掛杯勁靚不過呢個都有分層都算係咁～.同埋店員服務態度都幾好～我唔中意飲咁甜同咁多冰 我就叫小甜小冰但係原來冇得小冰 個店員就叫入廚房幫手小d冰～.不過北角對於我黎講就遠咗小小～不過有機會去就會再黎～😂

繼續繼續支持良心 #黃店 💛！記得佢哋喺尖沙咀開第一間茶飲店, 第一次試已經愛上左佢哋嘅果茶系列！最近佢哋喺北角都開咗分店啦, 近我公司呢! 食完lunch去咗買杯飲品~店舖嘅其中一道牆掛滿木牌, 木牌上面都係客人寫上祝福同支持香港嘅字句, 我都寫咗一張~白桃烏龍 - 採用烏龍茶做茶底, 茶嘅濃度啱啱好, 有回甘。啖啖白桃果肉, 好香甜, 有口感。柳丁綠茶 - 揀咗無糖, 飲落有清新的香橙味, 配上綠茶，飲到輕微綠茶天然嘅甘苦味。

新店開張 過來試下好多黑糖鮮奶 都好甜 基本一杯飲完 唔會想再飲但呢間花斑茶社 的黑糖鮮奶 真係唔係直接推薦份量剛好 甜度也剛剛好 我基本上平時都唔鍾意寫食評 不過真心覺得好飲 同埋叫佢佢地的熱誠 態度也十分好 所以都希望支持下佢地

附近唯一一間茶飲店終於開張立即去試下味👍🏻叫左杯凍⭐️黑糖鮮奶 好飲喎 朋友就叫左杯白桃烏龍 掛住飲 唔記得影相 佢都話唔錯 可能新開原因覺得比出面好飲走個時見到可以whatapp落單 下次可以試下外賣 唔洗行

有日敢啱發夢行過，見口渴未入個商場睇下。呢個商場仲裝修梗但見到有間茶社見到個名又幾靚就心郁郁試下佢。一黎就叫左杯宇治抹茶紅豆。飲落好重抹茶味啱曬我呢啲唔鐘意太甜嘅人。總括而言整體唔錯