花居酒屋

生日難得一聚，好開心今日朋友帶我嚟呢間食，一入到去好似去左日本咁，鋪頭裝修好靚，好有去旅行嘅感覺。因為仲有個朋友未到，係等緊佢嘅時候，嗌啲小食，個人同朋友都好中意食串燒，所以嗌左雞肉串食，味道正常！然後嗌埋燒茄子，味道ok，有加到少少芝麻，不過份量（如圖）就有啲小。如果份量可以大少少就好啦。同朋友見到大家推薦食玉子燒，所以就帶咗個鰻魚玉子燒，今次份量足夠，而且玉子燒個蛋做得好好，味道亦都好吸引，真心推薦大家食！最後嗌左鏝魚隻，個汁可以再多少少會更好！…查看更多

荃灣有一間好有日本風情嘅居酒屋，裝修有令人置身日本嘅感覺，既然未去得旅行， 就食住日本嘢先啦！我哋首先叫咗個牛肉烏冬， 好快就上咗菜，非常有效率！啲烏冬好彈牙，分量又多，每一條都好煙韌，啲牛肉每一塊都好鮮嫩，而且有少少紅色，係半生熟嘅，唔會太熟，否則就會好晏硬！仲有幾條秋葵喺上面，非常新鮮！然後叫咗個軟殼蟹牛油果卷，同樣都係份量十足，切開有八嚿，每一嚿都好實淨，好軟熟壽司飯包住軟殼蟹，食落去熱熱地仲好脆口！牛油果同軟殼蟹嘅配搭簡直係一絕！ 然後叫咗一個明太子玉子燒， 送到嚟嘅時候仲係冒煙嘅 ，香噴噴，食落口 啲蛋非常之嫩滑！ 上面嗰層明太子鹹鹹地， 份量十足，簡直就係 一流享受！…查看更多

今次搵到呢間午市買一送一🤩仲要星期一至日都有呢個優惠 究竟伏唔伏呢🚁環境幾靚 有日本居酒屋的感覺🇯🇵仲有除鞋位添☺️仲要唔多人(3成入位率) 唔會迫食物方面我一早諗左食壽司🙆🏻‍♀️🔻極上壽司定食🍣 ($158)呢個價錢有海膽、帆立貝、鰻魚 (仲要有半價！！)仲有我最鍾意嘅赤蝦😍成餐飯將心思放左係同朋友傾計😆 所以欠缺每一件細嘗Overall食落幾新鮮😋海膽唔係好濃味的高級野 合理嘅 飯都握得唔差😳 唔會硬晒一舊舊蒸蛋正常 食埋烏冬真係飽哂朋友點左牛扒🔻安格斯西冷牛扒定食🐮 ($148)我又係掛住傾計 無試到佢一塊肉🥲不過賣相都唔差 朋友都話唔錯由於唔多客人 我地食飽都傾多一陣先走 坐得舒服岩哂傾計🤪Staff態度亦好好👍🏻 會加茶 亦唔會趕你走咁款最後半價完 每人唔洗一百蚊半價但唔會將貨就價 超值❣️…查看更多

第一次寫食評係因為呢間嘢真係差到我想同大家分享第一次嚟呢間食 簡直令我o哂咀叫咗兩個餐 一個係魚生海膽飯 一個去安格斯定食魚生海膽飯我已經上咗圖呢個海膽魚生飯剩係得一舊海膽 加埋切切埋埋都係得一舊帶子 再加埋啲薄過爭鮮嘅魚生片 成個飯應該叫雜錦刺身飯而唔係叫海膽魚生飯另外仲叫咗個安格斯定食 啲牛好渣 纖維勁多渣 不過我唔記得影相隨機附上佢送嘅生菜沙律 日本餐廳嘅生菜菌晒黑邊真係好少見 證明咗佢生菜係隔夜嘅仲要勁唔新鮮 仲要出晒水嗰啲不過成間舖頭嘅菜式都係冇圖片嘅 所以佢都唔算係欺騙大家早知就食樓上嘅麻辣世家今次嘅食評係咁多 下次再見…查看更多

本人住喺荃灣，久聞呢間餐廳，收藏左喺Openrice favourite好耐，好想搵個機會去試試，但幾次經過walk-in都無位。終於早前有機會喺Openrice上見到周末夜晚有位，所以我早兩日就訂好了枱，叫埋家人喺另一區過來一齊去試呢間餐廳。1. 8月19日(星期四）於Openrice訂了4位，訂的時間是8月21日(星期六)晚上7點正。2. Openrice即日已給我email確認訂枱成功，此後再沒有任何消息。另Openrice在8月21日上午給我email提醒出席是次訂枱。3. 8月21日下午1點20分，此餐廳一名女職員打俾我，對話大約如下：職員(好似無野咁）：「今晚我地無枱喎，你改唔改8點半」我（驚訝)：「我Openrice book枱嗰時有架喎，點解會無枱架」職員(一副理所當然既語氣）：「我地尋日同事打俾你，因為你無聽我地既電話，張枱已經俾左其它人」我：「咁你即係overbook啦」職員（開始唔耐煩)：「Openrice個系統我地改唔到，咁我地係得咁多張枱，你改唔改8:30吖」我(氣憤)：「有無搞錯呀，book左今晚7點，你到而家當日1點幾先同我講無位，要我改去成1個半鐘之後？我點改呀」職員(唔耐煩、提高聲線）：「咁係因為你無聽我地同事電話吖嘛，我地有打俾你架喎，而且我地係得咁多位架啫」我（詫異）：「而家邊會有人聽你呢啲2字頭既電話，咁點解你地唔留言？點解唔send短訊？點解淨係打一次？人地一定得閒聽你電話？」職員(同我叠聲講，嗌交既語氣）：「咁係因為你無聽我地同事電話吖嘛，我地有打俾你架喎，你無聽吖嘛，咁你係咪即係唔要」我（不滿）：「仲要係我既責任，你間餐廳有無搞錯呀」職員（十分無禮貌地）講：「唔好意思」我（氣憤）：「我而家點改去個幾鐘之後先食呀」職員（十分無禮貌地）講：「唔好意思」我（氣憤）：「你唔好再咁樣既態度喇吓」語畢，我頂唔順佢既無禮態度，我cut左線。剛cut線，就收到Openrice send email俾我指餐廳已取消我既預約。4. 我不滿，係因為點解明明book左幾日，但餐廳要去到當日下午先通知我無位要改時間。嗰日係星期六，咁短既時間我仲可以去邊度book一張晚餐既枱。就算間餐廳係overbook，系統又好點都好，都唔應該咁遲先講，有規定我一定要電話再確認，唔確認就會俾張枱人地嗎？咁如果我連呢個電話都無聽，直接7點去到餐廳門口呢？5. 我氣憤，係因為餐廳員工一直以一副十分無禮既態度同我對話，一啲都唔客氣，更一句唔好意思都無，只係不斷話我無聽佢同事打黎既嗰個confirmation電話，所以無位係我既責任云云，竟然仲係以鬧返我咁既語氣，同兩次極無禮貌地像機械人一般回應「唔好意思」。難道我未去餐廳就不是客人嗎？就不應該被尊重嗎？6. 我失望，係因為一直想試呢間餐廳，早兩日book左枱已經睇定餐牌諗定叫咩食。可惜，呢件事反映到呢間餐廳管理訂枱同管理員工既手法，竟然容讓員工代表餐廳作去對準食客作無理及態度極差劣既指責，將訂枱的過失責任完完全全推給準食客。我還未嘗到佢地食物既味道，但卻大大感受到佢地既態度。我從此也不會去嘗試幫趁這間餐廳，以為呼籲身邊的人不要助長這類毫不放食客在眼中的餐廳。…查看更多