花園餐廳 (康寧道)

營業中

休息中

咁大個人，花園餐廳經常聽人講，但真係未食過，於是，今日約左朋友一齊試下佢。當日去到係中午時段，大概1點，可以叫午市套餐。有鐵板扒、焗飯同咖哩餐。黎得呢到，當然叫扒，牛扒有西冷同肉眼，另外仲有款魚柳。我唔使諗就揀左肉眼。一向比較偏心肉眼，因為佢脂肪比較多，所以肉質比西冷更加幼嫩、腍身同juicy，更好食。不過就比較肥，但為好味唔諗啦。鐵板餐$73，仲跟紅/白湯，以及熱飲。我就叫左忌廉湯同熱檸茶。等左約莫10分鐘，牛扒上枱，份量甚大，仲配上薯菜，最好玩係醬汁澆到鐵板既咋咋聲，好有港式鋸扒既風味。肉眼非常腍滑，冇令人失望，脂肪位油份充足，好香。配上黑椒汁，味道少少偏鹹，其實唔落汁都ok。雖然唔係M5和牛級數，但以$73價位既牛扒黎講，份量同味道係值既。最可惜既係叫5成熟，上枱7成熟，可能鐵板溫度太高。下次有機會可以叫3成。

呢位美少女朋友仔搬屋搬咗近我公司我決定唔OT同佢食個dinner佢知我行緊生酮所以就問我食唔食花園餐廳鋸扒鋸扒梗係OK冇問題啦😆公司行過嚟10分鐘都唔使😁見到餐牌本來好想嗌鐵板燒但係佢冇得轉沙律然後我見到一個廚師精選有沙律揀仲要多咗一樣食物可惜就冇鐵板首先個沙律係意外地唔係我想像嘅雜菜沙律係我最鍾意食嘅薯仔沙律，但係我唔食得(哭出來🥲）另外我嗰個廚師精選係大蝦加牛扒再加乳鴿但係我發現美少女朋友嘅鐵板嗰塊大蝦同埋牛扒好似靚啲🙈早知我都係嗌鐵板啦不過美少女話好耐都冇嚟過花園餐廳過嚟都係想食佢嘅情懷並不是佢嘅味道不過我就覺得其實佢嘅味道都唔錯

一間擁有三十幾年歷史悠久的“花園餐廳”今日經過觀塘，想搵地方食午餐，正當諗緊食咩好？ 突然遇上了花園餐廳，突然又很想很想鋸扒。 好有懷舊的感覺，不是特意裝修懷舊，而係真係古舊多年的裝修。雖然好陳舊，但仍保持整潔。讚！真心欣賞各員工服務員，由門口，入座，落單，送餐，落汁，結帳。各員工都非常有禮。真心讚！難得來到，當然要鋸扒。我們兩個人叫左。。。西冷鐵板，真係夠哂大塊，好吸引呢！ 洋蔥豬扒牛扒（特餐）豬扒好味，薯條好味，不錯！$71就有鐵板餐，其實真係性價比高，平民都可以鋸扒。正！

今日一個人，經過花園餐廳，突然間好想食。因為一個人叫咗一個扒餐，上野好快。係印象中嘅忌廉湯，唔會太過濃奶味，好傳統，入面有薯仔粒，有少少魚肉，唔會杰撻撻，點個餐包黎食一流。餐包我都好鐘意食，上嘅時候都仲係暖㗎！我以前食鐵板就好期待淋汁嗰一下，而家人大咗要健康，所以我就走汁。呢個係鑊仔牛柳（紐西蘭），見到啲肉都覺得佢好似好好味，因為係鐵板所以一直都好熱，切開其實好林，唔會太過硬身，食落個皮都幾脆，好多汁，唔會好柴皮，都幾有肉味。薯條係我最鍾意食嘅粗薯條，好有茶餐廳嘅風味，都唔會太過淋，都脆口嘅。總括而言係童年回憶，價錢都相宜，有機會會再嚟食㗎啦！

假日中午來到老觀塘，昔日興旺的裕民坊正如火如荼地進行重建。這個說了三十年的觀塘區重建計劃，終於在高效律的政府運作下展開了。只是不知這一次規劃建造會不會又等上三十年，大概小的今生也無緣瞧見成果。既然轄心地帶在起樓，所有人潮便給堆到僅有的apm商場去。為了不用無限排隊，於是咱們反其道而行，走向觀塘邊陲區域。來到老伴念念不忘的「花園餐廳」。「花園餐廳」在觀塘歷史悠久，昔日位處繁盛的裕民坊，拆卸後則搬到稍遠一點的康寧道晨光大廈來。幸好這家街坊扒房堅持留守，要不然咱們便失卻了一地道的好去處。走向偏離一點的康寧道末端，在馬路旁已看見「花園餐廳」的舖子與招牌，進駐了舊式大廈的2樓，加上距離較遠，未知到生意會否有所影響。幸而這晨光大廈的樓上三層全部均作食肆，有助聚集人潮。大快活與譚仔三哥分別在上下兩層，旁邊更有美心MX。於是「花園餐廳」便成為了這裡最像樣的高貴便價美食。乘坐升降機抵達二樓，下午茶時段碩大的廳堂雖則未至人滿，但咱們仍可見到許多識途老食客。餐牌裡有不乏選擇，下午茶餐與午餐任揀。老伴點了他至愛的黑椒牛扒，小的則選了蒜蓉雞扒。只賣四十多的下午茶餐配飯或意粉兼附熱飲，想要加餐湯與包嗎？則可選擇加

A級肉眼扒 $138西冷牛扒 $118 兩款牛扒都叫左七成熟🥩七成熟既牛扒食落居然都係韌既☠️要咬好耐先吞到👎🏻牛扒肉質偏老，完全零肉味，亦無肉汁可言🤷🏻‍♀️兩種牛扒都唔好食🙅🏻‍♀️如果一定要揀一款既話，西冷牛扒會好少少，無咁難咀嚼🙊 黑椒汁🥘較稀，無黑椒味😐 粗薯條🥔應該炸完放左勁耐，皮係淋既😓最攞命係薯條芯仲生生地完全唔想食🤢 羅宋湯🥫🥣冇肉得菜，菜煮得夠淋味道正常餐包🍞叮得唔夠耐，唔熱既～見到侍應徒手拎啲包去叮，衛生意識極差👎🏻 餐茶叫左最難難飲既熱檸水🍋🥤但飲落一浸漂水味，檸檬食得出係唔新鮮既 整體而言，成餐飯我見唔到有任何值得讚賞既地方😤食物質素差，但價錢貴，性價比極低；餐廳衛生情況亦欠缺，卡位啲凳好多油🙄餐具又有漬…用餐期間陸續有食客入座，唔明點解咁難食都會有人黎🤷🏻‍♀️ 唔知其他分店既食物質素會唔會高啲，印象中好耐之前食過太子分店，塊扒係ok既。但伏中一次就夠，唔會再去試☠️❌

鋸扒最重要是塊牛扒，但是套餐牛扒鐵板餐的牛扒份量成了像配菜那樣是什麼回事…還沒牛味…叫六成熟也成了九成熟…湯也淡…以餐廳的價錢做出了快餐廳的品質…那我為什麼不去大快活

午餐時間都幾多人啲人快食快走都唔使等位去扒餐廳完全唔使諗一定係揀鋸扒食扒識食一定食牛識食一定食半生熟五成熟岩岩好有湯有包我至愛白湯加牛油餐包花園餐廳依然冇失準黑椒汁加扒無得頂

係觀塘搵lunch食，唔想又去apm既時候，就去左裕民坊附近間花園餐廳。花園一向係間老牌扒房，D枱枱櫈櫈都有著懷舊味道。今次食lunch set唔揀扒，揀d焗野黎試試。波菜焗魚柳，配著菜。魚柳有兩件，好大份! 焗得好靚，又夠熱! 焗豬扒飯。焗得靚，又夠熱! 豬扒夠厚，啖啖肉😋😋😋大約六七十蚊一份lunch set, 價錢合理!

巨型T骨牛扒整塊都是肥肉和筋，切都切唔開，我同我女吃一塊吐一塊，咬唔到！！！133的牛扒，覺得好唔抵啊！應該要掉入垃圾桶的牛扒，卑顧客食用，博顧客唔敢出聲，驚要求換果陣口水招待我塊扒(聽太多飲食業朋友話）。甘既貨色拿出來給人吃！有無搞錯！以後絕對唔會再光顧！！！！！！

花園餐廳食過幾次，但食lunch都係第一次，今次係因為朋友帶我尼食lunch所以先試到，如果唔係我都唔會特登去食lunch。佢的lunch都幾抵，有湯有包有野飲，咁我就叫左set lunch的西冷牛扒配薯菜西冷牛扒配薯菜牛扒比較細塊，唔知係咪睇運氣，朋友同我叫同一樣野，但佢塊牛扒比較大，但我的薯菜係勁多薯菜炸得好脆，熱辣辣，粟米都幾甜忌廉湯都幾濃稠，仲有少少料tim，增加左口感麵包就...可以唔食都得熱朱古力就要加$3

花園餐廳 失望晚餐月頭同朋友仔係觀塘apm行完街，去左食香港扒房，花園餐廳。去到都成九點所以冇乜人，我哋各自叫咗一個晚餐，A鐵板西冷牛扒配薯菜同埋B蒜蓉帶子雞扒配薯菜，每個晚餐跟包餐湯及嘢飲。我個鐵板牛扒要左七成熟，配黑椒汁。個扒不厚亦都不算大塊，食落去個雪味都幾大⋯⋯朋友個蒜蓉帶子雞扒配薯菜，配蒜蓉汁。塊雞扒只係屬於暖，感覺唔係啱啱煎好！餐包、餐湯同薯菜都係正常，冇乜太特別。餐飲我哋兩個都係叫咗熱檸水，兩杯熱檸水都有油味，真心飲唔落！埋單+1總共$185，價錢貴過茶記，食物質素茶記過茶記！不會返兜！

話說星期六晚6個人黎食飯6點幾入座，因為未齊人想等埋一齊叫，啲侍應己經係咁啤住我地，因為有個老人家自己黎唔係好識路等左佢半個小時，我行左去接佢但家人係度等既時候有個白頭侍應同隔離個後生係我地隔離話呢檯人坐低左咁耐唔叫野 阻住番檯真係好無禮貌。咁我地叫左野食未齊人最後咪又係咁多時間。我地齊人都即時叫野食同食完就埋單啦，感覺係咁收野催我地走，唔俾人等得咪限時啦。無下次。叫左個煎比目魚不過炸既比較漏飯量夠，湯好飲，飽夠熱奶茶可以

今天在官塘同細佬看完電影想吃下午茶。細佬不想吃譚仔米線因無乜款式選擇。又不想吃深仔記細碗得很的雲吞麵。潮福的清湯牛腩麵又頗貴椅子又不好坐！於是又去花園餐廳用餐時間是下午2:30pm 。過了午市，下午茶時間入內見到大量卡位坐⋯⋯職員各自忙不用帶位就隨便找卡位坐。座位談不上舒適,但不會太迫,都ok.下午茶選擇多，有D花多眼亂最後我們選擇了！雞扒拉麵同豬軟骨拉麵一齊食⋯⋯首先上枱是飲品我杯熱檸檬茶酸和澀的味道十分平衡。用亙抔上，熱度十足，相當好味之後到麵到。雞扒好好味又大塊....基乎蓋過了整碗麵....因為即製，故香跪可口。雞肉厚身仍然嫩滑，啖啖肉。豬軟骨份量很足，軟骨煮得很未夠身。咬落骨位稍硬。似乎蚊得未夠身。而且醬汁稍咸.....呢度要扣分...拉麵其實沒有太大期望, 普通的，除了咸味....只有塩味不過有番茄，有菜呢，也不錯的。麵就不錯有咬口！整碗拉麵份量十分大足夠吃飽一個男孩的份量⋯⋯兩個人埋單八十元的確平.....

今晚收工，打算同我媽媽去花園餐廳食晚餐，服務態度差，放下食物的時候不會詢問是誰的放在一旁就罷，收食物的時候不會問要不要，而且餐包是凍的，下次不會再來這間分店進餐。