芝樂坊餐廳

相信好多人都食過，但真係不得不提既一樣野就係佢嘅份量真係好多，勁大碟！兩個人食一碟意粉都食唔曬🤦🏻‍♀️呢碟意粉都OK既，雞就會dry咗啲。薯角都有食剩！薯角幾脆，但覺得有啲油‘憶’味。野飲都好大杯😂

呢間餐廳係美國加州過江龍，但咁多年嚟都係得尖沙咀呢間分店，長期爆滿。其實我都係一個甜品控，對蛋糕有莫名狂熱，尤其係cheese cake。呢日係cheese cake day，每年都會呢段期間做promotion有買一送一，就特登排（排隊個排）除萬難入去歎下。食過嘅都知呢間餐廳d 芝士蛋糕頗甜，係典型美國人口味，不過勝在d 用料夠靚，餅底會香d，芝士都濃郁d。今次揀咗士多啤梨蛋糕，貪有粒生果balance 返d甜味，估唔到真係好match，同埋食得出粒士多啤梨唔係普通貨，果香味重，好正！送個件揀咗Tiramisu cheesecake。鍾意飲咖啡嘅我當然鍾意埋Tiramisu，呢個係加甜版，美國口味嘛，不過咖啡味都香濃嘅，仲要用埋佢地自家cheesecake 做個base，食完一啖又一啖，真係唔使諗減肥。其實餐廳本身都提供熱食，見到其他枱d 野食碟碟都大大份，美式得好緊要，可以多人share 野食。下次真係要約多d 人食餐勁！

等左成個半鐘，7點等到8點半都未有得食，7點等個陣又話8點有，之後又話要我等多30至45分鐘，又無得book枱，嘥我時間，等勁耐搞到我勁肚餓，呢間鋪真係No next time🤬🤬 店員服務態度都好差，講到好似個個都要等咁耐咁先入得

如果嚟呢間餐廳緊記一樣嘢記住要食飽先黎，我哋一行六人，晚上7:00嚟到當時經理同我哋講話八點前會有枱同埋提醒我哋八點前過嚟睇一睇因為可能早啲會有位8:00嚟到叫我哋等多九個字都係冇位未食已經一肚氣

開咗咁耐，終於第一次來了，講出來都被朋友話🥲 無計，晚市到依家咁耐都係排長龍，但今日午市仲有得訂枱添，so lucky ☺️American style restaurant, 大大碟，唔怕食唔飽。係要控制唔好點太多就真，唔係食到撐，最後食唔到蛋糕🍰🍰🤣Lunch Menu有唔同種類的菜式俾你揀，由輕盈沙津🥗 (雖然都係大大碟😜) 至意粉🍝到肉類🥩🍖都有🤤🤤🤤 實有款啱你！每個餐包一杯飲品/湯/沙律。我哋揀了湯🥣 應該係忌廉蘑菇雞湯。睇樣已覺creamy🤤 濃濃的忌廉係比較重口味，但出奇地又不太膩喎🤩 只聞到香噴噴，而且勁多料。飲完食完其實已經有D頂肚🤣茜拉雞肉牛油果沙律🐔🥑🥗 $182Sheila’s Chicken and Avocado Salad牛油果控又控制不了😆 見到三個字超開心。好大份，有腰果仲有好多脆脆，個醬都好好食呢😋 達文西長通粉 $160 Pasta Da Vichi 見個名咁特別就試下佢😝 有菇有雞肉，長通粉係煮得較為硬身的，但我鐘意😚 個汁好得意，甜甜的，又幾好食🥶炸魚薯條 🐟🍟 $162Fish and Chips 美國野就一於試下個famous dish~

朋友大推佢哋嘅人氣芝士蛋糕!不過今次無緣一試🫠因為叫咗兩樣嘢加一杯<<Tropical Smoothie>>($79)已經好飽!!!叫呢杯熱情果沙冰係諗住佢會酸酸哋~中和吓芝士嘅膩滯! 點知佢都幾甜😳交俾嗜甜嘅男朋友解決💁🏻‍♀️<<Quesadilla with Chicken>>($140)我話佢好食過Outback嗰個好多…男朋友即刻話「完全冇得比」⚠️夾餅軟硬度適中，咬落唔會過硬👍🏻如果再香脆啲就💯入面嘅熱融芝士份量亦都恰好~足夠黏住入面嘅雞肉同酸瓜!其實就咁食已經好好味~但唔想嘥咗隔離三大球醬料🫡加少少salsa, 牛油果醬同埋sour cream…口味就更有層次更豐富🙌🏻———————————Openrice啲食評力讚嘅蝴蝶粉，我都嗌咗個呀🤩🤩🤩<<Farfalle with Chicken and Roasted Garlic>>($196) 真係好大碟!!但我冇驚呀😏因為我勁鍾意食farfalle🤗蝴蝶形狀嘅pasta，兩邊凹陷位窩藏咗濃厚蒜香味嘅芝士白汁🤤唔使用匙羹連汁食，用叉

依間餐廳都食過好多次碟碟都大份基本上一碗意粉依d 一個人係食唔晒所以最好就多人食會好啲 可以share最鍾意食佢嗰個雞扒蝴蝶粉不過今次嗰啲醬汁就唔係好夠變到好乾身同埋佢嗰個cake係勁大嚿最鍾意食Godiva味

啱啱開店既時候已經去過幾次，呢次終於記得影低。這間餐廳有舊式美國餐廳既氣氛，有別於新式打卡餐廳。食物方面如果喜歡意粉係多汁重奶油既，咁呢間適合你，份量亦相當大，個人最喜歡既係意粉，試過其他菜式都係好食。但可惜牛肉味道稍微淡左啲，但熟既程度是可以的，芝士通心粉雖簡單但味道絕對唔馬虎。講番佢哋出名既芝士蛋糕，最喜歡都係Godiva，味道係我試過比較冇咁甜。試過其他幾款，真係甜到吃幾啖已經好夠好膩，不過個人唔太好食咁甜，喜歡好甜既朋友不妨一試。

今日來個美式午餐。LuLu 沙律，呢個超好吃～幾層脆脆的雲吞皮，夾著沙律菜，雞肉。Salad Dressing 酸酸甜甜，非常開胃😍！芝士波菜拼墨西哥粟米片，芝士波菜 super creamy，原來配粟米片係非常夾的，吃的時候還暖暖❤️要讚一下粟米片加左少少調味，呢d係細心位👍👍意大利手工薄餅，熱既時候好味～但放凍了就稍微太硬。還是襯熱食好多了！整體來說，非常滿意，地方舒服，食物美味！就是份量大，肚子小🤣🤣 cheese cake 要留下次了！

很傳統的美國餐廳 充滿北美風情 燈光暗 餐廳面積很大 最重要是食物份量也大 適合一大班朋友歡聚今天4大1小 一坐下就送上牛油和麵包 甜鹹各2份 熱熱的 外脆內軟除去餐前麵包不計 點了5款食物加1款甜品 送上來時令我大吃一驚 實在太大份了 芝樂坊粟米片 看圖片 大家幻想一下 一隻白色的橢圓形碟 直徑有45公分 鋪滿了一片片的粟米片中間有芝士醬 上有三款不同的醬料 很香脆 好味巴馬臣芝士蒜蓉包 新鮮出爐 內有拉絲芝士 配上獨特的蒜蓉醬及香茄醬 口感一流香辣路易斯安娜雞肉意粉，炸得很薄的雞肉 看以為是豬扒 醬汁惹味 意粉軟硬度適中墨西哥北部辣鷄肉夾餅 外型漂亮兩旁伴上黑豆醬及小量炒飯 很吸引細細粒卡真辣雞肉配飯 可能吃到這時已經很飽 感覺很普通 雖然飽 但是也忍不住叫了一個星期日專有的甜品 甜圈班戟 份量依然是頗大 圓形直徑是20公分 鬆化香口 值得一試雖然有很多款芝士蛋糕 但吃不下了 還打包了三大盒走呢強烈建議大家如果要去吃的話 至少要有四人以上 才可以試多啲款式

之前食過幾次Cheesecake Factory,都覺得唔錯，鹹點抵食夾大份，甜品又吸引，所以同朋友行行下街揾野食，我就提議黎呢度。6點未夠，唔使排隊，可以直入。一坐低就有餐包上枱，有兩三款包，包軟熟，都唔錯。跟住叫左個蟹肉餅，碟大但份量少，而且蟹肉較鬆散。最估唔到嘅係叫左個炸雞菠蘿蝦飯，完全同想像唔同。一上枱，朋友同我都相對無言，呢個似西式咕嚕肉飯，所謂炸雞竟然唔夠脆，蝦肉細少，重點係個汁太酸了，估唔到係咁嘅味道。跟住諗住揀甜品，點知選擇少，只係得三款蛋糕，味道樣子都揀唔落手，最後無食甜品，真係估唔到食物差左，我地都大失所望。

我帶朋友去吃，兩個人叫左幾道菜，吃唔哂，碟碟都好有份量，味道未算最頂級，但值得一試，價錢當然偏貴啦！不過係尖沙咀應該算普通價，如有預算限制就唔建議吃！芝士蛋糕值得試，不過會偏甜！

平日下午嚟食，都等咗半個鐘，入面都幾大幾多座位。menu就全日都一樣，會有麵包送上。麵包有2款，一個多啲麥喺面頭，濃啲，另一個就冇，2款都好好食，熱辣辣好軟熟，配埋牛油好食。今次食卡邦尼意粉配雞肉唔係平時食嗰種一片白色汁好多芝士粉同火腿係配煙肉、青豆、蒜香巴馬臣芝士忌廉汁唔算勁多汁，但幾好食好多青豆，由於本人本身鍾意食青豆所以冇問題佢有得揀配唔配雞肉，唔配平啲雞肉係雞胸肉，少少鞋但都ok，同埋都好多雞肉第一次試burger美式芝士漢堡睇落同平時burger店食啲size差唔多，但好足料，食半個都好飽個牛肉好香好濃牛味薯條好香脆一如以往都係多到食唔晒，第一次嚟唔知道，一人一個主菜再叫小食，點知個小食超大碟。今次每人叫一個主菜，估唔到都食唔晒，打包左少少意粉同薯條。

其實本人係第一個光顧佢哋香港店嘅顧客, grand opening當日第一個排隊 (所以我有一個迷你芝士蛋糕磁石作為紀念品🤗) 只係一直都未幫佢哋寫食評記得最初光顧cheesecake factory係喺三藩市Union Square對面Macy’s百貨頂樓 要排成個鐘先食到 但一食之下驚為天人 相對嚟講個人較喜歡CF多過Lady M, 芝士綿密口感更勝千層蛋糕早陣子疫情嚴峻之時曾經閉店 曾經擔心香港店會從此關閉 但今日再去到訪就覺得擔心係多餘😂 未開舖已經有好多人排隊 證明佢哋喺香港都仲係受歡迎嘅當然佢哋有主食例如seafood, steak, pasta等等, 份量頗多選擇亦不少 但對於我嚟講焦點依然係cheesecake, 所以其他食物就暫時不論單計cheesecake佢哋已經有27款選擇 而最受歡迎亦都係個人大愛嘅係原味同紅絲絨蛋糕原味蛋糕可以加士多啤梨同忌廉 令到層次口感更為豐富 至於red velvet就差不多等於每次嘅指定項目 表面塗上糖漿 味道偏甜 中層係芝士蛋糕 而中間夾雜住紅絲絨 然後再加上旁邊嘅忌廉令其更綿滑 如果唔係大愛甜品的話未必可以一個人食哂🤣如果想當正餐去

同男朋友去尖沙咀就好鍾意黎食😍，雖然食物小貴，但因為我係芝士蛋糕控，食物夠晒大份之餘，位置闊落坐得都好舒服，好適合大食情侶👩‍❤️‍👨或朋友聚餐，可以慢慢坐😬👍🏻菜式種類真係好多，Menu好大本，黎之前睇定或者排隊嘅時候諗定，入座就可以叫，可以慳返好多時間🤣🤣******************************✨送餐包🥖可以免費refill❗️啡色的黑糖包比白色的好吃，配埋🧈牛油真係好正，但唔好食咁多啊！要留肚比主菜同甜品🤭✨香脆雞肉蝦配菠蘿🍍🍤🍚 $158CRISPY PINEAPPLE CHICKEN AND SHRIMP甜辣醬炸雞肉同炸蝦、配埋新鮮菠蘿可以解膩，仲有荷蘭豆同蘑菇洋蔥，仲有大大個白飯，一定夠飽肚！✨煙熏B.B.Q.漢堡🍔🍟 $168SMOKEHOUSE B.B.Q. BURGER漢堡配有煙肉、車打芝士、炸洋蔥絲燒烤醬加落漢堡好惹味，我鍾意薯條多到要打包😂不過粗薯條都幾好食，好飽肚✨士力架朱古力焦糖芝士蛋糕🍫🍰 $84CHOCOLATE CARAMELICIOUS CHEESECAKE MADE WITH SNICKERS®士力架芝士蛋糕，有焦糖、花生同大大舊cr