芋圓一

營業中

休息中

叫左多芒小丸子，芒果甘露芋圓，傳統仙草芋圓同芒果棉棉冰唔係講笑，真係唔會再黎🫠🫠🫠見到咁多個好評就諗住試下啦，但啲芒果汁勁稀，芋圓又無口感，啲珍珠都係硬既，平時好鍾意食清心丸，但呢度真係整得好淋😰😰 棉花冰質感ok, 但真係太甜🥲🥲🥲明明係芒果當造，點解芒果果肉都可以唔好食架🥲🥲 唯一好味係仙草，都幾滑口🥲非常失望兼嘥quota 🥲🥲不會有下次🥲🥲叫左糯米糍但無黎（好彩無黎），埋單仲要每人$70🥲🥲救命

幫襯過好多次，但最近質素真係越嚟越差🥲由開頭覺得好好食，咸甜食品都嗌過哂到依家次次嗌都一定有一樣係失水準…之前試過糖水落漏配料😕芒果甘露嘅芒果汁變味🙁今次係糯米糍出水🫠個皮好厚，芒果唔新鮮次次食完飯想嗌個糖水食都第一時間諗起芋圓一，到後期嗌都要諗下有啲咩款式係無咁易中伏🤦🏻‍♀️Keep住有甩漏都一直幫襯，食埋今次真係唔會再嘥錢比機會試了。有反映過問題但都無改善，感覺店主都不愁無客幫襯。

食完前少少的巴依，覺得好失望，諗住食甜品開心返，點知一浪接一浪🫠經過見幾吸引，睇完OpenRice有咁多好評，應該冇伏啦，最後都係搞唔掂🤦🏻‍♀️後來得知佢係一間黃店💛所以受歡迎，但以糖水舖黎講都幾差下🙁樓上的壁畫係全人手畫嘅，呢點值得欣賞～餐廳亦有條rule，自行收拾餐具可免加一（乜糖水舖要加一架咩😅坐低見到張枱係污糟嘅，第一印象已經麻麻。樓下負責煮嘅係一名非華裔，好似車仔麵夾餸咁一格格配搭，有啲求其。多芒小丸子 $45唔夠凍㗎‼️好似擺咗好耐嘅糖水咁，個底係芒果漿，杰撻撻。小丸子叫做好食啲，煙煙韌韌有咬口。芋香仙草芋圓 $40又係唔夠凍嘅，加上冇乜芋頭味☹️芒果綿花冰 $68呢個相對好食得多，但份量偏細，而且溶得快。芒果香甜，冰底都好綿好好食，我估落咗糖漿一齊打，所以特別甜。

西環水街這間台式仙草芋圓甜品店一向小有名氣，街坊小店以質素見稱，近期悶熱又潮濕的天氣下，最適合來個消暑又透心涼的仙草甜品，趕走熱氣。芋香仙草芋圓 Taro Flavour Grass Jelly Taro Ball $40外賣杯看似容量不多，但實際上份量十足。主角仙草的口感比想像中嫩滑順口，味道沒有涼粉的苦澀味，而是淡淡的甘甜味。芋圓、蕃薯圓和紫薯圓都是每天新鮮自家製作，還有薏米、珍珠、大大粒白玉和台式粉粿等其他豐富配料，整體煙韌度完美，甜度也恰到好處。芋香仙草芋圓與傳統仙草芋圓一樣價錢，但多了一大佗綿滑少甜的芋泥，有Bonus的感覺，與仙草均勻地拌在一起吃，是昇華的邪惡享受啊！

堂食座位需沿樓梯上閣樓🦦🦥，樓梯兩旁都畫滿黑白壁畫，卡通可愛得嚟又帶點特色~枱上有QR code落單，最低消費人均一碗，大概都係$4x至$5x一碗，唔會太大負擔芋圓係自家製嘅，所以真係食到原材料嘅味🤭可以order多汁/少汁，個設計幾體貼我揀咗桂花蜜嗰碗，有薏米、仙草、台式粉粿等等。成個配搭都係清清唔爽爽，好適合夏天涼浸浸感嘆返一碗🩵🩵嗰晚堂食發現得兩位店員經營小店， 去食記得執好張枱，唔好留低啲手尾要店員執🫡

2020年去過當時喺大角咀度食，份量大到印象深刻，而且好食，價錢又唔貴！之後結業，以為冇得再食，而家喺西營盤重開喇，太好！！😍新店位於西營盤水街，堂食座位喺樓上閣樓，裝潢簡簡單單，坐得舒服，店員態度有禮；叫咗「傳統仙草芋圓」($40) ，一如既往好大碗😆👍🏻有仙草、芋圓、珍珠、紅豆、白玉、薏米，味道保持水準，全部材料煮得熟透，時間拿捏好，甜度適中，唔會死甜或冇味，芋圓Q彈煙靭，好味好滿意🤝🏻

天氣開始好熱🌞，今日晏晝去咗西營盤呢間「芋圓一」嘅舖頭食個糖水下午茶。我同男朋友叫咗一個傳統仙草芋圓、炸燒賣同埋一樽桂花烏龍冷泡茶。傳統仙草芋圓入邊有好多樣材料，好豐富，包括有紅豆、薏米、珍珠、芋圓、仙草等等。每樣野嘅質素都唔錯，特別係啲芋圓好香好煙韌，仙草凍凍地咁好消暑。而炸燒賣都幾好味，炸得幾好香口。而桂花烏龍冷泡茶就冇咩特別🙈呢間舖頭嘅位置喺內街入邊，比較上難搵；但如果有機會去開個邊值得去呢間舖頭試吓👍🏻

日喺西營盤食完嘢之後，同男朋友去咗食甜品，揀咗一間近香港大學、水街嘅甜品舖，佢有上下兩層， 2樓有好多座位，坐得好舒服～黃店！我哋每人叫咗一碗，佢就食咗呢度嘅招牌甜品，我就揀咗啲滋潤補品😂（凍呀嘛）結果係大力推介招牌果碗，超好食😂 我食埋佢果碗～🎉 芋香仙草芋圓外貌勁吸引，芋泥同成碗都好夾，勁Creamy，原來係唔同嘅口感！唔會太甜，亦都好多配料，所以每一啖都好好味～ 難怪係招牌！入面有仙草、薏米、芋圓、珍珠～芋圓又有蕃薯、紫薯、芋頭，好多款一粒粒排晒喺度！❤️‍🔥 桂圓紅棗清心丸芋圓加湯丸份量好足，桂圓紅棗感覺好舒服滋陰😂清心丸同芋圓都煮得剛剛好，煙煙韌韌！芋圓好出色，每隻色都食到佢分別嘅味道，我就最中意芋頭味！總括嚟講，非常溫馨嘅小店，好食～推介！

難得去西營盤，食完飯經過見到有一間專賣芋圓嘅甜品舖，作為芋圓控的Fatbrown 點可以錯過鋪頭嘅店面唔算大，大概有10幾個位，堂食嘅客人唔算好多，多數嘅人都會買外賣芒果小丸子芒果沙冰做底，非常之濃郁嘅芒果汁，懷念以前許留山嘅味道小丸子非常軟Q，一碗仲有成五粒，手撈埋芒果汁食， 朔晒陣味仲正4.3牛乳燉桃膠芋圓4.3特濃牛乳有着香醇嘅牛奶味，一定要熱食會更加正桃膠對女仔好滋補，配牛奶食好香醇，另外加咗兩粒芝麻湯圓，咬落去仲要係留心㗎

主打芋圓、仙草的台式古早味甜品。芋圓一之前喺大角咀都有食開，今日食完晚餐路過，正好嘗嘗😻💕傳統仙草芋圓$40有好多配料，乜嘢都有🤭，冰冰爽爽，仙草味濃，入口就被驚艷到！食完一碗都覺得夠飽！😻4.3牛乳桃膠芋圓 $47喜歡桃膠和芋圓，桃膠很細膩，芋圓軟粘粘的，很新鮮的口感，配上牛乳，也沒有很甜，搭配得很好吃～一人份是剛好的。椰汁海底燕窩芋圓$42以椰汁為主要原料，配有珊瑚草，又稱海底燕窩，營養美味又美容☺️好鍾意舖頭入邊的裝飾擺設，尤其是係壁畫😜

📍芋圓一西環西營盤水街27號地舖Bookmark咗呢間好耐，今日放假去試吓！佢哋開3點，所以我食完lunch再去，好後悔一人嗌咗一碗，因為份量真係好大！1️⃣傳統仙草芋圓 $40｜我鍾意黑糖水，所以就嗌咗傳統仙草芋圓。配料有三色芋圓、仙草、珍珠、薏米、台式粉粿、小丸子。整體味道唔錯，佢唔係冰底，所以食到最尾都冇變淡。仙草口感一啲都唔厚重；台式粉粿比起鮮芋仙好食太多，口感似蕨餅，好軟糯，好驚喜！三色芋圓反而係比較失望，食唔出三色嘅分別，同埋唔夠軟糯，比較有咬口，會有啲哽胃。2️⃣芋香仙草芋圓 $40｜好有芋香味 3️⃣椰汁海燕窩芋圓 $42｜燕窩好爽口，椰汁味重。4️⃣手工大芒果糯米糍 $40/2件｜糯米糍塊皮軟糯！芒果新鮮！滿$120有9折，收八達通

在西營盤這個地區，有一家名為「芋圓一」的甜品店，除了主打的芋圓之外，還提供了一系列的經典甜品，讓人回味無窮。這裡的環境十分舒適，氛圍也很輕鬆，很適合和朋友來一起品嚐甜點。首先是店家的招牌甜品之一，「芋香仙草芋圓」。這道甜品的芋圓非常有嚼勁，甜度也十分恰到好處，搭配上一旁清新的仙草，口感更是一流。而且，這裡的芋圓不會有那種過度黏稠的感覺，真的是非常好吃。另一道點的甜品是「桂圓紅棗清心丸芋圓」，這裡的桂圓和紅棗都非常新鮮，芋圓也是Q彈十足，吃起來很爽口，是另一道讓人印象深刻的甜點。除了甜品，這裡的小食也十分美味。我們點了店家的招牌小食「椒鹽燒賣」，外層的皮煎得非常酥脆，裡面的肉汁也很足，口感非常好。總體來說，這裡的甜點味道都很不錯，而且份量也十分足夠。店員的服務態度也十分友好，讓人感到舒適自在。如果你也是一個愛吃甜點的人，不妨來「芋圓一」一遊，一定不會失望

難得自己去接放學等個女期間、搵甜品食下開心大發現！！！原來呢間響九龍開過黎好出名的網民話好好食即刻衝去試啦呢期好 craving 芋圓同涼粉（其實仙草同涼粉係咪同一樣野？🤣）每一款都想試呀先試芋香仙草芋圓加（$8）雪燕勁多料，三色芋圓、仙草、薏米、珍珠煙煙韌韌勁好食唔會太甜好足料嘅原固食完真係會好飽啊但我無食 lunch😏所以仲有 quota 食食食見網民推薦炸物順便叫埋炸花枝丸新鮮炸起、有花枝粒粒仲叫左支冷泡桂花烏龍近近地要黎多幾次試晒每一款

前排同朋友黎到西環的「芋圓一」食甜品😋😋小店主打手工芋圓甜品，有多款口味可以揀～而招牌芋圓仲係由店主每日新鮮製作！！之前大角咀店已好受歡迎，而家轉喺西環開店都keep到有水準呢👍🏻👍🏻🥣傳統仙草芋圓 $40✨賣相豐富！包括有三色芋圓、黑糖珍珠、仙草、紅豆、薏米、小丸子等～～芋圓、珍珠口感煙韌，仙草入口滑捋捋！配上香甜紅豆🫘同黑糖汁，味道好豐富🤤🤤🥭手工芒果糯米糍 $40✨糯米糍大大舊，外皮Q彈軟糯！！裡面包住香甜芒果肉🥭，酸酸甜甜好好食❤️❤️🍹白桃烏龍茶 $18✨另外仲試左佢地的冷泡茶～～烏龍茶茶味清香，帶淡淡蜜桃的甜味🍑！飲完好解渴🌿🌿

今日食完飯經過終於可以入去試下 聞名好耐 因為黎左西環開店叫左一碗係經典芋圓（$40）+愛文芒果芋圓（$50）黎到勁大碗 仲好足料絕對對得住價錢🤭芋圓細心咀嚼 會食得出蕃薯芋頭香有咬口 唔會太淋而愛文芒果果碗都幾有驚喜芒果首先夠甜係好重要都多果肉 唔錯👍🏻 呢間可以encore