良記

營業中

休息中

由小學生5蚊開始食呢間野，依家20幾年後唔係住寶琳黎親將軍澳都必定會買既煎餃，味道同老闆兩公婆都一樣無變過，每次黎都會回憶番細個成日黎食再上去補習，希望呢間野一直都係到

小店係慧安園商場地下嘅一個角落位，一對 uncle auntie 打理，uncle 負責煮，auntie 負責包。招牌煎餃（$19）有五隻，十分熱辣辣。餃子皮厚薄適中，但咬落好有彈性，好有𡁻頭。餡料蔬菜滿滿，沒有肉末，所以口感十分清爽，味道好有家庭 feel。收現金及支付寶。我用支付寶俾錢，問 auntie 收唔收到，佢即刻望吓隻智能手錶話收到了，仲潮過我（汗）。

充滿人情味嘅街坊餃子小店皮薄餡靚 無論任何時間都排長龍價錢平到冇人信餃子皮係精髓，超級煙靭粒粒都大大粒脹卜卜燒賣亦都都係好好食另外豬油渣粉仔都好出色到將軍澳嘅話一定要去試支持小店

今日去咗將軍澳專程揸車去好有名嘅良記小食煎餃子，真系好好味，唔會太大嚿，非常脆口，熱辣辣嘅，加埋去嗰個味道桂林辣椒醬嘅辣椒油，超級好味，食完一次8只 再買多一次8只，去開將軍澳嘅朋友可以去試下呀

細細個就食呢間街坊煎餃，次次都見到老闆同老闆娘分工合作，話唔多，密密包，密密煎🥰.佢哋嘅煎餃係親手製作，內餡有韮菜、甘荀，相信仲有少少沙葛，菜多肉少，對我嚟講係啱啱好嘅比例😁.煎餃個皮尤其出色，煎到有脆邊，但中間keep到果種煙韌，再加埋豉油同辣油，好香口，真係好好食！.曾經嘗試自己包餡整😂都整唔到咁好食，唯有繼續乖乖幫襯。雖然加咗價，但都好值得食，絕對稱得上係將軍澳名物，我個人覺得係世一煎餃❗️推介大家去試👍🏻👍🏻

食咗20幾年 。呢間餃子屹立不倒。 每次有朋友一去到慧安園一定介紹呢間俾佢食。 從來冇聽過人哋話唔好食。 不過真係價錢一年貴過一年，加咗好多，以前10幾蚊有11隻，而家已經去到差唔多四十幾。 但係真係本地特色手工嘢食唔多，無論幾貴都好都要支持吓重點係真係好好味 。店外仲可以望到姨姨真係每隻好俾心機咁樣包，好多時條隊都好長，記得預留返少少時間。記得要食嘅時候最好就可以買多幾隻，因為真係少少會唔夠喉。要嚟食嘅朋友記得要嗌多豉油啦 。

今日行過，見到個排隊龍都長過我期盼既假期，但係都忍唔住加入戰局！今次點咗招牌煎餃，出爐時熱辣辣，香氣撲鼻👃！煎餃尼個黃澄澄嘅外表令個人心思思，煎得啱啱好，底脆皮薄，啖啖肉感一流，咬落去嘅口感真係得嚟脆嚟彈牙💥！個醬汁配搭佢地手藝既調調，甜鼓油嘅香甜同細膩嘅辣油勁夾，食落去就是一個字——正！加埋老板娘手速快過閃電，包餃嘅手藝簡直就係藝術，每隻餃子都充滿咗家庭溫暖嘅feel，真係喊都喊得出嚟。裡面嘅餡料滿滿嘅韮菜蘿蔔，輕輕咬下就爆汁，每啖都食到蔬菜嘅新鮮同肉嘅鮮美，一啲都唔會油膩，反而越食越開胃😋。班友，你哋有冇試過食完一家店之後，行到半路，心底裡嗰把火又點起嚟？我而家就係咁！式樣簡單、味道層次感一流嘅煎餃，想唔掛住都難。下次經過，我知道我又會投入呢個排隊人海啦，等住再次品嚐到噴香嘅好滋味！🥟🌶👍

⭐️ 五隻招牌煎餃 $18即叫即煎嘅韭菜餃。拎完即刻食，新鮮熱辣嘅口感😗😗。外皮酥脆得嚟，真係好好食。餡料入邊包咗韭菜、蘿蔔、白蘿蔔，加埋馬蹄粒同蘿蔔絲，好多層次嘅味道👀👀。一口咬落去，好豐富，好有咬口👍🏻👍🏻。見到呢間街坊小店，即叫即煎，自家包製嘅韭菜餃，超豐盛啊🤤🤤！真係有種人情味。而且價錢都好抵食😎😎，餃子邊邊食落去都可以感受到佢嘅脆香。再加上佢嘅辣椒油同埋豉油😆😆，就更加增添咗味道，真係吸引。📍良記 LeungKee將軍澳毓雅里9號慧安商場地下A117號Shop A117, G/F, Well On Shopping Arcade, 9 Yuk Nga Ln, Tseung Kwan O港鐵寶琳站 A1 出口, 步行約7分鐘

慧安園名物，10多年來屹立不倒；這家餃子店的煎韮菜餃真是讓令回味無窮。餃子的外皮金黃酥脆，咬落去瞬間juicy鮮味爆發，雖然沒有太多肉，以蘿蔔絲、韮菜、再加入咗馬蹄粒，食落清甜爽脆！口感正正子！每一口都帶給我濃濃的中學回憶！去開慧安園必食之選！（要留意開門時間）

之前睇網上介紹，所以第一次幫襯，只有外賣無堂食的小店，值得支持🙌餃子餡料足料， 咬有爽爽地嘅感覺好似係沙葛，一定要落辣椒油先夠惹味😋唯一希望老闆可以改用其他紙盒質料外賣盒，因為餃子即叫即煎，煎餃子好新鮮熱辣，令到外賣發泡膠盒底部有點溶😥😥這樣始終會產生有害化學物質，所以亦建議自備外賣盒去幫襯

呢間餃子店真係由中學食到依家，食左十幾年了可能係全香港最好食最有人情味既煎餃子每次黎買餃子老闆同老闆娘都會好熱情地招呼所有客人上次過黎想食餃子既時候竟然無開🙁🙁🙁🙁所以隔左兩日我就專登再去買餃子食啦招牌煎餃 （hkd33 / 10 pcs）雖然入面既餡料係齋比肉多好多倍，但係個味道真係超級好食！！！尤其是d 餃子係老闆娘一路包 老闆一路煎黎賣，所以d 餃子一直keep 住熱辣辣新鮮煎出黎！一定要加辣椒油！加左更添惹味同風味！

🥟煎餃慧安園名物🤩已經食過幾次都會再食☺️餃子即叫即檀，都係由婆婆伯伯兩個人自家經營，平時都超多街坊排隊...新鮮煎餃，熱辣辣上碟，外皮又薄又脆；雖然餡料無任何肉類，只包咗蘿蔔絲、韮菜、及馬蹄粒等，整體都好豐富，有咬口😋

超高人氣煎餃店( ̀⌄ ́)我是幫襯了10多年嘅小fans店舖由一對夫婦打理公公負責煎餃 婆婆負責包餃子每日都會見到婆婆喺旁邊現包餃子非常新鮮(*¯︶¯*)必食🔸煎餃子 $33/10隻即叫即煎 金黃酥脆 熱辣辣內有韭菜 蘿蔔 白蘿蔔清甜爽口好好吃的菜餃(˶‾᷄ ⁻̫ ‾᷅˵)多年前已經非常多客現時疫情都多客人 每次都要排一陣隊的( ̀⌄ ́)買生餃自己返屋企煎都係不錯的選擇我都買了20隻回家煎( ̀⌄ ́)會用發泡膠盒每十隻分裝唔會黏在一起 好貼心店主都非常友善有人情味(⁎⁍̴̛ᴗ⁍̴̛⁎)煎餃真的好好食( ̀⌄ ́)！

慧安園有一間隱世餃子店，呀Ju中學時期就一直吃到現在，一直屹立不倒當然是有原因。每天新鮮手包的餃子🥟配料有點像平時酒樓吃的粉果內餡，韭菜、紅蘿蔔、沙葛、洋蔥等等超多餡料…聽講店家使用比例是9份菜對1份肉，綠色健康少油少鹽，煎餃子多數是即叫即煎，而蒸餃子則需要等，所以很多客人會預先致電店家留貨。煎餃子($16/5隻，$31/10隻)，蒸餃子($15/5隻，$30/10隻)，生餃($29/10隻)。

將軍澳唔止商場既,仲有好多街坊小店今次係地膽帶路,行左去慧安商場,係一種比較舊式既商場入面有好多小店,其中一間專賣餃子既非常出名最出名當然就係佢既蔬菜餃子,9分蔬菜1分肉,食落好清爽,加埋特製辣油香辣滋味又唔會蓋過蔬菜餃餡既甜味每日新鮮製造,手工餃子,限量發售,高峰期一日賣上千隻少油少鹽,健康美味,係老闆既拿手出品好多時都係即點即煎,餃子皮薄足料,每隻煎得香脆煙韌不易爛係非常有水準既餃子專門店仲有豬油渣粉仔一樣咁出色,粉仔軟滑掛湯,配料有花生蔥花同脆豬油渣,口感豐富將軍澳毓雅里9號慧安商場地下A117號評價7/10平均消費$20