良日雞蛋糕專門店 (已結業)

之前見佢新開就試吓, 門面用木系整得幾靚。食過兩次, 一次原味一次香蕉朱古力,可以即時要熱爐個d, 但我就嗌咗即叫即整要等一陣, 覺得新鮮熱辣辣會好食d。原味入面隻蛋有流心, 個人覺得啱早餐食。 香蕉朱古力就幾重朱古力味, 有流漿, 加香蕉食落唔太漏, 個皮甜甜地幾香。個樣同韓國雞蛋糕有啲唔同, 老闆話係台灣夜市風格嚟。香蕉朱冇影相。目測見其他人買芋泥麻糬比較多。見佢menu仲有雞蛋仔雞翼小食之類, 下次放工肚餓都會再試吓, 不過我覺得雞蛋糕口味可以再多d choice。