話說某日獨自係屯門區探險時行到盈豐附近，醒起以前做census個陣有間野做外賣又平又好味，所以好想再去試試睇下水準仲keep唔keep到，所以就去試試。去到點左當年最鍾意食既焗豬扒飯，水準依舊保持，豬扒多肉而鬆化，骨頭唔大好易就可以分到出黎，個飯底亦都好有心思，係真係炒飯底，而唔係出面食個D冇heart蛋撈飯，因為個D蛋撈飯係好削好水，但呢度個飯底真係炒，所以每粒飯都好分明，而且好香口，所以特意推介俾眾兄弟。不過，係質素冇退步過既同時，價錢同一時間大躍進，個飯已經要賣差唔多四十蚊了，唔再係好似以前做外賣咁廿五蚊包野飲。只能蓋嘆物價不斷上漲之禍矣。…查看更多
